今日同姊妹行東廣場！ 正值下午茶時間！ 碰巧遇上花園餐廳！ 這餐廳可算傳統的港式牛扒餐廳！ 它下午茶的定價都十分經濟實惠！ 不論是牛扒、豬扒、湯粉麵飯！ 一律賣四十多元一份，不加一 以今時今日的香港物價指數！ 是叫做超低價啦⋯⋯ 來到當然要据下扒啦！ 但是日又想吃飯！ 要了個西冷牛扒飯配黑椒汁！ 餐飲熱好立克！ 這裡的效率也真高！ 好立克及飯也差不多時候上檯！ 其實食過幾次！ 呢度牛扒無用粉醃過 牛扒唔算好靱，有些肉味！ 唔蘸汁都很入味！ 黑椒汁香，少少微辣撈飯惹味... 飯除了夠熱沒有什麼可以寫！ 餐的好立克一般水準 埋單每人$47 午市包餐湯要$78 下午茶就算加個湯都係$10 咁計都比午餐便宜$21元

口痕痕，又未食午餐突然想起漢堡， 黎mos burger 就真係無得輸 今天叫烤牛肉漢堡加芝士 沙律同可樂 等五分鐘専人送到 的確夠新鮮，非常熱，熱得燙手 所以最好不過先吃沙律， 用餐前先吃蔬菜是最健康的。 跟餐附有一包份量不少的沙律醬。 自行調配醬汁的份量 沙律菜是新鮮番茄、粟米、 生菜的組合，配上酸甜的沙律汁， 也不錯呢。 漢堡當中除了牛肉、芝士外， 也夾上番茄片、生菜，洋蔥碎 麵包同樣烘熱了， 吃一個熱包作午餐就剛剛好. 雖然只是平凡食材， 但新鮮熱辣即叫即製的食物 始終好吃一點!!

午餐旺角揾食， 見到門外可以停到車！ 就泊低架車入去食過快既午餐 店内空間不算太大，主要以細檯為主！ 但茶餐廳食物才是重點吧！ 叫了個凍咖啡同咸魚雞粒炒飯！ 凍咖啡先上，叫少甜做得到... 啡味濃，可惜唔夠凍要店員加多少少 而咸魚雞粒炒飯都炒得唔錯, 雞粒同咸魚既比例岩岩好唔會太多雞或太多魚 炒飯鑊氣十足，有咸香，雞絲亦不會炒到太乾！ 份量好似少咗D 但是以茶餐廳嚟講，佢做到左快靚正既重點， 重要好食，埋單唔駛五十有找可以再幫襯

口嚨不適，出現咳嗽! 正想飲些滋潤湯水，調節吓! 行完波斯富街剛剛路經這間不起眼的餐廳， 被個燉湯招牌吸引了視線 便入去看看有咩好嘢食。 餐廳主打各式燉湯，蛇𡙡，燒味飯 叫了個忘記了全名 大概是准山忌子竹C雞！ 落單不過五分鐘就送到... 燉湯size也適中，個湯燉得好甜！ 好清好好飲! 飲得出係無落味精或落得極少， 而且好足料好足料!!藥材味濃， 淨係個湯渣都已經好夠食!!! 點了碗切雞燒鴨飯，飯同餸既份量比一般燒味店多 雞肉雖然是雞胸，但雞件還是滑的！ 另外成排鴨翻開後發現只有超薄皮夾肥膏 同骨寶全無肉，仲好鞋 不過都油香氣四溢 總結水準不是很特出，但非常滿足啊

早上接近十一點,在官塘未食早餐 找些食物醫肚, 早幾天見到這裡有間新開粉麵店 就行多兩步,專程到此... 進入店內﹐店員示意入內坐。 坐低十點九,問阿姐有清湯腩否, 師父回答有,當然叫此馳名貨: 清湯腩河未食腩先試湯 - 湯底清清﹐不會像其他粉麵店般的鹹而蓋過牛腩本身的味道。 再食清湯腩 - 腩肉99%瘦, 食落爽又淋,越食越香, 河粉滑配合湯夠濃真的不錯 雖然瘦肉多 其實都無甚事物可挑剔, 食完回味,唯一可挑剔的是 辣椒油不夠辣而已! 不錯　價錢ok　 估唔到官塘0甘多好味的食檔

依間已食過好幾次! 今次可以寫一寫食評 服務 禮貌真唔錯, 侍應好NICE, 叫人一叫即有人來, 加湯收碟即叫即來... 今晚是我介紹朋友來食 晚上八點幾到達 2人所以選1個雞鍋.鍋裡面d雞唔少, 肉質非常嫩滑，辣既味道完全同雞溶為1體,夠晒入味!! 仲有好多洋蔥同蒜，一個字~掂 ！ 不過有個美中不足既地方係, 加左湯之後,味道會變淡囉 所以建議每次加湯逐漸加少少... 否則湯底會太淡 火鍋配料中，牛極力推介，品質不俗，肉味較濃 大愛也，但不能淥太耐，怕會韌，一碟都有D唔夠喉! 響鈴打邊爐之前先將響鈴入鍋煮幾秒，響鈴索晒d湯汁精華撈起 勝在濃郁惹味，好味就是這麼簡單 墨魚丸 - 唔爽! 幾硬下 ~~ 其他火鍋料則一般貨色，最重要夠新鮮 店子裝修環境當然不會是豪華 地方簡潔感覺平凡之中帶著街坊情懷

十一點二人食午飯,是但走入一間茶記 一入去時間尚旱侍應安排了卡位, 餐牌放在抬面甚多選擇我們點了 星洲炒米粉,看上去好吸引,睇真喺好足料 用咗蝦仁、火腿、銀芽、雞蛋絲、叉燒絲嚟炒米粉 整體唔太油 咖哩均勻米粉炒得爽口也沒糊爛 呢個最啱自己好鍾意食嘅嘢 乾炒牛河都唔錯,呢個 d色水幾靚，唔算太油 粉夠滑身料落得足~ 牛肉幾厚切, 食落有肉香 仲有芽菜韭菜同洋蔥, 實在豐富~ 最重要就是炒得有鑊氣 坐得幾舒服, 有電視睇, 地方又大 可能早來，早餐已過 午餐尚早，坐到十二點多開始多人 價錢適中, 成個餐$45送熱飲,夠哂飽! 普通茶餐廳貨色係咁上下啦!不錯的選擇

同朋友係旺角食完晚飯 想返屋企之前食少少甜野 就嚟咗呢間發記甜品 呢度款式多 食飽飯求其至在坐下休息一下。 所以叫咗心太軟 等左大約十零分鐘 我哋兩個人分享一個甜品 呢個朱古力心太軟 切開裏邊朱古力唔會流出來 而且朱古力味道都幾香濃 碟側邊配一小球雲呢拿雪糕 .... 最可惜是晚沒有朱古力雪糕 因為我地最喜歡朱古力.... 味道一般,雪糕本身亦欠軟滑, 但是以呢個價錢來講 仲有又唔使加一都算抵食 呢度仲有幾款心太軟好想試試 不過太飽，下次會嚟嘅

這幾天天氣比較涼， 也特別容易肚餓！ 如果可以吃一些暖暖的東西！ 是一件十分幸福的事呀！ 今日嚟到恊和街買東西.. 竟然俾我發現到一間既多選擇 又平民化嘅粥店！ 我平時一般吃艇仔粥， 喜歡足料豐富！味道多樣！ 在此店看到皮蛋多樣配塔！ 心想皮蛋和魚片粥是頗健康配搭！ 便試一試。皮蛋軟而有彈性，味濃... 粥底不夠綿，魚片夠多，沒有鯹味！ 食到條條薑絲， 蔥花及薑絲令平淡的粥加點鮮味！ 雖不是靚又香又綿的靚粥！ 以這個價錢的魚片粥， 也沒有再要求了。 炒麵過得去啦，還以為會很油膩！ 竟不是很油膩，味道不很喊... 麵炒得軟硬度剛適中 就是懷舊粥麵店的豉油皇炒麵的味道

星期日在APM看戲完畢， 行番出官一帶吃下午茶。 兜兜轉轉下，還是來了花園餐廳 假日下午茶時段, 食客自然多, 等位也在所難免. 正當等到不耐煩想走的時候, 卻見到大班人在餐廳位置出來 於是又回頭走入店內坐下. 年多無來餐牌都沒有甚麼驚喜。 跟以前冇分別 只是價錢貴了幾元！ 當時大家都肚餓.... 於是叫了些較飽肚的意粉。 叫了肉醬魚柳意粉同海鮮焗意粉！ 兩個意粉都是正常港式口味, 可入口但說不上美味的水準, 普通水準. 芝士焗海鮮意粉~ 賣相不錯，芝士汁說味道也不錯~ 不過份量較少~ 而且那些海鮮大部份 都係超市用的海鮮包貨色... 雖然焗得好香好香啊！ 但意粉就完全唔得啦~ 一食就知煮得淋晒~ 軟身而淋晒既意粉, 同上面d芝士唔係好夾~ 另外果個肉醬魚柳意粉. 兩片龍脷柳焗得幾香 但是肉醬非常淡味，完全唔夠濃， 而且肉醬份量仲好少 芝士味極少。 完全失去左以往芝士焗野既水準 意粉同海鮮意粉一樣咁淋 今天好失望。 估唔到焗野都會差左咁多， 兩杯柯華田尚算濃.. 兩個人埋單下午茶免加一 一百元有找。 而家唯一好既就係下午茶價錢夠平！