官塘食店林立，最重要的是 一概都是非連鎖式的！ 唯獨廣東燒味茶餐廳！ 當進入餐廳內！ 看到貼滿牆上的餐牌 已經感受到通漲的威嚇。 常餐35元，晚市一概42元起， 連凍飲需加2元。 坦白說，價錢比一般茶記為高 不過這份價值43元的 梅菜蒸鯇魚飯套餐 感覺值回票價 是夜晚餐有五款，我㨂了梅菜蒸鯇魚... 好可能是套餐的關係， 也不用等多久，就有得吃了！ 先談談那蒸鯇魚！ 鯇魚腩件連頭, 魚頭雖然佔多。 魚肉亦有相當的件頭 肉質白如雪，肉身有層次質感， 不是梅淋淋的貨色， 但是否跟外出街市 魚檔相熟的關係呢？ 真的是很新鮮的鯇魚， 而且蒸得火侯剛好 魚肉不會太實， 而且伴上很足量的梅菜、 蔥花、蔥段及薑絲 洒上甜甜蒸魚生抽， 是很平民而很好吃的味道 魚頭亦相當完整，可謂啖啖皆肉。 再一口魚肉及一口白飯， 也是好好的享受。 餐可以㨂湯或是熱飲！ 我㨂了是日例湯 今天是粉葛赤小豆紅蘿蔔豬骨湯 雖然材料是這麼多！ 但相信除了粉葛. 赤小豆、紅蘿蔔及豬骨外 見到加了紅棗陳皮等調味 所以味道是勁濃 尤其真的是有很濃的豬骨味 相信沒有味精， 粉葛也是煲得粉粉的 有一點渣，是絕對可以理解 總括而言，是很好的老火湯。 餐廳超過十過年頭... 地方雖有點兒殘舊,但不失清潔. 上菜快,侍應招呼亦友善. 所以久不久都會光顧...

今日有事同朋友 原本諗住食粉麵， 到午餐時又想食飯， 企喺雅蘭門口 好容易便望到太興燒味 窗邊掛滿燒味，走近看， 燒味頭上隆起一個髻， 係燒鵝呀！好耐無食了， 而家一般燒味店都只用燒鴨。 入到去二話不說叫了兩個燒鵝脾飯 朋友要求原隻嘅 不到十分鐘兩個飯一齊到... 賣相十分吸引... 吃起來鵝味濃， 鵝肉肉質嫩滑，油分甘香 皮燒得脆脆香口， 沾一下酸梅醬，很滿足！ 至於白飯，雖不是頂級白米， 但質素不俗，是一粒粒完整米粒。 絕非米糠之輩。 雖然比一般的燒味飯貴少少， 要對自己的味蕾和胃好一點， 貴少少都食一餐 兩個套餐也有東西喝 我要了杯凍檸茶少甜 凍檸茶茶味夠 檸檬都算夠，少甜真的是少甜 朋友的凍奶茶沒有什麼好說.. 另外這裡也有小菜同炒炒麵的！ 見到也有魚套餐，下次有機會試試。

因時間不多, 又在床上戰鬥一輪， 又要食野,要快點先得 咁就求其走落黎樓下老麥食個包. 買飛連排隊等候五分鐘攪掂哂！ 有點時間又有位索性坐係度食啦！ 脆辣雞腿包縮水左勁多! 塊雞扒麻麻地啦。 而且個包都算好熱! 話就話脆辣雞腿包! 但我覺得都唔算太辣， 得一撮生菜絲不知為何, 覺得好乾, 沙律汁好似落得唔夠! 芬達橙汁是機裝汽水 沒有甚麼特別 最緊要夠涷就可以.. 至於環境今天撞啱有小朋友開生日會, 感覺非常熱鬧. 老麥一向有區域做派對 這一間非常乾淨, 地方大, 帶小朋友開生日派對就一流.

今日走經佐敦一帶， 到下午二時許才吃飯。 由於肚餓關係... 於路口位置見到燒臘店 掛起的燒肉頗吸引， 咁就二話不說便入內一試。 小店如一般舊式燒臘店般缺乏豪裝， 位置很細，做外賣為主 如果堂食客滿不超過十人 由於已過午飯時間， 是日客人不算多！ 得一個，坐十分鐘左右就 得一我一個 因為見到門外燒肉很靚， 一心想吃燒肉， 見雙併價錢相若，就加個切雞吧。 燒肉肥瘦適中，味道不會過份鹹 最出色的是外層那片脆皮， 入口非常香脆， 咬開像吃薯片般發聲， 而且份量也不少 切雞給了雞翼位置， 而雖用上新鮮雞， 但雞味不太明顯，有幸雞肉嫩滑 例湯是眉豆花生雞腳湯。 以跟餐的例水而言，味道算是不差！ 吃不出味精，就算有，份量也不會多 雙併飯連例湯索價 $34 比大型燒臘店便宜， 而且質素絕不遜色。 路經碰巧想吃燒臘飯，不妨試試

觀塘廣場地下是一個小小的飲食天地 真的很多細店食肆集中！ 燒味飯，車仔麵擋，雲吞麵擋， 平價壽司店，小食店等等！ 是日一早去官塘 寫字樓交收文件... 就在官塘廣場路過明記 順便食過早餐先！ 叫咗個紅腸芝士腸車仔麵同凍咖啡 很快手等不到五分鐘全部到齊 賣相普普通通，，試試麵的口感， 又並不是想像中的彈牙....。 但是卻是爽口滑嫰， 而且也沒有鹼水的味道，蛋香十足 而這個車仔麵湯底不是濃, 但總算是有點味道果種. 不過自己加點辣油都可以, 紅腸是煎過再放湯的, 味道特別的香口. 芝士腸是脆皮的.有芝士流出來. 食完夠溫飽, 充滿力量後. 肥佬又開始忙碌的外勤工作了⋯⋯

呢間平平無奇的米線店舖， 身邊好多朋友都會特登坐車過來食 我經過幾次都未食到！ 今晚終於有機會！ 餐廳裝潢簡單，環境比較逼狹! 基本上大家都係搭枱。 餐牌選擇好多，湯米線、 泡飯、麻酸辣撈 對於有選擇困難症嘅我! 的確係一大挑戰！ 但朋友介紹豬扒是必食首選！ 所以叫咗個豬扒酸辣米線 秘製豬扒酸辣米線豬扒醃得好入味 炸得好鬆化，油而不膩，非常香口。 米線好彈牙，唔會係煮定嗰啲！ 酸菜係另一重點！ 配料芫茜，炸花生，口質很好， 加上湯底，脆脆微酸， 佢個辣係辣得好過癮， 愈食愈想食，麻得嚟又可以食返酸菜平衡下個辣度，一流！ 跟一個小食手拍青瓜，爽口清涼又開

放大假跟友好過一個悠閒假日 實在令人心情放鬆， 這一天找個友好來 來到玉桃軒吃吃點心輕輕鬆鬆歎茶~ 兩點多午市差不多完結 店內十分清靜，得兩三枱客 兩人坐張六人大圓枱 叫了壺鐵觀音水滾茶靚, 檯上放了點心紙，選擇不算很多... 大路的款式大致也有供應... 叉燒腸粉，叉燒饀倒是不錯， 可是皮厚了一點，口感亦不太滑。 加上size比一般的小 說明是食點心， 蒸點就是不容錯過的食品， 而燒賣更是一個必點的食物 這個燒賣只可以說是普通， 是一般酒樓的質素 而蝦餃真的好貴，下午茶點心頂點一籠四隻$39.8 外皮吾夠煙韌香軟 也是一般的酒樓點心質素 粉果只是以花生粒， 冬菇粒同沙葛做餡！ 餃皮比起蝦餃更加之晶瑩剔透！ 但是味道一般！ 羗蔥脆皮牛肉餃樣子 非常之似過節的煎堆角。 只是羗蔥絲在面。 可能外皮太厚關係 牛肉味就好像唔覺 煎釀茄子，這一個釀茄子， 同坊間一般的煎釀三寶的做法差不多 茄子厚身, 鯪魚肉只薄薄一層, 加上鼔汁惹味又熱辣辣幾香口嘅！ 鴨腳趾。鴨腳扎份量夠大， 鴨掌亦非常之入味， 包起來，除美味的原隻鴨掌外， 附帶的肉及芋片也是厚厚的！ 味道好而份量也十足。 豉椒排骨煎米粉。 米粉煎成餅狀，香口是對的！ 不過米粉吸油。 令我感覺這一個東西很是油膩！ 豉汁味道雖好，但排骨不多 唯一是用汁撈米粉，倒是好的。 點心有好有壞！ 環境以飲茶來計還可以， 坐得都舒服，服務都不錯👍 總結的評價，一個普通吧 沒有什麼特別的驚喜

放假當然約朋友睇戲飲茶 今朝一早又來到華悅.. 飲個早茶準備睇戲.. 喜歡吃這𥚃蒸飯，覺得較正宗， 用原盅去蒸 今天見到每天特價蒸飯$6.8 是炸菜肉片飯 但是我地㨂貴少少的其他蒸飯 就是兩個北菇滑雞飯... 飲早茶已經食過幾次 冬菇甜甜地又香濃好味 我好鍾意食呢D甜甜地既 冬菇可惜太細件！ 雞肉入味好滑, 唔係死實實, 不過有少少雪味. 幸好醃得夠味, 蓋過了大部份雪味. 雞油滲咗落去D飯度 令到D飯好有油香 甜豉油煮過, 下了適量更好味 燒賣重重的香菇味， 豬肉打得鬆化，口感不硬 陳村粉太實了一點，口感不夠滑溜， 可幸上面的蒸排骨還算不錯 侍應服務中規中距！ 算是三粒星的水準⋯⋯ 埋單兩人52元，又真的是經濟的。 因為七月八月是免茶芥 不過如果要吃好一點！ 在這一區應還有不少的選擇 當然一分錢 一分貨 以價錢對比所以可以給個笑臉的

已多次來這間餐廰。 場內的裝潢和佈置非常有德國風！ 以木為主，全場更以黃燈作照明！ 令整間餐廰好有氣氛架又坐得舒服！ 大家談天渴杯冰凍啤酒 真係人生一大樂事 炸雞粒，味道濃郁，雞肉厚而香。 作為輕輕的一個小點! 也是十分之好 另外今次我們order了3款食物 當然德國咸豬手和德國腸一定要食啦, 德國腸拼盤伴酸椰菜及燒薯 - 德國腸拼盤一共有3款腸每款2條! 另外有酸椰菜、燒薯 不知甚麼名腸腸皮屬脆身! 整體感覺似脆皮腸 大條的也說不出是什麼腸.. 亦脆皮有些胡椒味，都幾惹味 酸椰菜椰菜絲幼細軟身! 而且酸度剛剛好!朋友們都喜歡 豬手上枱時店員幫你切！ 豬手皮卜卜脆 肉爽嫩又咸香, 配啤酒無得輸！ 帶子pizza有車厘茄，帶子等等 本人覺得味道冇咁濃郁! 但批底是軟綿綿的! 芝士又夠多，再者，新鮮焗起即食 的確可以帶絲的拔出。永遠是最好的。 餐廳設計分成兩邊...店外設有不少桌椅 作為開放式的茶座!適合大伙兒聚會 室內的座位卻有另一種的感覺！ 屬於高貴優雅路線! 適合情侶家庭聚會!

這一天，中午為公司到了 尖沙嘴辦點小事。 十二點離開一陣子但是一點前回去 而我的腳步不想走太遠！ 我就在寶勒行附近 這一個地方想想有沒有 心儀的餐廳之時！ 結果，發現了這間泰國菜餐廳！ 既然中午入到來！又不多時間！ 當然叫個簡單午餐試一下。 見到好多客坐低未叫餐已經送餐湯！ 隨著我點了咸肉炒芥蘭 簡簡單單咸肉炒芥蘭 賣相只屬一般芥蘭嫩綠爽脆。 熱辣辣炒起不油膩， 而芥蘭有獨特的甘香。 咸肉不是脆卜卜那種.. 焦香卻不減！咸肉的油香！ 把芥蘭的甜味道升華了，確實惹味 輕輕地一口佐以白飯，非常之可口 咸肉炒芥蘭就是這樣的吸引。 配飲品要了杯椰汁珍多冰, 材料多 冰過多椰汁擺耐咗味淡曬. 建議食飯後先來凍飲會好點... 裡面店員廣東話流利！ 是正宗泰國人，食物亦好正宗泰國!