品芳餅家 (新馬路)

舊同事買來嘅澳門手信有提子餅，芝麻餅，果仁餅

芝麻餅拎上手好易爛，証明係好脆，亦有啲薄，不過芝麻本身係好香，所以呢塊餅，真係好好味，食完仲想食

果仁餅都好香口，又同芝麻餅唔同

提子餅呢，就好特別，本身一望唔起眼，因買相普普通通，但食落口，提子乾感覺又唔會話太乾身，食落去同個餅又好夾

3款都好好味，下次去澳門都要買來做手信先得

第三站 (旺角)

睇食評唔差，訂左枱來試下，見到每枱都係白色梳化，諗住影相一流，又坐得舒服
不過埋去坐落。。。。枱與櫈之間，有啲距離，傾計就幾好，食嘢就要烏前啲啲


叫左3個set dinner，先發現隔離櫈有party set叫，職員唔知係咪漏左俾menu我地睇，不過唔緊要，因為食物都來喇

每人最低消費係一個set，或者叫一個小食+飲品
所以我們叫了2個set dinner，然後叫小食+飲品

沙律來喇，不過不失


薄荷朱古力，正常味道，職員會事先問要唔要cream

曲奇奶昔，過份奶同埋甜，


海鮮拼盤來喇，炸蟹鉗好唔得，入邊係粉嚟，即係假蟹鉗，全部都係現成整熱，無乜特式無乜特別


黑松露帶子意大利飯
意大利飯夠冧，配黑松露幾好味
但帶子就真係好細粒，雖然成碟都係帶子，不過咁細粒無乜口感，食左都唔知，呢個價錢，好昂貴有啲失望


肉醬闊條麵，還可以啦



最後上埋甜品，本身食完飯和麵，收晒啲餐具，上甜品，餐具都唔俾，唔夠細心

2款甜品賣相幾好，仲諗住好好味
點知朱古力蛋糕，太甜，係落得過多糖個隻死甜，唔夠朱古力嘅濃味，唔合格嘅甜品
另一款new york cheese cake，個cream好奶味，好酥，但唔知點解點綴唔到，夾唔到下邊果一件cheese cake



呢一餐好失望
仲諗住上樓cafe有驚喜，但點知得個貴字，又唔好食又少選擇引無特色，唔會再幫襯

友情歲月古惑仔漫畫主題冰室 (尖沙咀)

近排知道呢個主題餐廳來左，見食評咁多人讚就過來試下

見到設計佈置和珍藏，諗起一幕幕古惑仔嘅場口

















餐廳好多影相打卡位，亦都乾淨坐得舒服

叫左2份下午茶試
炸豬扒炒公仔面，好快送到
公仔面係炒得幾好，不過炸豬扒就無乜肉味，有啲鞋口


蔣天生炸大雞脾配包皮炸鮮奶
個名聽落好勁，諗住飽肚啲，點知雞脾只係大份，味道和口感欠奉，好乾無肉汁
炸鮮奶唔甜，2件不夠喉



另外叫左熱奶茶好淡，好立克唔甜，凍檸7正常

慕名而來有啲失望，可能食評中好多都係食晚餐，而我係叫下午茶，所以

点心代表 (尖沙咀)

呢期The one有美少女戰士，出賣年齡層但為見兒時偶像，都要去影相留念，去睇之餘，食埋點心，影下相呃下like嘛

呢間點心代表原來上返fb有表格填，填左就可訂枱，咁人地唔知丫嘛中午打去唔聽電話，打到下午先有人聽，就話網上填表訂枱（逢一至五有得訂咋，星期六日只可以walk in）

咁訂左3位，其實2大1b，有備註位，我無填係有個2歲半小朋友，要request bb櫈
，因為唔知有無bb櫈，到時先講啦

訂枱前一晚，加多個朋友仔去，email覆返3人變4人，無人覆，到餐廳拎位時，職員最緊要係問:人齊未?
因為人齊可入去坐，60分鐘要交枱

好多人walk in等位，所以有訂枱就優先啲，眼見有個無訂位嘅人問reception，職員無禮話要等喎

咁附近都有美少女戰士嘅紙牌，影下相啦，原來餐廳對面間鋪都係点心代表，不過阻住左職員，又被無禮招呼:睇住後邊
我心諗:你唔睇住前邊（即係我?我影緊相㗎）係你公司放到紙牌只夠1個人行，咁客人影緊相，係咪應該先俾客人影先?
如果真係要借一借，都應有禮貌講聲唔該嘛?做得餐飲服務業，呢間啲職員真係要倒扣俾負分
唔休做緊，一啲敬業精神都無

有位坐低，60分鐘要叫野食，睇下餐牌先

有美少女戰士icon好好好貴
無icon，普通點心都ok 嘅


無icon都叫左個魚湯浸娃娃菜$49，均衡飲食嘛
不過食唔到任何魚湯味，娃娃菜有啲硬身，不過係最早嚟個碟


蒸嘅點心終於來，有流沙包$59
呢個味道算唔錯，有啲奶皇餡流出來，但唔算太甜，都好味又大大個

鮮蝦腸粉$69
icon應該係食得嘅米紙，味道有啲酸有啲硬
腸粉唔
太好食，粉太厚，入邊蝦無乜味

鮮蝦帶子餃$99
呢個貴。。。兼又係唔好食
icon又係酸同硬
餃皮好厚，蝦同帶子無乜味，入邊係無乜特別


粟米花枝球$49
好多粟米，花枝球味道都唔錯，呢個食得過

無icon嘅另一選擇:蟲草花鮮雞荷葉飯$59
真係鮮雞?食唔鮮味，不過$59都叫食得過，每人食幾匙飯

原粒帶子燒賣$99，又係$99真係堅貴
蒸完啲樣都變晒，好鬼核突
味道又係面頭icon好酸，帶子同蚊無乜味
仲要賣相係咁多個之中最樣衰

三杯icon代表嘅沙冰，分別係多啤梨，芒果同藍苺
到臨15分鐘要交枱前，催左三四凈先到嘅野飲，我話:你早啲上枱，我地飲埋就走得
職員好搞笑話:你飲唔晒可以拎個蓋，拎走飲
好丫，咁唔該俾3個蓋，點知等等等。。。再要叫其他侍應先有蓋，都變左係60分鐘要交枱

另外要講係。。。2歲半小朋友，職員唔主動問係咪要坐bb櫈，係叫餐時:問小朋友幾歲?
我話:2歲半
職員話:咁要叫野飲，唔係計茶位
我就話:2歲半喎，我出街食飯未試過要俾佢嘅茶位
職員話:咁你無坐bb櫈
我話:我無request啫，佢係可以坐bb櫈，你俾張佢坐
職員就話:呢個角位放唔到bb櫈

講完就走左，咁即係點呀?我無request係我唔啱，但我無話要坐角位，我小朋友可以坐第二個位係放到bb櫈兼且唔駛收茶錢，係咪?

都係當初我訂枱太求其，搞到依家咁
今次買個教訓，下次會學精
同埋唔會再來食（最後我叫左鮮橙汁俾仔仔飲）
因為呢度都唔值得再去，又貴又受氣，咁樣一食，食左$721

Cow Bean (將軍澳)

到處食野都係集團式，不過見呢間未試過就今晚去試下

8點左右去到，要拎飛，不過好快就叫到我地（前面個啲無左影）

未食之前，睇menu都ok，不過睇人地張枱食緊嘅份量就相對性細份，不過賣相幾靚，門口聞到煎牛扒勁香，應該好好味


因帶埋仔仔去，所以安排坐bb櫈，櫈底有餐廳提供嘅bb餐具跌左係地，啲職員放bb櫈個時都唔執

諗住叫2個set加1份沙律

沙律來先，係煙三文魚士多啤梨沙律（$68）
來到真係好失望。。。。沙律有幾款，呢款最貴，與menu張相唔係好match，煙三文魚好細片，士多啤梨薄切到。。。一碟夾埋唔知係咪可以砌返成1粒
同埋咁細碟賣咁貴，不如換返隻再細啲嘅碟啦，食完唔知食左乜落肚，太唔抵食



跟住來左忌廉海鮮燴飯
海鮮有蝦，青口，細細粒嘅帶子
個忌廉汁甜甜地，感覺怪怪，不過似輕食感覺，食完都未感覺到飽肚


盒仔紐西蘭肉眼扒7成熟
賣相幾好，切好晒上，方便食，牛食落都好味，因為叫7成，所以少少老左啲，不過有肥膏果粒牛扒，就勁好味



個牛扒跟一個飯或意粉，要意粉就送錯左飯，咁侍應即換啦
換左但。。。。意粉凍晒，一餅野咁，點食呢
再叫侍應跟進，最後應該整返熱。。。不過凍左就好快再變一餅野
啲意粉睇來都整左好耐，係齋淥熟，淡淡清清，無乜口感，希望餐廳下次可以改善


最後上埋茶同甜品
咖啡慕絲蛋糕，都唔錯，餅底無左啲，賣相唔太靚


整體來講呢餐食左3百幾
小朋友唔係食好多
平時出去食，叫2個餐都會飽肚，但今次的確係唔飽，尤其叫左個沙律覺得最唔抵，唔叫無咁嬲，叫左都唔知自己食左乜，或者大家想食沙律，應該一人叫一份，唔好諗住可以share

只好話物價貴，被門口牛扒香味吸引左入去
真係無下次，仲以為Pokka cafe連鎖店應該都正常，味道係ok，不過份量真係唔值呢個價。。。我會選擇唔再來