平日去，4大1b被職員安排左坐8人枱，差啲以為要搭枱，原來係成張可以俾我地霸晒，而且側邊仲有2張櫈可以放下自己嘅袋，好好嘅安排，又唔袙其他食客路過會碰撞到或影響到我地，坐得又舒服因為係semi-buffet ，所以除左熱盤，其他任食（沙律、麵包、芝士、壽司，刺身，海產，湯，甜品）沙律多款，菜都新鮮，凍盤又多又好味
海產就味道差啲，同埋無生蠔，如果有就好
葡撻芝士撻好味
甜品就一半好味一半麻麻，好彩細細件試味，同埋有雪糕任食搭夠
刺身超好味呀，有三文魚、甜蝦、希靈魚、吞拿魚同一隻唔知咩名嘅魚，勁食呀

餐茶叫凍檸茶，嘩。。。唔掂！茶味好怪熱盤一人叫一份，叫左2份海鮮意大利飯，趁熱食好味，但青口就無味
叫左豬同牛，個豬好唔掂，鞋嘅
但牛就超好味，無講幾成熟，但連我唔太好咁生食嘅爸媽都鍾意食（煎得好香，加埋肥膏分佈均勻）

呢個價錢，唔大食嘅朋友可以試下，又坐得舒舒服服，又唔算好嘈同多人，下次我都會再同朋友家人來食過

聽人講promo嘅生蠔係$10一隻，
咁吸引咪想去試。
即日打去係full booking。
見咁難訂枱，honey又生日，就提早幾日訂枱
因為係公眾假期，訂枱分2個時段。
我揀左8：15pm，不過去到都勁多人拎左籌等位。
坐低同honey睇左menu就叫野食。
4隻$10生蠔，味道好鮮，$10係抵食。再配左隻$68嘅白酒去食生蠔，酒唔算識飲，不過感覺杯酒好多氣，襯生蠔提升唔到個鮮味

跟住點左野菌意大利飯。
點左係勁快上枱，最快係呢碟。
諗住生蠔都好食，滿有期望去食啦！
點知啲意大利飯沾唔到白汁味，飯未熟又煮唔冧，感覺好求其。之後再來24個月火腿拼哈密瓜
嘩！仲衰。。。。火腿似4個月多過似24個月囉
唔夠咸，切得又厚身，最大問題係啲火腿有渣，真係未試過食有渣嘅火腿最後來呢個$3xx的牛扒，更加不想抱任何期望！
點知仲要係無期望下更失望
牛扒要5成熟，點知煮到7成熟，肉汁當然係鞋啦，食左一半就唔想食，要埋單走人。未試過食唔夠45分鐘就走得人，皆因上菜太快，而食物質素好差，仲要唔係平
我估好多人都係因為有平嘅生蠔食先來食呢間，如果唔叫我呢幾碟，唔知其他食物會係點，不過總知無下次

PS.將軍澳中心大裝修，勁難搵，職員話係東亞銀行對面，搵左一陣

早過7點來到食, 多數都唔駛等位
但一過7點...好多family 會到.....位就唔多, 最好訂枱

第一個一定要order 就係杏汁豬肺湯, 
但無上次咁好味....7點來飲, 變左好似好水咁
下次都係6:30  就來, 會好d(因上次來叫果個....真係好濃杏味咖)

問左同事有咩好推介, 今次來試釀尖椒
有d 食到辣, 有d 就唔辣, 但整體來講都好食, 賣相ok(上邊幾條俾我反轉來影相, 本身上枱係....全部綠色向面)跟住問左侍應有咩好推介, 佢話呢個沙薑雞好食喎
叫左半隻....肉係ok, 但唔算係特別好食, 要點沙薑個d 醬料先有沙薑味, 唔掂就變左普通雞一隻
唔算咩特別最後有紅豆沙同煎堆仔食, 煎堆仔第1次食, 暖暖地, 好好味

本來星期三晚想來，無想過有人book左搞party
下次真係要打個電話留位先得

星期三去唔到就改星期五晚
人唔多，感覺舒服，環境唔錯

我地叫左杯啤酒同朱古力奶昔
啤酒係happy hour半價
朱古力奶昔就揭到最後甜品menu先見到，不過88蚊一杯，好似有點貴一次叫埋野食，不過野飲等左好耐，尤其係我杯奶昔，來到就有因為太凍太杰身，要攤暖一陣先飲得（飲得時，味道適中，唔會話太甜太水）
飲左陣傾左陣計，職員先問係咪上得沙律?
吓。。。原來要另外再叫上咖?好彩唔係肚餓，否則等到頸都長
不過沙律就好快手上到枱
牛油果太少，唔夠喉，但個沙律好好味，醬料調配得適中，又有nuts又有椒，食落好醒胃唔會只係食菜咁悶跟住隔左一陣，個燒肋骨都來埋，薯條要趁熱食，食左其他先，就忘了食薯條，轉頭就食飽晒喇
半份燒肋骨$188，比香港食，抵食好多，又冧又大份，好味道食緊個時，職員不停來問好無食就太騷擾，不過職員主動俾紙巾同換碟，呢個就睇到佢地細心，體貼同重視客人
而仲有點唱時間，感覺好relax，氣氛好enjoyable
有個survey填左下次有前菜送
下次再去食過

好幾年前來過一次, 個時覺得好好味咖
今次再來過, 不過就有預訂ge, 所以唔駛等位
其他人就係門口等

比起幾年前, 的確多人食左
原來依家做埋dinner set

咁唔駛苦惱的情況下, 今次揀dinner set la
同埋價錢都盒理, 餐湯有主菜有野飲

是日餐湯....無咩特別
份量比較少....而且味道一般主菜我揀了意粉...又係普通, 無咩特別
賣相一D 都唔吸引, 一大堆煮好係咁放上個碟咁
味道都係一般, 我諗我自己都煮到....另一個set , 老公揀牛扒.....都係無特別
食落口唔Juicy, 賣相唔吸引....煎的方法有待改善
食食下, 我地都唔想食.... 上菜上得好快, 但完全feel 唔到好食
唔會係叫set 就咁差卦?
仲記得幾年前, 散叫, 雖然係貴, 但味道好好味
所以今次先會來食, 但今次的確好失望....點解同普通出邊餐廳的set dinner 無分別?

餐廳好多人, 枱櫈放得好貼, 位置都好迫, 無咩私人空間, 無幾年前咁好, 質素水準全部都下降
坐正角落頭就更難叫到侍應幫你
下次唔再幫襯

間中都有幫襯, 見到御庭都有進步
多了set 餐, 仲要有餐牌唔駛靠職員背menu
同埋咁耐無來, 見到多左d 特價野食, 但今晚我地揀set dinner A試下老公要左杯紅酒....呢個價錢, 預左紅酒的味道係差D
咁我唔飲得酒, 問職員可唔可以轉??就轉左杯蘋果甘筍汁俾我, 甘筍味重, 好味有麵包附送, 無影相, 不過熱辣辣, 係差個湯去伴住麵包食
無幾耐, 前菜上枱-燒蕃茄芝士茄子卷
個芝士係燒溶溶地的狀態, 暖暖的....伴埋個薄薄茄子同蕃茄
食落口感好好, 呢個前菜好特別!!好好味!!2件唔夠喉
跟住侍應知我地SHARE 食, 所以2碟主菜放中間
今晚個意大利飯無呀....侍應叫我地係MENU 揀另一個, 佢轉俾我地
因我老公好鍾意食意大利飯, 就揀左下邊呢個-南瓜蟹肉意大利飯
上次食過, 今次再叫, 味道都維持水準, 超好味!!但反而呢個扒大蝦配茄醬意大利粉....感覺差D
個意粉煮得麻麻, 茄醬係偏咸, 唔算特別, 出邊都食到/自己都煮到
大蝦就煎得幾香
可能餐廳要諗下點改善呢個意粉自選甜品, 有3款: 焦糖燉蛋,蘋果批, 心太軟伴雪糕

哈哈, 梗係揀心太軟伴雪糕啦
不過制作需時, 雖然侍應好醒識話幫我地預備, 但都要等一陣先有得食
比之前...個雪糕大有進步, 仲記得上次我係呢度反映過....影左相個雪糕都溶左
今次影完相都無溶!!!可以用個雪糕伴埋心太軟去食
感覺好完滿!!估唔到....食左呢個SET.....我地2個都飽晒

而坐坐下....都越來越多人!!
遲過7點來, 最好訂枱咯~

因為訂左枱, 所以不用等, 不過都唔多人
但門口個接待員...好似未訓醒
話訂左枱, 佢以為你無訂枱
又要我講多次
跟住講姓黃, 佢問係咪姓陳?
9唔搭8...未訓醒咁

入到去坐, 都舒服, 幾個職員serve 
唔會話叫人無人應
位置闊, 坐得舒服

幾個家人想食大閘蟹, 佢地叫餐
我地幾個唔食就散叫

大閘蟹餐都幾豐富, 不過我無份食, 所以無影相

是日例湯係粉葛赤小豆湯, 好味呀
分到一人一碗, 即6碗左右茶薰雞, 第一次食, 未食都聞到好香的茶葉　薰香味
食落口有d 碳燒feel雞軟骨南瓜芋頭煲, 呢個最好味, 或者係芋頭好味
次次叫呢個都最香, 最好送飯
面頭有雞軟骨, 幾特別生蠔~估唔到....上枱係咁靚, 好似藝術品
側邊係沙律, 生蠔放落口啖啖肉
呢個食完可以encore, 的確係好味側邊好多侍應幫你加水, 換碟(尤其我家人食蟹, 要洗手換碟飲薑茶個d)
所以服務我覺得幾好

同事介紹, 用TABLEMAP 訂左枱, 因為係1樓, 所以係走樓梯同後門上去
估唔到都幾大幾特別喎

因為用TABLEMAP, 所以有小食送-雞軟骨跟住我地睇SET 去叫野食

沙律係墨西哥有機芥蘭
又幾特別喎, 未食過呢個有機野, 又唔知我地中國的芥蘭咁的味
好西方口味的沙律菜老公點左紅酒, 不過味道麻麻
諗住叫鮮榨果汁, 但原來得返幾款, 可能LUNCH 俾人買晒
剩返得幾支, 味道又唔係好啱飲, 所以都係叫左呢個朱古力特飲有面包奉上, 無咩特別湯今日係薯仔豆蓉湯
好香好味呀!!我的主菜叫左大蝦拼雜菜串燒
吸引好多隔離枱的人望
可能顏色太鮮艷喇
食落呢個味道仲好食過老公個碟
有2串雜菜, 變左唔會話食得好熱氣好滯
雜菜唔會話燒得過火, 好味
蝦都OK
個汁都好襯呢個主菜老公點了呢個牛扒, 反而有點失色, 無咩特別....最後古惑的老公, 原來同餐廳聯絡過
安排左個甜品俾我
初時諗住是日甜品好無食呢
點知突然有件CHEEZE CAKE 碟個度寫左我名TIM
好感動呀!!
多謝老公~亦多謝職員的安排

呢度食野無出邊餐廳咁拘謹, 位置又大D 闊D
唔會話2個人就只係俾一張長枱仔你咁
不過食物就希望再改善, 因為唔算係好特色, 一D 好一D 就麻麻....

找到呢間多好評嘅西餐，用tablemap訂左枱（但聽職員講無得加50分俾我，因好多途徑訂枱。。。）

咁算啦
跟住睇左menu散叫唔抵，叫set好啲
所以叫set dinner 2份食左前菜再食精選頭盤，係鮮美海膽，好味道然後我同老公點了不同餐湯
龍蝦湯淡味左少少，有待改善
但鮮蠔湯就好突出好香濃跟住主菜點了羊扒和半份龍蝦配鱈魚
龍蝦唔算太特別，肉的質感有少許整得老
反而底下有個鱈魚，就煎得好香口好鮮味

老公叫5成熟羊扒，煎得都好香口

不過2個main course都無side dish跟
本身都食飯的人，感覺唔夠飽，好似差左啲咁，如果餐廳接受我地意見，加啲薯條或薯蓉，或細份量的飯或意粉咁就好喇最後甜品和餐茶任揀一款
是日甜品係焦糖燉蛋

環境清靜，上菜快嘅一間西餐
感覺都幾舒服
出面嘅景觀好靚，好想影相留念，可惜玻璃反射，影到餐廳入邊嘅人，所以無影到
職員好樂意去聽我地意見
期望呢間餐廳有改進空間，下次來幫襯
好重蛋香味，整得好滑老公仲叫左杯紅酒，不過味道比較淡身

等去St paul產檢，有時間多
走入starbucks飲杯野

但估唔到要寫食評
因我好鍾意cream，職員額外俾我左一小杯我，變左大杯左一加晒啲cream落杯，杯朱古力多到瀉

跟住叫左野飲，坐係位

職員又主動拎杯暖水，紙巾過來俾我，仲幫手較左冷氣出風位，唔好吹到我

可能我大肚，特別貼心服務，但難得員工咁細心咁窩心又咁主動，不讚不可