評分－🌟🌟🌟 夏天熱熱地，無咁好胃口食一個飯，食餃子最好 呢間餃子有幾間分店，呢間開左一排第一次來試，唔多位，唔算忙，不過廚房職員頻頻出錯🙈🙈🙈 我叫煎餃子，佢俾湯餃子，樓面職員好緊張，即刻睇係咪自己落錯單，跟住隔離有一枱又調返轉，要湯餃子就出左煎餃子 我地叫左芫荽煎餃和粟米湯餃麵，本身上錯了芫荽湯餃，食個時先發現錯，不過夾左，所以職員由我地食個一隻，試左味，芫荽味唔重，而出錯個碗，職員話因為我撩過要倒左去，浪費食物🙈🙈🙈🙈🙈 芫荽煎餃子好快來到，煎得幾靚，聞落都香，點啲醋就準備食，食落去都係無乜特別，太少芫荽，唔知點解一啲都唔香，芫荽控可以唔駛去試🙅‍♀️🙅‍♀️ 反而另一碗粟米餃麵，麵無乜特別，但粟米餃子嘅餡有驚喜😍粟米粒粒都好鮮甜，應該即日製作（熱到霧晒煙，影唔靚添🤣🤣） 我仲叫左麻辣皮蛋，突然想食，唔辣，都好味😋 下次再嚟試下其他味嘅餃子先 P.S.我仲試左荳漿，原來係支裝，係超巿都有得買嘅壹品豆漿，唔好飲😔😔，所以相都無影

因家人喜歡食馬卡龍，路過望到就想買，本身Dalloyau有幾間分店，不過我成日醒起尖咀應該最方便，但有時行街都唔路過海港城，所以無專程去買 今日難得路過IFC，就去買幾粒試下，9粒先有盒，9粒以下就咁入包裝袋，個人覺得好唔方便，一次過送9粒先有禮盒，咁應該迎合唔到買少量嘅顧客，唔要盒，用普通黏貼透明袋去裝，感覺無咁得得體，不過好彩小心拎返屋企，都未見碎 今次純粹試味，所以買左4款口味，朱古力、檸檬、海鹽焦糖、開心果，朱古力和檸檬味唔突出，海鹽焦糖和開心果就有驚喜，主要係中間夾心嘅jam，係主要靈魂🌟 整體呢間嘅馬卡龍唔係唔太甜，食左都唔覺甜到漏。圍起$24一粒。下次再試其他味，希望可以發掘到更啱我口味😋

而間餐廳一直係我鍾意嘅邊爐之一，今次推出咗首創生銅火鍋，我依個吃貨緊係唔執輸😂 我冇諗過生銅同打邊爐係可以扯上關係🫣 今次佢地請咗生酮飲食達人唐貝詩設計生銅火鍋菜單 ！我想講佢同普通火鍋冇乜分別😍勁正 可以健住康咁打邊爐，仲要有埋特製嘅生酮豉油，真係第一次試！ 今次點左好多嘢食～佢最正嘅位係可以每樣叫半份，可以試到好多唔同嘅嘢食！ 生銅火鍋裏面必叫養生花膠雞鍋！好多花膠 個湯底又好飲！ 另外佢個海帶麵係接近零卡，生銅特飲仲要係用生銅糖，完全冇罪惡感😎 除咗依個生銅餐單，真心私心推介鮮活海蟶（類似細蟶子）好耐冇食過咁鮮甜嘅蟶子！ 其他嘅配料全部都好新鮮，佢個功夫萵筍片就睇到師傅嘅刀工！ 同埋鍾意食辣嘅朋友，記得要點佢個重慶辣大紅鍋同麻辣牛肉😏 另外我好欣賞佢一入座就會送一碗糖水先，打邊爐緊係要開下個胃😶

環境／設施－舒服，特別 特色－藍芝士蘋果pizza最好味 人均價格－$225 評分－🌟🌟🌟🌟 餐廳對待小朋友好好，一坐低就俾顏色筆和畫紙，交俾小朋友創作pizza，然後就送上一杯免費蘋果汁，仔仔飲完唔夠喉，職員都好細心，又送多一杯俾小朋友（仲要係大大杯，相中係小朋友飽，已經飲唔落） 推介返大家食藍芝士蘋果pizza，好好味，每次來都會叫，藍芝士發毛嘅味道，配蘋果薄片，好特別嘅口味 不過餐廳比較單調，pizza，意粉，小食沙律，得呢幾樣 ▫️啤酒煮青口，好細隻同埋好多青口唔開口😫 ▫️肉丸，正常無特別，芝士幾好味 ▫️cocktail買一送一，職員可推介 ▫️意大利媽媽教落青醬汁配大蝦車厘茄粗意粉，好多隻蝦 個青醬汁都好好味😋 ▫️西柚肉配煙三文魚果仁沙律，配搭幾清新，好多片煙三文魚 已經來過2次，質素維持到，之前係無得訂枱要walk in 排隊，過左一排，可以訂枱，或walk in 都有位，無乜肉食（肉類得雞翼揀，因上次食過，所以今次無叫）對於食肉嘅人來講係唔夠飽，只係食漏左而飽，間中同朋友家人去食下都ok，座位舒服寬敞，餐廳佈置特別，職員都好nice，如果可以多少少款式或有肉，熱食嘅菜，咁就更加好 #foodie #foodiehk #TKO #openrice

搭lift 上14樓，要行一層上去 呢度好日系feel，我地request坐出去塌塌米，要除鞋跪坐，都幾特別幾舒服 人均價格－最低消$80 評分－🌟🌟🌟🌟🌟 第一次食日式cafe，幾特別，坐得好舒服，影相打卡又靚。 brunch好多選擇，日式、洋風、西式又有，仲有咖哩豬扒，墨魚汁麵，食物都幾有水準和心思😍🍽 餐飲半價可轉menu其他飲品，我地轉左美式咖啡、朱古力咖啡和榛子咖啡，但味道就唔算突出 同行的家人，生日點了件cake寫了happy birthday cake 係檸檬蛋白撻，味道適中，少甜而不漏，好味😋 有機會下次再來過🥰

人均價格－$7xx 評分－🌟🌟🌟 諗住有生蠔，所以一早預訂，full pay，等去食呢一餐buffet,可以7：30入場，無分2場，呢個幾好，唔駛食到趕頭趕命。 入到餐廳，覺得有啲迫，有啲位好近路口，好易撞到，好彩我地張枱唔近路口。 沙律區我無試，家人拎左刺身（三文魚，希靈魚，帶子等），泰國生蝦俾我食，都幾鮮甜。跟住排生蠔，有愛爾蘭和法國生蠔，好細隻，職員沖水洗走晒生蠔嘅海水味，口感麻麻。 熟食有中式：粉麵、點心、燉湯、燒味、乳鴿、蒜子浸菠菜、川香辣雞、沙律蝦球、炒飯 韓式：炸雞、薄餅、炸芝士年糕， 西式：意粉、pizza、蟹蓋、燴魚、芝士焗西蘭花 日式：天婦羅 仲有鴨肝多士，燒薄牛肉壽司等等。 講到尾聲要講下甜品，好多款，好似好正😍😍 先食左茅台味雪糕、檸檬茶味雪糕、海鹽芝士味雪糕、榴槤味雪糕，4款都好失望，係好有創意，但味道突出唔到 再夾晒佢所有cake，仲失望。。。得3件比較好味，其他都偏淡，唔太出色。香蕉心太軟仲差，除左香蕉好唔夾，入產無流心，佢應該放左啲酒係入邊，令到個朱古力味道好複雜。整體甜品細件唔太甜，但唔突出 軟雪糕已經無拎，因為怕失望 家人有食生果，佢地話都唔差，大大塊 呢一餐價錢都唔平，但質素就。。。。 唯有下次去第二間覓食🤣🤣🤣 *好欣賞將已消毒和已使用之鉗做了分類😍😍

環境／設施－都算坐得舒適，位置夠闊落，有梳化位 特色－客人自行去櫃台叫左嘢食，餐飲先拎，然後就拎住個號碼牌，等職員送上食物 人均價格－早餐 $48 至 $58左右 評分－🌟🌟🌟🌟 食物份量少，相對來講價格感覺不值，有啲貴 熱朱古力好夠濃，我同阿仔都覺得好好味 其他咖啡要加錢 食物有幾款可揀，即叫即煮，夠熱夠新鮮 望返舊餐牌，今次早餐應該係新餐牌 韓式麵，仲以為辣，原來係蕃茄底韓國辛辣麵個麵底 另一款牛乳湯意粉，味道偏淡

環境／設施－雖然係扶手電梯下，但都算坐得舒服 特色－早午晚3餐都幾有特色，好好味 人均價格－$39 評分－🌟🌟🌟🌟🌟 今日試左個黑糖麥皮餐，甜甜地無乜特別，不過上晒所有嘢食，要追問侍應先有得食，麥皮可能少人叫，上餐會普遍慢些少。 之前試過麵餐，有菜心好多片或豆角粒，超有心思又健康 佢仲有大大粒花生糯米糍，芝士拉絲菠蘿包，真係幾特別 近期係3個新都城幾個商場中，找到呢間比較有特色嘅餐廳，開業幾個月，食物質素都維持到，中等價錢，下次再同大家介紹埋午餐和晚餐

環境／設施－ 近呢幾年開左好多分店，剩係將軍澳都有2間，所以趁無咁多人，就去排隊等位，仲有得request 窗口望十字路口位（望住風景食，零舍有feel 唔同啲） 特色－食物保持水準，份量夠，多種類，不過飲品就稍後貴左少少 評分－🌟🌟🌟🌟 ✅️1家3口去食，叫左2個set，有沙律／湯，有主菜：麵或意大利飯，甜品無叫（有一次我食過唔算太好味同埋相對係貴）餐飲唔駛加錢得4款，其他都要加錢，我地另外跟餐叫左2客薯條，同埋額外叫左洋蔥圈試下 ✅️近期同隔離間台式飲品鋪合作，可以平$8叫台式飲品，職員會幫你拎過來，我就無叫，平$8實在太少🤣🤣🤣🤣 ✅️食物上菜速度都幾快 ❎️職員就唔太留意到客人需要

東港城間間都食過，係未食過呢間，一向鍾意飲珍珠奶茶嘅我，茶木剛執了，所以試下轉來春水堂試下 之前搭西鐵，都試過飲春水堂嘅珍珠奶茶，就覺得好一般，珠好細粒（我自己個人喜歡有咬口大大粒），味唔夠濃，今次俾多次機會試下（因為身邊有朋友話好味） 食lunch 時間，店鋪唔多人，鋪裡裝修幾特別，好似入左竹林咁，環境幾舒服 有便當，但我想叫麵食，就要散點 點左杯珍珠奶茶，紅燒牛肉麵（半筋半肉），仲有烏龍豆干血米糕 紅燒牛肉麵先嚟，大大碗，$83 好多筋位，牛肉味好重，啱晒鍾意食牛嘅人 如果有餐推出就好，$83一碗稍為有啲貴 珍珠奶茶味道比較淡，仲要係細珠，食唔到煙韌感覺 再一次失望食唔出台灣嘅風味 成日聽血米糕、血米糕，今次第一次叫來試下 叫之前，問左職員係咩嚟先，職員都好有耐心解答，話我知係唔同動物嘅血，加埋糯米去做出來，好有口感 一上碟聞到好大陣紅棗蓉味，食落口暖暖嘅，反而食唔到烏龍味🤣🤣🤣我係咪認錯左定叫錯左 不過都唔差嘅，第一次食 總括來講，飲品唔應該試珍珠類飲唔到台灣嘅感覺 食物反而整得比飲品出色，但貴左啲😭😭😭