点心代表 (尖沙咀)

呢期The one有美少女戰士，出賣年齡層但為見兒時偶像，都要去影相留念，去睇之餘，食埋點心，影下相呃下like嘛

呢間點心代表原來上返fb有表格填，填左就可訂枱，咁人地唔知丫嘛中午打去唔聽電話，打到下午先有人聽，就話網上填表訂枱（逢一至五有得訂咋，星期六日只可以walk in）

咁訂左3位，其實2大1b，有備註位，我無填係有個2歲半小朋友，要request bb櫈
，因為唔知有無bb櫈，到時先講啦

訂枱前一晚，加多個朋友仔去，email覆返3人變4人，無人覆，到餐廳拎位時，職員最緊要係問:人齊未?
因為人齊可入去坐，60分鐘要交枱

好多人walk in等位，所以有訂枱就優先啲，眼見有個無訂位嘅人問reception，職員無禮話要等喎

咁附近都有美少女戰士嘅紙牌，影下相啦，原來餐廳對面間鋪都係点心代表，不過阻住左職員，又被無禮招呼:睇住後邊
我心諗:你唔睇住前邊（即係我?我影緊相㗎）係你公司放到紙牌只夠1個人行，咁客人影緊相，係咪應該先俾客人影先?
如果真係要借一借，都應有禮貌講聲唔該嘛?做得餐飲服務業，呢間啲職員真係要倒扣俾負分
唔休做緊，一啲敬業精神都無

有位坐低，60分鐘要叫野食，睇下餐牌先

有美少女戰士icon好好好貴
無icon，普通點心都ok 嘅


無icon都叫左個魚湯浸娃娃菜$49，均衡飲食嘛
不過食唔到任何魚湯味，娃娃菜有啲硬身，不過係最早嚟個碟


蒸嘅點心終於來，有流沙包$59
呢個味道算唔錯，有啲奶皇餡流出來，但唔算太甜，都好味又大大個

鮮蝦腸粉$69
icon應該係食得嘅米紙，味道有啲酸有啲硬
腸粉唔
太好食，粉太厚，入邊蝦無乜味

鮮蝦帶子餃$99
呢個貴。。。兼又係唔好食
icon又係酸同硬
餃皮好厚，蝦同帶子無乜味，入邊係無乜特別


粟米花枝球$49
好多粟米，花枝球味道都唔錯，呢個食得過

無icon嘅另一選擇:蟲草花鮮雞荷葉飯$59
真係鮮雞?食唔鮮味，不過$59都叫食得過，每人食幾匙飯

原粒帶子燒賣$99，又係$99真係堅貴
蒸完啲樣都變晒，好鬼核突
味道又係面頭icon好酸，帶子同蚊無乜味
仲要賣相係咁多個之中最樣衰

三杯icon代表嘅沙冰，分別係多啤梨，芒果同藍苺
到臨15分鐘要交枱前，催左三四凈先到嘅野飲，我話:你早啲上枱，我地飲埋就走得
職員好搞笑話:你飲唔晒可以拎個蓋，拎走飲
好丫，咁唔該俾3個蓋，點知等等等。。。再要叫其他侍應先有蓋，都變左係60分鐘要交枱

另外要講係。。。2歲半小朋友，職員唔主動問係咪要坐bb櫈，係叫餐時:問小朋友幾歲?
我話:2歲半
職員話:咁要叫野飲，唔係計茶位
我就話:2歲半喎，我出街食飯未試過要俾佢嘅茶位
職員話:咁你無坐bb櫈
我話:我無request啫，佢係可以坐bb櫈，你俾張佢坐
職員就話:呢個角位放唔到bb櫈

講完就走左，咁即係點呀?我無request係我唔啱，但我無話要坐角位，我小朋友可以坐第二個位係放到bb櫈兼且唔駛收茶錢，係咪?

都係當初我訂枱太求其，搞到依家咁
今次買個教訓，下次會學精
同埋唔會再來食（最後我叫左鮮橙汁俾仔仔飲）
因為呢度都唔值得再去，又貴又受氣，咁樣一食，食左$721

星巴克咖啡 (將軍澳)

帶小孩去Starbucks嘆杯咖啡，真的不容易但小朋友看來覺得悶，不停扭計，但有個女職員好細心好有心思俾左杯細細嘅飲品俾我小朋友

佢係蓋篤左個窿，飲管剪短，以後入邊裝左水，俾我小朋友飲

其實我無留意，原來小朋友係可以request baby cappuccino（朋友叫我下次可以問下），不過今次係職員主動提供一杯水俾我仔仔飲，等我同仔仔都可以坐係度享受下


真心多謝呢間分店嘅女職員


（這篇食評是幾個月後，湊住小朋友唔多時間update 食評）

Paper Stone Bakery (將軍澳)

平時行過都覺得呢間嘅面包好吸引，買過幾次，就發覺好多包都偏硬

然後突然有日心血來潮想食cake
叫左幾件同家人一齊食
藍苺cheesecake雖然最經典，但亦都係最好味，唔算太甜太漏，但芝士味好夠


相反叫左呢2件蛋糕就只得個樣，但好好好甜
食唔出咩特別，只係甜。。。好睇唔好食


蛋糕有啲失望，可能要再覓食

P.S.蛋糕可以任望，想話要一件蛋糕，但職員唔睬人，唔會問下你係咪想要邊款，仲行到老遠，唔知係有野忙定覺得我係運吉，但我其實係想買蛋糕食囉

Y Show Tasty (尖沙咀)

情人節同大小情人去食大餐，要搵間方便又有bb櫈嘅餐廳先得

因為之前來過，所以知道一定有bb櫈提供
餐廳座位唔會好迫，坐得舒服，野食都好味，所以今次帶埋老公來一齊食
枱上放左餐廳送俾每對情人嘅小小心意，原來係朱古力來㗎




呢個係是日情人節menu
價錢公道，出去食都係差唔多價錢
需要揀嘅係要飯定要麵

我地揀左飯，有海膽好似好正


頭盤好快就到，感覺好似細左少少。。。
2個人食，好到喉唔到肺

3款最搶最好味係香燒豬肋條配蜜桃沙沙
豬肋條燒得好香，同老公一人一半，真係想食埋佢個份配水蜜桃沙沙，真係味道提升，一食難忘，依家寫緊食評都仲記得那種味道



新鮮熱辣嘅湯來喇
紫薯味俾蟹肉嘅濃味cover左，呢個湯味道好濃，真材實料，份量剛剛好


鮮海膽蟹肉意大利飯
同老公一人一半咁食，好開心食左好多啖都有海膽，食完個飯好大滿足，份量好夠食

因為帶埋仔仔去，佢又一齊食，驚唔夠食，問侍應可唔可以另外叫個麵?
侍應話其實第一輪嘅客人可以，我地第二輪，廚房個邊未必肯，不過即管幫手問下
感覺好窩心，就算唔俾叫，都明白嘅，始終係情人節嘛，廚房都已經好多order

之後侍應拎左menu來俾我地睇，話可以，但需時耐少少，因為廚房個邊要出餐

咁我地拿臨揀左個龍蝦天使麵
等左唔係好耐，但接受到嘅時間
呢碟天使麵係同海膽飯係一齊上枱
大家齊齊有得食

呢碟天使麵超好味，蝦肉好足料，成碟都係，啖啖肉，好抵食

我地一家，點知俾個飯同麵KO


但係。。。仲有牛柳同芝士焗龍蝦
牛柳。。。少少老左啲
龍蝦得半邊，咁好味，有啲唔夠喉，不過好彩頭先個天使麵有好多龍蝦肉食左好多


食完再上甜品，黑白二重奏
係焦糖芝士蛋糕同朱古力歌劇院蛋糕
2款都做得好出色，芝士味好夠，朱古力歌劇院仲好濃朱古力味
個人鍾意芝士蛋糕，唔算太甜，食多啖都唔會太漏，反而朱古力歌劇院蛋糕就越食越漏，因為太飽，之後開始食唔落

本身侍應話可以$128叫2杯指定特飲
但我地想叫啲特別嘅野飲，所以望左drink list
老公幫我揀左熱飲Ginger Delight，有薑同蘋果汁，菠蘿汁同檸檬汁味，飲左感覺好舒服好醒胃，估唔到餐廳有啲咁特別嘅熱飲
老公叫左呢杯Milo Milo 嘅wasabi+Gin酒+Sake+果汁味飲品，生果點少少中間甜甜嘅wasabi汁去食，好啃呀，再飲埋特飲，感覺係個口食左一件點左勁多wasabi壽司咁，未至放流眼淚，但西餐廳有咁嘅聯想，好得意呀個感覺，出邊未飲過有呢類特飲，下次再來試，再試下其他特飲先

XOXO Café Lab (九龍灣)

係德福行左陣，搵呢間餐廳食lunch
最吸引我應該係。。。珍珠奶茶
我同家人各叫一個set，唔太貴，仲唔駛加錢有珍珠奶茶飲

野食好快來到，個珍珠奶茶味道好淡，茶味唔夠重，我只叫少冰，但變成咁樣

而個年糕都煮得幾好食，白汁撈埋來食，西式加韓式feel，幾特別
不過份量就細左啲，食完都唔夠飽



芝士牛肉碎飯
好香，但牛肉碎好多肥膏，又係份量太少，食完唔夠飽


最後先知有甜品食，我地無望清楚menu
原來係近期新出2款口味嘅哈根大師雪糕
2款味都點，個人覺得紅豆麻薯味好食過綠茶個款