係澳門其實好避免好出名既餐廳

1。等得耐
2。通常都係貴O的
3。同平O的價錢既舖頭，味道其實又唔係真係特別好味

呢次呢間舖頭都中左頭2樣，不過食過好幾間既觸粥，都會覺得佢個金黃色既粥十分好味

椒鹽蝦錄：蝦身好爽身，好惹味

水蟹粥：個粥底好味，蟹同O的粥一齊食都好甜

清炒西蘭花：太油同太鹹

呢間大廈剛剛翻身完畢，其實一早已經知下面O個幾層有新既食肆

不過此終都覺得佢一日未拆掤同裝修，點都係食塵

上個禮拜終於去左呢度

去到一檯都無人坐，試下吧

有幾款定食，包沙律，1個飯，1碗湯，1杯飲品

饅魚飯：饅魚燒得幾好，脆身，汁撈飯都幾容易食多左飯

溫泉蛋牛肉飯：溫泉蛋撈飯永遠係最愛，牛肉有O的“UN”，反而O的雜菜幾好

女仔的話：可以一早叫佢小飯，因為真係食唔晒

午餐太約45唔算平，不過呢個份量同質素值回票價

一間係橫街再橫街既茶樓，感覺好難生存咁

經過原來下午茶做特價都幾平

唔知尖東O個間同呢間有無關連，門面真係差得遠，呢個都幾新淨同企理

叫左幾個點心、一個炒飯同糖水

蝦餃：不錯

煎雜糕：馬蹄糕味道較蘿蔔糕同年糕做得好，整體都唔錯

叉燒酥：好鬆化同入面叉燒粒醬夠熱，好味

炒肉菘飯：味道不錯，飯粒粒起身，略為多左O的油

木瓜雪耳糖水：敗筆，好甜既糖水＋無味既木瓜＋最怕既好膠既質地

見議如果下次來專注叫點心會比較好

從唔知幾時開始，越來越多人覺得雲吞越太粒越好食咁

但總覺得O個O的蝦啤水得太犀利，失真了，說真麥“UN”做得不錯

而宜家出去都越來越小叫雲吞麵了，多的是味精又或者是失真雲吞

去到這間店買外賣， 口快叫左個雲吞麵

從來都覺得，外賣粉麵主動分開2個碗係好貼心既行為，但係又總覺得浪費，下次如果再叫會叫佢唔好分開，有心就得啦

麵睇來比較白身，味道沒有多O的麵味，唔爽

雲吞，太重麻油同味精啦，4粒只食左2粒，已經再食唔到，一個鐘後仍然口渴

難得還見到沒有蝦腸，服務也不錯，不過食物質素真的唔太得

曾經有人同我講過，如果係潮式粉麵舖，就多數唔好選餃類，多數都做得唔好，港式子號先可以考慮下，而潮式粉麵舖叫魚蛋類比較穩陣

對，我睇漏眼了，他有個”潮“字哩

想去呢間好多次，一係就太多人無去排，一係就落左場／就關門，前後真係有成7﹣8次到

總覺得如果排咁耐又唔係太出色的話，會有點兒無聊

今次終於可以早O的食LUNCH， 12點......... 唔會要排隊掛

差O的比佢拋一拋，右手邊卡位全部放住RESERVED.........

個女仔問我地可唔可以一個鐘內交檯，當然可以 ， 香港人的午餐可以吃一個鐘都已經是非常奢侈吧

叫左個豚肉烏冬同咖哩豚肉飯

個烏冬覺實不錯，豚肉還可以，不會眼前一亮那種感覺，值得提提的是去到最尾個熱鍋仍然保持得非常熱

咖哩豚肉飯，這個豚肉肉質好，咖哩平平吧，日本米也做得不錯

會再去呢間舖頭食，原則就係”唔洗等位！！！”

呢間舖已經食左成十幾年

每次外遊返來, 總想買個餐返來食, 多數係因為想飲奶荼, 一杯奶茶淨叫有點兒那個

沙爹汁撈米粉好味, 米粉都夠爽身

炒蛋係全個餐最唔好味既一樣, 又油又無味

熱奶茶夠味夠熱, 唯一真係唔好既係, 佢地鐘意落埋糖比你, 我次次都要即刻狂"了"返係底o的糖出來, 如果唔係真係咸死

吃厭了腸仔/蛋/炸魚/牛扒.....+多士/蘿蔔糕

忽然想吃點不一樣

之前其實都係連鎖快餐試過, 不過總覺得淡淡的, 似加左羅宋湯底溝多於蕃茄湯

這次湯底還不錯, 有蕃茄肉添

不過大快活o的野真係越來越貴, 平時食開都係貼近$20到, 而家要多$3/4 先食到個餐.......

近幾年自己開始已經少去連鎖店, 總係覺得佢地入貨比人平, 又加價比人多又快......

而家出去食飯真係有點兒唔捨得食，廿幾三十食個一般過一般既粉麵常餐，真係唔想比錢食

食得唔同O的麻，又要添O鬼添O的

所以可以係下午茶時段食飯就最好，可以平O的又好似多O的選擇咁

吉野家既下午茶，我覺得以連鎖式來講，算係最抵同食得飽

牛肉飯＋熱奶茶＝ ＄17

牛肉飯其實呢個份量對女仔來講真係剛剛好，我喜愛叫佢加多個牛肉汁，撈酸薑食，不會有任何偏差的味道，不錯不錯

熱奶茶也沖得不錯

FORMULAE 既威力麻

唔係約左個AGENT係到傾野，真係唔知觀塘碼頭起左一間新BUIDLDING，好遠

係觀塘區／工業區我十分怕食地舖茶餐廳，因為試過長沙灣同大連排道O個O的。。。。唔食對唔住O的錢，食左對唔住自己

所以都無離開間大廈搵野食，可能間大廈比人隔離真係太遠，都幾多選擇

最後選了這間轉角位這間

哈.....睇到張餐紙其實有O的心寒，好似好亂咁

1﹣4跟野飲，無1； 6另跟咸檸7；咁5點算呢？！哈

香茅豬扒炸頭幾脆，

面頭伴菜撈飯都幾開胃

咸檸7，都係咁，

食完飯，就去左呢度食甜品，呢一年都已經由B仔改食呢間

因為一來O的阿姐無咁惡，二來O的野食好似抵食O的咁，2家打對檯咁，成條街都放晒檯係到都爆晒

相反係條巷仔入間 ”深井發記甜品“ 就一個人都無..... 哈， 地頭唔同無得打

叫左個芒果新地，十幾年都無食過面頭O個O的CREAM同埋開屏威化餅啦，感覺非常良好，同埋芒果都幾多幾甜

另外友人叫左個蕃石榴棉花冰，一放落來已經好大陣味，其實份量比出面都算多，友人一陣就食晒

佢就話好好食，不過我始終都係覺得佢成陣葯水味多O的。