中午在附近餐廳滿坐在商場激安堂買了個飯盒回公司食... 呢個飯盒包括有鱈魚,葱花炒蛋,煎雞扒. 煎豬腩肉及炸茄子... 煎雞扒雞肉很嫩滑好好味好好食啊.. 豬腩肉又爽口,不覺肥膩,面頭的醬汁少少甜好惹味... 鱈魚的肉質細緻是用簡單的味噌醬醃制後,甜甜鹹鹹的味道 加上魚肉本身入口即化的口感,真係好味道 葱花炒蛋也唔錯,雖然是外賣放耐了 也不會太老... 炸茄子完條不會軟塌塌的,又香口又酥... 飯是醋飯微酸及微甜 軟硬度剛剛好... 六十九元一個雜錦便當... 有咁豐富食物都算低食...

美心出咗個新嘅app叫做Eatizen，入面有好多優惠. 特別係時不時有$5電子印花 最近有印花食滿$30送湯粉或者麥皮. 本來送湯粉一個户口送一次, 我咁貪少便宜嘅人. 我開多兩個就可以多coupon. 送湯粉咁優惠攪到我早餐經常去食. 今個月早上番工前連續食咗五次... 官塘呢間我比較喜歡. 地方大容易搵位.就算滿坐等一陣就有位.. 早上真係好旺..經常滿坐... 排隊買飛連取食物大約十分鐘. 我幾日用送湯粉或麥皮電子印花. 炸魚柳係我的偏愛. 叫咗魚柳雙蛋多士及飲品. Coupons我揀火腿通粉. 有時都揀麥皮. 雙蛋通常炒蛋有時煎. 呢度魚柳外層香脆，肉質嫩滑，魚味較淡，鹹味適中。 點上少許附設的他他醬，酸甜醒胃。 炒蛋生熟度剛好，蛋汁充足，口感軟滑富蛋香，鹹味適中 煎雙蛋是太陽蛋煎得很靚,味道不過不失 多士焗得脆卜卜，搽埋牛油同炒蛋一齊食，變做蛋多士好味道 ... 火腿通粉食得出用忌廉雞湯... 通粉軟硬度剛剛好 火腿絲粉量亦多... 麥皮試過一次,水旺旺咁,以後唔食呢個 飲品全部都不過不失 魚柳早餐$33 有免費湯粉送 或者用$5電子coupons 兩種優惠求其揀一種 我兩種優惠都有用,因為食滿五十元 又送五元電子coupons. 宜家仲有好多coupons在app. 真係有排用呢輪早午晚又準備嚟

放工求其在附近美心搵食.. 舉頭望咗上面餐單一陣... 叫了sir 滑雞飯改脾位 購票後等叫號碼自己取餐 等幾分鐘就有得食啦. 記得最初食sir滑雞用個四方盒上 感覺外觀好靚,宜家用普通碟上. 睇落去好似差咁D喎！ 除了那Sir滑雞之外，還有泰式青瓜 跟湯和香油飯。 Sir滑雞是有點像海南雞的. 雞真的很滑! 因為已去骨 ，所以啖啖肉，另外是有三種醬油給我任意點,最正係個薑蓉,確是滋味. 湯應該是用豬骨煲的, 雖然有點油但也蠻好味的! 而且還有好多湯渣在底 那泰式青瓜有點酸! 但還是蠻清爽的， 好食過之前跟餐嘅椰菜絲好多 那雞油飯，金黃色的飯粒 而平常雞油飯都給人一種油膩的感覺⋯⋯ 但吃這個雞油飯同之前唔同 可能轉哂做法 飯很香但不油膩, 另外上湯時菜是免費, 上載佢哋網頁就有得送 份量都多,但係得兩粒蒜子在菜面. 我在官塘店食過兩次有幾粒皮蛋 有皮蛋粒會更好食. 同一集團,可能間間店唔同 整體來説這個套餐算滿意的！ 宜家物價咁高，六十二算是經濟的一餐 不過呢度地方細,都唔好坐 好似飯堂格局, 不過食完即刻走

今日同朋友去商場行、岩岩過了午餐時段！ 行到pizza hut 咁就行去食個下午茶啦！ 行到入去！見到下午茶餐有焗飯叫！ 咁我地就兩個叫咗兩個芝士焗海鮮飯！ 等咗大約十分鐘焗海鮮飯到 新鮮熱辣，盛滿飯和海鮮， 白汁又是那配方，加急凍海鮮 蟹柳，蜆肉，魷魚，蝦仁帶子粒 再舖一塊芝士在上，入爐焗數分鐘微焦即成。 但不重芝士味，醬汁實在太多！ 雖然急凍海鮮,但完全食唔到雪味！ 可以話靠醬汁味蓋過急凍海鮮的雪味... 而個底雖然是炒飯，但不夠香同比較濕！ 不過整體都係好食同飽！ 飲品凍檸檬茶味都濃！ 呢度座位舒適，桌與桌之間空間充足！ 整體都可以接受

這間餐廳坐得幾舒服. 久不久會幫襯一次 我這星期都在這兩次吃早餐. 有個早餐份量都幾多. 除了炒蛋,兵加腸,烤蕃茄,薯餅及麥包 仲有一碗螺絲粉潻. 啱哂我咁大胃口嘅人 今天九點多來到,已經八成客. 又係叫了這個早餐,因為昨天飲了咖啡 所以今天飲檸檬茶 呢度我落完單取了號碼牌隨便揀個位置坐 侍應就親自送食物到你面前 番茄螺絲粉番茄濃湯茄味濃郁！ 甜酸味突出,而且湯顏色偏鮮紅！ 一看便知很重茄膏 兵加腸外皮煙韌,肉味香濃. 炒蛋算滑,但蛋味不算突出. 顏色偏深黃,似乎加入色素. 炸薯餅口感香脆可口. 而烤蕃茄呢，新鮮多汁 口感很棒，一咬爆漿的感覺. 麥方包味道ok，不過不失. 口感鬆軟,都夠飽肚. 檸檬茶夠哂濃,茶夠香 四十七元定位俏貴了少少 不過出品做得幾乾淨企理 環境又唔錯,所以會繼續幫襯.

今天同朋友去APM商場買手機， 逛完一輪商場，有點肚餓~ 於是來到樓上的美食廣場覓食。 呢個廣場嘅餐廳我都差唔多試過哂~ 心裏有好多款選擇，苦惱咗好耐~ 巡視一番行經鰻堂 看到鰻魚飯的仿制圖片好吸引， 鍾意食鰻魚嘅我，見呢度唔太貴有得食就試下啦！ 無幾耐，我個飯就可以囉 鰻魚燒得恰到好處,沒有部位見到燒焦~ 肉質可接受，而且不會有很多刺，值得加分。 味道亦非常美味,充滿日式鰻魚甜甜的口感,而且米飯量充足 最後總結，我認為呢個價錢$84食到既鰻魚飯尚可， 味道一定不是最好，鰻魚同飯既冷熱真的控制得好好！

早上同老婆去完銀行揾早餐食！ 見到呢間新開就入去試試！ 不過一入到去冇人招呼，要自己搵位， 但張張卡位都坐咗人，有啲唔開心！ 終於坐低咗喇，其實店舖嘅侍應唔算少！ 但可能旺接到好多柯打！ 或者新開未熟手掛！ 所以有改善嘅空間。 不過佢哋都好好禮貌嘅！ 叫咗蛋治餐同一個腸粉餐！ 老婆食雞蛋三文治！ 石磨叉燒腸粉餐可以唔要飲品改跟麥皮！ 腸粉即叫即蒸 感覺新鮮熱辣辣！ 師傳調漿粉技術真一流~ 腸粉皮的確好薄好滑~ 叉燒餡料都好足 一碟切開八件,每件都有叉燒~ 加上鼓油撈嚟食真唔錯！ 麥皮大大碗,味道不過不失！ 食完兩樣都咁健康食物！ 感覺充滿活力！

星期六只為方便，與同事－行兩人沒有訂位！ 在公司附近商場的潮館酒家飲茶。 這裡每天早上食客大多老街坊！ 而中午食客就是寫字樓居多！ 茶樓現在當客人坐低後！ 待應就會問要你甚麼茶~ 不久之後就放下茶包~ 而側邊枱邊有一熱水煲及玻璃壼 給客人自己冲茶及加水！ 改用用手機形式在枱號掃描 落單後等食物！ 基本的食物普普通通~ 有D點心份量都好大份量~ 例如山竹牛肉球比平常茶樓多有四大舊真材實料~ 牛肉球彈牙不特止，嫩滑多汁唔乾有勁濃郁嘅牛肉味。 唔係誇張我一個人食咗三件~~~ 時菜鲮魚球也大份 肉質算彈牙,亦唔會腥~ 南乳豬手今日有驚喜蚊到起膠~ 份量多又入味~ 藥膳雞腳飲唔到有藥味,似油塩水雞腳多啲~ 綿花雞的雞嚡口,其他都正常~ 特價盎頭飯做了兩年都係炸菜肉餅飯~ 但我地每次嚟一人一盎特價飯` 即叫即蒸熱辣辣食得好開心~ 兩人埋單一百一拾算好底 不過每次黎既經驗都覺得酒樓唔夠人手幫你執台、點菜、湛茶 因為平日早上十一點前落單所以先選擇嚟

其實每朝返工經過呢間鋪果陣, 都聞到好香. 心成日想入去試下, 終於今日Lunch time走嚟試~~ 都好多選擇,最後要了牛筋河同油菜... 牛筋河，炆得入味，又有膠質 柱候牛腩醬夠入味、份量十足。 河粉選用較細既河粉，相當滑溜！ 湯偏咸及重口,可能過多腩汁！ 倘若愛辣之人記得要落辣椒醬，味道會加分啊！ 油菜係腐乳通菜, 腐乳適量通菜爽口嫩綠！ 賣相得入口亦掂~ 午市時候雖然要搭枱, 四十零蚊已經食得好開心,完全冇壓力｡ 雖然地方唔係好大,環境我覺得接受到~

朋友成人話養心殿好好食。一直都好想試 但係同朋友夾唔到時間。 難得今日夾到時間食啦。 這裡地方幾亁凈企理，坐位很舒適⋯⋯ 先介紹火鍋因為最重要就是湯底.. 湯底方面，主要有六種選擇⋯⋯ 我們選了鴛鴦鍋，一邊是麻辣。 一邊是養生鍋望落比較清的。 而麻辣鍋入面就主要係辣椒。 養心鍋是以魚頭及多種藥材做湯底 奶白色的魚湯鮮甜好喝，非常出色 介紹一下食物方面。 手工丸拼盤，六款可以滿足唔同嘅口味唔同嘅朋友 每款都很彈牙！ 當中黑松露蝦丸帶有幽香味。 梅菜豬肉丸味道鹹鹹地。 而鵝肝墨魚丸較惹味！ 手切牛肉，牛肉色澤紅潤 脂肪比例分佈好平均。 而牛味卻是出奇地香濃突出。 輕灼數秒，入口嫩滑無比！ 雖然價錢三百多唔算平。 老實講真係好食過一般的肥牛。 叫了個雜錦蔬菜盤，有多款蔬菜款式 。 仲有少量菇類入面，而且新鮮。 其他配料大路野如炸午餐肉。 支竹等我唔介紹啦⋯⋯ 由於時間關係，我地七點坐到九點幾。 乜拆都無都幾貴，下次會選擇早啲入坐！