今日臨時記得同事生日 想起公司樓下的coffee shop 感謝天父 lunch time去 還有最後一件cheese cake （溫提：大家下次最好早d訂） 我厚面皮問會唔會有蠟燭 老闆娘超窩心 二話不說 送了我一支靚蠟燭同生日牌 (佢咁啱有，大家唔好老馮要佢送） 我話俾返錢佢 佢話唔駛 超好人 同事好surprised 開心 cheese cake也好靚 *網上HolidaySmart相片 一入去先知 原來除左外賣咖啡 入面堂食環境都好chill 下次試下先

舊鋪由細食到大 之前冬天最鐘意坐低 整返碗熱豆花 大排檔式豆花 好有風味 今日經開YM Square 欣喜地發現永興豆漿王 行左幾次 終於問到接待處 喺巴士總站嗰層 雖然已經冇得堂食 冇咗嗰種風味 但人情味同濃厚嘅豆味不變 外賣返到屋企仍然好正 見到老闆娘而家踩10幾個鐘 人流冇以前咁旺 知道生意難做大家多多去支持下 ———————————————————— 網上補充資料 扎根裕民坊30年的「永興豆漿王」是街坊最熟識的店舖之一。他們出品的豆漿及豆腐花，以香濃幼滑聞名。這家以往只在晚上營業的小店，以往每晚都吸引數百食客光顧。

今日放假經過 見到都幾多街坊入去幫襯 雖然門面好似有啲噏耷🙈 但即管入去試吓🤣 一入去 地方好乾淨 老闆同埋嬸嬸都好好人 完全係八九十年代嗰種街坊小店感覺🫶🏻 睇埋餐牌 佢個價錢都係九十年代嘅價位 兩餸車仔麵連嘢飲（檸蜜都唔使加錢） 只係港幣35大元 抱住唔係咁高嘅期望 見到碗粉 好大碗吖 食落去 好似細個婆婆煮嘅面 好懷舊 好窩心 好好食🥰🥰 我叫咗蘿蔔魚蛋水餃粗麵 仲要蘿蔔魚蛋只計1個餸 個個餸都幾高質 一啲唔係垃圾 蘿蔔清甜無根 魚蛋有魚味且有少少𡁻口 水餃唔差，豬肉新鮮足料 粗麵感覺到有兩個麵餅咁多 最後食唔晒 熱檸蜜檸檬也不苦，好好飲 懷舊窩心車仔麵小店 價錢冇得輸 會再嚟幫襯 支持小店

最近血氣虛弱好怕凍 立即過嚟補下 一人細蛇羹套餐好抵食 $75就有細蛇羹，細蛇湯同糯米飯 蛇羹好足料 味道雖然冇蛇王協咁濃 但清清地湯底都鮮甜 蛇湯清清地 好補氣 糯米飯唔係生炒 冇咁熱氣 而且好足料 好多臘腸同花生 飯硬度到啱啱好 食完個人暖笠笠 溫馨提示： 套餐建議呢叫店員一樣樣上菜 因為蛇羹要多啲時間食 如果唔係蛇湯同埋糯米飯就會凍哂唔好食 店員好好 見我蛇羹仲要食好耐 姐姐特別安排之後分開上個蛇湯同糯米飯比我熱辣辣食 好有人情味嘅小店 值得一讚

承上 個度d服務態度真係普通
我唔要茶 佢俾左壺滾水我
茶錢 都係之後先知要收

而度都算多野食
茶餐廳的價錢唔舒服 叫左皮蛋瘦肉粥($6) 同叉燒腸($10)抵讚的是 皮蛋瘦肉粥
都幾大碗 食麵碗咁大
足料 加左咸蛋係入面添 味道不差

叉燒腸 真係麻麻
煙韌度尚可 餡不算少
但粉皮太厚卻是最大的敗筆!

如果大家想食叉燒腸 漁灣村好食好多

埋單 $16 + $2 茶錢 = $18
味道一般 下次未必會再試 OR 試佢其他飯類

個鋪位都不知易手了多少遍
今次換左 元朗正記
試下正唔正先

正記 主要賣四川酸辣粉類/小食
好有幾多選擇

麵底 有四川酸辣粉/湘味冷麵/酸辣麵/紅薯粉等等
而(食送) 仲多款 有三杯雞, 辣子雞, 麻辣牛肉/雞絲, 鹵牛展/豬耳/雞翼, 炸魚角, 菲菜雲吞, 炸中翼, 豬扒, 雞扒, 豬軟骨, 蘿白, 豆卜及各種菇類丸類 (好彩我影個門面相時 影到少少個menu:3)

可以好似車仔麵咁 揀麵底同送 $16-18
跟餐 $20麵底配兩個送 有豆漿同其他飲品(忘記了)

試左
1.鹵豬耳蘿白配湘味冷麵($20配豆漿)


豬耳入味且爽
蘿白值得一讚 甜而無渣
湘味冷麵 幾特別 麵質幼細
酸酸辣辣中 帶點麻油香
叫左小辣都還不算太辣 適合食唔到辣的人

2.豬軟骨豆卜酸辣粉 ($20配豆漿)


又係叫左小辣 但比冷麵辣
食開譚仔10小辣的我 食到流埋鼻水
但真係幾惹味
豬軟骨 夠稔入味
但豆卜就無乜特別


酸辣粉 比起之前係聯記川王涼粉的酸辣粉冇咁油
油量也勉強可以接受
個粉質感幾煙韌
不足的是 兩碗份量不算多
女仔剛剛好 男仔應該唔夠

3.豆漿

普通 豆味不夠
甜左少少
但食辣野 飲甜野 唔錯 = v =

提提大家
唔好食得咁密
且食完 記住去飲涼茶!

因為真係好熱氣
食完即刻爆瘡 = 口 =
不過 真係好暖胃

Anyway
這間野 的確為無什麼好食的新都城加添色彩!

減肥 一向都不吃Junk Food
但友人通知有$10 Burger餐優惠
咁平 唔食好似就又對唔住自已喎
明明就是想食XD


$10燒烤豬柳堡配細可樂!100萬個抵!!!!!!!!!
+ $1.5轉鮮榨橙汁(都幾大杯) 加多100萬個抵!!!!!!!!!
+ $5 半價換中薯條 真係超超超超超超超級抵!!!!!!!!

好在 優惠沒有令質素下降
包同薯條都新鮮出
第一次食Burger King
個包雖然咁平
但真係一點也不差啊!

豬柳 嚴格黎講
係一舊豬的漢堡扒
即肉餅打成 唔係成塊肉
咁仲好食!
舊肉好Fruity!
燒烤汁好夾 好惹味!
舊肉上面好特別
配上幾舊麥樂雞形狀的薯餅
加上生菜
好好好好好好好好食! 好有層次!
有薯餅的脆 搭上有Fruity的漢堡扒
至於薯條 唔差
熱辣辣 脆卜卜
比起McDonald ‘s當然好好好多啦!
但比起 Mos Burger
我覺得Mos Burger d薯條好食d!
因為Mos 個d 夠粗 每條口感 薯味都好食d!
Burger King d薯條 個人略嫌唔夠粗!
同埋 Mos d薯條用植物油炸 冇咁肥
Anyway Burger King真係唔錯
但服務態度就一般 = =

朋友們對於「大盛」有不同看法
有些覺得好垃圾
有些覺得好好味

這是在於
你同咩比？
以及 你識唔識得揀野黎食？

以佢平宜的價錢
如果你識得揀 「大盛」真係唔差

佢壽司唔差 幾抵食

特別係三文魚壽司($16)
三文魚勁長 長到可以包哂整舊飯
而且都算新鮮 不是次等平價貨

三文魚腩 帶子果d都唔錯

另外 特別推介的是

好好好好味!
有鹽香 同時 又不會蓋過魚肉的鮮甜
都算多肉食

蟹籽沙律

家人很愛吃
我覺得味道一般
但$28黎講 咁多蟹籽
都幾抵!

超級唔推介大家食烏冬!!

佢d烏冬不單一點也不煙un彈牙
仲衰過屋企煮的包裝烏冬 = =

很多食肆都有唔多食的野
只要識避過
發掘好野食 就行

今日親愛的同學生日
大家想飲茶
又不想待在學校
在沒有什麼選擇之下
去了德興

諗著實無死
事實上
火鍋一流 但飲茶一般


選擇少
價錢貴
服務差

叫了半打壽包(因為要半打起, $8/個)
個樣一點也不紅噹噹


蓮蓉餡裡 有蛋黃
好似月餅 但都幾膩

最後埋單
一行七人 每位差唔多$60
好貴 仲要食左唔多野

大家如果想飲這樣
去學校茶樓食好過

P.S 結帳 我地俾埋零頭佢
個侍應在扮懵話咁樣唔好找
話要找散佢
其實想我地俾tips 個樣仲要勁不滿 = =

漁灣村的食物大致上沒有什麼特別
唔差 但唔可以話好好食


但唯獨係佢o既手拉腸粉
我都覺得超級好味!
完全值一個笑臉

因為唔食過牛
所以每次都係買叉燒腸($12)

佢的手拉腸粉 即叫即拉
粉皮厚度適中 煙韌嫩口
叉燒餡足料
perfect match!

在寶林商場 這手拉腸粉算是很高水平 很好味!
大家經過不妨試下 = v =