Cwhk 等級3 |  關注
 留言給此食家
|
|
排序方法：
日期 笑臉
 喊臉 
編輯推介 餐廳總分  文章形式 |  地圖形式
2014-07-15
老虎咖哩，好似好兇下咁。入到去，一定要試佢個咖哩飯。既然係咁，就叫佢個咖哩午肉飯。 服務員好好，一落完柯打就有凍水飲，而且係你一飲到半杯就自動加水。咁嘅服務真係一流！ 飯到，咖哩唔係好辣，始終係日式咖哩，不過少少酸味嘅蕃茄味幾特別。涮牛肉ok，肉質唔差，但又未到好特別。飯，唔似日本米，無乜飯香，中間有幾粒硬米，算失敗。 加埋一，$86。如果話租金貴，可以理解。但不能用物有所值來形容。 
長長的bar枱，空間感好 
評分: 味道 3 環境 4 服務 5 衛生 4 抵食 1
2014-04-29
我地兩個人買咗張團購$388特級套餐，一於去試新嘢。 個餐有： 吞拿魚腩海膽豆腐，好好味，唔錯 鮮蟹肉玉子燒，不是太凸出，味道唔錯 特級O-Toro刺身，呢個係亮點之作，入口好甘香，超好味，推介！ 特級O-Toro壽司，都係非常好味，好甘香！ 有機奄美島黑豚松子仁野菌燒，好味道，不過太油，唔知同黑豚肉有無關係 日本海鮮大根煮，味道好，不過份量太少了，份得一件蘿蔔，唔值錢嘅嘢，俾多啲都得呱？ 日本原隻塩燒鮑魚，細隻，同隻鮑魚殻唔夾，覺得大細不一，個殻唔似係隻鮑魚嘅。。。味道普通啦 ** 食到呢個時候，覺得未飽 鮮三文魚茶漬飯，一人一大碗，食咗就立即飽曬！ 奄美黑豚味噌湯，一般的味道，有啲鹹 自家清酒一支，細，食到一半已經飲曬，唯有飲蘋果特飲 北海道綠茶軟凍，ok啦 加埋$40服務費。 成晚O-Toro係最好食！其他食物無特別亮點。 地方好好，好舒服。如果隔離枱嗰位先生無喺門口食煙，令煙味入餐廳，仲正！ 當然，兩條友一齊晚飯最正！
評分: 味道 3 環境 5 服務 4 衛生 4 抵食 4
2014-04-18 
吉豚屋吉列豬扒專門店 (北角)
新開張幾日，今日用試食價去試個咖哩吉列豬飯。因為中午時間，人多到要喺外面等十幾分鐘先有位置。好在天氣還未太熱，否則會建議佢地送冰水俾喺外面等位嘅人解喝。服務好好！一坐低就有水，好周到。 用試食價$50叫咗個咖哩吉列豬，咖哩味道幾好，食第一件豬好好味，好鬆好軟，但到食第二件就好硬身，唔知點解。然後到中間有水味，唔係肉汁味道。係中間啲肉太厚原故？真係唔肯定。 不過，以$50嘅價錢，有服務，環境清潔，已經唔錯，努力做好食物質素，價錢合理，唔貴就一定多街坊支持，努力！ 
咖哩吉列豬排飯，試食$50，幾吸引！
評分: 味道 3 環境 3 服務 5 衛生 4 抵食 4
2014-03-12
同愛人去試新嘢，我地叫咗一碗紅拉麵、一碗黑拉麵，因為想試多啲嘢，另加餃子，芽菜，木耳，同加咗個麵($15)。 紅拉麵$78，味道不錯，辣得嚟幾好，食到流汗。 黑拉麵$78，黑係蒜油，但不覺有蒜油味的香，只係湯黑黑實實，味道一般。 餃子$30五隻，味道可以，但太細隻，感覺唔扺食。 木耳$10，唔會死錯人。 芽菜$25，不錯，味道幾野味，推介。 是晚見到店子內一片混亂，啲單跟到錯曬。連冰可樂都可以俾錯枱？！  我真係O咀。我地喺等枱時落order，到坐埋位都要等成20分鐘。加上見到啲嘢亂曬，我地食慾大減  。喔，我地碟餃子去咗兩枱先返嚟我地度！  拉麵店跟單亂成咁，就算味道一流都會打折扣。何講它的味道只是一般，沒有賣點。
評分: 味道 3 環境 2 服務 2 衛生 3 抵食 3
|
2次成為首位寫食評會員
食評數目
編輯推介數目
0
會員推介次數
7
人氣指數
490
留言數目
上載相片
上載影片
我推介的食評
我的餐廳
關注
3
粉絲
9
要食好味嘢，諗唔得咁多