老婆嚷了很久要來這間標榜手做意粉的餐廳試一試, 今晚收エ即刻飛車於晚上945pm到達。星期六的晚上有大約只得10張枱左右, 所以並非太擠迫。氣氛並非Fine Dining 的拘緊, 播着普通的Pop Music, 與一間食地道意大利菜的餐廳有點格格不入, 感覺似去了Pub多啲。不過對這間餐廳的食物質素有幾大期望, 因為很想試下用00級的靚麵粉手做出來的意大利麵會跟自已於屋企做的普通意粉有什麼分別!
先來三款Antipasti:Burrata,Burrata 芝士配上鮮嫩的西洋菜, 加一些茄子醬, 酸紅葱, 和15年陳Balsamic Vinegar, Burrata 濃濃的奶香配上甜甜酸酸的味道, 清新地喚醒了味蕾!!Truffled Fried Oysters, 松露油加上熟蠔上, 蠔底放了一些Cream Sauce 煮過的菠菜, 我覺得此菜式有點「港式」的堆切, 我覺得蠔本身已充滿其香濃蠔的鮮甜, 不應再加上濃味的松露油和Cream Sauce去令這款前菜濃上加濃, Not good!!Affettati, 本來這道菜式十分精釆, 把豬油醬Lardo搽到烤過的Focaccia餅上(我覺得只係似一塊普通的烤多士), 再放上意大利火腿一齊食。啲Lardo醬的確甘香可口, 塗在餅上勝過用牛油, 但啲火腿質素就十分一般, 有根, 冇咸香重有少少「枱布」味。我覺得一家好的意大利餐廳應該用一些原隻手切的火腿才有水準, 不應用一些pack好的Sliced火腿片(pack好的我自己屋企都食到啦, 駛乜出街俾咁多錢食呢!) 希望各意大利餐廳留意改進。
跟住叫了兩個Pasta, 第一個是Duck Egg Ravioli。Ravioli 的餡料是Ricotta芝士和鮮鴨蛋, 切開Ravioli時濃濃的蛋汁和芝士湧出來, 立即張它們放入口中, Ravioli 的皮是Al dente, 蛋汁和芝士的濃郁佔據口腔每一夥細胞, So good!! .....
跟住叫了一款名為Gnocchi的Pasta。Gnocchi 應該是一種由芝士,薯仔和麵粉搓造成的小粉團，配上芝士, 番茄和Basil。由於我係第一次食這種Pasta, 所以唔知道Standard 應是怎樣的。但芝士味道很羶很重, 番茄和Basil又太少, 麵粉團又淡淡的浸在水稀稀的Sauce上面, 大家面阻阻做唔到朋友, 整個Pasta有點「是旦」炒埋一碟的感覺, Not Good! ...最后食埋老婆至愛的甜品Affogato。香濃的Expresso注入雲尼拿雪糕杯之中, 雖然並不是什麼高技術巧手之作, 但勝在夠香滑窩心, 為整個晚餐畫上美好的句號。

好友阿Tim介紹大坑炳記最強奶茶同丁麵, 今日一早同老婆出城去大坑試下。
先叫一杯熱奶茶同熱鴛鴦。兩杯熱度夠, 入口夠滑溜。茶味香濃, 是上乘之作。再來一客油占多, 厚多外脆內鬆軟, 果占比例適中, 是上乘之作。最後點了餐旦一丁。湯底是自家湯底, 並非一丁醬油湯。濃度和味道尚可, 餐肉比較薄了一點和煎旦生熟適中。但麵底似發水即食麵, 完全沒有丁麵彈牙的應有水準, 失敗! 總括而言, 整體水平尚可, 但無什驚喜。