我同大小姐都好中意食野
今日去開大角咀
就見到有一間傳統中菜小店
裡面人頭湧湧
午市時間人流不絕
於是我們就決定試一下他的手勢 就是這家”喜聚坊”
一坐下老闆娘先送上老火靚湯
煲上4至5小時的椰子粟米紅蘿蔔湯
完全零味精
非常好味道  
我自己就點了川式口水雞飯
辣度不會過勁
咸咸辣辣的
配上白飯 一流
 
雞肉嫩嫩的
非常好吃 大小姐揀了川式乾炒牛河
辣度很適合香港人口味  
炒河不會很油膩
鑊氣十足
牛肉鮮嫩滑溜
大小姐火速吃光光
只餘下芽菜🤣🤣🤣 最後再嘆一杯花香奶茶
啖啖的花香味在口腔中迴旋 總結
想不到大角咀都有一間隱世食店
有大廚坐陣  
食物質素超水準
價錢親民
舖頭細細但係都有一間VIP房  
如果你地大時大節都可以來訂枱食飯
晚市有好多大師傅級的小菜
絕對推介你們來試試

我鍾意飲咖啡 所以好多時都會帶埋電腦去咖啡店 靜靜地工作 前陣子大小姐要考試 所以就特登帶佢出去 等佢可以安靜地一邊溫書 我又一邊工作 今次要講嘅就係位於黃埔嘅black sugar Coffee 先講餐廳內嘅環境 坐位之間都好闊落 坐得好舒服 場內有唔少柴犬狗狗的佈置 非常可愛 食物方面今次大小姐就揀咗食意粉 Traditional Carbon 麵質ok不過煮得太鹹 可惜佢係冇套餐嘅 所以主食揀完要另外再嗌嘢飲 揀咗杯蘋果汁畀大小姐 同我哋平時飲開嘅蘋果汁好唔同 好清甜㗎 而我自己就揀咗black Coffee 不過今次佢用嘅咖啡豆 就唔係好啱我心水 第一啖飲落已經好酸 所以好失望 總結呢度得cp值唔算高 因為價錢偏貴 雖然食物質素ok 但係飲品又要另外叫 所以唔算抵食 而且場內無免費wi-fi提供 如果你哋想坐低做嘢最好自備wifi蛋 店內員工亦欠缺禮貌 希望可以改善一下

大小姐同我一樣都係吃貨 所以我哋都好鍾意去試唔同嘅餐廳 今日我哋又去長沙灣搵日食 估唔到喺元州商場 會有一間裝修得咁靚嘅平民餐室 我講緊嘅就係炯記餐室 佢哋嘅鵝油撈麵好出名㗎 所以今日我哋就試咗個清湯牛腩撈麵 麵條超級彈牙 撈埋鵝油真係好好食😋😋😋 大小姐食唔停口 牛腩煮得好軟身 雖然未至於入口即溶但係都好容易咬 佢嘅醬皇豬手亦都係好出名㗎 豬手炆得好入味 我平時自己喺屋企都會炆豬手 但係始終都唔夠入味 所以呢碟豬手好快就已經畀我食光光 食完感覺自己食咗好多骨膠原🤣🤣🤣 仲有呢碟小食拼盤 夏天我哋都好鍾意食凍盤 拼盤就有三款唔同嘅小食 分別係木耳，無骨雞爪同埋雞腎 全部都好惹味 喺度坐得好舒服 因為枱與枱之間有好充足嘅距離 就算隔離枱傾計傾到好大聲 都唔會影響到你 再加上店員都好有禮貌好好服務 總結如果你去到長沙灣區想坐得舒服又食得開心就可以試下炯記餐室喇真係好值得推介㗎

大家食飽晚飯 係時候望下甜品啦！ 冇得食但係有得睇 都唔錯🤣🤣🤣 大家都知道我同大小姐好鍾意食芋圓 成日都會去試唔同嘅芋圓店 難得今日畀我哋喺黃埔 見到有間新開嘅芋圓店 即刻去試下 呢度舖頭細細但係好有文青feel 喺木枱上面一邊食住甜品 一邊工作 覺得好relax 真係唔錯㗎😋 而且店員都好有禮貌 餐牌上面有好多選擇 眼花繚亂 我同大小姐揀咗好耐先至揀到 因為樣樣都好想食 大小姐就揀咗仙草芋圓西米露 好香椰汁味 芋圓好Q彈 好有咬口 而我就揀咗大滿貫燒仙草 有濃濃嘅奶茶味 紅豆同小珍珠都好多 再加上Q彈嘅芋圓 食得好滿足 而家望住張相即刻又好想食 唔知你哋又鍾唔鍾意食芋圓呢？

紅磡一向出名多食店 而且都係好味抵食居多 要搵一間貴夾唔飽真係好難 今次竟然咁好彩比我地遇到 話說土本身想食拉麵 但點知大排長龍 小朋友又嗌肚餓 於是就去左隔離飲茶 成間酒樓好細間 午餐時間得小貓幾隻 門口裝潢幾靚 諗住食物質素會唔錯 點知選擇少，上菜慢 店員服務態度差又呆 點心份量少，唔夠熱 未試過叫一碟炒飯 但上到枱得一碗多d份量 去福臨門都無咁離譜 仲要淡而無味 食左幾款點心 無一款係值得讚 唯一灌湯餃叫做比較好食 3大2小，食左8xx元 完全唔覺得飽 以後唔再幫襯 相都唔想影

我家大小姐真係好鍾意食麵 尤其是日式烏冬，日式拉麵 所以好多時我哋嘅午餐都係要食麵 今日去到黃埔嘅丸龜製麵 之前因為貨源關係 有一段時間無烏冬供應 真係好失望 不過最近終於都有返呀 梗係要即刻去食啦 今日我就試咗牛肉烏冬 另加燒年糕 不過年糕已經放到凍曬唔係好好食 但係牛肉烏冬就好好味啦 我仲加咗大量配料等味道更加提升 而大小姐就食咗和風蜆肉烏冬 蜆肉嚟講份量都算ok 雖然細細隻 但係都好有蜆味 餃子一樣都係凍嘅 如果這些小食可以做返熱咁就非常好啦 終結嚟講 呢度好適合一家大細嚟食 實有一款面麵或者飯 係啱你食嘅 而且仲可以揀大，小份量 大食嘅都唔怕唔夠食。

前幾天到旺角閒逛 忽然下起大雨 沒有帶傘的我們只好躲到商場避雨 剛好看到牧羊少年咖啡館 被那厚厚的窩夫吸引住 就乖乖拿籌得入坐 大爺不喜歡甜品 所以點了香草青醬雞肉蘆筍意大利粉 蘆筍很鮮嫩 意粉煮得剛剛好 每一條意粉都包裹住青醬 入口有一股很清新的感覺 窩夫需時15分鐘 所以等意大利粉差不多吃完 甜品就到了 小孩子看到最開心 有窩夫 有巧克力醬 又有雪糕球 一次滿足3個要求 妹妹看到都口水流 因為有她最愛的Banana 值得一讚這款甜品甜度不高 雖然是2人份 但吃光也不會有太大的罪惡感 這家咖啡館 老實說選擇真的不多 價格也不算很便宜 不過食物質素是很高的 而且份量也不算少 餐廳環境漂亮又舒服 店員又手腳快禮貌好 在旺角區真的很難得

我地真係好中意食自助餐
一個價錢吃到飽
今次去試尖沙咀加拿芬道的殿 大喜屋
一去到門口已經超級多人
難得開放返晚市
又係母親節
所以好多人都一家大細黎開餐


好味的自助餐有好多
不過依間價錢都好抵
中西日式食材都有
除了可以用手機自助點餐
仲可以去美食區自取熟食

大大盤新鮮刺身
嫩嫩的和牛
超大碗花膠冬菇仲有大大隻鮑魚
清酒梅酒任飲
美食區其實都好乾淨企理
refill 都好快手

食飽記得要食埋甜品先好收工
仲有優質雪糕任你食
我覺得值得再去

一直很想來這家人氣食店 網上食評超高分 單看圖片已經非常吸引 難得今日約埋很久沒見的好朋友 當然要馬上訂座享受一趟韓式午餐啦! @hoo.pocha 以韓國夜攤為主題的韓國餐廳 平時睇韓劇已經非常想試試這種夜攤 估唔到依家唔洗去韓國都試到 店內環境極具氣氛 而且跟足韓國街景佈置 就連店內的音樂都用上KPOP 真係好似去左韓國旅行咁 雖然我地得兩個女仔 但係都唔好睇少我地的食量呀 一坐底店員首先提供兩款韓式小菜 有我最喜歡的辣泡菜及炒芽菜 接下來一邊聊天一邊等 大約5分鐘左右飲料先到 我們點了熱帶水果燒酒 可能我們兩人平常都有喝酒的習慣 所以這杯燒酒對我們來說是BB級別 午餐喝絕對沒有問題 不會醉哦!! 加添了水果很適合炎炎夏日飲 之後就上第一道小菜 - 招牌炒章魚 微辣的醬汁拌炒章魚粒及椰菜 是非常棒的下酒菜 如果晚上來吃的話不妨配上大大瓶的啤酒 最後就是一雞兩味 超經典的韓式炸雞 跟平時的炸雞很不同 這邊的非常JUICY 我選了醬油味及原味 原味是有輕微咸咸的 嫩嫩的雞肉就算原味也非常好吃 至於醬油味絕對推薦給喜歡濃味的你們 醬油味不會只停留在表面 而是深入到肉質深處 每一口都吃到醬油香 滿滿的一碟有8-10件雞 非常抵食 店員也很細心提供手套讓你直接拿起炸雞來吃 這家店真的很火熱 大家如果很想念韓國就來打打卡 享受一下韓國夜攤的風味吧!!

好耐無食禪八啦 難得又有同事離職 當然要請佢食餐好啦 估唔到依家禪八少左一份menu 不過選擇少左的情況下 我地仍然揀到想食的餐點 我自己就揀左雜錦壽司定食 今日海膽好新鮮甜美 其他壽司都好新鮮 8件壽司配茶碗蛋，前菜，沙律，麵豉湯 其實都好飽 同事就揀左雜錦刺身定食 刺身有10件 切得很厚身 同樣很鮮味 套餐有一碗飯，茶碗蛋， 前菜，沙律，麵豉湯 超豐富 另一位同事就點了鹿兒島黑豚丼飯 香脆的黑豚扒 配上雞蛋 也非常好味 份量一大碗 吃得很滿足 難得可以坐下來跟同事吹吹水 又可以享受美食 真的超開心 如果大家想試優質的日式料理 可以來試哦 超推介