雪糕咖哩飯?? 好難想像佢的味道究竟係似雪糕多D? 定似咖哩飯多D? 今次我地去到銅鑼灣 就要試下這一碟傳說中小新最中意食嘅雪糕咖哩飯啦 行經店門口一定會比小新公仔吸引住 店內環境潔淨企理 是一間走小清新路線的小店 有吧枱位亦有卡位 店內除了提供各式丼飯 如北海道海鮮丼, 吞拿魚三色丼及北海道馬糞海膽丼等 食客仲可以自選海鮮配搭 今次我地要食嘅係夏日限定的蠟筆小新雪糕咖哩飯 雪糕咖哩飯總共有4款 吉列豬扒, 吉列炸雞, 牛肉以及海鮮 我地今次就揀左最多人中意的吉列豬扒 套餐$118 配埋腐皮壽司, 特飲及麵豉湯 其實份量都好多 無論豬扒同飯都好足料 我中意食辣所以揀左中辣 估唔到原來辣度都幾明顯 如果平時大家食開日式咖哩 建議大家揀小辣 甜甜的奶味雪糕配上辣辣的咖哩飯 估唔到原來都好MATCH 又冷又熱 食落口感覺好特別 腐皮壽司甜甜的作為小食不錯 特飲我揀左動感超人芒果特飲 酸酸甜甜好好味 除左限定款我地仲叫左天蝦和牛丼 炸得脆卜卜的大蝦 配上勁多塊和牛 和牛煎得不會過熟 肉質好鮮嫩 同樣都係大大碗好足份量 記得加埋醬油拌飯食呀 味道會更加提升 期間限定 想食就快D去啦 店內仲有小新周邊產品賣㗎 千祈唔好錯過啊 睇啱就買返屋企啦

心郁郁好想食燒肉 搵到沙田有一間燒肉 門口仲大排長龍添 雖然等咗好耐 但係咁多人排隊應該都好好食 所以我哋堅持繼續等 等左個小時終於到我地啦 平時成日都食韓國燒肉 今日呢款就係日式燒肉 佢唔係吃到飽嘅形式 而係類似定食咁 有肉, 飯, 湯同埋前菜 妹妹唔食得牛肉 所以我揀咗個牛五花&豬五腩套餐俾佢 我負責食牛 佢負責食豬 最大份量300g都只係$98 而家姐就食非常受歡迎嘅LIKE套餐 有齊牛舌, 牛五花同埋橫膈膜肉 150g $102 兩款套餐都包括白飯, 和風湯, 泡菜或者迷你沙律 上菜速度唔算好慢 只係傾咗一陣間計就已經上枱 擺盤好整齊好靚 肉質望落去都好新鮮 場內抽風系統尚算OK 不過冷氣真係太凍啦 爐火方便我覺得火力不算太勁 所以肉類都需要燒一段時間先有得食 總結 我覺得好抵食 價錢大眾化 都有好多唁同套餐比你揀 亦都可以加大份量 如果唔想去食燒肉自助餐 依度係一個唔錯嘅選擇

上環又有新Cafe開張啦 今次呢間Cafe仲好colorful添 講緊嘅係 paintable cafe 雖然門口係純白色 不過原來入咗去之後 周圍都係好colorful嘅塗鴉 好特別嘅裝修 食物方面雖然種類唔算好多 不過都睇得出係好新鮮嘅配搭 首先我就揀咗個溫泉蛋三文魚無花果沙律 真係睇過名已經覺得好健康好Fresh 一上枱見到擺盤真係好靚呀 非常之colorful 溫泉蛋煮得剛剛好 蛋汁混合沙律嚟食特別清甜啊 無花果亦都非常之新鮮 仲有大大片三文魚 一點也不馬虎的沙律 然後我再叫咗一個蒜香蝦鯷魚扁意粉 點解我揀佢? 因為未食過鯷魚囉 之前聽人講鯷魚嘅味道好特殊 唔係個個接受得到 所以我就要挑戰一下佢 但係食落其實都好香呀 鯷魚份量好少所以唔會令到成個意粉味道變得好奇怪 意粉嘅軟硬度適中 好啱我口味 飲品方面我就揀咗加入燕麥奶嘅凍LATTE 顏色配搭非常漂亮 整體黎講 雖然呢度店面細細 但係無論食物質素同埋店員嘅服務態度 都非常之高質 好欣賞佢哋會問返客人嘅意見 睇吓有冇改善嘅空間 如果大家經開上環嘅話 不妨嚟呢度試吓啦 仲有好多打卡位影相架

仲未有時間去日本旅行 唯有在香港食多幾碗拉麵啦 今次就去左屋企附近的金鶴拉麵 位於街市附近的一間隱世拉麵食店 低調的門面 店內的裝修充滿日式拉麵店的感覺 下層是吧枱 上層是雅座 這次我就揀了期間限定的北海道極濃蟹湯拉麵 上一枱已經看到滿滿的蟹肉 濃郁的蟹湯蟹味極濃 但又不會過咸 麵質彈牙 每一條麵都掛上蟹湯 每一口都吃得很滿足 配上大大片超級嫩滑嘅慢煮豚肉 以及大量京蔥、荀、木耳絲 滿滿的一碗吃得很滿足 大小姐就揀左黑蒜醬油拉麵 自家秘制黑蒜醬料配上日本直送的醬油 湯底味道非常濃郁 黑蒜香配上醬油簡直係PERFECT MATCH 低溫慢煮雞肉、豚肉完全沒有脂肪～肉質軟熟 小食我們就揀了餃子 皮薄肉JUICY 好吃 除了堂食還可以外賣回家慢慢享受 店內提供外墳自取服務 住在附近的人有福了

今天經過這一家甜品店 裡面的蛋糕都非常漂亮 就坐下來享受一下啦 老實說 這邊的蛋糕款式太多了 每一款也很漂亮 每一款也想吃 真的有選擇困難症 最後我們點了雜莓蛋糕 MANJUSAKA 酸酸甜甜的蛋糕 上面有幾粒藍莓作點綴 旁邊伴了包裹著巧克力的卜卜米 妹妹吃得很開心 另外也點了一杯水蜜桃洛神花蘋果梳打 本身我很喜歎喝洛神花茶 這杯特飲加入了水蜜桃的甜 非常SWEET的感覺 顏色也很漂亮 來到這邊人也自然變得更有少女心 下次也帶姐姐來試其他甜點吧

之前聽朋友講鴨脷洲有一間食店專食蟹
所以今日就黎品嚐一下蟹點裝潢以大排檔為主題
主打粵式鑊氣小炒和地道泰國菜
位於街市樓上招牌白胡椒蟹：選用斤半至兩斤的菲律賓大肉蟹
好厚肉 而且每一件蟹都沾滿白胡椒汁
非常香的胡椒味
色香味俱全招牌脆皮咕嚕肉：咕嚕肉係用大大塊豬頸肉做材料
非常爽口彈牙，外層炸至金黃色，配上秘製酸甜汁拌勻
加埋新鮮菠蘿，酸酸甜甜，十分開胃！大大個白玉海皇冬瓜盅
超級多配料，除左肉之外
仲有帶子、蟹肉同蟹柳。味道都幾清甜。
我地飲完一碗又一碗金沙鮮魷
炸得很香脆，而炸粉亦不會很厚
拌上金沙咸蛋黃醬
很好拌飯唔想食飯可以叫豉油王炒麵
炒得非常有鑊氣藤椒魚皮
辣辣地超級爽嘅魚皮
食極都唔停口豉椒炒蘇格蘭蟶子皇
蟶子皇真係好大隻
加埋豉椒一齊炒超級有鑊氣

鍾意食海鮮嘅你
一定唔可以錯過啦
快啲去試吓啦

打風特別少人返工 可以靜靜地食lunch 今日我又去左plan b cafe啦 上次試唔到麻婆豆腐意大利飯 今次終於都食到啦 麻婆豆腐意大利飯 口感真係好特別 麻婆豆腐真係正常嘅麻婆豆腐 麻麻辣辣好香口 意大利飯非常煙韌 原來兩者加埋一齊都好match 㗎 飲品方面我就揀咗草莓抹茶鮮奶 顏色好靚又紅又綠又白 飲落唔會好甜 最後當然要食埋甜品先走啦 香蕉pancake提子冧酒雪糕 提子冧酒雪糕好好味 冧酒味好突出但係又唔會太over Pancake亦煎到剛剛好似 成個甜品都好好味 總結 每一次嚟都會有新驚喜 無論環境，食物質素 同埋員工嘅服務態度都係非常讚 依度本身亦係主打特色意粉的cafe 有機會就黎試試啦！

好快就到聖誕節 係時候諗搞GATHERING 大小姐有一大堆閨蜜 可惜我地屋企真係容納唔到咁多人 唯有出去睇下有咩地方比依班女仔傾計做手作仔啦 今日去左旺角睇場 依家5% CAFE位於旺角中心地帶 交通非常方便 場內空間感超高 職員又有禮貌 聽聞佢地成日會有粉絲後援會BOOK場搞活動 店主都會非常配合 在店內播放偶像的歌曲 以及場內佈置都可以配合主題 非常適合大家來搞聚會 食物方面今日我就試左午餐 有紅酒燴牛脷配薯條 薯條非常香脆 牛脷好有咬口 配上酸酸甜甜的紅酒蕃茄汁 非常開胃 飲品方面我就揀選了Homemade Apple Cider 有我最喜歡的肉桂味 冬天飲就最適合 有機會大家都可以來試試喲

譚仔三哥又有新米線推出啦 睇廣告話黑白辛椒式 都唔太估到係乜嘢米線 原來係指黑胡椒豬扒同白胡椒肉骨茶 煳椒肉骨湯米線 湯底辣辣地 非常惹味 配埋白木耳，獨子蒜同埋辣椒 仲有黑胡椒豬扒 豬扒肉質嫩滑 加埋條老油條 非常豐富 小食方面 我哋仲試咗佢新推出嘅超爽脆豬皮 揀咗麻辣口味 切成條狀嘅豬皮 好爽脆 仲有黑木耳 香辣得來又唔會好油膩 每次譚仔三哥有新款式推出 都好啱我口味我真係好鍾意食米線㗎 不如你哋都話俾我聽 睇吓你哋最鍾意食邊一款米線啦？

今日又同同事試新嘅餐廳 睇門面以為係勁高級嘅日本居酒屋 點知原來佢哋嘅午餐都好抵食㗎 幾十元就有一碗拉麵配小食同埋飲品 赤豚角煮拉麵 肥美嘅豚角豬肉 配埋流心蛋 仲有濃郁嘅微辣湯底 真係非常好食 唔食得辣嘅亦都可以揀白豚角拉麵 濃郁嘅湯底 食到連湯都想飲埋 仲有白叉燒拉麵 薄薄嘅叉燒同厚厚嘅豚角煮 口感好唔同 本身想食沾麵 不過聽同事講沾麵的湯汁不夠熱 冇拉麵咁好食 或者下次再試下啦 小食方面我哋揀咗炸雞球 菠菜沙律同埋煎餃子 飲品方面套餐本身有汽水一罐 如果唔想飲汽水 亦都可以加錢配特色飲品 總結 尖沙咀區有好多唔同嘅拉麵店 不過這一間CP值真的很高 雖然店內環境細細 不過暫時未去日本旅行之前 可以先試一下這家日本麵店的氣氛也不錯