vvloklok 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2022-11-01
譚仔三哥又有新米線推出啦 睇廣告話黑白辛椒式 都唔太估到係乜嘢米線 原來係指黑胡椒豬扒同白胡椒肉骨茶 煳椒肉骨湯米線 湯底辣辣地 非常惹味 配埋白木耳,獨子蒜同埋辣椒 仲有黑胡椒豬扒 豬扒肉質嫩滑 加埋條老油條 非常豐富 小食方面 我哋仲試咗佢新推出嘅超爽脆豬皮 揀咗麻辣口味 切成條狀嘅豬皮 好爽脆 仲有黑木耳 香辣得來又唔會好油膩 每次譚仔三哥有新款式推出 都好啱我口味我真係好鍾意食米線㗎 不如你哋都話俾我聽 睇吓你哋最鍾意食邊一款米線啦?
評分: 味道 5 環境 5 服務 5 衛生 5 抵食 5
2022-10-29
今日又同同事試新嘅餐廳 睇門面以為係勁高級嘅日本居酒屋 點知原來佢哋嘅午餐都好抵食㗎 幾十元就有一碗拉麵配小食同埋飲品 赤豚角煮拉麵 肥美嘅豚角豬肉 配埋流心蛋 仲有濃郁嘅微辣湯底 真係非常好食 唔食得辣嘅亦都可以揀白豚角拉麵 濃郁嘅湯底 食到連湯都想飲埋 仲有白叉燒拉麵 薄薄嘅叉燒同厚厚嘅豚角煮 口感好唔同 本身想食沾麵 不過聽同事講沾麵的湯汁不夠熱 冇拉麵咁好食 或者下次再試下啦 小食方面我哋揀咗炸雞球 菠菜沙律同埋煎餃子 飲品方面套餐本身有汽水一罐 如果唔想飲汽水 亦都可以加錢配特色飲品 總結 尖沙咀區有好多唔同嘅拉麵店 不過這一間CP值真的很高 雖然店內環境細細 不過暫時未去日本旅行之前 可以先試一下這家日本麵店的氣氛也不錯 推介美食: 白神山豚角拉麵
評分: 味道 5 環境 5 服務 5 衛生 5 抵食 5
2022-10-29
大坑一向都有好多特色食店 今日就來這邊試試可可店 我本身都好鍾意食朱古力 所以揀咗佢嘅signature甜品拼盤 Chokohood Party 甜品派對 三角形嘅盤子上面放咗四款唔同嘅可可甜品 店員教我先由可可茶開始慢慢品嚐 可可茶用可可殼黎浸泡一晚而成 係清甜中帶少少苦澀回甘嘅茶 接下來就是Panna cotta 意式奶凍 面層有少許可可豆碎 食之前倒入可可蜜 奶凍非常軟滑 入口即化,好好味 接下來是朱古力泡芙 好香濃嘅朱古力味 雖然係朱古力但係唔會過甜 細細粒食咗都唔會覺得好濟 最後食埋海鹽焦糖雪糕配朱古力雪糕筒 雪糕加咗焦糖所以甜度較高 一小球分量剛剛好 食晒成個甜品拼盤仲未夠口 於是再嗌多一杯嘢飲 薄荷朱古力 用上72%厄瓜多爾黑朱古力 所以飲落唔會好甜 但係非常之幼滑 薄荷味比想像中淡 環境非常舒適 店員亦都會好細心分析每一款產品 讓你更易揀選自己心水食品 聽說很多明星名人都會來這邊 今天我就遇到郭偉亮Eric Kwok 下次又會見到邊個呢 推介美食: CHOKOHOOD PARTY
評分: 味道 5 環境 5 服務 5 衛生 5 抵食 5
2022-10-21
我哋真係好鍾意食火鍋 今日又帶咗大小姐去食午市火鍋放題啦 又去咗位於尖沙咀嘅牛品台式火鍋 好難得人少少 可以食得好舒服 呢度嘅午市火鍋放題套餐價錢好優惠 60分鐘午市定量套餐由$68起 想食好啲仲可以揀90分鐘吃到飽添 今次我哋就揀咗60分鐘定量套餐 有西班牙栗飼豬梅肉 仲有精選美國牛胸腹 雖然價錢平 但係食物質素都唔差㗎 除咗本身套餐入邊嘅肉類之外 其他蔬菜同埋丸類 可以於自助區自取 飲品方面每位包兩支嘢飲 除咗汽水之外仲有健康茶飲 天氣開始轉凍 大家應該都會經常食火鍋㗎喇 下次不妨去試吓啦
評分: 味道 5 環境 5 服務 5 衛生 5 抵食 5
2022-10-08
去完朗豪坊行街 走咗入上海街搵嘢食 原來呢度變得靚咗好多 多咗好多特色嘅食肆 揀咗一間靜靜地嘅西式餐廳 Lucky Ristorante 估唔到喺旺角區都會搵到一間 裝修得咁有特色 環境闊落嘅餐廳 我揀咗一個卡位坐底 安靜咁享受我的午餐 今日我揀左紐西蘭特式肉眼扒配薯菜 7成熟的肉眼扒煎得剛剛好 外層有點焦香 內層保持嫩嫩juicy 先吃幾口不配香草燒汁 可以吃出肉質本身的鮮味 之後再試試沾上燒汁的肉眼 能帶出另一層次的口感 這邊的咖啡非常香濃 如果你跟我一樣喜歡黑咖啡 就一定要試試
評分: 味道 5 環境 5 服務 5 衛生 5 抵食 5
|