試新嘢, 又係時候去滾
見天氣冇咁熱，試下這間火鍋店，位於黃大仙近MTR站A出口，大慨行5分鐘左右，容易搵到。 不過我去到先知原來「涮得棧」是譽宴集團旗下之一。店內環境OK乾淨舒服，安排入座快，又有電視睇，好正!!! 至於服務員態度一流又細心，時不時會入房收用完餐具，上菜效率都ok, 唔洗等太耐，無漏單，算是不過不失。醬料方面，比一般少選擇，有豉油、紅椒粒、生蒜、金蒜同蔥粒，而且醬料是要收費的，略貴一點，成$15@。叫咗８款嘢連竹蔗水一酌。湯底方面，叫咗胡椒粒豬肚湯底＄６８，個湯比較淡，但好足料，質素真係好好！
當然唔少得嘅「手切肥牛」，叫咗碟＄８８，份量好夠，有好濃牛肉味道，切得好靚同好新鲜。不得不提呢碟前菜「素海蜇貢菜」$32，素海蜇真的好似真海蜇咁爽，味道濃驚喜位......$8 有5件「三文魚刺身」，好抵食! 結果我哋叫咗2客試下，好新鲜又切得厚身好肥美。「灌湯小籠包」共8隻$38，包內有好濃湯汁及好新鮮肉質，粒粒都好足料，不過味道略為鹹一點。總括來說，可能今次得我同一個朋友去試，都有少少食唔哂。當日埋單，每人平均消費＄２５０左右。希望下次再來叫多D朋友再試埋其他食物，真的值得再來食，抵讚!!!
 

星期日同男朋友去完南生圍影相，出返元朗食飯，

天氣咁熱, 我地都打算食日本野既, 但壽司鋪一定有排等位, 我地都好攰唔想再等喇

去左千色附近搵食啦, 見呢間有日式串燒好似幾正咁, 就入去試下魚生冷麵，四十幾蚊有咁大盤冷面, 仲有三文魚都唔少, 真係抵食！加埋個芝麻醬簡直一流！燒雞泡魚干, 好正呀, 呢個最岩用黎送beer茄子好夠味, 面頭有芝麻,乾蒜粒加埋一齊好好味！露荀完全俾d雞皮入晒味, 所以一d都唔乾, 好嫰!個雞翼睇落唔似辣, 但食落都辣辣地, 仲好夠入味, 連骨都有味架

九點前入座好多串燒都有特價, 都唔算貴

終於又完左一個sem, 一班同學決定要食返餐好黎慶祝一下，哈哈
最後選擇左buffet dinner!先黎頭盆，雖然冇生蠔，不過都算幾多選擇
特別係長腳蟹&三文魚刺身，又不停refill，食到我都停唔到口，
餐廳仲好細心供應埋食蟹既胶剪&籤
長腳蟹剪開外殼後，裡面真係啖啖肉，好鮮甜
三文魚刺身都算新鮮，仲幾肥美平時既buffet供應既湯，多數都係忌麻湯之類，
估唔到呢到會有魚翅湯，仲要分量不少，絕不欺場，終於輪到食熱盆，樣樣都試下
有鐵板燒羊架、大蝦
仲有粉絲蒸扇貝，雖然唔算好大隻，但都好入味鵝肝梳乎里係今期buffet既主打
呢個組合都幾新鮮朱古力心太軟就食得多，
芝士心太軟就第一次試，
仲要係現場即焗，拎到埋位仲熱辣辣，
切開中間有芝士餡流出黎，好好味，我忍唔住口食左2個

總括黎講，都算係抵食。
環境都幾好，我地張檯靠窗，可以望到街景，都唔錯架。
周圍都唔算好嘈，反而可能我地係最場最嘈既一檯，hahaha

夜晚放學之後，食少少野先返歸，有同學介紹去強記

佢既豬骨粥同煎腸粉最出名
雖然係大排檔格局，不過價錢都偏貴，可能因為灣仔區啦好綿好滑，除左有好香豬骨味之外，仲有好香既豆味，因為佢落左唔少黃豆一齊煲腸粉煎得岩岩好，脆口之餘仲保持本身既軟滑大合照，其中有碗豬皮都好正，炆到淋晒又夠晒入味

老人家慶祝生日，最鐘意擺返圍，熱熱鬧鬧咁食返餐。

去酒店包廳食飯都係第一次，感覺唔錯喎。服務比起酒樓真係好好多，起碼有個專人同你由頭跟到落尾，唔會因為要睇埋出面d客而忽略左。

個廳可以開兩檯麻雀，仲可以有卡拉ok，不過song list就比較舊我最欣賞「江南八彩美碟」，可以話係8碟頭盆，有醉雞，炸鱔，薰魚，四季豆，素鵝，蝦，另外仲有兩樣麻辣。全部都係凍碟，分量每人少少開下胃先。其中，我覺得醉雞，炸鱔，四季豆最好食。平時出面食醉雞最怕好勁酒味，呢個又唔會喎，雖然酒味都好濃，但唔會好難入口，經理話係用上等黃酒整，所以會比較香醇。個炸鱔真係好得，外面炸到脆卜卜，裡面都仲係好軟滑，加埋芝麻同麥芽糖係面，如果真係可以整多碟，送下啤酒簡直一流！四季豆睇見都覺得好靚，原來凍食真係好爽脆同鮮嫩，好少食豆都可以食到索索聲。呢個蝦都好正，脆到連殼都可以食埋。其中有一味「醬皇珍菌鴕鳥柳」都值得推介，因為出面唔係咁多餐廳可以食到。鴕鳥肉係零膽固醇，岩晒老人家同成日都話要keep fit既我地，haha!! 而且佢用左好多菇&三色燈籠椒加埋一齊炒，菇菌吸收晒汁，三色椒又夠爽，正！其他菜色都係水準之作，雞絲翅都好足料。