之前同朋友講過想食caffè HABITŪ既精選甜品拼盤，
今日終於有機會一試，下午兩點左右已經到達目的地，
店內人流唔多，得小貓三四隻，唔洗等位就可以入座～

等左十五分鐘左右個拼盤就到左！
一共有八款小食。

-Cheese Cake
好濃郁既芝士味，好甜，個Cake整得好密實，好味！

-Chocolate brownie
第一次食過啲咁難食既brownie，同朋友一致應同隻味好似老婆餅！
而且係甜到好離譜，好難食呀！

-Cookie + Vanilla ice cream
無咩特別，同平時食到既味道一樣。

-Strawberry + Chocolate sauce
粒士多啤利酸到喊！

-pudding
幾好食！幾重奶味，而且好滑，加埋啲紅色既汁黎食真係一流～

-杏仁餅 + 野莓(?)
粒莓酸到喊，個杏仁餅甜到喊，兩樣野加埋一齊黎食個味覺效果又真係幾得意既～
不過唔係我口味囉！

-蛋撻(?)
唔知咩黎，個樣似蛋撻，但完全唔係蛋撻既味，而且口感仲要怪怪地，佢上面有層cream咁既野，真係好難食...

-Tiramisu
成個盤最好食我諗係呢個～好creamy好有口感，味道適中唔太甜！
可惜係最後先食佢，所以個人已經好飽！食唔哂呀

呢一餐食左個半鐘左右～雖然佢寫住係2~4人份量，但2個人食又真係飽得濟，我同我朋友仲要食到最後食唔落添
不過呢個拼盤其實都係得個樣～味道真係好一般！食一次就夠lu

記得前排去食Holly Starlet既時候，個雪糕真係炒得好好味架，水準岩岩好，雪糕唔會太溶，材料亦炒得均衡，我同朋友都大讚好味！
Holly Starlet應該係佢地自創既味道？因為我係其他雪糕店都未食過呢種味道，係好特別但真係太甜了，叫左個Large size兩個人share，我同朋友都一致認同真係甜到飛起
不過都食得開心既，起碼個賣相真係好靚先！琴日再帶另一位朋友去食多次！叫左杯Vanilla Thrilla，因為佢中文名叫波斯貓，好似好得意咁，然後都係叫左Large size諗住share食，因為上次既份量真係好夠兩個人share食！
可能係星期六既關係，等左十分鐘先等到位，不過等到位啲服務員又唔清垃圾同抹台，搞到所有野都要自己做
落完order之後就等佢整好，一共有兩個女店員負責炒雪糕，一個就手勢勁好，一個就杯杯都炒到成餅屎咁
結果我就真係果個炒到成餅屎既女店員幫我炒，佢真係好唔掂囉，同佢一齊炒雪糕既果個女仔，Large size既雪糕佢真係會筆好大個雪糕球，但技術差啲果個，佢筆既雪糕球，Large size同Medium size基本上係一樣。（因為係我前面又係有勁多人order左炒雪糕，所以我留意左佢好耐，無屈佢！）
然後佢真係炒得好肉酸，我唔知佢唔夠力定點，我見佢炒果陣手腳勁慢，啲雪糕都溶得七七八八，其實佢大可以搵人幫手，好過炒到成餅屎咁拎完杯野之後我個朋友都即刻話，嘩乜炒成咁呀，好似屎喎！
跟住食落口啲雪糕真係好溶，味道係唔錯，但無咩特別囉，同出面食到既vanilla雪糕係無分別，而且佢呢個所謂既Large size真係比上次細好多（有相為證）。
食完之後同其中一位店員講，你個同事真係炒得好唔掂，
佢整埋啲好驚訝既表情，之後”下”左聲就咁就走左去，再自己細細聲同個收銀講啲唔知乜，完全冇同我交代過任何野，你同我講話你同事係新人所以炒成咁都好丫？
而家咁我真係覺得好唔專重囉因為係你個同事有問題喎，但你而家咁同你個另一個同事咬耳仔，我會講得你似係講緊我壞話多啲囉

整體黎講食呢間野既質素真係一時一樣，我將我件事講比其他食過holly brown既朋友聽，原來佢地都試過食過啲炒到好靚同好味既雪糕，亦都試過食啲炒到食餅屎既雪糕。
至於服務質素，真係不值一提，大家自己去感受下囉
不過如果要我好似碰運氣咁黎呢度食雪糕，咁我寧願唔再幫襯咁多
因為價錢又唔係平，如果要我去碰氣睇下會食到正野定食到屎，咁我就真係寧願食番哈根XX！

同朋友食完晚飯，就黎左Paul Lafayet食飯後甜品，
佢既Creme Brulee好出名係人所皆知既事，
價錢其實比出面食到既Creme Brulee貴小小，一客盛為$40。

落左order之後好快就送到，
果然係名不虛傳，呢個招牌甜品真係好好味，
口感好滑，有啲似食緊雪糕既感覺，
唔會太甜，真係非常好味！

不過個場就真係細左啲，食左陣已經有好多OL企左係隔離等位，
想坐多陣都唔得，真係掃哂興

會再去試食佢其他既甜品！

食左兩次，十分推介呢間甜品鋪！
呢間鋪人流唔多，兩次黎食都係冇咩人，唔洗排隊！
店員都好細心，一坐底就主動拎兩杯水黎
仲會好定時咁主動行過黎添水。

呢度仲出名既就係waffle，所以我第一次食就點左佢個chocolate情迷朱古力！
個waffle係外脆內軟，非常好食！
朱古力味都十分適中，唔會太甜亦唔會太淡！
同我之前係糖XX食既waffle感覺完全唔同，糖XX既waffle雖然賣相好靚，但成件waffle真係好乾爭爭，又硬，個waffle又凍冰冰咁 而且都要四十蚊，諗番起都覺得唔抵！

第二次去，我都係叫番chocolate情迷朱古力，
而朋友就叫左個雞蛋布丁，
試左朋友既雞蛋布丁，好滑好正，
而賣相都好得意

一定會再去食

早幾日係銅鑼灣食過一次，發現原來價錢都唔算太貴，
有部份壽司既價錢仲平過街知行聞既元X壽司，
咁岩同媽媽係旺角行街，於是就帶左佢黎旺角既呢間Mon Su度試下。

去到既時候大約係六點，店內人流唔算多，好多吉位，
好慶幸唔洗等位！
同個店員講左兩位之後，都未帶我地入去就已經同我地講：「限時個半鐘。」
仲要講左兩次囉 點姐而家？我連野食都未點你就計我時？

之後就比人安排左坐露天既位，
當我媽同個服務員講話想調番入店內坐既時候，
條友就已經用啲好串既語氣話：「坐入面既話要坐吧位喎，要打對坐架喎。」
之後我同我媽都勁無奈咁話：「咁算啦！」

之後我地叫左六件壽司，
點完菜之後隔左一陣另一位服務員就勁無禮拜咁dum張單落我地台面，
個態度真係完全差到爆囉
咩事呀而家？點解要dum落黎？
忙到唔代表可以咁無禮貌囉！

之後啲野食又黎得勁慢，
五至十分鐘先黎一碟，
食完一碟又要等勁耐先有得食下一碟，
果種心情真係好痛苦！
仲要限時個半鐘，我真係真心覺得呢間野既制度好有問題，
上菜速度又唔係快又要限人地時，
係咪有病呀？

之後有一碟個服務店又係勁大力咁放底碟野，
搞到碟上面既壽司反轉左，
佢仲要扮無野，勁快咁行開，對唔住都冇聲！
啲三文魚同舊飯分開左，
啲沙律醬本身響舊三文魚上面都比佢搞到痴哂落隻碟度！！！！！！！！！

食到中間我媽見到有$68六件三文魚既牌，
於是就向左一個趕頭趕命既服務員落單，
等左10分鐘，張單紙都仲未黎，
過多5分鐘，就向第二位服務員問多次，
到底有冇幫我地落單，之後佢就話幫我地check下，
再等多10分鐘，都係乜都冇黎！
我同我媽都已經食哂六碟壽司！！！！

同佢講埋單，嘩呢下又好快手喎，1分鐘都唔洗就拎左本埋單薄埋黎。
但張單度又有寫我地有點到個$68六件三文魚喎！
咪一肚火咁同個服務員講要取消囉，
點知佢仲整個唔取消得既表情俾我睇！
終於我忍唔住勁大聲咁同佢講：「點呀而家？等左咁耐都未黎，催又催左你兩次，我而家要走呀！」
佢仲整個不滿既表情比我睇，之後先轉身幫我取消張單。

我認為吳先生唔應該開壽司店，而係開快餐店！
食呢間野簡直就係貼錢買難受囉！
啲服務態度簡直就差到冇人有！！！快餐店啲員工都好禮貌過呢間鋪頭入面啲人囉！！！
又串又黑面！　不知所謂！
野食再好食都冇用，食到我一肚火！

前排同朋友團購左張hero既優惠卷，因為睇落好似去抵，$29就可以食到個原價$4X既餐。
而今日終於都有時間山長水遠咁去食呢間Hero，
但因為大家都係第一次去到大角咀咁遠，
結果行錯左一次冤枉路！
當我地搵岩左路既時候，都行左成十五分鐘有先到，
個團購網仲話一出地鐵站行五分鐘就會去到

一入到去即刻搵位坐底，然後就緊係叫野食啦！
服務態度麻麻地 我地問佢有乜食佢淨係指兩指個餐牌就算，
好快點完餐就返埋位坐了。

我就叫左個”煙三文魚蛋沙律三文治套餐”，
個包的確好好食，又香又脆，
但啲配料就真係好唔掂囉！
煙三文魚既味道好淡！
所謂蛋沙律我完全食唔到有沙律味
成個三文治真係得個包好食，
薯條都OK！不過好普通！薯條味囉冇乜特別。

總括黎講$29就算啦，
不過冇下次囉！

因為行錯路的關係，繞了一大個圈才找到這一間樓上鋪。
這家店子是朋友推介的，而友人早就到達了，
鋪內的傢俱都是老闆親自選購的，非常有中國味道。

點了一杯凍朱古力，便開始在這裏和友人聊天來打發時間了。這家店的朱古力很特別，聽說是老闆娘親自調配的，
味道不是很甜卻能帶出朱古力的味道，比起某些cafe的朱古力只是”一味靠甜”，
這家店的朱古力的確很特別，朱古力上還有少許雪糕，
吃得我非常滋味。

因為友人已經是第二次來的關係，所以早已經跟老闆娘混熟了
而老闆娘非常友善，特意給了我一杯她沖出來的茶給我們品嚐，
其實我是不好茶的，不過別人都斟了給我就只好嚐嚐了。記得有人說過喝茶是要細口細口品嚐的，於是我便照著做。
喝了一口後，竟然再想多喝一口，
茶的味道非常清淡且甘甜，
不像茶樓那些又苦又難喝的茶。
我們邊喝茶邊和老闆娘聊天，差不多聊了一個小時，
原來老闆娘特意在香港、英國等地方學習茶道，
而開辦這家店的原因是想讓更多人認識關於中國、茶的文化。

店內有很多綠茶的飲品，材料，調配都是由老闆娘一手包辦的，
其中有一款飲品的調配方法還是老闆娘在外地學回來的！

這家寧靜的小店給了我一個美好的下午呢。

記得那天等了差不多十五分鐘就能入座了，
被分配到店中最角落的位置，雖然坐這個位會有點難呼叫侍應，
但卻能擁有很多私隱，不用被別人看著我們食飯。

meun設計得很精美，用了老闆angelababy的面孔作封面，看過美女後真是格外開胃啊！
我先點了Angela三食(火炙蛙魚腩、香草蓉雞胸、意式松露野菌意粉)
和一杯什麼柚子草莓冰砂。
然後友人點了燒西班牙黑豚西冷配香草蕃茄汁，飲品點了白巧克力冰砂，
前菜我們則選了一個沙律和湯。

最先上菜的是沙律和湯，然後就是餐包。
他們選用的菜很新鮮，而他所選用的沙律醬我還是頭一次吃到，
酸酸甜甜的很開胃。
牛尾湯的味道反而較為遜色，有點像金X牛尾湯的味道。
餐包則很出色，吃的時候還是暖暖的，
麵包是用了蒜蓉來做的，很香很美味。

前菜很快就吃完了，主菜的上菜時候有點慢呢。
等了十五分鐘左右，Angela三食終於來了！
先吃了火炙蛙魚腩，味道很普通，味道有點像在韓燒時自己燒的那種三文魚，
雞胸亦是沒什麼特別，總覺得整塊雞胸很乾
意粉看上去很乾，可是吃下去卻很彈牙，而且不會太咸，
味道還可以，這份三食其實份量不太多，女仔吃我想會剛剛好，
但男生的話一定不會夠喉呢！

在我吃到一半的時候，其實友人的燒西班牙黑豚西冷已經到了，
不過他的評價也是一般，認為賣相是80分但味道卻只有50分。

飲品的水準會比較好，柚子草莓冰砂酸酸的喝過後很開胃，
而白巧克力冰砂的味道則比較像香草味，味道還可以。

侍應的態度的確是有點懶，也許是我們坐得比較偏僻吧！
吃完過後很快便結帳離開了，因為有時間限制呢，
這間cafe雖然已經開了一段時間，可是生意卻依然旺盛，
在離開的時候還看到數個人站在外面等位！
怪不得不久後又會在銅鑼灣開分店呢。

銅鑼灣的分店開啟後我想我會再和朋友光臨一次，
希望餐單的食物會有更新～

夜晚食完飯就去左食甜品
之後係朗豪坊見到呢間雪糕店果陣已經好想試架喇，
今日終於有機會一試，
要左雙球杯裝，藍莓芝士味同特濃朱古力味！
個藍莓芝士真係好正呀
不過比人話同食yogurt有咩分別囉～
價錢偏貴+份量細，對我黎講真係偶爾食一次好喇

呢間野我食左幾年架喇，個湯底真係冇得彈呀！
不過暑假果陣食，單雙併都仲係$22之嘛！
而家已經加到$24
好彩水準都係一樣咁好，
叫左牛筋同墨魚頭，正呀！
朋友就叫左牛肚，墨魚頭，仲有另外兩樣不過我唔記得左
佢成日強調牛肚好好食，可惜我冇興趣