Turning Point by Coffee Art 疫情過後少咗過嚟食lunch 見到佢哋定期轉menu都幾吸引 所以早排又行嚟試吓新嘢 不過今次人手睇落就唔夠啦 唔趕時間，呢度慢慢坐都係個好選擇！ 封門柳好軟嫩，肉味濃郁 韓日fusion意大利飯隻味幾特別 個汁好creamy又帶點泡菜辣味 加埋上面海量紫菜，真係好似韓式拌飯 飯嘅硬度都適中，非常推介🤩 軟殼蟹漢堡 芒果莎莎加上炸軟殼蟹，口感幾豐富 食落好清爽，唔會覺得油膩 再加埋粗薯條，滿足感UP 記得必飲咖啡，因為飲咁耐都好有水準 偏fruity，飲落非常順滑 。芒果莎莎軟殼蟹漢堡配粗薯條 $118 。香煎澳洲封門柳配泡菜藜麥意大利飯 $128 。Flat White $28 (lunch set -$10) 📍Turning Point by Coffee Art 尖沙咀美麗華廣場一期1樓113A&113B號舖

講起去內地食酸菜魚 大家一定都會去食「太二」 對上一次食已經係去三亞玩嘅時候 繼之前係澳門開分店 香港都陸陸續續開咗幾間分店 其中一間好近我啊，K11 Art Mall 2樓 平常食lunch時間都幾full，都會坐滿 建議人多可以先上OpenRice訂位 去到就必點招牌老壇酸菜魚 另外仲加咗一份紅薯粉！ 食物到之前可以去出去水吧自己沖花茶～ 香港上檯會沿用內地風格 店員會邊上菜邊喊「好吃的魚來了—」 旁邊幾檯客人應該未食過，嚇窒咗🤣 湯底好濃郁，淡淡花椒香 雖然無得揀辣度，但辣度平衡得到 對我唔係好食得辣都接受到 （ 勁多辣椒仔嚇死人 整體酸酸辣辣，好開胃，份量仲好足 雖然碟上寫住酸菜比魚好吃 但其實鱸魚口感嫩滑都唔差 無骨唔腥又啖啖肉，好入味 叫紅薯粉做配料係必須！ 吸哂湯汁，入哂味，無得輸 而且佢薯粉嘅煙靭口感好食過姚姚好多～ 最後甜品叫咗軟糍粑 加埋黑糖，口感軟糯煙韌，好味 因為怕辣另外仲叫咗２款飲品解辣 都唔錯，但無提供飲管 要飲下面啲配料有啲難道 希望有紙飲管都好呀😅 。老坛子酸菜魚2人份 $258 ＋紅薯粉 $20 。蛋酥軟糍粑 $48 。奶凍綿綿紅豆冰 $28 。馬蹄好椰清補涼 $28 📍太二酸菜魚 尖沙咀河內道18號K11購物藝術館2樓209-211號舖

Slow Cow 牛丼新造 HOW to Live Well 副線品牌SLOW COW 聯乘日本插畫大師原田治人氣品牌 OSAMU GOODS 店內有好多OSAMU GOODS角色嘅蹤影 將傳統日式牛丼重新演繹 以慢煮熟成牛肉為主 可按個人喜好自由拼配出自己喜歡嘅配料 好似醬汁、飯底、日本雞蛋等等 而且價錢尚算親民👍 自組咗招牌菜慢煮熟成牛肉飯 和牛肉質軟嫩、肉味濃郁、油花豐富 牛肉本身調味不重，配合香辛芥末籽肉汁 再同自家製鮮忌廉一同拌勻食用 蒜香醬油炒飯好香好有驚喜，非常建議加錢試 炒飯唔係乾身類型，少少濕糯的口感 另外加錢日本蘭王蛋，蛋香味濃郁 配合炒飯味道更有層次感 雖然朋友試咗主推嘅紅酒照燒汁 但一致認為芥末籽肉汁比較好食 而且用嚟點薯條都好適合（😂 ✨第二次去食試咗咖哩蛋黃醬，都好出色！ 食完見附近都幾多人食慢煮熟成牛肉三文治 下次都可以再試吓，推薦！ 。慢煮熟成牛肉飯 $88 - 牛肉並盛 90g - 蒜香醬油炒飯 +$5 - 芥末籽肉汁 / 咖哩蛋黃醬 - 日本「蘭王」生雞蛋黃 +$6 。慢煮熟成牛肉飯 $88 - 牛肉並盛 90g - 蒜香醬油炒飯 +5 - 紅酒照燒汁 - 脆炸薯條 +$23 📍Slow Cow 尖沙咀河內道18號K11購物藝術館2樓201B號舖

𝐍𝐎𝐂 𝐂𝐨𝐟𝐟𝐞𝐞 最近去cafe人潮比以前少 早少少去避免咗排隊 平常食開都係toast或者bowl 今次第一次食熱食 因為天氣凍想食啲熱嘢 本來無抱有太大期望 估唔到又幾有驚喜喎～ 個risotto處理得唔錯，軟硬適中 個牛肝菌菇最突出，煎得好香 煮到唔似食緊菇，好勁😂 意式雲吞都好正，但食到尾有啲滯 大蝦彈牙但唔夠入味～ 不過個龍蝦汁真係好濃 用嚟送麵包都好合適！ 。牛肝菌蘑菇意大利飯 $148 。海鮮意式雲吞伴龍蝦汁 $148 。Flat White $28（set price） 📍NOC Coffee Co. 尖沙咀廣東道28號新太陽廣場DFS旗下T廣場高層地下02號舖

京都咖啡kurasu香港店前排終於都開幕 等咗佢幾個月圍板裝修 木系裝修風格同京都店好似 但入面大多數枱凳都比較矮 唔適合坐得耐，啱行完街入嚟飲杯咖啡 食嘢都有啲辛苦，要揀門口高腳枱凳 試咗SOE巴西Latte 入口好甜，果香味好重 啡底仍然好掂～👍🏻 不過我覺得奶就打得太熱 有啲辣口，無咗奶嘅甜味！ 另外仲試咗個puff 即場翻熱，外面好脆 口感有啲似麻薯波波 入面滿滿吉士醬，都ok飽～ 鍾意佢哋品牌嘅話 臨走前仲有一牆咖啡豆同品牌週邊可以買！ 。latte $45 (SOE +$8) 。crème brûlée puff $45

CASCARA 油麻地水泥風cafe 係我經常去做檢測時必經嘅街角位置 之前只飲過咖啡 所以專登搵咗一日坐低食lunch 整體環境唔算好大，當日去到人多但位置少 最後只剩低窗邊位置 如果只係飲咖啡無問題 但連食物就有啲唔夠位 因為窗邊係貼牆窄身檯 隻碟只放到一半，其實有啲危險 食物份量OK，食材都新鮮 咖啡試咗兩次真係唔錯 但咖啡味相對較濃，偏nutty可可味重 平常偏好fruity嘅朋友可能會覺得苦 。All Day Breakfast $108 。Dirty $45

天沢 𝐀𝐦𝐚𝐬𝐚𝐰𝐚 ▪️ Lunch set $728+ 。前菜、茶碗蒸、壽司十五貫、味噌湯、甜品/咖啡 ⦿針魚 ⦿天草天然石垣鯛 ⦿帆立貝 配 海澡鹽 ⦿燒鰆魚 ⦿赤貝 ⦿剝皮魚 ⦿鰤魚配柚子胡椒 ⦿白蝦 ⦿赤身 ⦿中拖羅 ⦿秋山水產馬糞海膽 ⦿手釣池魚 ⦿海老 ⦿備長炭燒黑鯥 ⦿鯖魚卷 又一年過去啦～ 今年都食咗好多間omakase 最後一次又去返食天沢 天沢愈嚟愈受歡迎，難book程度都高咗😂 Lunch menu對比前一年都貴咗 不過質素依然咁好，食材新鮮👍🏻

米炊 平日lunch time同朋友去K11食飯 揀咗間未試過嘅米炊，食蛋包飯嘅專門店 舖頭位置較偏，如果唔熟路都有啲難搵 叫咗期間限定，淺熟成西冷扒蘭王千層蛋包飯 日式咖哩味道偏甜唔會好辣，但味道好夠 米飯軟身，好啱用咖哩撈飯 炒蛋好嫩滑，蛋味比較濃 份量啱啱好完全覆蓋啲飯 西冷牛扒係medium處理適中，牛味濃郁 但塊牛比相中薄身同細塊 整體正正常常，但趕時間可能要諗諗～ ♒︎♒︎♒︎ 。60oz淺熟成西冷扒蘭王千層炒蛋野菜日本咖哩飯 $150

灣仔復古風cafe 平日lunch time前到唔算多人 位置唔算特別多，但坐得好舒服 呢度主要吃toast、pastries & cheesecake為主 toast有幾款combination 仲可以自己選擇要邊款sourdough 有原味或者無花果味兩款 我揀咗黑松露炒蛋加牛油果 黑松露炒蛋份量多到爆出嚟👍🏻 上面都有超多黑松露，蛋都算好滑 整體份量都幾多，加埋牛油果，好飽肚 。Truffle scrambled egg & avocado toast $98 。Flat White $45 » lunchtime/食物加飲品可以全單減 $20

嵐山 。北海道丼 $178 。磯煮鮑魚雜錦魚生丼 $188 。雜錦壽司拼迷你牛肉烏冬 $168 。安格斯牛肉壽喜燒 $145 魚生好新鮮，好鮮甜，好足料 壽司飯同隔離鋪嵐橋一樣已經有調味 重點今日嘅海膽好正好新鮮 超creamy一啲都唔腥 揀呢間其一個原因係 就算唔食生冷野都仲有好多選擇 好似鰻魚飯、壽喜燒等等 Lunch set都幾抵食～～份量算多 最後送甜品雪糕，仲有豆腐、芝麻味可以揀 平日食開嵐橋，估唔到呢間都唔錯！ 質素都高，可以encore!