今日lunch要開會 隨意搵間茶餐諗住「快靚正」 點知除左夠快手就乜都冇 餐牌同上枱賣相都唔錯㗎 點知一食就瀨嘢 又唔鹹又唔辣又唔甜 以為係塊豬扒醃唔夠啦 點知蛋都係冇味，得油味 啲肉碎算最有味，但都係極淡味 個青咖哩汁⋯根本係笑話！ 明明個汁係杰杰哋，有睇頭，點知食落好似九層塔嘅空氣咁 （哇原來我食緊分子料理） 我覺得廚師應該有多年醫院低鹽食療烹調經驗先可以做得出有賣相冇味道嘅食物 我熱烈推薦呢間餐廳俾要食冇味餐嘅人 你哋應該會俾正評😅

I went to Kwun Tong to meet up with my friend who works in the area. As I arrived early on a Thursday evening, I ordered a glass of Rosé with a buy one get one free deal and some Hors d’oeuvre to go with it. My friend arrived around 8pm. When she sat down, I’ve just finished my first glass of Rosé so I ask for my second glass. (I would like to say that I thought the wine and the food was alright and was originally quite perplexed as to why the reviews are mostly poor. Well now I know why) The waiter, hearing my request, replied: Happy Hour買一送一優惠只可以由你自己飲，唔可以你買一然後送一俾你朋友。另外，我地只會倒入你本來隻杯到，唔會再俾多杯你。 Obviously I was stunned by his words to even react. My friend just stared at me and said: Do we have to eat here? I don’t even wanna bother taking off my mask. We were both so shocked The waiter was rude beyond words. There are so many ways to convey the same message but he chose the most demeaning and disrespectful way. First, my friend doesn’t even drink on a weekday night. Second, if we were that cheap we wouldn’t have ordered wine in a restaurant. Third, we left without finishing my refill just coz we don’t need your favors if that’s how you treat your paying customers. I hope to see a new restaurant at the same site soon.

行過見到menu有辣野又有小炒 咁多選擇，所以就去試下 友人睇openrice見佢得好少好評 仲要好少講晚餐 所以好驚中伏 我：有啲信心啦 . 點左蒜蓉開邊蝦、辣子雞、蝦醬通菜 每個送都包飯同湯 最平唔洗$70一個晚餐，都幾合理 . 先黎兩碗菜乾湯，真係冇咩味精，有料到 . 送同飯都係15分鐘左右上晒，好快手 上雞同蝦時都有俾多隻碟放骨殼，好貼心 蝦醬通菜 細碟但份量夠食，唔會太鹹，撈飯不錯 . 辣子雞 冇平時專食四川重慶嘅雞咁辣，大眾化口味，香口，唔會炸到太乾，有骨肉滑身 . 蒜蓉開邊蝦 出色！有挑腸，調味剛好，蝦新鮮，粉絲吸收晒啲精華 . 好多卡位，坐得幾舒服 值得推介，值得再黎

友人話想食健康啲 我話不如去food court咪可以自由選擇咯 . 我係第二次黎K11 Musea嘅food playground 上次食韓國人主理嘅鐵板牛排同炸雞 好滿意 . 是晚想食飯 見到呢間啲叉燒相咁靚 同埋所有選擇都有叉燒 做得咁專門，一定ok啦 . 我買完，返位等 朋友買完等完攞埋我先有得拎 前後等左15分鐘 係food court食都要等，最少都預佢係熱辣辣 點知成碗都係室溫的 好似一早切左擺係架等人叫嘅頹飯咁 . （凌亂美？) . 最差嘅一定係中式叉燒 又乾又柴，我要一路食一路飲野先吞得落 個飯係室溫已經嚇人，仲要有啲「生冷降」 每啖飯都有幾粒硬硬地 隻蛋味道合格，但隻黃得返1/4 條菜就no comment 唯一好食嘅就係塊大大日式叉燒 有肥有瘦，本身個汁都好味 總結係 最多1分，完全係靠舊日式叉燒攞

今晚放工想食麵 行行下見到呢家小店新開張 企係門外睇餐牌時 睇到裡面有一位客人 三個staff 本來以為其中一位會出黎介紹下 不過我估佢地唔識中文(?) 所以去到門口都冇同我講野 個冬蔭功湯底好食嘅 仲有糖、辣椒粉、甜酸魚露等俾你調味 啲肉粹同其他配料都正 敗筆一 用左粒龍蝦丸，令成件事個味假左 敗筆二 佢有三款粉麵底揀，冇諗到金邊粉會咁糊 不過佢combo set幾實惠 $118 有碗麵加例飲同三選一沙律 豬頸沙律 跟餐細份左但一啲都唔少 啲肉夠味又夠薄，菜都新鮮 唯一不足就係個魚露汁太多 紮底d菜好鹹 要用冬蔭功沖洗過先食到 仲有杯龍眼冰 其實個杯咁細 冇需要俾飲管 整體而言 有進步空間，但都算可以

今日透過網上外賣平台訂Greyhound 好準時(前兩日訂嘅日本菜遲左50分鐘) 一心好開心可以準時開餐 點知一打開盒價值$148嘅沙律，眼都突埋 所謂嘅鮮蝦係湊在一起得1/3隻咁多嘅雪蝦 牛油果湊在一起又係得半個 火箭菜呢？新唔新鮮都費事講，兩啖食完 以下圖片會更清晰反映呢盒$148係咩慘況 俾得最疏爽嘅應該係啲沙律醬 (多謝哂!) 呢間舖新開無幾耐就已經咁小家 真係好令人失望 堂食過其他Greyhound 啲沙津分量好正常 收得貴係預左，但咁嘅分量，施捨都嫌少啦

今晚食得好愉快 除左因爲同朋友互訴工作上鬱結 仲要有美食配襯加以客為先嘅服務 . 先講食物： 因為掛住talk都冇乜影相 . 都係第一次見餐廳一坐低就俾5款醬料 當然我留意到每人收左$10醬介錢 所以我想建議餐廳問下客人要唔要/ 係menu俾option客人揀要唔要醬介 咁觀感會好d + 唔會浪費左 . 第一碟炒花甲 惹味，唔算辣 配草菇三色椒 作為前菜都幾多隻花甲 . 第二鍋冬蔭公 有個小火爐熱住 由頭食到未都仲暖暖地 都好足料：幾隻蝦、好多草菇 最緊要係好融，酸辣度適中 飲完一碗再想飲多碗 一鍋都有4碗滿 . 第三碟Penang curry pork 我其實唔鐘意食椰菜花 但配左尼個偏甜嘅咖哩又好ok 其實有時好怕咖哩豬一係鞋口一係鬆肉粉太多 呢度又係剛剛好 所有咖哩都可以選配naan定米線 我地揀左naan 一出黎非常熱辣辣同脆口 放耐左就少少硬同會出油 配咖哩係好啱味 . 第四碟炒通菜 不過不失 份量都幾多 . 第五款泰式甜品 =雪糕兩球 我覺得椰子比荔枝好味 . . 到講服務： 由穿西裝嘅經理到著Tee嘅侍應都係一致咁好 熟餐牌、落單快、會覆單 有適量唔過火嘅推介 同廚房協調得好好， 食物跟次序並係合理時間內出菜 每款送都跟公羹公叉 湯到要點火，另一位侍應即幫手移好火爐個位 當我地上到第三碟張枱唔係好夠位， 佢地自動加張枱俾我地放，唔會夾硬塞滿張枱 見我杯酒就快飲完，已經斟定杯水俾左我先唔會要我問或局我渴到要嗌多杯 . 走之前我都同笑容好好嘅經理講 呢度服務好好 佢話做食物好嘅餐廳多的是 連服務都好嘅你地先會返黎 . 我都覺得我會返黎㗎

星期三晚約左朋友去睇太空館嘅極光show 之前擔心尖沙咀會多人食飯 所以早一晚透過TableMap訂枱 . 行到Ashley Rd呢座商廈地下 望上去好似好多吉鋪 (樓上鋪生意難做) 到4樓一出得一間餐廳 大約可以坐到廿枱客嘅空間 只有一枱客 (果一刻都驚驚地中伏) . 有位唔太熟書嘅侍應放低menu 拎部電話出黎碌左10秒 終於搵到貓紙 跟住一輪嘴講左10個推介菜式 唔知點解推介果啲菜式 只知道佢話如果要知價錢可以再問佢 . 我地三個「餓底」 自己睇menu 好快每人都揀好叫埋 同一位侍應好似背默咁 一隻隻字抄低我地叫嘅菜 . 因為只有兩枱客 我地張單一入機 廚房同壽司枱即刻生猛晒 (直頭聽到火爐叫喊：終於有野做啦！) . 雖然啲服務係有待改善 不過我要讚幾點 1) 出餐次序有諗過 小食同壽司先，之後主食 宜家好少餐廳理呢d 2)有位冇著制服貌似老闆嘅人，服務好好 笑容好，一出碟飯即刻跟碗，又叫人幫我地加水 3) 食物熱嘅夠熱，凍嘅真凍，以下詳列： . 燒雪魚乾- 😋 其實冇驚喜，但剛出爐，食落仲暖 黑松露甜蝦卷- 😋😋😋 真係有松露味，欣賞佢擺碟有心思，但最驚喜係包係中間嘅青瓜係切左條再拼返先捲，唔係求其一碌整 . 蟹肉忌廉薯餅-😋😋😋😋 我個人係好喜歡食忌廉薯餅。呢個優點係真係超級熱辣辣，又唔油 厚燒鰻魚蛋卷-😋 唔係食過最好食，不過不失，用咁多汁，倒不如俾啲蘿蔔蓉仲夾 . 燒三文魚頭-😋😋😋 我地望住佢係冰箱拎入廚房解凍再燒，鹽燒味道簡單，落左檸檬再點埋蘿蔔蓉酸汁就一流 泡菜叉燒炒飯-😋😋😋😋😋 朋友講得啱，真係日式叉燒切粒，韓式泡菜切件，好足料炒埋一齊。每一啖都有肉有菜有飯。粒粒分明，好香泡菜味，冇油膩感。 . 追加： 黑松露焗雜菇-😋😋😋 啲松露好似唔洗錢咁，勁重手(我唔介意嘅)。失色少少係個低油d 冷稻庭烏冬-😋😋😋😋😋 呢個冷主食煙韌得黎又夠淋，好適合掛汁。最緊要夠凍，可以清一清口，舒服晒 . 希望佢訓練下啲員工，keep住食物質素，做多啲宣傳，咁就可以有機會再幫襯

我食過Mr Crab 好多次 Lunch食過，dinner亦食過 記得頭一兩次黎，有個好似老闆嘅男士 會主動同你傾談，介紹佢地水缸中嘅蟹 我想講明我真係已經食過多次 覺得食物好味先返黎 我叫左以前食過嘅Hawaiian Beef Loco Moco 朋友叫左Chicken Fillet Po-Boy 再叫左個 gumbo 分享 呢度上餐一向都慢 不過我朋友早到落左單 所以都夠時間食 個Po-Boy乾爽，配coleslaw恰到好處 我食左塊漢堡扒幾啖 加埋d汁，冇以前食過咁乾 但係唔知點解有啲苦 我翻轉塊扒就見到原來燶唒 本身諗住唔食就算 但朋友話都要反映等佢地以後改善 我地叫左個講廣東話嘅女侍應黎 俾佢睇左塊扒同話佢知好苦 佢話：係咁㗎，我地呢個煮法叫炭燒 我話：但係係苦㗎喎 佢話：唔係苦味，係炭燒 認真冇佢咁好氣 我係到食同一個餐起碼第三次 之前未試過有苦味 佢可以咁無懶，我又可以點？ 要趕返工，冇時間叫過另一個餐食 好彩仲有好味gumbo食 之後越諗越嬲 唔認燒焦都算，仲要理直氣壯話炭燒味 我忍唔住check返menu，冇講炭燒㗎 再上網check埋loco moco 係有蛋有飯有肉有汁 冇話要炭燒！ 去Mr Crab都係食海鮮冇咁嬲

My friend and I went to Disneyland last Tuesday. We didn't even remember there was a food truck in the area. Luckily, the big BEEF & LIBERTY sign was brightly lit and caught our eyes as we walked from the MTR station to the park's entrance. There were two types of burger, one pulled pork another was beef (patty, I think) There were various snacks as well, including corn in a cup, pork cracklings...etc. But we planned to have lunch in the Park (chicken wings!) so we just ordered a pulled pork burger to share There was no queue, but there was a 3-5min wait for the burger, which is very fast for food trucks. The burger was just the right temperature, ready for immediate consumption. We did attempt to eat it as we walk to the Park entrance but the sauce kept oozing out so we had to take a seat near the fountain and let the sauce trickle down our face and between our fingers. It was yummy. Bursting with all the right flavours leaning on the sweet savoury side, bbq saucy type. It looked small but the contents spills out when u take a bite. The mess was worth it, ha But better equip yourself with some wet wipes or at least some strong sturdy tissues when you order the burger;) Postscript: I always loved visiting food trucks when I travelled abroad. Sometimes I would actually look up where they hv food truck events and take a taxi there just for the food n vibe. I hope HK's food truck businesses can thrive and keep going