ilovehightea 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2020-10-30
麵尊未響銅鑼灣開已經想試,但從來冇試過。到佢銅鑼灣開次次經過都爆多人排,結果有日平日夜晚得閒就一個人去排。估唔到原來唔洗等好耐。排~10個人都係等左10分鐘左右。 疫情下要搭檯面對面坐。好在佢知你一個人就會即刻加塊隔板隔開。叫左嘢幾分鐘就到,唔怪得唔洗排好耐。 豆漿:夠曬凍。幾好味。唔會太甜。夠黃豆味。 蘿蔔貢丸雞翼腩汁幼麵:估唔到咁好味!好鍾意個幼麵,有微蛋香,軟硬適中。貢丸夠濃味,彈牙冇硬粒。雞翼夠曬味但又唔會好咸,唯一係蘿蔔唔算好入味,但都嫩口。腩汁唔油但夠味。 不過有樣嘢唔太欣賞,就係佢餐具係膠同木筷子。真唔環保。下次黎要自己帶餐具! 總結:會再返黎食!自己帶餐具!
評分: 味道 5 環境 4 服務 4 衛生 4 抵食 3
2020-10-30
黎大埔其中一個目的係要參觀佢個街市。聽聞平夾多嘢揀。黎到估唔到咁鬼大!印象中係香港我見過嘅最大街市。 未入黎之前一路搜尋都見到啲人介紹呢間嘅現場整嘅糯米滋。同行朋友都好鍾意食糯米滋,所以專登黎。 糯米滋:個皮真係好食。唔膩兼唔會黐住個口。裏面啲花生芝蔴粒餡超多,肯定係食過嘅糯米滋中最多餡!不過!我反而又唔係咁鍾意咁多餡,因為我係鍾意食個皮。另外就係好在係少甜。後尾買左返公司請同事食,佢哋都鍾意食,話啲餡好香。 芋圓:紫黃薯都有,但唔係佢個圖咁多。個湯都幾勁薑味,都幾辣。芋圓都ok。唔夠Q彈。 合桃糊:都唔錯。起碼唔會好多水咁。不過唔算香。 總結:個糯米滋係要一試!其他自行決定。 評分: 味道 4 環境 3 服務 4 衛生 4 抵食 4
2020-10-30
是日星期三,要入大埔,就問下大埔人火車站附近有乜好食。佢話呢間煲仔飯好食,點知原來要夜晚六點後先有。但見到呢度啲人話啲牛坑腩同腸粉都好食。心諗呢間嘢有冇咁勁呀?咁多唔同嘢都好食?! 12點半黎到唔洗等位。三個人一張大檯啱曬我哋黎試嘢!粉麵鋪黎講佢都幾乾淨。 牛坑腩撈粗:個人好少食牛坑腩。但覺得呢個幾好食,唔太肥,有咬口但又唔太韌,但偏咸。我已經用好少蠔油都覺得咸。麵我麻麻,對我黎講太淋。 崩沙腩麵:鐘意食呢個腩多啲,因為呢個牛味重啲。質感就同同上面嗰個一樣好。 蝦腸:腸粉皮有啲失望,有啲鞋口。但個蝦好大隻仲要好新鮮。完全冇雪味。 炸兩:失望地係凍左嘅。不過食得出新鮮。有油炸鬼就唔覺個腸粉唔太滑,所以呢個好食啲。 炸魚皮:好味。脆同香,唔會覺得好油。不過佢係薄片嘅,如果係厚會更好食。同埋細碟真係好細碟,得幾塊。 總結:無想像中咁好。呢個價錢算唔錯。可以一試。 評分: 味道 4 環境 4 服務 4 衛生 4 抵食 3
2020-10-14
有日去美孚轉車時,突然好想飲台式飲品。見到呢間好似幾好就黎左。 叫左個海鹽芝士奶蓋炭培烏龍少甜。由於當年係黃昏時間,完全冇人等。好快就有。 第一啖飲都幾好味。飲到海鹽芝士。飲到係炭培但對我黎講浸味唔夠勁,茶一般啦,加埋芝士蓋其實唔夠濃。第二啖起已經完全飲唔到芝士。心諗點解會咁奇,返到屋企揭開就發覺因為佢啲芝士太杰!!完全一舊硬左響茶面!要用匙羹搞開佢先飲到,飲幾啖又要攪過。 總結:個奶蓋味ok 但個質地真係要檢討。其實佢啲茶以美孚呢個地方黎講都唔算平,我嗰杯都叫價錢ok, 其他都過$30, 貴唔係好嘢好難會專登飲。至少我唔會想返轉頭飲呢杯先。 評分: 味道 3 環境 3 服務 3 衛生 3 抵食 3
2020-10-14
睇空肚講宵夜見到梁祖堯話呢間齋好食。食到個頭都巢亂埋。男人老狗話齋好食喎!仲唔即刻save 低佢?! 幾個月後發現竟然荃灣開左分店!就襯假期專登下午兩點幾先黎。點知都要等位。等左約15分鐘。座位距離一般吧! 芫茜意大利飯:本身對芫茜無乜大感覺,但呢個飯真係好多芫茜!連埋啲茄子同菇食好香!個意大利飯都唔會好淋,做到al dente. 佢面嗰兩條粟一燒超級好味!又香又嫩又冇左粟米仔啲草青味!好想問佢攞一兜黎食! 日式咖哩新豬扒飯:本身覺得叫兩個飯好奇怪。但見隔離檯個豬扒真係好似好靚。忍唔住叫左。新豬扒炸得好好,脆得黎又唔會界口。雖然其實食得出唔係豬扒,但個質地絕對可以接受。咖哩汁好正,甜得黎帶啲微辣。 另外飲左杯espresso tonic. 估唔到個咖啡都唔錯喎!香,唔酸。 唔見有梁祖堯食嗰個朱古力蛋糕。叫左個豆腐芝士蛋糕。千其唔好叫!完全唔知乜嘢黎。冇味兼又乾又硬!Brownies 都偏硬,但起碼有味。唔通素蛋糕真係唔係咁易整得好食?! 總結:黎食主菜好ok. 素菜黎講十分高質. 但甜品不了. 評分: 味道 4 環境 3 服務 3 衛生 4 抵食 3
|