今天收早，約左朋友tea一tea，成日都經過呢間野，所以提意一下，點了兩個tea set，加錢轉飲smoothies，但都係under $40，試下個雲呢拿朱古力蛋糕，雪糕凍冰冰，加上暖暖的蛋糕，雪糕上加左粟米片，口感不錯！
薯角併薄餅，薄餅都頗un，本來想斯文咁用刀鋸，但鋸極都鋸唔開，都係用手算啦，味道好一般
smoothies好冰凍，但味道都係好一般！

兩日一夜的澳門遊，早餐走左去氹仔果邊，但可能太早唔係咁多舖開左，所以就走左一間大Ｄ茶餐廳！
早餐ＡＢＣＤＥ和港式差不多，所以不想食了，叫了一個沙嗲豬扒包加凍奶茶！
其實豬扒包豬扒連骨，最怕大大啖食時咬到舊骨，所以有骨豬扒唔太喜歡 ！
凍奶茶糖水自己加，所以這點不錯！凍奶茶超濃，加糖不特止還要加點水！

今次去澳門目的是食自助餐，超期待！
場地唔多位，所以如果各位準備食的朋友，記得要早早訂位呀！
海鮮方面，生蠔係即開，所以都幾鮮味，仲有蝦，螺，蟹腳同青口！
壽司亦都不錯，應該是手握壽司，味道不差！
其他還有不同種類熱食，但我覺得沙律就做得不賴，蝦沙律，泰式青木瓜豬頸肉沙律，泰式鳳爪，全部都美味！
反而我最期待的甜品就有點失望，看似排列整齊及靚到不得了的甜品，原來味道還差一點點，好彩雪糕就超美味，特別係開心果，橘子同薑味，一試想再試！
大家還要記得食每檯一客的麵包，超正呀！
逢星期一至四 @$298+10%，實在超值！

去澳門當然要食一餐萄菜，今次簡單的一行，冇特別做過甚麼研究邊到的萄菜出色，反正三人行，不能試得太多款式！
行官也街，木偶曾經食過，味道一般，所以行過少少有間小飛像，就試這間吧！
去到第一時間點我最愛的馬介休球，這里的馬介休球不過咸，炸得外脆內軟，熱辣辣，一流！
另外點了的西洋炒飯，用上是萄式材料去炒，味道很好，夠鑊氣！
什菜沙律酸酸地，剛好平衡油膩的炸物！
全餐最敗筆就是牛尾，很咸，沒有牛味，一件就收手了！
去食萄菜，不得不讚當地的麵包，真係間間甚有又準，好味到不得了！

又趁暑假去一趟澳門，其實今次目的是想食自助餐！
不過一落船都要食午餐醫肚，所以睇下旅遊書，同行友人提意不如試下呢間的蝦子撈麵，我當然贊成
好彩我地係平日成三點，雖然係好full，但好快就有位，埋位唔理咁多，每人一客蝦子撈麵，加上一客油菜同一碗淨水餃拼雲吞。
蝦子撈麵細細碟，個人感覺麵質唔差，但撈左太多油，自問唔係食得清淡的人，但都覺得too oily！$24
油菜揀左通菜，細細碟，正牌油菜$10
淨水餃拼雲吞唔同香港果Ｄ，細細件，三粒水餃加五粒雲吞，盛惠！$25
一試無妨，不過還是港式合我胃口！

大埔街市的豬扒麵十分有名，好多時放假都會食，但次次有個題就係，點解你要早早煮好個麵比我，而豬扒卻遲遲未到！
今日又在吃早餐，點了碗豬扒雞翼粗，呢碗麵一早就黎左，但Ｄ豬扒雞翼就冇晒影！其實我明白可能係炸唔切，但我唔介意成set野慢慢一次過黎囉，足足等左成十分鐘，最好笑仲要問我有咩未黎，唔通我食淨麵咩？
豬扒同雞翼黎到時候，成碗粗都凍晒，豬扒又係凍晒，雞翼就熱辣辣，心中碎碎唸！
p.s.其實我都買過外賣回家，要幼麵，又係等豬扒，街市回家只係三分鐘，因為等豬扒，湯麵都變了乾麵！

雖然係black friday 13/7，但能與好友一起開飯，black都會變做happy friday!
大埔街市熟食出晒名，夠熱鬧，星期五食飯都怕冇位，好彩因為比較晏到，唔使等位就有檯，一上到二樓真係熱鬧非常，有氣氛！我鍾意！

三款必食的推介：
炸花枝丸：剛炸起熱辣辣，而且花枝丸夠彈牙，所以差不多每檯必食！
炸雞軟骨：好大籃，原來加埋炸腰果，再有大量炸蒜蓉，好避風塘風味，香口夠脆，送酒一流！
籠仔蒸蟹糯米飯：雖然蟹仔細細，配上黏黏的糯米飯，絕配！
幾道美味小炒：
京都骨：不過不失送飯的小菜，甜酸度夠好！
炒蟶子：細細的蟶子，OK好食！
炒Ａ菜：夠鑊氣，青綠爽脆！
麵醬肉碎豆腐：煲仔上，多熱辣，小朋友食不錯！
失望菜：
黃金蝦：一點都不黃金，上檯時我只覺啡啡地，可能個蛋黃唔靚，同埋好油口，唔會再試！

在其facebook見到有印度自助餐，而且只係$188，本身亦都抱著食物不多的想法，但想起一到樂園區就自動會開心起來，況且連加一亦只是二百多元，在這酒店可以用二百多元食一餐，已經是「抵食」的了。
一如所料食物款式真的不多亦不名貴食材，但勝在味道很好，雖然說是印度食物，但與友人都覺得一點都不辣，自己很喜歡咖喱雞配上薄餅，真是挾到不得了，咖喱角亦都是我所喜愛，熱辣辣很脆口，很不錯！其實比較傳統地道有炸芝士，菠菜芝士，可能印度人會較喜愛，但我這港人就比較喜愛「大路」點的印度美食了！沙律亦都有四款，亦沙律醬汁亦都不是我們常見的千島、法式、醋或其他，而是有芒果醬、青瓜乳酪等，自己覺得芒果醬很似我們港人燒鴨的酸梅醬，食特別呢，順帶一提這個buffet是沒有飲品的，連水都冇，所以大家要另外order的，我點了菠蘿汁，真係很fresh，正到不得了。所以連加一$260，食一頓奇妙的印度自助餐，不錯呢！
p.s.真係好多印度旅客黎食架！

一講大埔的豬扒麵，無可否應東記的豬扒是很強，所以一逢休息的日子，總愛吃碗豬扒雞翼麵，$25很抵飽足兩餐，計落真係很化算！
今天又早上來一碗豬扒雞翼粗麵，是日隔離的茶檔休息，所以冇叫飲品，既然沒有飲品，我亦都不加辣椒油落碗麵到，因為呢到Ｄ辣油都幾辣！
有時辣到真係不知碗麵味道，真是又愛又恨！
今天的豬扒同雞翼剛炸起，所以熱辣辣，很吃豬扒的外脆內軟，豬扒其實帶點點”SO“味，但個人亦都很接受，覺得這點豬味令到豬扒更好食，雞翼亦都很入味，今天只是加點醋及豉油，味道梗加原汁原味，在黃雨下的一個早午餐，滿足矣！

是日難得一天假期，入長洲影著名的關公忠義亭櫻花，閒日遊長洲，遊客人數不多，很享受寧靜及淳樸。
在櫻花樹花影影影了兩小時，影完已到下午茶時間，漫無目的行著，入到一間茶餐廳。
到了下午茶時間，點了一客吉列豬扒包，手拎起個包已經有驚喜，包面脆，包身很軟，豬扒炸得熱辣辣，亦夠juicy，實在美味！唯一美中不足就是醬汁少左DD，如多點會更美味，配上一杯茶奶茶，實在是美好一天！