無可口非，當望住一個咁靚環境下食飯，可能特別好味！ 但事實，呢個黑咖喱吉列豬扒飯完全比唔到呢個感覺 黑咖喱 • 完全唔辣唔香，純粹一個黑色醬汁而已；吉列豬扒 • 吉列層完全硬到不得了；最奇就係咖喱里的薯仔原來係白烚，食開咖喱都認為薯仔一定跟咖喱汁一齊炆，原來可以咁特別 反而炸牛蒡有點驚喜，薄薄片左黎炸，好脆口，帶點甘香，唔錯！在依家冇得去旅行情況下，要左支富士山柚子梳打，解下渴....望旅行之苦！ 以山頂價呢間算係Ok，可以為環境黎一試

依家嘅假期，除左留家還是留家，疫情下，防疫要做到足，但總有身痕時候，對於Cova係情有獨鍾，特別係東薈城店，所以清大假都會去食個lunch！ 放假唔好同人爭lunch time時間，已經大約點半先去食，但都係滿座，好彩仲有一張檯，隨後walk in顧客就要等一等喇。 呢到D set lunch 由百幾至二百幾不等，其實以百幾蚊個lunch黎講，有湯/沙律、麵包、頭盆、主食及茶，另外加錢可以食埋甜品！真係唔算貴。 今次點左個蟹肉牛油果意粉及露筍意大利飯！ 呢到首先個麵包籃有三款麵包及餅乾，熱辣辣時真係好脆口，配上牛油，唔使點餐湯都已經滿足，有時佢地仲會問要唔要refill，想要的，不妨直說唔好客氣 餐湯夠creamy，再食埋帶咸香parma ham同清甜哈密瓜，其實都少少飽！ 主食的蟹肉意粉唔好睇佢細細碟咁，但佢本身好多蟹肉夠creamy，配上軟硬度適中意粉，又講句，好味 入到黎食飯你係冇辦法抗拒加錢食甜品，口里說飽，但那邊又搵侍應落單⋯⋯加甜品，對於係tiramisu忠粉的我，每次都食佢先滿足! 滑 餐茶主張飲佢地signature chocolate，香濃，我覺得好飲過咖啡！ 遠遠都要走到去東薈呢間cova，因為佢地服務真係好好，特別叫ANN的staff，每次見到佢都係好開心咁招呼你，樂意同佢傾下計，今次佢仲講左我地食雪糕！果個開心果味雪糕，原來又係勁好味，食落去好有過年食緊開心果味道，一流！ 雖然呢到遠，但食得開心，好樂意再去幫趁

欽記 由細食到大，由大埔臨時街市食到新街市 例牌鴛鴦加底厚皮！ 講事實，疫情前曾經係好串唔做外賣、唔做過檯，所以我好一大段時間冇食過，加上星期日又休息，幾乎絕緣！ 但疫情加上街市裝修半年後，已經可以有返外賣同過檯，所以有機會就好把握 我鍾意佢鴛鴦係用旦麵，唔係生麵，加埋魚旦夠爽口，最正佢係用有骨炸魚皮，食到一碗滿意魚旦粉，樂上半天

五月已經幫襯過一次，覺得唔錯所以今日再同其他朋友encore，原來星期一至五同星期六日嘅Menu係有少少分別，所以今日食咗個松露醬蛋黃寬條麵，加上蘑菇湯再配埋熱辣辣嘅麵包真係一絕！ 寬條麵望落去份量係少但加埋啲松露醬其實都會好漏，所以絕對唔使擔心份量問題。 食完個寬條麵梗係要食甜品或者餐茶啦！今次我要左一杯熱朱古力同埋叫咗個提拉米蘇，朱古力唔濃杰亦都唔太浠，唔需要加糖已經好好味，提拉米蘇亦都好滑其實每次去親都係一個必點嘅甜品！ 食物固之然係好味，但服務態度亦都十分之好，令人覺得舒服，就算大家坐咗好耐亦都唔會有要你快啲買單嘅情況! 其實真係值得一去再去!

2013將近尾聲，與友人一同放大假，扮下o野去一去high tea，食前search左各大hotel high tea, TIFFIN 贏在佢有「全食雪糕」。
友人book檯時想要window seat，亦有妥善安排。
Tea Set來到，當然係一未食相機先食，其實這個文化真沒甚麼不好，好讓好的食物與人分享，等友儕知道邊到有好野食嘛！

Tea Set最頂兩格是咸點，小小的迷你burger同煙文魚味道不過不失，而咸點中原來有鵝肝，我地完全沒留意，還以為係甚麼甚麼甜點，cracker吃掉，才發覺這原來是咸點鵝肝，二友不得不為自己咁(鄉下)行為而哈哈大笑
咸點還有羊奶芝士脆餅，羊奶芝士好處就係冇咁濃烈，所以本身不太愛cheese的我都可以吃下

下面三格甜點我較為喜歡mini strawberry tart 同 scone，strawberry 夠香甜，tart皮夠脆口，scone雖然唔係熱的，但配上strawberry醬食，一流！
其實的甜點大多帶臻子醬味，頗甜，還好的是有一壺orange pekoe tea(橙花茶)為解解甜味的滯及漏！
讓我可以吃出面的雪糕嘛！

雪糕的款式不可以說多，但出色，比較特別的是第一次見的蛋雪糕，其實味道有蛋香外就是超滑，另外一款比較深刻印象的是栗子味雪糕，口感仿如吃栗蓉，超rich！ 普通的朱古力亦都帶很多朱古力碎在雪糕中，絕對不是求其馬虎，有水準之作！

唯一熱食的甜點便是格仔餅，即製，那種內里超軟外面脆口的感覺，不過不說：正！
本應供應時間是3:30-5:30p.m.。但我們都hea到六點，waiter亦很客氣對我們說要準備晚上的dinner buffet！那就度過了這悠悠的下午！

與友人慶祝生日，有人提意去呢到食雞煲，可以一試，打電話去book位但full左，所以要walk-in去，所以早早就去，七點半都已經滿座！
人未齊但都order左個雞煲先，端上煲時，個煲勁大，但一打開蓋，嘩！一隻雞都係佔四份一個煲，所以要不停攪下攪下，防佢黐底。
我地order左個係小辣，但辣味都勁，食到咁上下就開始加湯打邊爐，order火鍋食材都好新鮮，如果要推介係手打墨魚丸，超彈牙，勁大粒，好正！
蔬菜都好新鮮，生菜，西洋菜夠fresh，粟米又甜
價錢較中等，比多少少錢吃到新鮮食材，應該係一分錢一分貨！

尋日同友人慶生後，想吃甜品，近近地去呢間，揀左個酒心橙味心太遠，不是腸粉同焗雪山！
焗雪山真係流到不得了！幾十蚊比個食香精味雪糕。
不是腸粉里相片影到誇啦啦，來到賣相真差差！透明的皮看到里面cream多過芒果！真係擰晒頭！
還是心太遠較正常，當然，成60皮！

下午三點幾未食lunch，但又要填下肚，在圓方，大眾化食店少之有少，見到這間咖啡店連餐廳，在店外看著食物不錯，一於試試。
食物方面，都幾失望，諗住會不錯，但失望，我點了
一客classic egg benedict：平平無奇，只是一客煙肉旦漢堡罷了！
香濃咖啡喜冰樂：冰夠凍，咖啡豆打爛，但唔甜，所以咬中咖啡豆碎特別苦，爛頂！
spaghetti carbonara：意粉軟硬度中分適中，但醬汁乾身，一般！
香梨朱古力心太軟：最好味，配上雲尼拿雪糕，朱古力心太軟熱辣辣，餅底有少少梨，出色的甜品！

服務方面，除了店外帶客比較有禮外，店內店員有性格至極點。
落單時，已經問定心太軟要等幾耐，佢話20分鐘，所以我就一齊order，食完主菜有得食，誰知道十分鐘不夠送上，因為要食完主菜才吃甜品，所以熱力另到上面的雪糕溶得七七八八我還在食主菜。真係......
因為我是坐四人檯，我和朋友坐埋邊，所以開邊張檯冇人，待應真係可以一碟意粉行過放底在果張檯，當堂覺得超冇禮貌，我張檯一樣野都冇唔係迫爆，點解唔係放在客人檯中係放隔離張檯？我輪緊快餐咩？我唔係吹毛求疪，只係覺得你的服務水準超差！

是日悠悠閒閒逛完公園，早餐不想太豐富，到了starbucks點了杯mocha同一件磨菇雞批，友善的職員替我翻熱後，搵個sofa位舒舒服服的坐著。
坐著sofa看劇集真是很舒服，但可惜磨菇批太咸了，只吃了半個，還有半個我都要帶回家，因為...都不便宜亦不可浪費嘛！

這間譚仔開了都一段日子，試過買外賣，但係等得超耐，雖然很愛薯粉，但不想等！今天經過見到剛剛開門，里面得一檯客人，所以拿拿林坐低食。
由於我不愛吃米線，所以每次都是吃薯粉，而且必定是要腩肉加炸醬酸辣湯底。
因為第二檯客，所以很快有得食，亦都在場見到不過十五分鐘已經座滿客人，很誇張吧！
這一大碗薯粉，酸酸辣辣的湯底配上煙煙韌韌的薯粉，薄切的腩肉很配，再撈上炸醬，很滿足的一個午餐！
只是31元，難怪常滿客人！