約左友人行女人街,都未夠鐘.
又唔想飲COFFEE.
行到去始創附近.
食碗甜品都得WOO.
聞名此店食糊出式.
就叫左個核桃糊拼芝麻糊2.5分:本應大有期望,奈何糊身比較"水"左D.
入口唔夠核桃既香.
不過芝麻香就好D.
一次一碗又未必能成敗,不過OK之面亦少不了!

雖然失落於雞蛋仔.
唔緊要,再接再厲地去尋找,去探索
回家既途中,竟然發現兩間截然不同既餐廳.
一間係中式既鉅龍酒家(下一次再講)
而今次我就試一下呢間先.先睇一睇牌,頭先已經見到$39既鐵板餐.一於係你啦!餐湯加蒜茸包先嚟3.5分:唔係太大碗.但好多菜,唔錯!
件蒜茸包好香口.
主菜嚟啦好搞笑,我本能地用TISSUE遮住唔駛彈到.
但個WAITRESS攞左個大MENU俾我當餐巾.
有D O晒.
講番正題.
個扒睇落都幾抵食夾大件.
一切開....
4分:估唔到$40大元既鐵板餐都有水準
唔覺佢有用鬆肉粉.個燒汁都搶味,唔錯.
餐飲叫左凍檸茶叫左少冰.
環境就一般,店方可能想做多D生意
檯就放得密D,
再睇埋牆上MENU,原來呢度有海南雞飯.
明白晒,下次要食,
都係叫外賣穩當D.

剛才既米線,令我有D意猶未盡.
再下一城,嚟多一ROUND小食行動先.
不過......
今次既雞蛋仔......2分:一來唔係即烘.所以有D失望.
二來連我唔係太要求多.都食得出有粉.
真係糟蹋晒.SORRY LA!
喊面一個!

星期日假期日,大熱天時,
其實真係無咩胃口.
心態其實想行出旺角食LUNCH.
但猛烈既太陽先生令我要中途放棄.
行行吓,見到呢間個水牌有個一人餐,OK
入去望一望MENU.叫左個蒜泥白肉+魚腐牛筋米線$36
先上前菜
3分:好似得醬油味,一般
嚟埋碗粉3.5分:個酸辣湯底好似雲桂香,但呢個由於韮菜夠多.
所以唔係太搶口.而牛筋一D都唔靭,鹵得幾入味.
到後來嚟多碟小食,我以為嚟錯原來個魚腐係另上4分:有D估唔到個魚腐係炸既.入面有少少蔥絲.
餐飲既凍奶茶幾重茶味,一流.
估唔到少少平凡中有D驚喜.
食完LUNCH,再下一站!

舊年既曲奇餅之行都好想過嚟試一試.
今日心血來潮好想真正地食碗糖水.
所以就一腔熱血咁去.
入到去望一望MENU.
無咩心水之下,
叫左個簡單既清心丸綠豆爽$254.5分:好煙靭既清心丸,四四方方感覺好正.
綠豆好淋,好充實.
好想ENCORE GA,不過友人打嚟竹戰.
真係不枉此行.

自從上一次花園街銀龍既失水準既茶餐之後.
久久都對呢間敬而遠之.
但一次並不能定成敗(除非太唔好食啦)
好,今次試多一次(不過係同區別店)
叫左個普通西冷牛扒配意粉$42先嚟忌廉湯
3分:無一舊舊,OK
MAIN COURSE3.5分:都好易鋸開.明顯係鬆肉粉既功勞.
配菜都叫有炒過.合格啦!
跟餐叫左柚子茶,無特別!
服務都不過不失,
但有兩.三個服務員晌水吧前有太多助語詞.
好似有D...
不過.呢D唔係就係MK茶記文化?
好啦.俾番個OK你啦!

又回到工作崗位啦.
今個星期有個大PROJECT要FOLLOW.
所以.....
無得出街食LUNCH.
同事攞起大大本既外賣紙.
無咩心水之下.
有同事叫咗海南雞飯.
我今日就簡單D.叫咗沙爹牛河雖然都要15分鐘.LUNCH TIME都預咗.
但好在仲熱辣辣,又唔太咸.幾好.
簡單既炒河都做得幾好.
可以有下次.

同完表哥行完始創!
表嫂打嚟追人,於是表哥極速回家.
又係一支公食飯.
上次既鋸扒記印象唔錯.
但今日既焗飯...
先嚟羅宋湯同蒜茸法包3.5分:同上一次一樣咁正.
個兩件法包真係好想ENCORE
今日叫咗焗羊仔肉飯4分:羊肉唔羶,幾好.今次個飯底香D.
個汁焗得夠正 好食過上一次.
餐茶既凍啡一般.不過不失.
本應想叫芝士蛋糕,但太飽啦.
真係要下一次啦!

玩完YOGA之後.
同我同堂既同學叫埋我一齊食LUNCH.
本應其中一個想話去稻香,但星期日......
都唔駛諗啦!
見POKKA有位又唔駛等,就佢啦.一坐低,接待姐姐已經推介我地試吓SET LUNCH,
有湯.MAIN COURSE.甜品,
我地三個人就一人一SET$118.
先上餐湯
什菌周打蜆湯3.5分:好濃既什菌味,有D驚喜.
今日既主菜.
土耳其火雞胸拼天婦羅蝦.4分：蝦好爽口，無雪味.
雞胸肉加上黃色既SAUCE,好FRESH
加配少少份量既珍珠飯同配菜,YUMMY.
甜品係朱古力MOUSSE蛋糕3分:跟SET既甜品.一般水準
我地三個試咗骨膠原咖啡+$253.5分飲到底先覺有少少膠質,叫做試過算啦.
服務就幾好,適當既時候會幫你加水.
唔錯.
傾吓傾吓.都坐咗成兩個鐘.

十年既HARRY POTTER.
終於都到咗尾聲.
完場後.友人話想食池記.
但.....條龍實在太長啦!
於是轉戰味千。朋友就叫左呢個我就原始d.叫味千拉麵3.5分:個湯好得呀.我嗰碗有齊日式叉燒.木耳.蛋.
我朋友既炸蝦好香口.唔錯.
雖然身處人氣商場.但食物亦未至於太粗製濫造.