前日晏晝同朋友行完先達.
見隻錶3點3.
心目中又無特別野想食.
行吓行吓.
心諗.....食個TEA都好.點知.......
我叫咗個炸雞脾薯條$263分:無食過粗薯條好耐.唔錯.
不過個炸雞脾就炸到乾晒.
餐茶:熱奶茶X21分:好似有少少澀味.
裝修後係乾淨D,但茶記主打既食物都做唔好.
何來客似雲來?
今餐真係唔得....
卒之要去街口再食碗仔翅!

表妹打俾我,話買咗水舞間既入場卷.
同來回船飛 .
我地十二點就去到信德中心.
由於我地搭三點,順便食埋lunch.
我表妹就建議去飲茶,
討論之下就去美心皇宮.
先入去攞飛
嘩好多人.
等咗二十分鐘就有位啦,坐低咗,叫埋茶睇一睇,原來係用點心紙由於啱啱起身.
我地兩個叫咗:
燒賣.咖哩牛腩.叉燒包.油菜.蘿蔔絲酥餅.
點心係新鮮蒸起,但始終食味同其他分店差d.
但服務就一貫美心本色.
始終中上環都唔係太差.
ok.睇吓隻錶,夠鐘上船啦

有朋友結婚.請咗我同我另一個朋友做兄弟.
大家一齊去金都試完禮服,睇吓都差唔多成十回,
見到太子冰室.
大家決定食埋野先返歸!
星期六都幾多人.
都要晌門口等一陣先有位
我地兩個坐低咗睇一睇MENU我叫左個D餐肉眼扒配魷魚筒$58
朋友就要一個芝士焗龍脷飯$42
我餐湯,我地都要羅宋湯.3分: 一般貨式.
主菜嚟啦!4分:肉眼要左六成.都幾JUICY
其他配菜唔會太老.幾好3.5分:我朋友話件龍脷都幾大件.
不過D飯焗得唔香,
少咗焗飯應有既香味.
餐茶我叫咗奶茶.我朋友就凍檸茶整體嚟講,又唔係d網友講得咁差.
下次可以試吓食中式套餐!

同朋友啱啱由太子站上地面.身水身汗.
個口又乾,唔夠十秒.
見到有呢間涼茶舖.二話不說叫咗杯五花茶$8 一杯凍飲.消暑解渴.
我朋友就叫咗銀菊露$7
雖然只係十元八塊,
但絕不欺場.
又唔會太甜,
啱晒呢一代少甜既年青人.
好,攪掂,要去一去日本城買嘢.

經過之前大家唔愉快既DINNER,
所以大家對於下一PART既甜品,
既有要求又想好食.
於是,造就在呢一餐甜品連埋之後嗰幾位朋友.
一共8人.
我地叫咗:
馬來喳咋$153.5分:椰香豆夠多,我朋友話自己都煲唔到!
我今次叫薑汁蛋白奶$164.5分：嘩，正呀，奶同蛋白都滑.
彌補番之前嗰餐既不滿
芒果西米露$22x23.5分:芒果夠多又夠凍,唔錯唔錯
腐竹蛋糖水3分:呢個唔難整,但都叫有心機.
木瓜鮮奶very good.

非常之滿意.所以笑面一個.

4月10日.星期日.
同埋朋友一齊去咗黃金買d嘢.
諗住晌埋呢頭附近食d嘢先返屋企.
見咁多間,無咩心水.就呢間,點知...我地三個坐低飲杯茶先.都唔係太肚餓.睇一睇...我地叫咗
生牛肉湯河$19
2分湯淨係得個鹹字.
扎肉&炸豬扒撈檬$20x23.2分:呢兩個都叫好少少.檬粉過冷河過得乾淨.
仲有小食.越南春卷.$14越式辣雞$20半隻2分:春卷夠熱,不過好似炸過龍
半隻雞就90%似口水雞.
仲加多三杯野飲(半價).
西瓜汁:1分,太多核.
珍多冰x2:1.5分唔知飲緊咩,點解會有紅豆?
整體感覺唔係一般.
係幾唔得..
仲要我地個撈檬等成15分鐘先嚟.
服務分大減
雖然價錢實惠
但有無下次........
兩.三個月內都唔會啦!!

約咗人去皇雀會打麻雀,又未夠鐘.
仲有成個鐘都唔知去邊,又唔想大家樂.
本應想叫個開心樂園餐,
但太多人排隊.
轉移陣地.
行過MC CAFE.
買杯咖啡同CHEESE CAKE 做TEA好過.
要咗個Cappuccino,同藍莓芝士餅.
好似大約$34度.
攞咗杯咖啡去卡位坐.賣相一流,細飲之下........
3分:個人口味,呢種豆唔係好啱自己.
有少少酸.
但件餅4分:好香芝士味,好滑
本應咖啡就唔得.
今次可以啦!
下次就要諗一諗....
衛生就要改善一下.
個洗手間好大朕味

一個唔好既消息:
服務我地呢班怪物既茶水阿姐要退休啦.
共事咁耐.LAST DAY一定同阿姐飲番杯.
大家相議咗好耐去邊度攪Farewell.
有同事就提議呢間試吓.
個個無反對之下.
一行十一人.訂咗9:45
浩浩蕩蕩上咗呢間火鍋店.
入到去環境....唔錯唔錯.今日係平日,book vip房都要$2500最低,
都無所謂,橫掂一定叫夠數.haha先叫湯底三款.
冬蔭公湯,番茄薯仔豬骨湯同醉雞窩
三款我都鍾意,最like醉雞窩.啖啖酒香,正
牛肉方面.我地叫咗....
本地牛肉x2$98,4.5分:店方建議我地灼三吓就得,唔係會好老.
果然細心.wah.牛肉味夠.
雪花牛肉x2$128,3.5分:美國牛扒肉.質感幾好
但好似切得薄咗.
牛柳粒x2$78:4分.呢個好d,淥好耐都唔怕熟過頭.第二round.再嚟中蝦.炸枝竹.四寶丸.豬潤.蝦滑.等等廿幾碟
中蝦大隻.十一隻啱啱一人一隻.大路火鍋料新鮮,無雪味,一讚.
侍應姐姐幫我地加湯收碟又唔會托手爭,二讚.
以我地department既食量.
不消9個字.
再嚟第三round.
水餃.貢丸.蟹子丸.魚腐.豬頸肉.
之前漏咗個鮮淮山.
我話我地之前叫漏,但阿姐..
拿拿聲入廚房攞俾我地,三讚
整體非常之好.
酒水都唔係好貴.
$20一支大青島.都互飲咗N咁多支
飲飽食醉.
大家高興,最後祝阿姐生活愉快.

早前一個星期,
返咗大陸按摩,臨落嚟收到電話.
女黑俠要我同佢一齊"得閒飲茶",
佢就話唔出九龍.
叫我過去搵佢.
於是就搭B1過去JOIN埋佢.
話就話星期日好多人.
都要等咗十五鐘到.
2:45.好肚餓.
睇吓有咩食先.叫咗....
鴨脾瀨$38.3.5分:左脾正.但D湯少D
魚湯鮮竹卷:4分.有淮山浸住,唔錯唔錯.
素粉果:4分:清清地
鳳爪.牛肉.叉燒包.一貫大集團水準.招呼就一般.唔會太主動.
不過客氣D叫阿姐加水都唔會黑面
整體唔係食好多野.傾計大於一切
埋單每人$110度.
OK,預備後日既火鍋夜.

早前多謝OPENRICE之戲票,
今晚早收工,先食飯再睇番場戲!
本應去POKKA CAFE,但個MENU又唔係咁吸引.
於是.......
草草地大家樂.
因為今日個LUNCH係叫外賣意粉.
睇吓水牌.
叫咗個上海豬扒菜飯$36連即磨咖啡.
因為之前食個....但係炸豬扒無問題,仲好香口
而涼菜就無咩特別.
但個菜飯就如下圖...太黃啦.好似成碗菜飯蒸乾晒.
賣相一般.仲要D飯真係乾水.

好在唔係好多,三扒兩撥解決佢.
好在杯咖啡爭番D分,OK啦.
不過.我諗下次都係食燒味好D啦!