雞湯味道不錯^ - ^麻辣雞撈麵麻麻 琴晚飲完酒 想食d帶湯嘅野解酒 上網就搵到呢一間專食雞湯嘅舖頭 朋友嗌咗麻辣口水雞撈麵 我就叫咗出名/人哋推介嘅砂鍋雞湯翅 我揀咗配飯 （見到除左飯之外 可以揀米線 刀削麵 粉皮 米粉 銀針粉 瀨粉 粉絲） 上網見到呢間嘢話出名 「醉」小食 咁就揀左 唔係成日見到嘅醉牛舌黎試試 麻辣口水雞撈麵係第一樣嘢到嘅 上到枱嘅感覺係佢將所有嘢都分開咗 麻辣還麻辣 雞還雞 麵還麵 青瓜還青瓜 個雞呢 唔似出面其他有賣口水雞嘅舖頭咁係用麻辣醬醃雞 呢一個麵個感覺真係普通 唔會因為佢而特登嚟食 會覺得係醫飽咗個肚就算 第二樣上嘅係醉牛舌 牛舌入味 睇落去好細碟 但係都有10塊左右 咁有薄有厚啦 會見到有d蟲草花同杞子桂花係個湯汁到 最後上嘅係砂鍋雞湯翅 上菜時個湯係好滾 好熱 飲嗰陣時要小心啲 （就係咁樣喇親） 翅係細舊 約莫四舊左右 雞肉老身 似係煲湯嘅雞肉 個湯越飲覺得越鹹 食到最後有想飲水嘅感覺 總括而言，都會再嚟食嘅如果想飲雞湯同試下其他「醉」小食 環境普通 一入去已經見到有兩張卡位，因為滴水同天花甩灰無得坐 然之後我地坐個張凳有好多食物碎 衛生可以有進步空間

《純屬個人意見 不喜勿插》 是此進食的個人經驗～（岩岩好一個鐘） 19:00到門口開始排隊 19:13 攞紙研究食咩 19:35 可以坐低等食 19:50 炸小食上檯 20:03 麵上檯 上次食左麻酸辣湯 今次想試下d新野 見到有人推薦蟲草花薑酒湯 但反而無人講過胡椒湯 今次就揀左胡椒湯配豬潤試試 胡椒湯碗底有好多胡椒粒 個湯都夠辣但係偏甜 （我自己就麻麻d甜味） 豬潤比較薄 但係無羶味 正常發揮 下次唔會特別揀豬潤食 （原來胡椒湯同蟲草花湯唔可以額外跟送 所以d送去曬朋友個碗） 麻酸辣湯配酸菜啦辣牛腩 簡直係融為一體 同一隻味 總所周知 老闆娘個麻酸辣湯係世一 所以都唔需要多講佢呢碗米線 都係個句 有時間咪排下食下 荃灣仲有好多選擇 d炸嘅小食比較特別 不過同米線分開上 都凍曬啦

終於滴起心肝黎試雲家啦～ 叫左小鍋米線配腩肉 再加個涼拌墨魚頭 個墨魚頭係用好多蒜末去涼拌 食完成個嘴都係蒜味 好正$46 好大份 食極都仲有 小鍋米線叫左小辣 我自己鍾意雲家嘅味道多過老闆娘 老闆娘個個係加左麻 兩者各有千秋 講返雲家先～好多肉碎 芽菜都份量十足 d配料唔會比得好少 個湯飲落口好順 唔會即刻要飲水（平時食完雲桂香即刻要買珍珠奶茶🧋沖一沖個口）自己覺得雲家各個方面都平衡得幾好 米線份量偏多 男友人都食到好飽 下次再黎試個豬頸肉

朋友推介的玩具屋～ 本身我地book左19:00嘅，但係驚太肚餓就改左18:30 當日18點就餓啦⁄(⁄ ⁄ ⁄ω⁄ ⁄ ⁄)⁄ 行到去問店員有無得早d食～答案係有架(*¯︶¯*) 入到去店員安排左我地坐樓梯口 真係一落樓梯個個位 本身想問有無得調位 發覺張檯坐滿左就廢事問 位與位係親密接觸 介意嘅朋友 佢地好似有房book（不過唔知有無最低消費啦～） 形容下張檯係好似sushi bar/爐端燒咁 圍住個d師傅做嘢檯咁 佢哋出野食都會有個鏟遞俾你～ 仲有個味噌茄子🍆但係openrice最多12張相upload唔到🥹

極差…book左等於無book book左12:30 電話講明係20樓食 我地準時到達 反而比隔離d walk-in入先 咩道理（？） 企係門口等無反應 仲要打電話先肯比張枱我地 （係啊 企係門口打入去比佢啊） 話咩要等人哋買咗單先有枱 咁點解你要俾啲walk-in入先（siu4） 更加離譜嘅係 叫我落19樓食飯…… 咁點解琴晚book位嗰陣你叫我直接上20樓呢？好有問題囉成件事 究竟你哋負責做預約嗰個人同第二日當值嘅人係咪唔溝通 如果唔係朋友堅持話要試食呢間真係想即刻走 食完唔好食再寫評語

如題，大時大節先話無咗張單 每年中秋都會有好多人叫盆菜食 咁今年屋企人都唔想煮 咪試下叫盆菜 同事介紹食呢間餐廳嘅盆菜 話食過晚市 d嘢食唔錯 9月1號我就打去落單 叫一個細嘅極品盆菜 openrice個menu唔update 以為細極品盆菜係$1188 落單個哥哥同我講返依家係$1288啦 訂盆菜免費送貨 確認好晒d電話資料 收貨時間11am-1pm 哥哥就提我貨到付款 9月10號今日…… 成朝特登唔出街就係喺度等個盆菜 等到12:30我覺得唔對路 打咗去餐廳度問張單出咗未 餐廳問晒我啲資料話要問寫字樓先知 等咗一陣佢打返俾我 再問多我一次電話號碼地址 今次就唔肯俾啦 冇理由頭先俾完又要再俾 都係幫我查單咋嘛 點解要比咁多次咁詳細嘅地址 有景轟 就反問個阿姐 張單出咗未 個阿姐先如實話搵唔到張單 同事可能冇落到 大佬今日做節啊 咪玩啦 就係知屋企早開飯 先咁早打黎訂咋嘛 咪阿姐有咩解決辦法 佢又唔答反而問我幾點食 ：「4點」 阿姐：「我6點送返比你啦」 ………….同佢講4點 你同我講6點 咁係咪成班人係到等你個盆菜先做節……. 臨時臨急 搵到第二間肯做呢張急單 如果唔係呢個中秋節真係幾難忘

啱啱嘗試生酮飲食冇耐，好想食澱粉質
見到社交平台群組有谷友買咗呢一間舖頭嘅麵包🥯，返工食飽就諗住去睇吓

見到舖頭入邊有咖啡，亦有甜品同三文治及pastry

但今日嘅quota差唔多滿咗，我只好留待下一次來嘗試

當在考慮購買半條還是一條的白麵包🫓
（Strict Diet in Progress )
決定詢問店員白麵包的食物標籤而去決定🏷️
可惜店內三個店員都不能回答
只好買半條返去試吓

附上圖片，請自行衡量麵包大小～

同朋友食完晏晝 打算去呢一間新開嘅coffee shop飲咖啡食甜品 去到嘅時候已經係1:45pm 門口已經有五、六組人等候 行入去攞飛已經係68號 個時叫到48號 店員同我哋講千祈唔好行開 話我哋張枱大概4:00pm先有（要企係到2.5小時？） 望吓張飛 原來寫住過號三張就要重新排隊 隔離等候緊姨姨話 有另一個等緊嘅人過號（42號飛） 叫佢重新排隊 無奈的是 店員一早同佢講話三點先有台在先 所以人地先行開 1:30pm返返黎就過左3張….. 大家都覺得好無奈 又係店員同人講大概3點先有位 下一刻又同人講話過左號….咁到底點計算好…… 題外話 1:30pm已經望到個蛋糕櫃淨係得返一舊綠茶蛋糕🍰…. 估唔到啲蛋糕咁快俾人賣曬其實蛋糕問題屬中等水平 估唔到咁快清曬 最終 見到前面有20張枱 決定離開……去食beans算 圖片為「真」試業期間去食嘅～

復活節假期唔多唔少都想外出玩下 決定去長洲 預咗好多人～ 估唔到快船好快就滿咗 竟然會有同一時間加班嘅慢船🚢 入到長洲時間11點 九秒九跑去呢排大家瘋狂都話好食嘅陳通記 睇其他食評得知 呢度係要自己等位～ 去到見到有兩三張枱咁岩起身 等左唔洗5分鐘之後有位 叫咗嘢食之後第一樣嚟嘅就係茶走 茶走係奶茶加煉奶 唔落其他糖 冇想像中咁甜 第二樣嘢嚟嘅就係西多 落單姨姨會問你 煉奶定係糖漿 要唔要醬 原來係可以揀要花生醬定咖央 我哋蠢咗揀咗唔要醬 主角沙嗲牛肉米通同沙嗲牛肉麵 就等咗起碼15分鐘 我自己覺得偏鹹 見到人地話無花生粒 但我又食到少少🤏🏻 但真係好鹹 食完之後即刻飲咗勁多水 總括然而 覺得係可以一試但唔會特登嚟食 畢竟港女都係要打卡㗎嘛～ 攻略就係 除咗面之外一定要嗌其他嘢食 例如麵包🥯 如果唔係你就會飲住杯嘢飲 喺度等20分鐘食個麵

為何深夜總是餓 今日心血來潮，想食宵夜 平時見到好多次但係一直未試嘅餐廳 - 十六浦 8:55打電話去落單 9:05左右就收到電話話嘢食準備好 10分鐘到好快 今日我今日嗌左蠔仔粥一碗 炸墨魚丸 炸龍蝦丸 金菇肥牛卷 炸雞軟骨 我攞嘢食嗰陣發現有一大袋同一小袋 俾人詐型我買咗好多嘢食。。。 值得一提嘅係我攞到返屋企啲嘢食仲係好熱 我返屋企拆開啲嘢食發現多咗兩碗糖水 簡直係人間有愛 而家疫情呢個情況 食肆真係好難經營 但係十六浦 大件夾抵食 下次宵夜一定會再食