是日友人放假,專登約埋一齊食個好味LUNCH.
呢道好多LUNCH SET 選擇,最後我揀左什錦魚生飯,友人食天婦羅SET.

先來前菜,似係用蟹子整成一粒粒正方粒再加有WASABI味的沙律醬,好好味,令人好開胃.
雜錦飯D魚生唔錯,海膽鮮甜,火炙帶子大大粒,爽口鮮甜,蝦同劍魚腩都不錯,唯獨三分魚同玉子扣了分,沒什麼味道. 平時不吃薑的我,反而喜歡這兒的薑的味道.
甜品是芒果MOUSSE CAKE, 味道一般

約二百蚊一個魚生SET LUNCH, 都算OK架啦~
我會再來多次食下個天婦羅SET 

透過TABLE MAP訂位真係好方便,响電話到Click click click就搞掂晒.進餐期間,眼見仲有好多吉枱,相信WALK-IN都無問題.

記得兩年前上來食過星期二晚BUFFET,唔多人,野食好味又有靚景,當時仲話要每年週年紀念都上來慶祝一下.舊年黎唔到,今年決定一定要再來,價錢同兩年前唔係相差太遠,但食物質素真係差天共地,令人有D失望.

我地大約六點九上到餐廳,坐定定後就開餐了,生蠔區長期有一堆人圍住,咁唯有食左我好鐘意的CLAYFISH先,呢度的CLAYFISH真係好正,係我至愛,隻隻都有膏,好好味.食左三轉CLAYFISH都仲未見到有人FILL生蠔,終於等到有人FILL時,又FILL得唔多,D客一見有就一人夾6-7隻响碟,三秒就比人夾晒,心諗已經唔算多客啦,咁都唔FILL密D?!食左兩轉熱盤,終於有機會食番兩隻生蠔,但味道好一般,係咪因為我食完熱盤再食返冷盤個味有D唔同呢?!ANYWAY,試完就算~

呢度的熱盤我一向麻麻,印度菜較出名,NANN BREAD, TANDOORI CHICKEN, CURRY, 好可惜唔係我杯茶,我一心都係想食煎鵝肝.但睇晒咁多款食物,無一款係我兩年前食過的果款煎鵝肝. 之前食果隻係如假包換放在多士上的鵝肝,如今已經變左鵝肝漢堡,賣相仲要係好似麥樂雞,味道就更加唔駛講,好失望呀~~~

唯有食多件炸魚,少少意粉就轉食甜品了,呢度的TIRAMISU同MOVENPICK 雪糕係我至愛,好可惜以前雪糕係有好多款比你揀,而家得番士多啤利,朱古力同雲呢拿,仲要得紙杯裝,無CONE.好彩雲呢拿都好好味~

可能期望越大失望越大,同以前比較真係無得比,都啱o既,而家d dinner buffet普遍都六百幾,呢道收緊四百幾,有生蠔有"鵝肝"同movenpick,仲有個靚景比你望住,仲想點?!

本來今年聖誕都想上來食BRUCH BUFFET,但經過今餐後應該唔會再來LU~

今年同屋企人响梓桐堂食團年飯, 由於梓桐堂用餐o既地方不大,大概一晚最多只做四至五枱生意吧,親友一早要跟餐廳訂枱加落deposit.
我們用膳當晚只有兩枱客,整間餐廳只有10個客人.親友一早已向餐廳取了當晚的菜單,但當晚吃的菜式仍有出入,我想這是餐廳仍要看當天的食材是否新鮮才有所調動.頭盤都是凍的食物連乾冰一併上碟,氣勢磅礡,有點驚喜
海胆醉鮑魚 - 可能是有酒配了鮑魚來煮,蓋了海胆的味道,沒有吃出海胆味
花蛤沙律杯 - 花蛤大隻很鮮甜, 我很喜歡那沙律汁,甜甜酸酸的,很開胃
法國鵝肝脆豆付 - 味道都還可以,但因為配凍食,鵝肝雖然不至於全凍(仍有少許暖),但我還是筧得西餐的煮法較好味
清酒牡丹蝦 - 牡丹蝦大隻鮮甜,清酒配在一起很好
芥末和牛 - 還ok,但不是太能吃出和牛的味道湯 - 很好味,餐廳真的是一盅盅的燉,上枱時非常燙口,料很足,味濃!其中一位親友說越喝越咸,可能是他那盅多了一片金華火腿吧!點心三併分別有
花素餃子 - 唔錯
洋蔥黑豚肉 - 黑豚肉有點"un",整體味道普通
彩虹大蝦卷 - 唔錯,但有點像酒樓吃的春卷

主菜有五味:豆苗 - ok金貝(帶子) - 做得剛好熟透,味道不錯

風山水起手撕雞 - 這味菜忘記了拍照,因為大家一見都很開心,是那種撈起的菜式,有些士多啤利絲,芒果絲,青瓜絲,西芹絲,芫茜等等配料,再加上那酸甜汁(應該是話梅汁吧). 龍蝦炒得剛好,肉質很好,但可惜被黑松露醬蓋了鮮味,反而龍蝦下的雲吞皮沾了汁好好味大家都吃到這味菜都飽了,我都沒有嚐到一口就包走甜品有:
青檸番石榴糕 - 有點似馬蹄糕的味道,但較清甜一點
杞子桂花糕 - 很香很好味
紅"早"萬壽果 - 飲後很舒服呢,味道很好

總括來說,各款菜式味道不能說非常出色,但很有誠意,菜名很吸引呀,未吃已經垂涎欲滴了.
大時大節,這樣的價錢還ok啦!

老夫老妻,無謂响正日比人掠一筆,提早食我地o既情人節餐啦~~~
去左soho行左一圈,見有幾個靚靚o既日本女仔左揀右揀幾間餐廳後,最後都入左呢間,所以我地都跟左入去...哈哈~~

佢地有set lunch,
頭盤有三款,我地揀左potato skin同 bacon salad, potato skin得一塊,有點小家,但bacon salad就好大碟,兩樣都好好味,d紅黃椒好甜...仲有一款係pumpkin soup.

主菜有五款,我地揀左三文魚扁意粉同sirlon steak, 三文魚意粉好味到暈,好想再encore呀...sirlon就有點"un",可能我地叫左medium卦,塊肉煎得有炭燒味,個汁都唔錯,最好味係個薯蓉. 仲有d配菜都好甜好正~~最後可以揀要dessert或者咖啡茶,我地要左一份dessert一杯咖啡,雪糕ok,個咖啡就麻麻地~~

每人都係一百蚊左右,又平又開心o既情人節餐,都唔一定要去五星級地方食千幾蚊先叫慶祝情人節o既,食到好味o既野我就好開心架啦...

是晚蛇宴,成個2樓包左場,大約8枱,每枱12人......個場其實有d似員工飯堂
每枱有兩大窩仲有一個臘味糯米飯,但炒得不太好,似蒸多d.

味道不是很出眾,但勝在份量多到食唔晒,而且食到有d膩口,有少食多滋味的感覺. 一年一度就夠了.
蛇宴包兩大支汽水,6罐啤酒同三蛇酒一支,食完成個人暖笠笠,今個冬天不是太冷者...

咁o岩今日有job在中環,見門面有d日本feel,又在中環地區開業咁耐(前身是機舖),諗住都唔會太差,點知....

價錢在區內算合理,但味道連茶餐廳都不如...變左一d都唔抵食.酸多過辣,成個湯好似就咁用滾水沖落泡菜咁,唔好食豬頸肉配餃子是有一點創意~~但豬頸肉唔多,鋪在底的是菜,而且超多油...

麵豉湯,超咸! 飯太焾,落得太多水定飯煲問題?做日本菜唔係最叻煮飯嗎?

一句講晒: 呢間可以放棄

自木偶關店後,附近幾間食店不斷轉名,此間前身為上海菜食店,開業不久便轉到現時的點心店,但其實老細是同一人,人流比賣上海菜時明顯多了,晚上突然想吃點心,終於不用再叮seven那些....

晚上約8點未夠,糯米雞已經售罄,荷葉飯也只剩兩個,幸好我們趕得及吃一個,另外點了我們常吃的雞札及牛肉球.....
不夠一份鐘,荷業飯已經端上. 但點心遲遲未能上枱,唯有很慢很慢的吃,希望等到點心來到時還可以送飯....個飯唔夠熱,好乾,雖說什錦荷葉飯,但很少配料雞札火腿肉用玉子豆腐代替,味道很怪,成件雞札淡而無味...唔好食終於等齊,但只有最後一口飯.....

最近發現開了不少點心店,全部質素一般,價錢不便宜,跟酒樓正價一樣,我們食三樣都差唔多90蚊.以這個價錢,旁邊的茶餐廳的碟頭飯好味得多....

一年前來過印象深刻,但因為兩個人不能吃太多款式,很少再來....
天氣開始轉涼,很久沒有吃過像樣的火鍋,決定再來懷愐下..

沒有訂枱,但幸好時間尚早,6點未夠便入座,要在7:30前交枱..兩個人一定無問題啦..
甫坐下,便決定要個清湯腩做湯底. 另外點了本地手切肥牛,白鱔片,四寶丸同黑豚腩片,再叫一勺酸梅湯

湯底有多款選擇,也可雙拼,但要另加收費,湯底也有分大與小,煲是同一個size的,分別在於湯內的材料多與少,兩個人吃,小的已經ok....坐下已經有咸酸菜吃,先開一開胃口, 酸梅湯也很好,不太酸,好味湯底味道清甜,牛腩偏"un",但滾耐了仍有牛味,當其中一樣菜亦很好:手切肥牛一般,唔肥,所以肉質偏"鞋",牛味不及湯底的牛腩最喜歡這兒的白鱔同四寶丸,白鱔肥美,漿口好味四寶丸分別為墨魚丸,蝦丸,豬肉丸同牛丸,全部手打,全部都很好吃!豬肉腩片味道不錯,雖然捲得靚靚,但放上碟時很凌亂,沒有了那種fantasy的感覺,扣了分

最後還有免費甜品,打完熱熱的火鍋,有少少的甜品作結尾,很幸福呢~~~呢度服務不錯,侍應會主動加湯,而且知你已經吃完會主動收拾枱面然後附上甜品.
雖然這裡格局不是太大,但都算多大枱而且又有卡位,我們7點半離場,都已見滿坐,而且通常每張枱都有兩輪食客, 還有客人會帶同紅酒品嚐,真識食!

吉之島的山頭火永遠都要等一段時間先可以入座,由於店內座位不多,就算晚上6點幾到,都要等一等,幸好店外有椅子,邊坐邊排隊.未入座可先看menu,將近入座服務員會過來幫你落單,到你入座後等一陣就有得吃了~~

有一段時間無來山頭火吃拉麵,今次發現多了款式選擇,我選了有壽司的套餐,朋友叫了炸豬排的套餐,再另叫一碟餃子share....所以吃得很滿足.麵豉拉麵湯底很好味,但稍稍略咸,可能是因為我吃壽司時沾了豉油,再吃拉麵便覺咸了一點. 麵質方面較硬,但仍然好味的.
壽司的尺寸較平常在壽司店吃的略大,魚生不算新鮮但尚算不錯,對比現在的物價高漲來說,這個套餐是物有所值的.
餃子皮薄餡ok,但其實吃後令人印象不深,可吃亦可不吃,因為套餐都已經夠飽....
炸豬排可口,但不是太juicy,因為套餐有飯有麵,朋友模仿日本人用麵送飯再加豬排一起吃,就連湯都全部喝光...厲害! haha

總括來說,這家麵店的湯底及麵真的不錯,雖然價錢略貴,但味道較正宗,好吃,必定會定期再來~~

本來午餐想吃喜萬年的,但多人到要多等一個鐘才有位,便決定轉地方. 好在敘榕軒有位...

這兒的點心真的不錯,在酒店內的酒樓.以為會貴一截,但好彩都不是且有水準,還吃了义燒飽,奶皇飽,春卷,豉油皇炒腸粉,鮮cheuk卷,牛肉球,排骨...但沒有逐一影相呀!金鐘灣仔食飯真的越來越貴,這兒飲茶的價錢都算不錯了,但不能每天都這樣.