今晚在男友帶領下,到了The Trafalgar Brewing Company享受了一個浪漫的美食之夜
由門面裝修已經充滿了歐美風情,燈光的設計更是引人入勝,原來是一家平常常經過而從沒吃過的餐廳呢。
1. 我們點了Set Dinner—精選美國牛扒系列,第4個
《美國頂級熟成西冷牛扒》($450):個餐非常豐富,包括夏威夷雞扒沙律+8安士牛扒+蕃薯蓉棉花糖一份+蘆筍數條+烤車厘茄3粒+炒洋葱數片+自選指定甜品或飲品。(詳述如下)
***先上夏威夷雞扒沙律
有菠蘿,好開胃,又有青瓜,質感似自已種果d有機青瓜,爽脆口感
另外雞肉條冇乜味,要撈埋醬汁或配料一齊食,還有其他如粟米粒、芝士數片、生菜、少量沙律醬,份量不多,當是二人份的開胃菜剛剛好,勝在食材夠新鮮。另外白色碟襯綠色食物,令賣相十分吸引
***再上西冷扒
放在木質的碟上,和棉花糖,蘆筍,車厘茄,洋葱,醬汁一起上,賣相極佳!今次叫了
5成熟牛扒,所以牛扒上插佐支"medium"牌仔識辨。5成熟效果非常好,外脆內軟的口感,里面還是粉紅色的肉,平時很少吃肥肉的我,都忍不住連牛扒少少肥的部分,靚牛肉的味道是入口回甘的,非常滿意,值呢個價。
一齊放在木盤上的還有
蕃薯蓉棉花糖,十分有趣的配搭,睇落好似舊雲咁,味道亦非常搭,略嫌偏甜;棉花糖口感軟滑,似平時BBQ燒棉花糖的感覺,但蕃薯蓉不算太滑,可能因為是全蕃薯打成的蓉,沒有加粉,但當甜品食,是很過癮的。
至於其他3種配料"蘆筍(綠),車厘茄(紅),洋葱(紫)"都只是配菜而已,3種不同顏色搭配好靚。蒜蓉汁是用個兜裝住,可以因個人口味沾汁。
***set dinner本身奉送甜品,茶或咖啡,但黎到環境咁好既地方,就想試下佢地d
酒(8:00前加$30轉啤酒)。
於是在芸芸眾酒中,揀佐隻
《Kiss Me Hardy Stout》成杯野黑色,望落似可樂,聞落似咖啡,飲落就係帶咖啡味的啤酒,不太濃烈,算易入口,愛好咖啡的人應該更鐘意。
侍應很好人,知道我們舉棋不定選不了喝哪款,就為我們推介了三款。細心介紹了3種beer hot item,一隻叫Hops and glory Upset,接近最normal啤酒味,另一隻叫Golden Mushroom Pilsner,味道比道light,冇好多氣既感覺,易入口,女士可能比較鐘意,最後一隻叫kiss me Hardy stout,有咖啡味,都易入口,會有小小苦,但唔澀。最後我們選了黑色的Kiss Me Hardy Stout,很喜歡!
2. 除了Set Din,我們還點了
《白酒煮雜錦海鮮》($176)
青口,蝦仁,帶子粒,墨魚粒齊煮。青口兼任"伴碟"角色。用白酒加蒜蓉,紅辣椒齊煮。酒味可能被蒸發,唔多食得出,反而蒜蓉同辣椒配搭得宜,煮出海鮮甜味,亦比較惹味。
3.
自家制朱古力蛋糕蛋糕上有雪糕球,蛋糕又圓圓地,起初以為是好似心太軟的配搭。一刀切開蛋糕發現是實心,不是流心的。 口感比較似普通的朱古力味紙包蛋糕(比紙包蛋糕濕小小)。
蛋糕本身沒有什麼特別,令蛋糕出色的是整體搭配,不僅顏色漂亮,而且蛋糕+雪糕+碟底的吉士醬加埋一齊食就超好味!
最後補充說一下環境,其實是挺舒適的,屬於超凡的享受。
這裡是有分室內室外座位,室內有5-8部大電視同一個大screen(projector player)方便睇波。室外睇景,可以觀賞灣仔高樓的夜景,吹吹自然風也不錯。座位編配亦靈活,現埸所見,2、4、6、10人枱都可以安排到,人數多少完全不成問題。
也有皮座的sofa,既美觀又舒適
室內燈光是比較暗的,一方面為了給客人睇大Screen,另一方面營造出浪漫氣氛,所以每張枱枱面會放一杯小蠟燭。
而且
服務真的一流!一去到準備坐低,無論男女職員,都會好有sense咁幫女顧客拉櫈(not sure 100%,不過多數都會) 幫我地影相的職員也表現十分樂意及有耐性,期間仲有講有笑,感受到餐廳的員工十分有活力,將一種輕髮心情帶給顧客。
另外,每上一道菜都會換新刀叉。期間,我們座位旁天花忽然滴水,職員發現即刻say Sorry,不停問我地需唔需要換位(其實冇滴到我地)。之後每個經過我地張枱既職員如果同我地有眼神接觸,都會say Sorry,表示無奈,真心感受到佢地好抱歉
最後特別提一下,餐廳內有間玻璃房,有幾個金屬大桶,一直有職員在內煮酒。
說了這麼多,還是想讚多一句,這家Trafalgar真的很棒,如果喜歡吃西餐又喜歡情調的話,必定要來一試,而且食物品質都很上乘,絕對不會失望呢!