大吉居酒屋 (中環)

中午1:30入座就有午餐優惠，一律原價減$40蚊，真系好抵吃!

前菜好豐富，D魚生非常好味，很新鮮。沙律都幾特別，個人更喜歡另外一款蘆薈，很fresh。酸酸甜甜。Sukiya個湯底雖然唔系好夠味(如果甜d會更地道)，但系已經好對得住個價錢，賣相好靚。烏冬的面質唔錯，好“煙un" 成曬成碗系會好飽肚ga!吃完之後，仲有甜品，可以選 小杯雀巢雪糕(朱古力，香草，芒果，或 黑芝麻) 或者 柚子蜜。

太興 (中環)

今日2點幾又到中午覓食時間，記起太興下午2點鐘就開始有下午茶，於是就去了太興。

時常吃他們的濕炒牛河，但今日想吃清淡一D，轉下口味，於是就試下佢地嘅大都牛肉麵。上來一看，好細啊，不過，算啦$35本身就冇指意係大大碗。吃落發覺味道唔錯，上面有一粒粒蔥花，吃左先發覺其實係切到好細粒嘅芹菜。芹菜另成碗面好清新。湯底都唔錯，稍微咸左D。面係上海面，硬身D，但口感好好。最正係果幾塊牛展，比想像中軟好多，好好味啊!如果多幾舊就好啦，呵呵。下午茶可以升級Cappuccino, 一般般啦。

其實碗面比肉眼見得大碗，吃完都已經好滿足啦

芽莊越式料理 (中環)

中午1點幾鐘去吃飯，注定都系要等位，於是就去左芽莊。門口如常排長龍，不過好彩，其實冇想像中需要排甘耐，大概12個號，都系排左15分鐘。好開心好快就可以入座。

我叫左河內番茄蟹檬(我簡稱佢為”河蟹“檬)。因為天氣冷，真系好想吃碗熱辣辣的湯檬，於是就pick左呢款湯檬，夠特別。湯底酸酸甜甜，好好味。有幾片越南紮肉，湯底有D蟹殼，有一粒粒的蟹肉，有幾粒肉丸，口感很好，料很足。雖然比起同地段的其他越南粉，芽莊相對較貴，但系我覺得出品系最好，一飲個湯就知道系用心熬製。強烈推薦!

泰簡單 (銅鑼灣)

響同事推薦下，初次到這間泰國餐廳。先兩日就book位但入面都full曬，無奈之下，只能坐出面。開頭以為出面系果種好凍嘅天台，所以就叫朋友提前去lor位。

幾驚搵唔到間餐廳，因為之前都未曾去過總統戲院，更唔知道樓上原來有野吃。響一個偏僻的走道發現餐廳的入口，乘坐只能容納6人的電梯到達餐廳。走出露台，眼前一亮。原來坐出面並沒有我想像中差，而且出面好靚，一D都唔會凍。其實大家都唔系好餓，所以就隨便點D野吃，朋友強烈推薦金枕頭，所以就order左一個試試。法式長麵包入面夾咖哩同蜆肉，好特別的感覺，而且口感唔錯，吃過翻尋味!前菜點左個幾特別的咖啡骨，聽個名就知道特別啦，一上來就有濃濃的咖啡香味，雖然其實吃落有D苦苦地，但其實味道都唔錯。之外再叫左菠蘿炒飯。入面有葡萄乾，菠蘿粒，肉鬆(很特別)，原理上應該系好好吃，不過，可能果晚廚師唔記得落鹽，有D淡。坐外面氣氛唔錯，同室內完全系兩個唔同嘅感覺。吃完野後繼續坐度同friends吹水聊天，完全冇被驅趕的壓力!

不過最最唔滿意系全個餐廳，只有一格女廁！ 同埋衛生一般，所以非常需要改進...

Holly Brown (中環)

與朋友吃完午餐就過黎吃左個小甜品。因為想飲咖啡又想吃甜品，所以叫左 Holly Brown Tango ($48, Gelato + Espresso)。雪糕+咖啡簡直complete my day! 我覺得好特別，唔會太甜，又唔會太苦。強烈推薦給想吃甜品，但又唔想吃完後產生罪惡感的女士們。