果日同個舊同學行完書展，擰住堆戰利品走唔得遠，於是就上左呢間野度開餐。

岩岩5點半去到，個場已經爆爆地，犀利。

場地所限，兩人台真係細左D，叫多D野食都怕無位擺。

雖然班伙計好好禮貌，不過上菜成日都又慢又甩，可能係當時爆場啦，果陣唔止熱門野，連飲品有一ROUND都催左兩次先肯到，扣晒D珍啦。

老套一點講多次，CHEAP 喱黎得呢D中低價場絕對唔介意伙計粗魯D，反正我都係想食餐勁的又唔係練仙食環境，態度好無用架，最緊要係爆場果陣都可以上得快狠準先得加嘛。

食評詳見圖片。(最近很忙又想登食評只好用這種方法了)

總結，只要一日有芝麻雞翼，一日我想放題都會黎。鐘意香口野的飯友可以一試。唯環境氣氛佈置屬快手格，不合悠閒想慢慢坐吃的飯友。

2月中某天放假，老哥見cheap 喱最近工作不順利郁悶在家，決定帶cheap 喱到這家巴勒斯坦咖喱屋吃飯加閒話家常開解我。

咖喱是本人最愛，加上兄弟自離校後各有發展，少有對談，難得有機會當然要去。

結果第一次來重慶就光顧了這家店。

可能門外寫了『members only』，除了中東人，沒本地人或外國人進來。

不過，這家店除歡迎不同國藉人士walk-in外，也僱用了中國藉伙計，方便本地人查詢菜式及落柯打。

中藉伙計係岩嘴型，不過當人少時，就會跟我們說過不停，要開口婉拒才懂停口。

巴藉老闆也很親切，主動跟我們打招呼和送上VIP卡，只是他英語能力真的很有限。

一口氣試了很多東西呢，只是相片數量有限，未能全部上載。

食品評語可參考相片描述。

不過開飯友請留意，收錢的外藉伙計見你唔係同國人的話，會有意無意『計錯數』，所以下單前，請心中有數。

總結，乳酪必飲，鐵版烤雞必食，價錢相宜，環境尚可。有機會再來。

星期六跑完夜場，終於排到期買飛睇大犯罪家，總算上到尾班船，好極。

做完正事肚空空，想食榮式雞扒，但記起呢間堡房應該開張左，於是行遠D試新野。

八點幾入去，明明星期六應該旺場至係架？眼鏡一掃，只見一對情侶，及員工們。

包款千篇一律，有點單調，只有三重奏($80)的份量才吸引我這個食肉獸。不過包除了肉和菜外就沒有其他配料，蛋、煙肉、芝士全部要每樣外加五大元才有，全部加齊再落塊肉盛惠一舊，好明顯，夠膽咁食，對健康、對荷包，都係一場賭博。

自問還有理志(其實係買左飛唔夠錢)的cheap喱最終都只係加塊煙肉算數，包來時被高度嚇一跳，要張大手指才夾的穩，張大口咬第一口竟也咬不中肉，那一刻，那挫敗感，令我想要一份刀叉。

食罷同意其他食友指出的弊病，是包，尤其是包底，不夠厚、烘不夠脆、太軟身太海綿，堡扒流出的肉汁被迅速吸收後逐漸變成一餅爛漿。

不過我必須為堡扒平反，係每一塊都好香，又有肉味又多汁，必食大滿足。

小食要了份特製雞翼($20)，老老實實，真係差到俾唔到珍，雞翼略炸至熟透後混合預製的酸辣汁即成，吃罷有點像咕嚕雞翼，完全無雞味。

奶昔不是自家製的，有牌子雪糕製造，免了，食雪糕有口感多了。

送餐的嬸嬸很有禮貌，難得外國品牌會僱用老弱為員工，很有良心企業的風範，加分。

總結，本人只為三重奏捲土重來。

平時六日工作邊有時間見朋友，趁呢幾日放假梗係應下老友出黎行下食下野咁啦。

去到灣仔內街，中餐至咖哩屋都無開，正當友人納悶之際，諗起呢間野班西人伙計應該無呢種過節概念，於是同佢黎食。

可能放假的關係，無左班白領客，呢度靜到連我在內得兩枱人，都好，靜靜坐吃。

本來後來又來了一對情侶的，不過坐底看了餐牌就走了。唔係睇唔起佢，亦唔怕得罪講句，食慣麥記價錢的朋友，唔好入黎。

無錯，呢間野最平果個包都夠食兩個麥記餐，最貴夠食四個添，咁又點，你去outback食一個最平的扒餐唔添飲連加一都要百五蚊啦。咁比較，我覺得佢叫平喎。

朋友要左crushing & pushing，即漢堡加車打芝士，我就要加蘑菇的magical mushroom，然後同佢換左半邊，實行同門crossover。不過可能用料大致相同，口感接近，食落無咩驚喜，都好多肉汁好滋味，蘑菇醬嫌淡左d唔入味，芝士仲可以漏d，不過都算中規中矩。要注意係堡扒比以前明顯鬆散左，手夾住包中間輕輕用力，堡扒就已經一分為二，略有減料之嫌。

小食要左最保險的爆谷雞寶，配隻白汁真係好開胃夠咬頭，如果係夏天坐露天位食佢佐啤酒最正。不過份量好似比以前明顯少左喎......不要欺老客的場嘛﹗

飲品方面，朋友要了藍莓誘惑，即係藍莓奶昔，這個份量飲完都飽，我呢個老友係嘴刁之人，野唔好食佢情願全部掉晒都唔會要自己辛苦，但見佢靜靜地喝完，應該都幾好飲。而我轉戰熱帶果汁，雖然係凍飲都有些少果香的，飲起來酸酸甜甜的，送呢d油膩野唔錯。

吃的七七八八，望望四周，沒有其他客人，好似自己包左場咁，張枱距離廚房又遠，講野大聲少少都得，無耐黎左枱情侶客，讓別人也有包場的感覺吧，於是就走了。

總結︰這家食物不錯，價錢合理，一試無妨。

呢間野聽唔少開飯友捧過，初頭諗價錢咁大眾化多人覺得抵食一D都唔奇，不過如果唔好食，就係一蚊一個包都無人話抵啦﹗於是說服自己星期日放棄食西堡，決心黎會一會呢個港產『太堡』。

其實交通都幾就腳，一出港鐵紅磡站行條天橋就到。

係門口聞聞，一股舊式茶室味，難怪經過幾次都唔知內有乾坤。

午餐時間爆滿，問阿姐店內可唔可以係出面開枱或者幫下眼搵個位，唔知阿姐係咪俾人訓示過唔好講錯野定好少同客傾偈，只係怕怕羞羞搖搖頭示意『幫唔到你』。

在外待了一會，有位坐低，落柯打，過程如大家樂流水式作業。

又等了一會，開餐了﹗﹗(食評見圖下)

整體感覺良好，不過摺式坐椅配老腰骨，港青們別指望會坐得舒服。

就CHEAP 喱平心而論，這店有時間經過一食無妨，但不至於要專程一試。

一月中同兩個老友去食佢個tea buffet。

可能係三點先開始，無咩吸引力，所以去到根本無咩客，除左我地坐果台就只有一台人。(後尾我至知原來佢地係榮的管理層開簡會= =")

基本上，除左紅碟同特別推介之外，全部都可以用buffet價任食，包括手卷同小食都一樣。

我唔好魚生都大把熟食同炸物可以食，尤其是芝麻天婦羅蝦卷，感覺良好。

講真，幾十蚊咩都可以試晒咁滯，都幾過癮。

質素唔多講啦，幾十蚊食唔壞你就算係咁，仲計咩較？

侍者明顯訓練不足，問侍者(不是經理)buffet的規則時，他/她也得先問問經理才回答我們。不過態度總算友善。

有時間會再去。

今日中午執左一陣屋，見餓餓地落街開飯又唔想走得遠，於是就幫襯附近呢間茶餐廳。

甫入門即見滿座，無辦法只好站著等，恰好我站的位置又尷尬- 出菜位隔離，所以企左無耐就俾個載眼鏡的女侍應大喝︰『行開，行開呀﹗』，仲作勢要撞過黎咁，真係好巴士閉。

等左陣，終於可以坐低，先頭個侍應又即刻行過黎落單，我菜單都未睇邊咁快柯打喎，咁咪係加埋唔該的情況下叫佢一陣再過黎啦，點知佢就即刻一路行開一路單打︰『慢吞吞，都唔知係咪路的，阻住地球轉。』，咁樣對客，有無搞錯？

本來想走，但又唔想同五臟廟鬥氣，唯有炒左碟牛河拿拿臨食完閃，點知碟河上桌，份量只有附近茶餐廳三分二，牛肉寥寥幾片，全碟油光泛泛，進口一嘗，鑊氣中包含淡淡的煤氣臭味，明顯炒時火氣少。

席間，那個女侍應不斷走來走去，當中很多時她也是拿著客人的餐點的說個不停的。

至於其他女侍也不甘示弱，全場不停放聲說話，全不理會食客感受。

今餐好飽，但好快消化晒，畢竟落肚的只有小量牛河大量氣。

以後唔會再去。