一坐入去先岩岩開始睇menu就即刻有人黎落單，講緊唔係問你寫得未而係放左張單係張枱咁想即刻寫。 見我地未得就自己係度介紹然後想寫埋落張單度。咁..當然我就black左面叫佢比我地睇下先啦。 到落得單，佢見我地唔係兩個都叫貴餐，即刻系左聲同埋拋我話少啲雞嘅。大姐你個平餐都講緊差唔多六十蚊，貴餐多碟菜多兩三塊肉同變左肉骨茶就差唔多八十。 份量多啲就貴啲係合理嘅，但我食唔曬唔通又要迫住叫個貴嘅？ 心諗系聲都算，點知佢落完單係我後面撞左我一野sorry都無句仲要掉張單落黎枱度。即刻火都黎。 我唔介意你整到我，但呢度唔係茶記，你亦唔係收緊平嘅價錢，點解可以咁嘅態度？ 公平啲咁講：野食係ok嘅，肉骨茶都幾好味，亦唔係每個staff都無禮貌。但今日果個帶位、落單、收銀果個阿姐態度真係奇差。 我以為呢間鋪賣點係雞飯，但原來Set先係。

打電話叫外賣，明明係同我講33號。去到拎見唔係我叫嘅野就同佢講啦。
都未試過食一間野自己做錯仲態度咁差，係咁係我面前同個收銀講係我記錯No.。

如果我記錯又點會咁岩你有果個號碼嘅外賣係度。

本身都諗住由佢，點知收銀找緊錢比我你又再同佢講要同個客對清楚啲野食，因為佢地會記錯No.，仲要不斷話係我記錯。

我本身個no.係37，其實可能只係電話聽得唔清楚個音大家都無乜錯。
但你點可能完全唔諗下有機會係自己問題就係咁話係個客問題？

唔係第一次食，一隻覺得呢間分店態度算唔錯，但呢個短頭髮無戴眼鏡嘅阿姐真係令人好嬲好失望。

咁嘅態度幾好食都無用啦。唔係顧客永遠是對的，但至少有基本禮貌。

其實平時真係唔會預去飲奶茶會要求有良好服務
但至少可唔可以唔係無禮貌先
邊有理由會係話個客﹖

我買脆脆莎冰，買果陣唔問我要唔要CREAM都算，當我自己唔知有，我錯
我好聲好氣叫你幫我去返層CREAM，佢竟然話『落左你先講』
但講完又唔係佢幫我整走佢
我都已經無出聲，點知佢仲要突登走出黎望一望佢自己啲promote相
然後講句『張圖咪有CREAM LOR』
你張圖放係腰位以下，果條圖咁窄，請問點會一望就望下面果啲圖﹖
十個有九個都係望上面啲名黎哎野飲嫁啦

呢個店員叫號碼又無禮貌
唔係講緊佢大聲講野我就當佢無禮貌，我自己做服務業都明白大聲唔等於無禮貌
但果種語氣真係完全令人覺得佢似鬧緊人多啲
比野飲人下下都係掟落枱，咩態度﹖

隔離有個疑似店長OR經理嘅人，由頭都尾睇住佢咁都唔話佢
淨係係度收錢....

以前去都淨係覺得啲人好HEA，明明成條人龍但係啲店員掛住傾計做野勁慢都覺得無乜所謂
宜家呢啲係趕客囉好無﹖

做飲食係咪真係完全唔洗要服務態度﹖
好想講你啲咁嘅態度會令我唔會再去呢間鋪買野飲
情願行遠少少飲第二間OR直情飲便利店好過﹗
真心想同個店主講
揾日遠距離望下佢地點對客點做野
你隔離啲鋪位做左咁多年我都從來無覺得佢地態度差呀
希望個店主可以睇到呢篇野
我未試過買杯奶茶四到咁嬲﹗

向來對中式食物特別鍾愛，自從被朋友訓練得愈來愈吃得辣後更是迷上了這種味道
朋友介紹這間餐館後一吃便愛上了
雖然對吃不了辣的朋友來說可能比較不足
因為一個報滿辣味的廚房，那怕『走辣』了也很難做到完全不辣
不過這個辣有別於麻辣的慢性侵襲
而是從第一口你就知道辣了，卻還是難以控制的繼續吃下去
中式的辣不同於咖哩的辣，比其更為香口而且多變化
可能有曾光顧的人會覺得這店舖的食物太油膩
但這正正証明了其正宗之處
正宗的中式食物都較為油膩，只是平日香港的一些中式店舖已被港化了而作了更改變得較為清淡很有風味的卡片總覺得這張拍得很好看~這是我每到必點的一道菜，雖然比較油膩但已細心的用雞蛋墊底吸油
愈吃愈辣，但又有咸咸的味道交雜調和
米粉的口感亦軟硬適中，而且完全入味﹗肉質適中不難咬開，亦不算太辣，不太能吃辣的人可一試口感很獨特的一道菜
比年糕容易咬開，又不如豆腐般軟弱
用軟硬適中來形容有點奇怪，但又確實如此
份量頗多，而且較為飽肚，假如選了這道菜，其他菜式就可以選沒那麼飽的了很濃的雞味，精華都在湯中了
把湯渣拿出後是整隻的雞!又是一道愈吃愈辣的菜了
不過味道很好，亦不『痴牙』另一道我特別喜愛的食品
除辣以外甜亦是我的愛好品
這個薯餅有淡淡的薯味，配上甜甜的煉奶，加上軟而煙韌
雖然略油但亦極為吸引吃了兩塊~