都係自己唔好...出名做拌面的店...入去就不應該試其他菜色...見了一個鐵板黑椒牛扒 $98 +$22可轉套餐有飲品+甜品.賣相不相, 配菜有翠玉瓜和蕃薯條, 黑椒汁好味...二塊不是太厚的牛扒..滿心歡喜相不到牛扒完全咬不開, 二塊都只可以吮汁, 衰過湯渣....$98 無要求貴價牛扒, 但都不能差到這個地步...倒不如唔好推出來給顧客, 專心做到拌面.

服務一般, 可能人手不足..到叫甜品落單都未有人收拾過枱上的一隻碟
茶叫了壽眉...沒有香味.. 一大包茶葉泡了三轉就淡如水
杏汁豬肺湯...沒有杏汁味..味道與普通耐火湯一樣
烤麩...應該沒問題, 但就食到1, 2件有少少宿味
柚子叉燒皇....好似食厚切豬扒, 肉是鬆化, 但沒有叉燒獨有的燒香味, 後期加入柚子醬拌勻, 唔好食
水煮鱸魚....肉質好滑..夠麻夠辣...粉皮過腍
蛋散...失望..在上面淋柚子醬..本身沒有稀釋, 有醬的地方就好甜..沒有的就無味...由於醬太稠密都不能推開到沒有醬的蛋散來吃
椰香鮮芒卷...都可以接受...
總括: 試過就算...唔會再去...埋單$1245...咁的價錢做出咁的質素...

4人訂了星期五晚上7點, 準時入坐, 有二張紙: 1. 是可以起菜, 2. 是可以上第二隻蟹
我們7點收上菜, 好快就上了頭三道菜. 都依菜單上的次序上, 那接著就應該是第一隻蟹, 我們在聊天, 直到有朋友開始感到肚餓時, 才發現時間已經過了45分鐘, 那我們向一位女侍應(A)查詢:
A侍應:完全不懂我們講什麼， 只想取走叫第二隻蟹那張紙， 一直回我們要交紙才可以。。。。 過了１０分鐘， Ａ侍應（估計抄散)叫來B侍應 （資深)， 我又再講一次， Ｂ 的反應和A一樣， 又要我再強調。。。一隻蟹都未到。。。。 Ｂ 回我幫你去查下。。。。。沒有回頭了 我們開始留意是否枱枱客人都一樣, 但見一車車蟹出來, 都送去各枱上, 唯獨我們沒有... C部長(男) 推車過來問我們是否未有蟹...之後就離開.....(好似路人甲, 純為八卦)  看回拍相時間, 足足過了1小時.. 忍無可忍..出去同接侍員講要見經理, 好快經理(D) 過來...我又要再講多一次, D 都是和A, B C 三位一樣, 唔理你講咩..都係話交單才有第二隻......真係嬲到火山爆發... D 解釋人多做唔切, 我話都唔係成個小時, 無蟹就上其他菜....我問是否現在一併交第二隻蟹那張紙,  D 叫千其唔好, 因為不止上蟹, 連餘下的小菜都好快送上.

再過了約5~8分鐘, 蟹到.....已經是晚上8點30分有多....我們都隨即遞上紙叫上第二隻....
到9點15分, 所有的侍應們都進入"收工模式", 小菜一次過上齊, 不停問你吃完未, 吃完就收碟, 埋單收錢... 未到9點30 就清空了一大半人....但這間係有A~D 區的....
一間酒店內的食府, 服務可以咁都無話可說....又不是第一年售賣大閘蟹套餐......

環境當然無得頂，對着無敵大海，現在入秋，陣陣涼風，三五知己坐埋邊飲邊吹水，一流！！室內裝修好靚好有異國風情。食物今次叫了半打生蠔，新鮮又夠凍，所以入口肉質爽脆，味道不會太咸，豐富海水味帶點點甜。無酒精飲品叫了Fizzle Swizzle 熱情果味，好香好醒胃. Soft Shell Crab Wrap 軟殼蟹都算大隻不油膩薄薄嘅炸粉，再配青瓜蔬菜等，配搭好好。

疫情下食肆大多收十點，這間收12點，可以跟朋友慢慢聊天。 叫了每位3xx套餐，食物熱騰騰，湯也好喝，鮑魚、鵝掌都好腍，其他菜屬少鹽少糖，食得健康為有清淡一點 服務都好好，不過上菜有點快，一次過把幾味菜全推上來，有點吃不消。另外叫了焗魚腸，唔錯！！焗到表皮脆口，蛋和魚腸加入薑粒和蔥，又唔腥又多汁，但唔覺有油炸鬼。

今天想和朋友好好地吃一頓飯，所以在搜尋找 FINE DINING，看見這間評語，相片都好吸引。可惜大失所望，環境只是一般香港式西餐廳。但價位就定到酒店的級數，見網友拍的Menu，一杯cocktail要$1xx。我最不能接受是一開升降機門就有一股雪卡味，好似去了樓上酒吧，而且要搭枱，試想想一碟意粉收$2xx，買要好似返工午餐2+2中間隔一塊透明板，又嘈吵。。絕對稱不上FINE DINING，真係唔好亂來，樓上酒吧就最合適不過。我忍受不了，沒有坐下來就速速離開。

回想疫情前, 花園好多人, 好嘈吵....現在枱與枱要有距離, 坐得舒服, 又不用大大聲講說話. 而且這間已經可以營業到12點. 慢慢吃都可以.
任飲任吃, 價錢唔貴, 連加一都只係$260左右.  服務又好. 冷氣夠凍....
啤酒好少見任飲的地方用藍妹, 又有道地解.茶..所有飲品都雪到冰冰凍..而且有冰和冰筒, 拿一筒回枱慢慢飲.
食物:限量是每人２隻蝦和一隻生蠔， 我欣賞那款生蠔， 好肥美。。。。
食物送來時間都好快， 份量又足夠。 通常皇帝菜都會好老， 但這裡不是， 好嫩。
食物種類都算多， 絕對新鮮。。。

星期日在天后行逛, 見到這間cafe , 翠綠色好舒服. 就入去嘆個下午茶, 坐位舒服, 不會太迫. 我們二人選了門口的一角, 可以望街外又自成一角.
我們叫了一個tea set 再配一杯咖啡. 之後侍應妹妹問我們會否試下店內的二款蛋糕, 咁我們又叫了.
總括:  服務親切, 環境舒適, 咖啡香濃, 食物唔錯, 蛋糕無驚喜, 但都合格.

第一次來吃, 落單叫了擔擔面及口水雞外賣. 今日lunch 時間, 店內人客都不算太多, 只坐了70%. 店內環境整潔, 舒服的.
外賣回公司發現做了菜肉餃擔擔面, 食入口, 菜, 肉, 粟米粒都好新鮮, 調味好好. 食得出是咱家包的. 唔錯~
擔擔面, 份量好大,  幼身上海面, 由於湯和面分開, 所以帶回公司, 面質都不會糊口, 湯有好香花生味..小小辣. 好吃..
口水雞就有點失色, 放在雞上面的醬好咸及沒有麻辣香味, 雞肉就合格, 沒有太大驚喜.

酒店推出優惠 入住一晚及雙人半自助餐都只是$550 (二人) . 這個價錢沒有太高要求, 但也不能太差的. 
main course 選擇了$2XX 的牛扒, 另一款是銀雪魚....
牛扒的筋性好強, 真的沒點牙力都不能戰勝
銀雪魚應該好穏陣, 通常都不會太難吃, 但想不到出事的不在調味方面, 而是一條急凍魚, 入口的肉質像昰吃煙燻魚, 又實又鞋....
至於在自助餐桌上的食物種類尚算足夠.
~ 蝦, 青口, 螺 ok
~ 中, 西湯都是無味的
~各款沙律菜ok 
~ 蛋糕甜點, 紅豆沙 (沒有吃) 
~ 三款面包, 夠軟身, 好吃
~ pancake 全場最好食的一樣東西
~ 雪糕有玄米茶味道, 值得一試