觀塘雖然係舊區 但懷舊店舖已經所餘無幾 記得兒時在附近做暑期工經常光顧…… 此茶檔開業已經幾十年 裡面裝修十年如一日，完全無變過 早餐及午市幾張摺檯放在門口。 店內得數張長檯加圓檯 格局好六,七十年代 開放式的廚房 一眼見哂伙計全是老大叔同阿姐 食客多數係附近寫字樓 餐牌選擇唔多 甚麼早餐,午餐,常餐,特餐… 全部都係千篇一律 唔同嘅，只係早上也有車仔麵 而今次選擇咗早餐 沙嗲牛麵 , 餐包煎蛋，凍咖啡 宜家好多餐廳已經轉咗用丁麵 但呢度多年來一直維持用大光麵 早餐等五分鐘到了 麵身軟硬度煮到剛剛好 不過湯底淡而無味，要加辣椒油食 沙嗲牛肉好淋不過沙爹味唔香 煎蛋 + 自家製餐包 餐包有咬感 , 幾好食 , 不過凍嘅 煎蛋好油沒有甚麼特別！ 凍咖啡唔錯 雖然加咗冰 , 飲落啡味都幾香濃 早餐$24 凍飲加$2 $26 埋單真的很平。

從未吃過如此難吃的咖喱餃子飯。 餃子五隻，是蒸餃沒煎過... 更甚的是完全沒有味道。彷彿餃子還餃子，飯還飯最後倒上咖喱汁，咬了兩啖，完全放棄！ 朋友碟咖哩牛肉非常細份...話啲肉鞋到死。 一說到咖喱，出面咖哩店嘅汁應該有其他配料... 例如薯仔，紅蘿蔔或者是洋蔥 呢度可以乜嘢都沒有.... 咖哩粉一PAT打獻上... 終於知道咩為之頹飯，就係食到你想死果種頹 真係食到你個人頹哂。 難食程度爆哂燈 宜家睇到食評、原來咁多人中伏

同朋友在APM 食完晚飯！ 各自歸家，時間尚早 突然好想飲杯奶茶！ 就走咗嚟土司工坊。 呢度係自取形式既， 搵完位就去買野食！ 我發現呢度既奶茶係拉茶。 係現場表現拉茶技術咁。 佢杯奶茶比平時茶餐廳細少少 但好好飲，我鍾意飲有茶味既奶茶. 好多時奶茶一係多奶無哂茶味. 一係茶味太濃，苦澀得滯！ 呢度既剛剛好。 最特別係佢杯奶茶已有甜奶。 無需落糖！ 我喜歡吐司工坊！ 主要是因為他們的奶茶 真的很香很滑。 而且沖茶的會在杯子 外用滾水澆一圈。 令熱奶茶真的是倒進熱的杯子內。 真是貼心的做法。

晏晝兩點零鐘勁肚餓！ 找完朋友經過官塘廣場！ 見到呢間「官塘友清湯腩餐廳」 又有飯餐又有各種小食又有清湯牛腩！所以入內試試... 三點多果個時間唔算好多人！ 店裡坐不了幾桌！ 不過地方就逼啲～ 好多野食想叫，但見清湯牛腩最多人點，決定跟風！叫個牛腩麵... 三分鐘已經有得食，賣相不錯！ 至於牛腩~半肥瘦！ 牛肉味濃郁，又夠“林”又夠入味~ 另外湯底都有好濃既牛腩汁味~ 覺得呢度D湯比九記嘅仲清甜D。 牛腩下面仲有D白蘿蔔潻！ 有多汁又清甜又無渣，好好味吖 啲生面煮得好爽，一啲都唔淋！ 呢餐都算滿足！ 食物整體不錯，超越普通粉麵檔水平 員工極有禮，敬業樂業！

午餐突然想起食辣野。 求其找間茶餐廳！ 叫個星洲炒米，要求多D咖哩 五分鐘來到星州炒米 一般茶餐廳會弄得不是太辣 都會有香味！ 但這次卻是既無香味也食之無味！ 連最基本的鑊氣同辣味都欠奉， 材料份量也不多！洋蔥絲都少.. 味道真的不知所謂... 好像求其撈兩下就上枱！ 大家睇睇碟米粉！ 我都即時同伙記講 吾好話已經加重咖哩！ 伙記回應說已經同廚房講了！ 如此無誠意的茶餐廳. 咁嘅星洲炒米都放得上枱.... 唉...佩服...無下次

當日剛巧到旺角探訪朋友 大家都好耐冇見 順理成章就找店子去坐 店內環境坐位很多不算逼夾 侍應都算勤快 題外話其中一位帶眼鏡的男待應 更給人一種以為自己是熟客的親切感 見到附近好多人都叫鹽焗雞 立即叫兩客鹽焗雞飯 好快例湯上枱，感覺好油 我成碗都無飲 鹽焗雞飯嘅雞肉真係好有味。 我就食埋啲雞皮，連埋啲雞肉一齊食。 不過講真啲雞肉就唔係好嫩... 我嘅飯都好乾身，粒粒分明。 自己冇乜點嗰個羗蓉 都已經覺得成個飯好夠味 凍咖啡𣲙吾夠亦吾夠濃 這裡勝在地方大 我地一點坐到兩點幾先走 因為見到佢地夠檯做生意

啲態度差到不得了！ 佢個到寫明任飲任食 咁一去到肚餓梗係叫勁多嚟食架啦！ 加上又有啲食得之人係到！ 點知次次叫 嘅份量 同嚟到個d係差好遠囉！ 仲要比我聽到個女部長 同d師傅講話唔好再比咁多我地！ 😂😂😂😂😂😂😂😂😂 點知爸爸去廁所仲聽到 大大聲問候我地呢張枱媽媽潻👎 我地人多當然份量多 你唔整嚟我地 咪又係會再嗌！ 到其時你咪又係要整！ 個女部長真係超級過份！ 以後都唔會再去呢到食嘢！🙅‍♂️🙅‍♂️🙅‍♂️ 表面上係放題任食 實情其實係d壽司師傅話事 佢地想整幾多你就食幾多 之前一家人經常幫襯十五樓 感覺服務態度好好 雙比現在。簡直兩回事

聖誕節但是又差唔多到月尾， 要有氣芬又係時候食平DD。 幾個朋友去將軍澳廣場行完街， 就行去薩莉亞食超抵嘅意式快餐 我掛住食吾記得影相 其中有兩個批我經常食推介比大家 雞肉雙享的餅很大塊，很抵食，而且汁很多 要人多分享先好食 否則容易吃到一半就覺得很膩，因為味道太濃郁 地中海海鮮薄餅算唔錯 價錢都唔貴 有蝦 有煙三文魚 仲可以分到四小件 我地人多自己再分細件啲所以絕對食得過 餐廳一向走平民 港式加d西式快餐路線 又吾收加一服務費 六個人埋單每人吾洗$50 超平的聖誕大餐

上午11:30, 趁客人不多快d食左個午餐再番工 一坐下, 立即叫了叫了兩份午餐 黑掓魚柳飯 黑椒汁成pat 槳咁，D魚柳又鯹， 茄汁豬扒飯 D茄汁亦成pat槳咁但好小小入得口。 豬扒又薄又硬.... 仲有食物全部暖嘅，難食之至.... 此外醤汁又少，連少少洋蔥絲都無 兩個男人來食lunch 食左$100 但男士嚟講份量實在太少，有d唔飽。 空間方面唔錯，地方大，唔會逼，裝潢都唔錯， 俾人有舒服嘅感覺。價錢方面，偏貴。 應該吾會再幫襯

在官塘區工作年中都吾知進貢幾多在這裡
今天在APM睇完戲過了十二點
咁夜而最近仲有襟坐有兩個選擇
第一就是麥當勞
另外就是呢間佳餚坊
倘若吾係就只有去到牛頭角道
宵夜時間看看四週牆及座地餐牌什麼由
我發板食些熱辣辣既野都好
巴蜀香辣紅魚同麻辣雞煲大家分享食
等了十多分鐘食物已經到
巴蜀香辣紅魚好大份，舖滿蒜頭紅辣椒其實一望條魚感覺好乾完全沒有水份
夾落去真的好乾，魚肉一啲都吾滑
本來落鑊走油再埋茨是正常做法
相信今次是走油走過龍了，再打個辣椒茨
仲有果個辣椒茨汁極之咸，好在有白飯減少咸度
麻辣雞煲的雞件與香魚做法大同小異相信雞件上了少許粉，之後全程走油
再加一點青椒紅椒及洋蔥加少許辣椒汁
埋爐頭炒均放落煲再就給我們
雞件食落同樣十分乾且非常鞋口
味道奄咸到真係吾識形容囉，好在又有白飯
雖然今天人客十分多，求其得亦實在有點過分
呢輪多番失手，踓然我是常客，本着持平實報

在食完後，今晚本來我地坐中間位置
食完不久，甚至碗碟已經收了
我地轉卡位坐繼續倾計，而職員亦無任何怨言
當然我地都重新另外叫多兩杯飲品