呢句說話黎緊每次都會講架喇: 我唔係食家, 文筆唔好, 只係將自己覺得好唔好食既感覺寫出黎, 味道呢樣野好主觀, 喜好亦各人有各人既口味, 我係寫比自己睇, 你鍾意睇我會高興, 你唔同意亦無問題, 最後一句講哂: "好唔好食又睇落去"!
拉麵味道好唔好, 係好睇個人口味! 拉麵既粗幼、湯汁既濃度、配料如何...各人食落都有唔既感受, 所以好難一概而論好唔好食。所以呢一篇拉麵食記, 純粹個人觀感呢! 好唔好食? 又睇落去?
近年喺香港, 都試過廿零三十間打正旗號 sell 日本拉麵既食店, 因為呢幾年無寫 "好唔好食? 又睇落去?", 所以都無影食物相, 不過好味同唔好味既拉麵大致上都記得。黎緊我會為每次食既拉麵作一個連載, 名為 "好孩子香港日本拉麵道場小戰爭"! 個名夠哂低能! haha...而今次食既係...
好唔好食?又睇落去? 第334回 香港日本拉麵道場小戰爭(3) : 尖沙咀Agura 東京 ラーメン 拉麵 Tokyo 黏厚濃魚介豬骨湯底!
地址: 尖沙咀柯士甸路15號柯士甸大廈B座地下某日晏奏去尖沙咀既 Agura 東京ラーメン, 想試食佢地既つけ麺, OH! 賣哂! 結果喺魚介鹽味豬骨湯拉麵同魚介醬油豬骨湯拉麵。那一刻腦浮起一個 "塩" 字, 直覺就食魚介鹽味豬骨湯拉麵啦!店內只有我及另外兩位食客, 好像包了場一樣, LUCKY! 負責主理的, 不是 MENU 相片上的店長長谷先生。不要緊! 店內座位一排面向廚房, 也有日本特色, 枱前自選配料有黑椒橄欖油及辣椒橄欖油。望望四周不消五分鐘, 魚介鹽味豬骨湯拉麵就上枱了。賣相很好! 唔使我移番好 D 麵位直接可以影相!OK! 近鏡擺番好少少影多張就開始食麵!指 定動作: 以匙輕輕壓湯欣賞漩渦形既湯! 然後試湯底。(笑!) 呢個魚介鹽味豬骨湯, 湯質頗濃及黏, 我喜歡這個黏度, 如果係重魚介味我會做呢間店既常客, 喜歡豬骨湯味既朋友應該會喜歡。聞說係以靜岡入口的鯖魚和沙甸魚加魚介粉, 再連豬筒骨熬製十個鐘, 再冷凍成糊狀後, 再加熱! 難怪咁有黏力同濃度咁高!半熟蛋唔錯! 記得加 $10 要埋。麵既粗度屬中度。叉燒似煙肉片切一樣, 明顯經過炙燒, 加海鹽味道足, 個人口味喜歡有肥厚肉質多點, 呢塊燒過略嫌乾身了。食完離開既時候影幅門口相片, 發現霸氣戴帽店主長谷先生。
總結:
通常如果鍾意食嗰間拉麵店既話, 個湯一定會飲哂, 呢樣野算係個人指標。湯我飲剩四份一, 因為太黏, 油分亦多, 不過整體水準係唔錯。唔係拉麵潮混水摸魚之輩!
但係我比較喜歡魚介味濃多一點。 所以喺味道方面要減一粒心。呢個係個人拉麵喜好口味, 人人唔同!
環境:♥♥♥
衛生:♥♥♥
服務:♥♥♥
味道:♥♥♥
抵食:♥♥♥
推薦:♥♥♥
以上Agura 東京 ラーメン 拉麵: 好好唔好食又睇落去, 好孩子香港日本拉麵道場小戰爭,尖沙咀,Agura,拉麵, 日本菜, 食評, 食記,ラーメン,ramen, 好孩子,好孩子PHILIP, 食評
 

呢句說話黎緊每次都會講架喇: 我唔係食家, 文筆唔好, 只係將自己覺得好唔好食既感覺寫出黎, 味道呢樣野好主觀, 喜好亦各人有各人既口味, 我係寫比自己睇, 你鍾意睇我會高興, 你唔同意亦無問題, 最後一句講哂: "好唔好食又睇落去"!
拉麵味道好唔好, 係好睇個人口味! 拉麵既粗幼、湯汁既濃度、配料如何...各人食落都有唔既感受, 所以好難一概而論好唔好食。所以呢一篇拉麵食記, 純粹個人觀感呢! 好唔好食? 又睇落去?
近年喺香港, 都試過廿零三十間打正旗號 sell 日本拉麵既食店, 因為呢幾年無寫 "好唔好食? 又睇落去?", 所以都無影食物相, 不過好味同唔好味既拉麵大致上都記得。黎緊我會為每次食既拉麵作一個連載, 名為 "好孩子香港日本拉麵道場小戰爭"! 個名夠哂低能! haha...而今次食既係...
好唔好食?又睇落去? 第333回 香港日本拉麵道場小戰爭(2) : 銅鑼灣博多拉麵別天神拉麵有星變星!
地址: 銅鑼灣告士打道277號地下3A號舖閒日食晏時去銅鑼灣呢間 "別天神" 食拉麵, 呢間係博多風味, 店舖開放式, 無大門同玻璃隔住街同店鋪, 結果出事喇! 點出事? 睇落去?
上次喺"富士山 55" 食完個蝦拉麵念念不忘, "別天神" 亦都有所以一試!
店內格局似日本, 排位係反 "L" 字形, 天氣熱我行到最入進食!
好! 同師傅落單既同時, 需要找數。跟住等麵到, 周圍望下, 廚房大湯爐裡面既豬骨係有 D 日本 FEEL! 其實應該夜 D 黎, 個湯應該煲得夠火喉得多!上麵! 我點既係蝦味噌豚骨湯麵!第一個動作當然係試湯!都係嗰句湯既濃度好個人口味, 我鍾意再濃 d, 加 d 芝麻, 蒜蓉, 少少唐辛子香啱口味!注意: 半熟蛋要加 $10特意聞聞蝦既氣味, 我記得喺日本第一次食蝦拉麵, 店外已經聞到蝦既氣味, 湯底同用料全蝦, 當然呢個係蝦味噌豚骨, 唔係全蝦, 我只係想借 D 蝦味懷念一下日本既味道...嗚哇!!!叉燒...比較鍾意有 d 脂肪既多 d!撇除我比較鍾意粗麵因素, 呢個幼麵略嫌"粉"了一點...最後食完麵飲緊湯之際, 竟然有隻烏蠅喺度 "除襪"! 後腳係咁刮下刮下! 相信係因為店舖中門大門, 街外既蟲蟻可以爬飛入黎...
總結:
麵再好, 味道再好, 衛生唔得都好大件事...
環境:♥♥
衛生:♥
服務:♥♥♥
味道:♥♥
抵食:♥♥
推薦:♥

 
無寫"好唔好食又睇落去" 至少三年喇! 先講少少野先! 一下子寫番都有 d 生手既感覺! 寫食記既過程雖然都幾用神同時間, 睇既朋友可能只係用五分幾鐘睇, 但係我由揀相, 到寫至整圖既時間, 平均都要半個鐘至幾個鐘不等, 不過過程好有趣! 以前寫過既食店, 無論食過 d 咩, 同邊個去, 當日發生既事, 都會輕易回憶番, 呢個就係寫食記既樂趣!
 
呢幾年無寫, 好多食過既食店同當日既人同事, 亦比寫食記既時候模糊。我知道有網友 (有發言又好, 陣係睇都好) 都幾鍾意睇 "好唔好食又睇落去", 我寫得開心有回憶, 網友睇得過癮有得著, 亦係我重新再寫既動力! "好唔好食又睇落去" 再開!!!
 
-----
呢句說話黎緊每次都會講架喇: 我唔係食家, 文筆唔好, 更加唔係打手, 只係將自己覺得好唔好食既感覺寫出黎, 味道呢樣野好主觀, 喜好亦各人有各人既口味, 我係寫比自己睇, 你鍾意睇我會高興, 你唔同意亦無問題, 最後一句講哂: "好唔好食又睇落去"!
  
好唔好食又睇落去第 330 回: 牛一極上和牛 SHABU SHABU 放題
 
日式放題任食牛有好幾間較出名既店, 近年我食過既有"牛陣"同"日牛", 呢間"牛一" Nobe One 都聽過唔少朋友推介, 聞說係一壽司集團的, 星期六無 book 枱情況下 walkin, 早早地六點九等十分鐘就可以就座! LUCKY 啦!
 
地址: 尖沙咀樂道32-34號1樓 
間食店喺一樓, 等位喺地下, 入座之前已要揀定要邊款牛肉 set, 前台職員好急...好似催命符...好有壓力...ANYWAYS, 兩款食法, shabushabu 涮涮煱同 sukiyaki 壽喜燒都係按你揀咩 set 而計價錢:
分三種肉 set:
$138 美國牛肉, 豚肉
$168 極上美國牛肉, 豚肉
$288 特級日本和牛, 豚肉
$338 極上日本和牛, 豚肉
呢次我地揀 $338 極上日本和牛, 豚肉, 湯底揀干貝清湯。限時 90 分鐘。 上湯時間, 出去睇下有 d 咩野配菜? 菜, 丸, 麵, 飲品, 雪糕 yogurt 任拎!
雖然放題牛肉先係主角, 不過作為"孩子"既我, 亦拎幾粒丸幾條腸, 菜就一條都無拎, 番屋企先食啦! wakaka...

限時放題關係, 要注意時間, 因為店內 staff 都計得好緊, 坐低時已經聽到個 staff 對隔離枱食客話仲有十五分鐘, 哇...好大壓力啊! 真係食得好有壓力...wakaka...

由湯上枱至煲滾大約需時十多分鐘, 期間可以出去拎 d 配菜同飲品啦! 不過最緊要都係拎醬油, 黑蒜醬油, 柚子醬油, 原味醬油, 麻醬同辛辣醬油多款, 我 pick 四款點牛肉! 排好陣就開波!第一碟牛上了! 近望一望也不錯啦 拖一拖至粉紅色 即上碟食,第一口 唔蘸醬油食! 試試原味, 我條脷唔係食神脷, 唔知係澳洲和牛定日本和牛, 不過和牛普遍都係肉味淡而肥脂多, 這塊肉嫩牛味不濃而肥。食完呢碟, 之後繼續上牛,呢碟係第二碟,新鮮度不及第一碟,但肥脂很不錯!  
跟住豚肉,其實幾好味,只係我係嚐牛多點! 之後發現牛肉供應速度不及我地食既速度, 所以只要牛肉一到, 就再 order 下一碟, 不過我地又未至於一次過 order 五六七碟咁癲既!
一口氣食得多牛肉好易滯, 要食下其他野! (謎之聲: 呢 d 都係肉啊! 唔係菜啊! 暈了!)
  多口試下美國牛,肉味濃,同極上和牛差天共地,仲係咁大碟,瀨野...
  一次過上,仲有一碟極上美國牛,同普通美國牛分別唔大......係肥 D D!
衝左一輪, 睇枱上左面由個煱抽出黎既油就知道戰況幾咁慘烈...宜家睇番個醬油陣十足打將一樣! WAKAKA... 最後十五分鐘被侍應提示要埋單找數。又一次感受壓力...食飯姐大佬...咁叫多最後一碟先, 哇! 最後既極上和牛變左打風和牛?!!
 
    
因為食得太多牛,要滑一滑甜一甜個胃, 整個雪糕埋尾先! 食飽飽最後埋單每人連加一係 $371。 
總結:
同類牛肉放題店牛陣同日牛, 我未試過食前兩店既最高價牛肉, 如果要連同牛一比較牛肉質素亦唔啱標準, 不過以其他食物同配套, 我會以日牛>牛一>牛陣黎排, 日牛一人一鍋我幾鍾意, 自己烚自己個鍋幾方便, 同埋 D 蟹腳幾好食。牛一就環境舒適 D。整體黎講呢個價錢性價比不高, 除非你係超大胃王, 一人可以鯨吞十碟以上極上和牛, 如果唔係, 呢三百幾元可以去淺嘗更好既牛肉呢!
 
環境:♥♥♥♥
 
衛生:♥♥♥♥
 
服務:♥♥♥
 
味道:♥♥♥
 
抵食:♥♥
 
推薦:♥♥
 
以上: 好唔好食又睇落去,好唔好食,又睇落去,日本菜,SHABU SHABU, SUKIYAKI,牛一,日牛,牛陣,食評,尖沙咀,打邊爐,好孩子,好孩子PHILIP,和牛,東京,涮涮煱

呢句說話黎緊每次都會講架喇: 我唔係食家, 文筆唔好, 只係將自己覺得好唔好食既感覺寫出黎, 味道呢樣野好主觀, 喜好亦各人有各人既口味, 我係寫比自己睇, 你鍾意睇我會高興, 你唔同意亦無問題, 最後一句講哂: "好唔好食又睇落去"!
秋風起打邊爐係一生一大快事! 大角咀有好幾間打邊爐都好正! 呢間 "力奇" 第二次黎食,好唔好食? 又睇落去?! 好唔好食? 又睇落去?
好唔好食?又睇落去? 第332回: 旺角大角咀力奇四季火鍋巨形肥牛大大份份!
地址: 大角咀角祥街53號地下去"力奇" book 位係必需既, 雖然 book 左去到都係要等! 不過佢有兩個地鋪位好大, 閒日都可以輕易入座! 呢間食店 d 野食件頭好大, 例如豬骨煲, 擺到成盤滿一滿! 有蕃茄、粟米、蘿蔔、雞腳，豬骨放喺底!黎呢度食, 最難忘一定係佢大大碟巨形肥牛 (掛住食, 無用一 d 實物比大家比較下碟肥牛有幾大 tim)! 總之真係 "numb" 包山咁高咁大啦! 唔係講笑!得個大字無用 woh, 新鮮先係王道啊! d 牛肉上枱唔係冰鮮都硬掘掘嗰隻, 大大塊~~~放落煲拖兩拖見粉紅即夾去, 軟腍腍鮮嫩食落有種想大叫 wow 既感覺!總結:
其 他食物都係大大份, 我推介蝦膠滑! 亦非常唔錯! 味道同價錢絕對合理! 一尾得個讚字, 有無唔好? 梗有! 就係服務唔多得, 野食上菜速度時快時慢, 不過打邊爐大家吹住水又無咩野呢! 見到隔離枱食客火滾到鬧 d staff, d staff 都好好火...哈哈...咁樣打邊爐先係風味呀! 夠哂慶合合!
野食太多, 不能盡錄! 你問係咪超好食? 唔係! 但性價比高, 價錢合理質素唔差就是了!
環境:♥♥
衛生:♥♥
服務:♥♥
味道:♥♥♥
抵食:♥♥♥♥
推薦:♥♥♥♥
以上: 好唔好食又睇落去,好唔好食,又睇落去,

呢句說話黎緊每次都會講架喇: 我唔係食家, 文筆唔好, 只係將自己覺得好唔好食既感覺寫出黎, 味道呢樣野好主觀, 喜好亦各人有各人既口味, 我係寫比自己睇, 你鍾意睇我會高興, 你唔同意亦無問題, 最後一句講哂: "好唔好食又睇落去"!
拉麵味道好唔好, 係好睇個人口味! 拉麵既粗幼、湯汁既濃度、配料如何...各人食落都有唔既感受, 所以好難一概而論好唔好食。所以呢一篇拉麵食記, 純粹個人觀感呢! 好唔好食? 又睇落去?
近年喺香港, 都試過廿零三十間打正旗號 sell 日本拉麵既食店, 因為呢幾年無寫 "好唔好食? 又睇落去?", 所以都無影食物相, 不過好味同唔好味既拉麵大致上都記得。黎緊我會為每次食既拉麵作一個連載, 名為 "好孩子香港日本拉麵道場小戰爭"! 個名夠哂低能! haha...而今次食既係...
好唔好食又睇落去第 331 回: 尖沙咀富士山 55 GO GO!
地址: 尖沙咀麼地道75號南洋中心地下7至8號富士山 55 來自名古屋, MENU 一大塊一眼睇哂有咩款式既麵, 我最鍾意既既都係 つけ麺, 喺店內四款沾麵揀一款: 豚骨、特濃豚骨、辛辣同濃香櫻蝦沾麵。"蝦味"既沾麵喺香港選擇唔多, 就揀呢款! 友人則要名古屋二郎系拉麵。落單自己選取要 ORDER 既野食, 其中走唔走蔥, 麵既硬度亦可以自選。另追加餃子。十分鐘唔駛, 櫻蝦つけ麺上枱!拉麵賣相好好, 叉燒有"油光反射"望落好新鮮! 有半熟蛋、蔥、 荀、青檸同麵。沾麵湯亦佈滿櫻蝦乾。枱上有一個電爐可以為變涷既湯加熱, 幾細心啊! 我唔客氣了! 呢個つけ麺確實不錯, 就算唔混入櫻蝦都好好味, 加櫻蝦只係錦上添花! 好味!半隻半熟蛋, 水準不賴! 綜合以上外觀, 真係有日本風味。叉燒有光澤!先試一啖湯, 撈暈 D 蝦飲一口, 濃濃地很不錯, 可以聞到一陣蝦香, 我覺得個湯係靠蝦乾逼住 D 蝦味, 而唔係本身個湯係蝦湯, 不過問題不大, 呢個湯都好合個人口味! 麵身粗 2-3 mm, 唔算最粗同最幼, 亦勝在不黏不乾, 好有意欲去食!試一下友人的名古屋二郎系拉麵, 個湯無櫻蝦沾麵湯咁濃, 味道有點混合, 有豬同魚味, 唔係單一味道幾奇特! 都係好味!拉麵配餃子係"幸福"既食法, 咩幸福? 一軟一脆既口感, 幾幸福呀! 哈...不過, 個餃子肉汁欠奉, 皮是全乾, 頗一般。總結:
估唔到重寫 "好唔好食? 又睇落去?" 既拉麵店, 一寫就寫左間好味拉麵店, 總結整體有日本水準, 價錢屬拉麵店中價, 呢間我會再去! 睇到呢到, 你可能懷疑我係打手, 又或者寫每間食店都係覺得"好味"? 其實呢個星期我食左三間拉麵店, 呢間係最好既一間, 另外兩間既 "好唔好食又睇落" 黎緊再寫。) 如果同以前食過既廿多間拉麵店黎排, 呢間係 TOP 5 之列, 味道整體真係有日本風。下次要加麵底同試下食店推介既芝士粥飯!
環境:♥♥♥
衛生:♥♥♥♥
服務:♥♥♥
味道:♥♥♥♥
抵食:♥♥♥
推薦:♥♥♥♥♥

喺東京食過麵屋武藏，最深刻係拒地既豚肉同湯底。食完之後, 發覺佢地既白武骨同黑武骨既湯底同日本既湯底完全唔同, 可能係迎合香港人口味?

今朝多得 Pace 提示話今日?香港開店，查一查連香港少有既???都有得食，五點幾飛去食左兩碗拉?，分別係白武骨豚角煮拉?同黑武骨つけ麺。”好唔好食？又睇落去？”?(＠???＠)?未講味道之前, 先睇睇香港店麵屋武藏既主打:白武骨豚角煮既外觀?可以比較下呢碗東京店既擺法同上面香港店既擺法...呢碗原碗上我無郁過之下影既,再睇番香港?碗...外觀上邊碗你會有意欲食 D?唔係講笑,大家去日本留意下當地既拉麵,外觀大都好整齊,同香港好多間拉麵有好大分別...講配料: 豚肉同日本主店的豚肉相比,香港分店既質素係接近一樣!! 讚!! 講麵質: 麵係有嚼勁! 絕對有日本好味拉麵既質素! 半熟卵亦不錯!太多因素影響碗拉麵既質素,要做到日本店既100% 水準,湯底既水質,配料份量分配,員工細心度,只要少少偏差已經偏離原有水準,不過香港分店都做到日本主店七八成水準喇!自從食過東京既つけ麺店六厘舍同風雲兒,瘋狂愛上左つけ麺, 香港有つけ麺既拉麵店唔多, 開店日即去食麵屋武藏??麵亦係去一個主要既原因! 食??麵, 個湯一定要濃同 THICK 先沾得上個麵! 純粹個人喜好! 試埋個麵, 單獨上碗, 我相信係擺左?度好耐, 所以有 D 乾同沾實哂! 上碟前一定要少少濕再沾先好食!兩碗麵既湯我都飲哂,個人喜歡黑武骨湯底一D! 唔知香港分店可唔可以好似日本既食法,食完個麵飲完個湯可以再添多個湯? 果然係直屬日本, 香港同日本個碗都係一樣有麵屋武藏四字!我睇得出“集團”(味千?) 好有誠意,我五點幾去客人得兩三?,員工及貌似高層都如臨大敵,最後填張 QUESTIONAIRE,有位高層即刻拎去睇,放心! 我唔係亂填的! 離開時,廚房員工大叫多謝跟日本多謝的雄壯方式不惶多讓!建議要講既上面都講左,新張期內張 COUPON食滿額數有餃子送,不過竟然原來賣哂...雖然都有十元折,但係我真係想食餃子...另外想讚一讚一位女侍應,幾細心提示好多細節,希望下次再去時,質素 KEEP 到同進步?!

好唔好食又睇落去 328 回: 夜燒@佐敦醉燒遙

http://hk.myblog.yahoo.com/goodboy_philip/article?mid=40464

佐敦廟街係不夜城, 夜一夜 d 食店都未閂, 0岩哂我呢 d 做夜一夜既夜鬼! 呢一區有好多串燒食店, 夜媽媽食住串燒同友人吹水, 輕鬆哂! 黎左呢間0係廟街附近既串燒店, 醉燒遙, 個名改得唔錯呀! 至於好唔好食? 又睇落去?

地址: 佐敦上海街209號地下

店內員工著上制服, 幾似日本豐天 d tee woh!

燒蒜香茄子 : 茄子多水, 手板咁大。

燒廣島蠔

細細粒, 肥美度一般, 勝在蒜蓉惹味! 四十幾元想點吖? haha...

秘製芥辣黑木耳 : 對我黎講真係超辣! 麻痺左舌頭!

都係好辣...

安格斯牛同牛舌串燒

鮮牛油焗雜菌 : 同 BBQ 時用錫紙包住 D 牛油金菇差唔多味道。味道即係...一般。

燒鵝肝多士 :

hm......14元塊無咩要求...

燒菠蘿 : 暖暖菠蘿份外甜! 菠蘿汁又多, 幾好味。

燒秋刀魚 : 熟魚, 好孩子不吃之物!

燒羊架 : 羊, 好孩子不吃之物! 朋友話最好味!

ng...提不起勁食, 超口喝, 喝兩口美少年淡酒, 望望店內, 發現一位似係老闆個女帶左 d 朋友黎食, 向店內員工指示...望到佢側面, 疑似"戶田惠梨香"...0拿! 係疑似炸! 似唔似都好, "bull戈, 她挽蠻卡哀唷!" (國語翻譯)

環境: 3 (新開張不算太久, 很新淨!)
衛生: 3
服務:3
味道: 1.5 (最喜歡食既蠔同鵝肝醬包不太好吃, 其他的也味道一般)
抵食: 2

最終評分: 2

醉燒遙,醉逍遙,串燒,佐敦,日本,東京,好孩子

好唔好食又睇落去 327 回: 15分鐘快食迴轉@瞬壽司

http://hk.myblog.yahoo.com/goodboy_philip/article?mid=40440

某日晏奏去左太古坊, 見到有間迴轉壽司未食過, 食迴轉當食飯既我雖然見個門面都唔多掂檔, 不過都入去試試做白老鼠既滋味, 至於好唔好食? 又睇落去?

地址: 太古糖廠街19-21號地舖

因為有野要做, 所以只可以食十五分鐘, order 少少野食, 快來快食!

帆立貝沙津壽司 : 帆立貝粒, 牛油果, 蟹子, 幾鍾意牛油果令個沙津更滑嘟嘟, 味道清淡 ok。

火炙三文魚壽司 : 火炙一定要 order, 因為燒過之後迫出黎既油會令半熟既三文魚惹味得多, 可惜呢碟係放涼左既火炙...好明顯係無理我個 order, 純粹0係回轉帶尾上拎過黎...涷了...

三色壽司 : 十寸長三文魚, 三文魚子, 海膽, 吞拿魚腩碎

外型幾好, 三文魚子伴住三文魚, 顏色配搭都唔錯呀! 三文魚尚算新鮮, 至於海膽.......

海膽.......好苦, 小試一口唔可以再食...

芒果蟹子沙津 : 穩鎮菜式

甜蝦鵝肝壽司

裝潢簡潔, 牆上全是東京街頭 snapshot。

涉谷, 原宿, 竹下通...仲有我最愛坐既涉谷 starbucks 下既街境啊! I miss there very much!

埋單百六。

環境: 2.5
衛生: 3
服務:2 (侍應們之間傾計頗煩擾...埋單計錯數<計小左>要再改...最大件事係落 order 去回轉帶拎件涷既火灸三文魚壽司, 或者0個個係冷火三文魚壽司... )
味道: 1.5 (海膽壞了...飯粒也握得太緊...)
抵食: 1.5 (不值...)

最終評分: 2

好唔好食又睇落去 326 回: 香噴噴的家常小菜@圓方漁喜小菜皇

http://hk.myblog.yahoo.com/goodboy_philip/article?new=1&mid=40301

呢陣子少抽時間寫食店同遊記...因為真係抽唔到空出黎...趁星期日晚休息下寫番篇好唔好食? 又睇落去?

寫篇同屋企人食既好唔好食? 啦! 閒日既圓方好清靜, 哇! 一到星期六就好多人, 以前圓方都唔會爆, 宜家全部食店都爆滿! 因為同家人食, 所以搵間中菜食, 無 book 位之下, 0係百樂潮州同漁喜小菜皇中揀, 前者門口位靚女知客, 比等枱既大陸客鬧, 大問點解等左咁耐...睇黎都係有牌等...所以過隔離漁喜小菜皇食啦! 好唔好食? 又睇落去?

地址: 尖沙咀柯士甸道西1號圓方1樓1028C號舖

砵酒焗石蠔 : 砵酒有薑味, 葡萄味, 少少茄汁味, 甜甜地, 蠔尚算肥美。好味過上層間利苑既焗石蠔。

杬菜肉崧四季豆 : 上枱仍有鑊氣, 唔好睇相以為好油膻, 一 d 都唔係!

杬菜四季豆非常惹味, 我仲拎黎撈兩碗飯! 好味! 我呢 d 飯桶最緊要有飯撈, 食得飽! wakaka...

千島蝦球 : 千島醬份量0岩0岩好, 無搶走 d 蝦味, 雖然炸得唔太脆, 不過咀仔唔覺油, 蝦球炸孌後都有兩吋咁大粒, 原隻蝦球新鮮。

薑蔥花膠雞煲 : 爆香超熱, 我撈第二碗飯時都仲係熱辣辣啊! 雞肉有肉地唔係只有骨, 花膠亦真係大大五六塊, 唔係切片幼幼花膠, 絕對交足料!

餐單甜品選擇唔多。

三人埋單六百。

環境: 3.5
衛生: 3.5
服務:4 (侍應們非常有禮。)
味道: 3.5 (每一味菜都香噴噴熱辣辣!)
抵食: 2.5

最終評分: 3.5

咁多年黎我只支持 CANON G系, 自問又未有攝影觸角去用單反影靚相, 聽聞 Olympics pen lite E-PL1 做到 DSRL 水準, 而且 SIZE 同 G 系差唔多, 加上係二本命宮崎葵做代言, 真係令我有 d 心動...

可能係偶像效應? maybe 啦?? 因為昔日既 2.01 本命正式變成二本命啊~~~! haha...

二本命宮﨑あおい ＣＭ OLYMPUS PEN Lite E-PL1 [45sec] 爆 COOL!

圓方,elements,漁喜,漁喜小菜皇,好孩子,日本,東京

好唔好食又睇落去 325 回: 富記飯店高朋滿座@旺角

http://hk.myblog.yahoo.com/goodboy_philip/article?mid=40156

一年前食富記, 覺得呢度既家常小菜味道真係唔錯! 今年再幫襯食, 撞0岩新春初七人日生日, 晚市高朋滿座, 你恭喜我我恭喜你, 成間食店夠哂熱鬧! 至於好唔好食? 又睇落去?

門口貼滿曾經幫襯過既明星, 味道又如何?

地址: 旺角彌敦道

酸菜 + 茶芥每位: $13

椒鹽豆腐粒: $35

金牌燒腩仔 $68: 賣相 ok, 不過食落熱力不足, 皮亦唔脆...

泰式五味骨 $68: 青椒紅椒洋蔥酸甜味道, 骨多肉少, 多 d 肉咬就掂喇!

金沙焗蝦 $78: 蛋黃炒超好味, 奈何蝦肉不爽...浪費左 d 調味! 所以最後蛋黃撈飯唔好 sai!

冰鎮芥蘭 $58: 涷芥蘭, 醮 wasabi 同豉油, 屋企都可以試下整 woh! ha...

燒汁銀鱈魚 $88 : 煎熟魚只食銀鱈魚, 因為肉質夠滑味道又唔腥, 而個燒汁撈飯亦唔錯!

薑蔥桶蠔煲 : 爆得香! 蠔亦算肥美! 滿足!

法式片皮雞 : 片皮雞, 加埋味道好似超市既雜肉肝醬, 夾埋法包, 本應好好味, 可惜個麵包唔熱唔脆又太鬆,

片皮雞亦唔夠熱...

可能呢牌天氣涷?

上枱之後要好快食哂! 除左用煲上既菜係熱辣辣, 其他都只係暖暖地...埋單七人八百。老實講唔夠飽...

環境: 3
衛生: 3
服務: 3 (侍應多係上年紀既男人, 不過尚算勤快)
味道: 2.5 (唔夠熱真係好大件事...)
抵食: 2.5

最終評分: 2.5 0係旺角小菜酒樓酒家唔太多, 呢間樓上店係其中一個選擇, 整體中規中矩!

富記,富記飯店,旺角,酒樓,好孩子,日本,東京