Burgeroom (銅鑼灣)

(相)好唔好食325回:擘大個口都食唔哂個漢堡包@BURGEROOM

http://hk.myblog.yahoo.com/goodboy_philip/article?mid=40072

本來想去銅鑼灣間 MIST 試試 D 烏冬, 不過一來要等位, 二來劣評如潮...所以走左去另一邊食漢堡包! BURGEROOM 0係加路連山道, 0個度都有 D 野食, 一經過已經聞到好香啊! 最香就係 BURGEROOM! 好! 美食風球天降漢堡第五篇: BURGEROOM! 開始! 好唔好食? 又睇落去?

地址﹕銅鑼灣

鋪位細細, 有 SOFA, 有四人枱, 有對牆枱, 門口仲有吹水枱, 爭在未有麻雀枱! WAKAKAKA..

場內好多老外 "YO MAN! 屈濕!?" 場外又有竹昇吹水!

間店食飯時間都滿哂人!

炸洋蔥 $30 : 都幾大啊! 6CM 啊! 炸得香脆不過唔夠咸...

鵝肝牛肉漢堡 $128 : 塊包幾特別, 底同面都有芝麻, 伴碟則額外有菜, 外型都唔錯啊!

可惜鵝肝全熟透了...

THE CLUB 特級牛肉漢堡 $108 : 嘩!!! 好大份!!! 高約六七吋!!! 有兩塊成吋厚既漢堡扒!!!

成隻荷包蛋0係面, 兩塊星型芝士, 兩層煙肉, 磨菇, 酸瓜, 生菜, 紫洋蔥同蕃茄!

真係唔可以擘大口一啖一啖咁食個包, 唯有先食上面一層漢堡扒同 D 料, 再將個包放上中間一層先可以勉強一啖一啖食! HAHA...雖然塊扒本身肉汁欠奉, 不過 D 配菜例如煙肉煎得好, D 油爆哂出黎, 所以口感都好似好多肉汁咁! 整體味道唔錯呀! 建議 ORDER 前 REQUEST 切開一半上碟, 因為太大件, 就算搵大口仔香取慎吾都唔可以一口食哂! WAKAKA..

二人埋單二百六

環境: 3 (似高級一點的快餐店)
衛生: 2 (有烏蠅仔)
服務: 2 (所有侍應木口木面, 笑容欠奉...)
味道: 3 (味道三粒星, 食得飽加半粒星, WAKAKA...)
抵食: 2.5 (漢堡包價錢由 $50 - $188, 種類有成十八款)

最終評分: 3.5 同先前四個漢堡相比, 呢個算比較好食! 食完會滿足!

好唔好食又睇落去 324 回: 美食風球天降漢堡四: ISQUARE KRAZE BURGER

好唔好食又睇落去 322 回: 美食風球天降漢堡三: FRESHNESS BURGER

好唔好食又睇落去 321 回: 美食風球天降漢堡二: BLT BURGER

好唔好食又睇落去 315 回: 美食風球天降漢堡一: 安格斯牛排漢堡@BURGER KING

BURGEROOM,銅鑼灣,漢堡包,好孩子, 日本, 東京

Kraze Burger American Dining Gourmet (尖沙咀)

好唔好食 324 回: 尖沙咀 ISQUARE KRAZE BURGER

http://hk.myblog.yahoo.com/goodboy_philip/article?mid=40034

呢個星期繼續食漢堡包! 又黎美食風球天降漢堡! I SQUARE 有間新漢堡包店, 試試新店! 呢間漢堡包連鎖店原來來自韓國, 0係當地有超過75間分店, 第一次0係海外開店就揀0係香港 woh! 咁至於好唔好食? 又睇落去?

http://www.kraze.co.kr/

原來 Kraze 呢個名, K stand for Korea, raze 則取自 Crazy!

地址﹕尖沙嘴彌敦道63號國際廣場（iSQUARE）6樓605號舖

Chili cheese fries $48 : 洋蔥粹, 芝士, 肉醬同埋非常非常普通味道既薯條...

同埋比想像中細碟。

Tomato & Mozzarella Salad

Vege & Bean $98 :

除左招呼食肉獸之外, 亦顧及素食食客, 呢個包以豆腐扒代漢堡扒。

K.G. Burger $68

K.B Original $58: 最 classic 既配料。

K. Onion $85 : 好孩子既選擇

我揀既包包! 睇落同 menu 既相差唔多, 有炸大洋蔥圈, 煙肉, 蜜糖醬等。咬一啖, 中間炸大洋蔥圈同煙肉脆脆地都 ok ?, 個麥包夠鬆軟又好咬, 最好真係個包! 而塊漢堡扒就好一般, 唔似美式既漢堡扒咁濃牛肉味, 同埋係零肉汁, 似係免治 "乾" 牛肉...都係鍾意多肉汁同肉味濃既漢堡包多 d!

四人埋單三百九。

環境: 3 (0係 ISQUARE 六樓佔最大面積既食店)
衛生: 2.5
服務: 3 (侍應有韓國人同菲律賓人, 可能方便外國食客?)
味道: 2 (個包真係幾好! 不過漢堡包主角都係塊扒, 都係鍾意多肉汁同肉味濃既漢堡包多 d!)
價錢: 2.5 (漢堡包價錢 $50-$100, 價錢唔係貴, 不過都要同埋味道相比...)

最終評分: 2 整體一般, 而且其他 Burger 食店選擇多, 味道唔太突出, 所以唔會再食 LU!

kraze burger,kraze burgers,isquare,i square,漢堡包,國際廣場,尖沙咀,日本,東京,韓國,好孩子,好唔好食

新大壽日本料理店 (尖沙咀)

好孩子好唔好食 323 回: 新大壽日本料理

全篇內文及相片在: http://hk.myblog.yahoo.com/goodboy_philip/article?mid=39956

友人由十二月講話想食蔡瀾介紹既新大壽, 講到一月就黎尾都未 arrange! hahaha...OK! 剔起心肝 book 位去食, 終於去食左一餐啦! 家下大家滿意啦?! wakakaka... 至於好唔好食? 又睇落去?

地址: 尖沙咀

種類都好多, 價錢有平有貴。

前菜的毛豆 $20 : 應大家要求, 野食打價錢作參考啦!

和風三文魚沙律 $88 : 三文魚同三文魚子都好新鮮, 日式沙律汁酸甜, 連蔬菜食, 又再喚醒味蕾: "喂! 醒呀! 有好味野食呀"

睇近 d?

通常0個一餐越好味, 影相會有心機好多! hehe...

燒河豚干 $48 : 又熱又脆仲要好香! 必食! 黎到呢一味, 相信呢間新大壽 d 野食應該唔差!

雞腎串燒 $15 : 雞腎爽口也不錯!

牛舌串燒 $26 : 薄燒牛脷, 鹽同胡椒調味, 又香又彈口!

醃鯖魚板壓壽司 $88 : 我最驚既 "鯖魚" 黎喇...無論係生定熟既鯖魚, 我都有 d 恐懼, 因為食親都覺得好腥同唔好味...但係見呢個醃鯖魚板壓壽司係食店主打之一, 就拼死一試!

嘎破!!!!!!! 好味!!! 就好似味吉陽一漫畫入面咁, 有閃電既背景, 然後叫...好味呀!!! (我知九成九又比人話係咪做左打手, 有無咁誇呀...) 用醋醃左既鯖魚, 連滑滑既昆布食, 腥味唔見哂! 仲有特別既魚香味! 必食! 友人們都覺得好好味, 所以即刻再追加一 set!

網燒牛肉 $68 : 牛肉 ok, 網燒汁勝過一切, 我0係度諗撈飯真係一流!

第二 set 醃鯖魚板壓壽司黎喇!

關西板壓壽司, 雖然件飯會頗結實, 我亦比較鍾意大路既大江戶整法, 但係呢塊醋漬鯖魚配搭既板壓壽司...真係好味得無投訴!

雜錦天婦羅 $68 : 仲沈醉0係件壽司...無食件蝦天婦羅, 唔知好唔好味呢? hehe...

銀鱈魚西京燒 $78 : 好鍾意食銀鱈魚西京燒, 因為魚質柔滑, 燒得好又加甜, 喜歡!

牛肉鍋 $88 : 睇落好似好普通既一個牛肉窩? 原來唔係一窩 "湯水" 咁簡單, 係一窩 "羹", 有 d 似中式魚翅既膠質, 窩內豆腐金菇牛肉, 食得大家眉飛色舞!

友人已經將最生既一塊牛肉交比我, 再生 d 就更好啊! 其實呢塊牛肉已經好好味喇! 必食!

小池魚唐揚 $68 : 平時又係一定唔食, 不過對食店野食質素有信心, 所以都食左一啖, 脆脆的腥味無哂! 唯獨我對熟魚肉質有偏見, 所以無食 lu!

三文魚頭 $78 : 再試一小啖, 好比面喇! haha...

牛油果軟殼蟹卷 $88 : 一條大火龍, 卷內軟殼蟹炸得脆又薄, 最緊要仲係熱啊!

最後清埋個窩, 雖然未飽, 但係都好滿足喇! 六人埋單千一。

離開時候, 見到主廚鈴木先生, 佢真人笑容非常可鞠, 眼見客人滿意, 我感覺到佢既笑容真係發自內心!

新大壽蔡瀾介紹過, 大家 buy 唔 buy 佢係題外話, 0係表面睇, 我同意佢所講既玩樂飲食人生既態度!

寫 "好唔好食" blog 成日比人話打手, 又比人話掛住食大把錢唔使做咁, 梗係唔係啦! 大把錢唔使做?! 傻架! 我只係覺得搵埋搵埋最後條大數掉哂落層樓同比哂班股市大鱷唔知為咩咁就真係喊得一句句...所以宜家搏還搏, 我寧願平時擺多 d 銀兩落食野, 買下野, 玩下仲好! 咁當然唔係風吹雞旦殼, 財散人安樂先好啦! 又或者餐飲餐食餐餐清, 阿姐最愛羅家英0個種使法啦...

總之, 當你0係度 question 緊自己日做夜做賺錢係為咩? 不妨睇下蔡瀾既生活態度? 你就慢慢明白, 平時工作要拼搏, 閒時要盡情享樂既道理喇!

食完之後翻查資料, 原來新大壽早在 1972年已經0係香港開店!! 到今日已經有近三十年歷史喇!!

好味就一定要推介, 獨食會變妖魔鬼怪...(爆)~~~!

環境: 3 (分新舊兩邊, 想坐邊一邊, 最好打個電話問問先?)
衛生: 2.5
服務: 3
味道: 4 (整體味道非常好!)
價錢: 3 (種類都好多, 價錢有平有貴。合理。)

最終評分: 4 (味道勝過一切, 大力推介)

推介呢間食店唔係因為蔡瀾推介, 更加唔係收左錢做打手! 因為真係食落覺得好有 heart, 好抽象! 食物唔係最低層次0個種 "啤" 出黎咁, 真係有靈魂既味道! 亦唔係高級食店一般曲高和寡難易接近, 食既係令人溫暖既風味菜式。

新大壽,鈴木昭宣,新大壽日本料理店,新大壽日本料理,蔡瀾,日本,東京,好孩子

Freshness Burger (尖沙咀)

好唔好食又睇落去 322 回: 美食風球天降漢堡三: FRESHNESS BURGER

http://hk.myblog.yahoo.com/goodboy_philip/article?new=1&mid=39947

有時我呢份人真係幾 extreme 下, 好似呢期咁愛上食 burger, 就不斷食 burger, 跟住落黎既 "好唔好食? 又睇落去" 仲有幾個 burger 美食風球黎緊呀! 睇下你會唔會睇到滯? 好! 第三個 Burger 美食風球開始!

有日四五點經過海運 Freshness Burger 食個 Class cheese burger, 包得幾靚啊, 一塊一塊好整齊! 一塊, 大番茄一塊大洋蔥, 塊漢堡扒0岩0岩好係麵包 size, 咬起包上黎都啖啖肉! 同三年前初初登陸香港時相比, 好味左咁多既???! 坦白講, 味道真係幾好, 價錢廿零元, 抵食吖!

BLT Burger (尖沙咀)

好唔好食又睇落去 321 回: 美食風球天降漢堡二: BLT BURGER

http://hk.myblog.yahoo.com/goodboy_philip/article?mid=39928

美食風球天降 Burger 睇到人地心癢癢想食 Burger , 繼續第二個 Burger 篇! 每次經過尖沙咀間 BLT burger 都有想食既衝動, oh oh! 其實好多野食都令人有想食既衝動架啦! 一諗起大大個漢堡扒 d 肉汁就令人流哂口水...薯書雪...等三張枱 acceptable, 十五分鐘就有得食啊! Weekend 食飯唔 book 枱情況下唔使等超過半個鐘簡直係奇蹟啊! haha...至於好唔好食? 又睇落去?
 
地址: 尖沙咀廣東道17號海港城海運大廈301號舖
 
Australian Wagyu $118 : 見到 "和牛" 眼就發光, 懶理係移民澳洲既和牛一或日本和牛!

無加額外 toppings, 最緊要係塊漢堡扒得啊!
 
漢堡扒燒半熟, 肉汁唔多, 少了一份牛肉羶味, 雖然牛肉味不太濃烈同激烈, 不過我幾鍾意那牛肉散發出既香味! 係咪形容得抽象, 仲抽象過畢加索 d 畫呢?

Fat fries 外層唔使炸到好似 skinny fries 咁脆, 少少脆同薯塊厚厚地都 ok 吖!
 
Roaring Forties Blue $98 : 磨菇同洋蔥 toppings, Blue cheese 好厚好濃!
 
塊 burger 燒得香噴噴, 比和牛 burger 牛味濃得多同咸得多, 肉味足, 半熟, 可惜又係肉汁就唔太多...二人埋單二百七。
環境: 3   (前身 DOUBLE STAR, 有少少海景, 有 D 嘈雜)
衛生: 3
服務: 3
味道: 2.5  (漢堡最怕無肉汁...)
價錢: 3  ($70-120 一個 burger 呢個味道我覺得合理。)
最終評分: 3  (味道唔係好好亦唔係差, 價錢同味道接近同等, 所以整體 OK!)

BLT BURGER, BLT, 尖沙咀, 漢堡包, 和牛, 好孩子, 日本, 東京