好唔好食又睇落去 310 回: 一人前的時光@山田
http://hk.myblog.yahoo.com/goodboy_philip/article?mid=39144

一年要過黎大角咀幾次, 呢區食肆唔多, 今次呢間食店係港灣豪庭商場既山田迴轉壽司和食料理, 之前我都幫襯過幾次, 不過就從來未寫過 "好唔好食"! 咦! 食過幾次, 莫非呢間山田好好味? 今晚黎個一人前的時光, 好唔好食? 又睇落去?
 

地址:大角咀福利街8號港灣豪庭G02
 

幾欣賞山田既 menu, 因為佢地好多好多野食, 真係好多 choice! 
 

個 menu 可以將咁多既 choice 整得唔眼花瞭亂之餘, 仲令我好有意欲想 order 哂 d 野食 tim!
 

蔥吞拿魚腩碎壽司: 杯仔幾精緻啊! 芝麻加蔥絲, 落少少醬油, 幾清新!
 

秋之戀: 海膽, 三文魚子, 由切片帆立貝包住, 咩都唔洗落, 三樣唔同口感既味道混合好新奇! 幾好味! 如果海膽新鮮 d 更好!
 

火炙一口鵝肝壽司:火炙過之後連甜甜燒汁, 兩成溶既肝塊, 都唔錯!
 

豚肉芝士串: 芝士太大塊蓋過左薄薄豚肉, 如果鍾意食芝士, 相信會再 order 多碟呀!
 

牛油汁燒銀鱈魚: 燒熟魚中, 我最愛係銀鱈魚, 西京燒法始終都係最好味, 牛油令魚肉有 d 羶味, 另外, d 魚骨未拔哂...
 

黃金燒蠔: 好鍾意食日式燒蠔, 好期待有一間食店既燒蠔醬汁令我閉上眼享受...um...呢個黃金燒蠔就簡單左 d, 沙津汁比較稀, 我比較鍾意 thick d 酸甜 d 既醬多 d, 雖然 d 蠔非常細少, 不過 d 蠔係本身係連住殼, 唔係隨便煮熟幾隻蠔放落個殼度煮既。
 

奄列蛋炒飯: 奄列蛋包飯唔係我既 favorite, 不過上次0係東京食到好好味既蛋包飯之後就開始改觀喇! 蛋包飯要煮得好真係好難好難,  ng...煮到內裡半熟蛋汁又顧唔到蛋既外層, 飯亦好難控制到唔過份地濕...蛋包飯都係去日本再食啦!
 

拖羅壽司: 無涷親牙, 有魚香, 肉質軟, 新鮮新鮮! 以廻轉壽司質素黎講認真唔錯! 可以係廻轉中企穩三甲位置!
 

呢一區比較靜, 地方唔太就腳, 食飯時間大約三份一滿, 一人埋單價 $270。
 
環境: 3   (高樓底, 有卡位, 大水晶燈, 牆上擺滿酒瓶)
衛生: 3
服務: 3  (幾位侍應都好好禮貌)
味道: 2.5 
價錢: 3 
最終評分: 3  以迴轉壽司質素黎講, 壽司, 小食, 主菜都唔錯, 食物種類選擇真係好多, 串燒, 鐹物, 壽司, 日式飯粥粉, 薄餅...好多都種類!
山田,山田迴轉壽司和食料理,迴轉壽司,壽司,好孩子,日本,好唔好食,東京

好唔好食又睇落去特別篇:全港二十間迴轉壽司拖羅大戰全紀錄! 第七位羽壽司

第七位羽壽司: 外表紅粉菲菲, 油光玲玲! 唔客氣了! 雪一聲, 滑嘟嘟! 溶化度好慢, 魚味 OK! 最後有根可以 chewing gum!

http://hk.myblog.yahoo.com/goodboy_philip/article?mid=33967

好唔好食又睇落去特別篇:全港二十間迴轉壽司拖羅大戰全紀錄! 第八位壹壽司
第八位壹壽司:  金箔係襯托品, 外表係令人深刻一 d 既, 至於食落對味道有無幫助呢? 一啖 um! 飯同拖羅溫度配合剛剛好, 絕對有混為一體既感覺, 而且拖羅好嫩滑, 只係唔夠肥美。但肉拖羅係口 "游下游下" 既感覺真係唔錯!
http://hk.myblog.yahoo.com/goodboy_philip/article?mid=33967

好唔好食又睇落去特別篇:全港二十間迴轉壽司拖羅大戰全紀錄! 第九位壽司正
第九位壽司正:  唔好諗! 我掛住拖羅掛到 C 咁滯! 一黎即 order 大拖羅壽司: 雖然未完全解凍, 不過已經好過好多回轉既 "雪條" 大拖羅! 不是薄切, 加上要 "解涷", 在咀內散油速度頗慢, 魚油度正常, 拖羅水準屬同級回轉壽司中間。
http://hk.myblog.yahoo.com/goodboy_philip/article?mid=33967

好唔好食又睇落去特別篇:全港二十間迴轉壽司拖羅大戰全紀錄! 第十一位峰壽司
第十一位峰壽司: 金鎗魚腩賣相幾好 WOH! 一啖食左佢...壓唔溶 tim, 咀嚼兩下先開始散, 最後 "奉送" 根一小條。飯就練得唔錯!
http://hk.myblog.yahoo.com/goodboy_philip/article?mid=33967

好唔好食又睇落去特別篇:全港二十間迴轉壽司拖羅大戰全紀錄! 第十二位花板壽司
第十二位花板壽司: 魚味充足, 觸涷 ok, 肥美而有筋, 鍾唔鍾意食筋睇個人喜好!
http://hk.myblog.yahoo.com/goodboy_philip/article?mid=33967

好唔好食又睇落去特別篇:全港二十間迴轉壽司拖羅大戰全紀錄! 第十三位和花亭壽司
第十三位和花亭壽司: 趁一開始味覺未受刺激, 清清地感受拖羅既快樂! 一啖食哂佢, 任由她0係口腔浮游...始終離不開那種 "冷藏" 溫度, 死証...不過也有溶化感覺, 亦有拖羅油酸味道, 和花亭都係其他壽司 ok d。
http://hk.myblog.yahoo.com/goodboy_philip/article?mid=33967

好唔好食又睇落去特別篇: 全港二十間迴轉壽司拖羅大戰全紀錄! 第十四位北海道活壽司:
0岩0岩拎出黎, 切得厚, 不過0係口溶化得好快, 可惜散開時魚油就無喇...
http://hk.myblog.yahoo.com/goodboy_philip/article?mid=33967

(有相) 好唔好食又睇落去 309 回: 入座率說明一切@圓方泰亭
http://hk.myblog.yahoo.com/goodboy_philip/article?mid=39057

過去圓方, 又要排車龍, 排完車龍食飯又要輪! 全部食店都要等, 除左以下呢間泰亭! 好唔好食?...um...唔使睇喇! "好唔好食之好難食!" 又多一篇 lu!
 

地址: 尖沙咀柯士甸道西1號九龍站圓方1028A 號鋪
 

包裝好, 裝飾好, Menu 影得靚, 實物就差得遠...
 

小食拼盤: 春卷唔講以為食緊公仔點心春卷, 成個平盤真係平平無奇, 成舊水比 d 咁既水準會唔會有點兒那個呢...
 

菠蘿海鮮炒飯: 飯粒似粥飯一 pat pat, 亦無菠蘿味, 只係將 pat 飯硬生生塞入個菠蘿殼, 得一隻蝦一隻青口一件魷魚...搖頭搖到勊...
 

泰式炒金邊粉: ...雖然只係一碟好似粥麵店既炒粉, 不過已經係呢餐比較好味既一味菜...
二人埋單 $260...
環境: 3.5   (似置身泰國小島 D 屋仔, OK woh!)
衛生: 3
服務: 3 
味道: 1.5 
價錢: 1.5 
最終評分: 1.5  難怪食飯時間係得呢間唔使等位...咁旺既時段入座率都係五成...就知味道有幾好喇...
泰亭,泰國菜,圓方,elements,風雲,天下畫集,天下,步驚雲,聶風,郭富城,鄭伊健,好孩子,日本,東京

好唔好食又睇落去特別篇: 全港二十間迴轉壽司拖羅大戰全紀錄! 第十五位金水壽司
http://hk.myblog.yahoo.com/goodboy_philip/article?mid=33967

第十五位金水壽司: 賣相一流...一食落去, 犯了回轉壽司大忌! 因為涷得好緊要...望一望個 menu, 中定大拖羅? 無寫...以筋位分佈, 酸脂味道, 溶化速度...係蛇腹大拖羅...