呢間野好似都開左一段時間，由於唔係位於大街上。一般都唔會諗起佢，但呢排聽朋友講佢係日本人開既，甘就一心諗住試下啦。果日大約晏就3點令中去到，佢個店面位置好細，估計只可以坐到3個人。跟住就有個女侍應問我幾位，同埋要落單比左錢先，然後再問我坐樓上定樓下。雖然未知上邊咩環境，但應該會好過下邊掛。
上到去竟然一個人都冇，暗暗地，有冷氣，有自助水機。佢仲有個放左日本漫畫既書架仔。感覺好似去左日本既小店甘。落單果陣見到佢有3個湯底揀；豬骨，味噌同黑蒜。係甘易問下個女侍應邊個多人叫，佢話黑蒜好味。甘就試下個黑蒜叉燒拉麵啦。由於我食果陣得我一個客，所以好快就有得食。食拉麵更係一黎就試下個湯底先啦，聞一聞，好香蒜味，再試淡，ok 喎，個湯有小小蒜味，紫菜味同咸味。再試下個叉燒，嘩！點解係豬腩肉甘既，不過好淋。拉麵就岩岩好，唔太硬唔太淋。其他配料都冇咩特別。炸雞軟骨好香好好味，粒粒都炸得好香好脆。但要點果個汁真真係小左d。。。點解個啤酒係唔凍既  個女侍應服務仲要好好，一令黎就即刻幫我開左，因為落左單比哂錢先上去樓上既關係，冇辦法   唔明點解一間餐廳有啤酒但竟然係唔凍既。落單前應該先提醒客人有冇飲開熱啤既習慣 唔計野飲正係拉麵加炸雞軟骨食左$100到。貴過一般連鎖拉麵店。但食物質素相若。

其實上水真係越開越多餐廳，呢間開左冇耐。 之前幾次經過見到，都冇乜衝動去試。果日做完野諗住出去睇下有咩食，行行下見到佢就入去試下啦。呢間野上菜時間真係要比小小耐性。
可能比較早去(6點令未到7點)唔駛等位。入到去望左望個餐牌，唔知食咩好。就點左個佰令蚊既套餐，再點左個sake加埋都係$200 有找幾蚊。

點完餐之後就周圍望下間餐廳啦，環境幾好，d 野都好新，入面都坐左8成人。望望下又睇下電話就甘過左10幾分鐘，但仲係咩都未上。記得王子華講過，得罪個廚師就等如係坑渠到拎件牛扒上黎食，為有等多陣。等左15分鐘到，終於上左第一道葉啦，當然影張相先啦。影完仲未開始食，因為我想叫侍應幫我換一換d餐具。有乜理由食鵝肝用筷子，又等左一陣，先有人得閒應到我然後幫我換。正式開餐啦，用刀輕輕切開3分1, 裡面有小小汁流出。食落去已經唔夠熱lu，味道一般但佰令蚊既套餐有鵝肝有牛扒都唔會有太大其望。食完個鵝肝又等左10令分鐘😵  先再上第2度菜。上菜既牛扒同我想像中完全唔同。餐牌上寫既係厚切西冷牛扒，但上黎既點睇都唔覺厚。甘厚薄既定義又冇特定標準既。最起碼佢係西冷黎既，牛味夠，有肉汁流出同夠淋。係牛扒食到一半果陣就上埋個飯同個湯啦，由於個飯係鐵板到炒既，始終同用鑊炒有d 唔同。個飯加左d 炸過既蒜片一齊炒，味道唔錯。個湯一d 都唔好飲，飲左2淡就冇飲。係超市買既即沖miso soup仲要好飲過佢。。。估都估唔到個sake足足等左20分鐘先出現。係食牛扒食到一半果陣忍唔住問左問個侍應係唔係冇落單。佢竟然答我支酒岩岩雪，仲未夠凍。我即刻呆左 果日心情好，冇取消到。到支酒出現果陣飲左一小杯，果然唔凍。。。原本諗住一路食一路飲，最後變左食完餐飯先開始飲。。。

我真係唔知呢間酒樓係唔係算係上水黎講比較抵食同對得住個價錢, 次次經過門口都一大班人等位. 好似上水冇其他酒樓甘. 

呢到我久唔久都會黎一次, 原因都係黎食佢個口水雞. 但其他點心就冇乜特別. 
今次2點半左右黎到, 一黎到就見到一大班人係門口等位. 等左大約20分鐘到先有位, 入到去發現一張枱竟然分左4張單  甘當然唔理甘多, 睇下有咩食啦.
個口水雞應該一早整好哂, 次次都係第一碟上既菜. 就甘睇佢主要用左蔥花, 蔥頭同白芝麻; 辣油, 麻油, 生抽同醋就做個調味醬. 一隻皮蛋開4邊放左係4個角落到, 但冇乜用到花生. 我真係好想知佢用咩牌子既醬料, 佢既麻香, 酒味同醋酸配合得好好. 隻雞仲要好滑  絕對值得一試, 當然怕油膩既朋友可以唔駛考慮, 因為成個都係比油浸住既. 蘿蔔膏裡面食唔到臘味, 蝦乾得勁少, 仲要煎得比較乾身 呢個賽膀蟹餃要加d 醬油 or 辣椒油先好味, 就甘食一d味都冇 醬汁鳳爪就同其他地方食到既差唔多.唔怕油膩既朋友真係要試下佢個口水雞呀~

大中華真係一間好有特色既大排檔，由餐廳營運概念，設計以及點餐方式都讓人耳目一新。
每一次黎到都幾符坐滿客人，大中華令我最深刻既係要自己用紙筆落單同佢其中一個飯堂入面既巨型poster。但佢果到實在有太多不同飯堂，睇過果d poster既朋友應該明我意思
今次一心黎食佢個燒鵝，我又甘岩比佢安排係製作燒鵝同燒乳豬既飯堂到。一入到去就見到一碟見到都留口水既燒鵝岩岩拎去客人到。一坐抵就問係果到做既人係咪仲有燒鵝，點知佢話最後一隻岩岩比人叫左，即時晴天霹靂 但冇計，黎到已經11：30pm. 唔黎都黎左，甘更係冇理由唔食就走架。甘就例牌睇下餐牌同望下隔離抬食緊乜，最後點左4個菜。

中華撈起之前一直未試過，見佢個名甘好意頭就叫黎試下。 黎到先知係用青瓜絲，蘿蔔絲，菜絲，蔥絲同三文魚條，上面仲加滿哂芝麻，佢仲跟左碟已經溝左wasabi 既豉油黎。加左個豉油之後，我地一行3人就一齊插對快子入去撈下撈下。當然快子都未用過啦 味道就好似日式沙律加左wasabi豉油甘，幾清新。炸子雞好老實甘講，麻麻地。雖然肉質ok，但食唔出炸子雞應有既精髓，香脆。佢個南乳醬完全唔夠味，感覺就好似用水開稀左甘。呢個炸墨魚餅一上抬就已經聞到佢既香味同感受到佢既熱力，當然feel到佢甘熱就自然唔會即食啦。咬落去好香脆，入面既墨魚好足料，外脆內彈牙。值得一試個生菜包竟然成為呢一餐最唔掂既菜式，主要材料係豆角，肉碎，蝦乾，蜆仔，豆豉加辣椒炒起。一開頭就用生菜包住d料黎一齊食。但竟然食到陣怪味，好奇心之下就開始續樣材料試，但又搵唔到邊一樣出左事。最後都係搵唔到邊樣出左事，感覺應該係小量既豆角可能出左問題。黎到大排檔當然唔小得啤啤佢啦

係旺角做野果陣，行行下見到花園餐廳個招牌，真係好大個同好閃。之後做哂手上既野又差唔多6點。見有d 肚餓啦，諗住搵d野食，係旺角當然就掃下街食小食啦。點知睇到又好似唔多吸引甘。突然就諗返起花園餐廳。甘當然就走左去食啦。

一入去就聞到陣舊式西餐廳既獨特味道。出面熱辣辣，入到黎好快就涼快返。當然坐底左就望下個餐牌有咩好食同擦汗啦，黎到花園餐廳，當然就集中望返有咩牛扒選擇啦。最後揀左個巨型T骨牛扒(5成熟)，點完之後就諗係唔係真係巨型架。羅宋湯係點餐後未夠一分鐘就到左，果然有速度。但個湯冇乜料係入面，味道都唔係好特出。標準西餐廳餐包加牛油。餐包暖暖地，牛油更容易溶合到餐包到。 唔會一咬落去就咬到舊凍冰冰既牛油。牛扒一黎到都嚇左下，塊牛扒仲大過塊鐵板 侍應哥哥放底左就問我要咩汁，我揀左黑椒汁。一落左汁就當然聽到炸炸聲啦。等左約一分鐘就開始個大餐啦，因為煎完加上落左汁，真係分唔到邊一邊係牛柳定西冷。最簡單既方法當然切一細舊試下啦。因為我中意食左西冷先，之後再食牛柳。老牌牛扒餐廳果然唔同，牛扒熟度掌握得好好，岩岩好5成熟。呢個值得一讚。不過可能塊牛扒太大，佢應有既薯條同配菜都比塊牛扒壓住左，到見到佢地果陣已經壓到變哂形。最後就當然慢慢食埋塊牛扒啦。食完後叫埋杯野飲，飲完後就滿足甘離開啦。

呢次係我第一次寫食評，之前一直有呢個諗法，但就一直未有甘樣做。希望可以用呢個平台，分享到我對美食既感想比大家啦。

呢到已經唔係第一次黎食啦。呢間餐廳既環境真係好舒服，應該係我食飯時間比較夜，所以次次都唔駛等位。你可以選擇係屋內 or 露台用膳，由於呢排天氣都比較熱， 所以都係揀返係室內。

呢次都係食2人套餐，因為餐牌上既野都好吸引，實在真係唔知揀咩好，但因為得2個人，驚自己點得太多食唔哂，所以都係點返set 算啦。

第一度上既係日式番茄沙律。佢用左個日式芝麻醬加上新鮮既蔬菜。好味。個鮑魚要點佢果到既醬料先帶到個鮮味出黎，就甘食就一般，但就夠哂淋。 開始燒野食啦，呢個芝士雜菇夠哂掂，好香好好味 但就要一路燒一路攪，感覺唔攪佢，會好易燶底。扇貝個殼有手掌甘大，燒果陣要加d 唔知咩湯汁落去個殼到浸住舊肉燒。老實講冇咩特別。隻虎蝦中間劏左刀，加左d 混合左蒜既調味料入去一齊燒。完全冇雪味，都幾彈牙。牛舌同其他燒肉店分別唔大，冇乜驚喜。呢個豬腩肉卷入面有粒荔枝肉，燒完之後外脆得黎入面又有荔枝既香甜。幾唔錯既配合。食到一半果陣，個侍應走黎問我上埋個飯好唔好。 我掛住燒野食。都唔記得仲有個飯未上。 
呢個鵝肝石鍋飯好好味，d 鵝肝既味入哂去d 飯到。 2個人一人分到一碗。食哂。個餐仲有個牛肉薄片同餐後甜品。 唔夠位放哂出黎 以價錢黎計確係唔抵，但個環境真係好舒服。

呢次係我第一次寫食評，之前一直有呢個諗法，但就一直未有甘樣做。希望可以用呢個平台，分享到我對美食既感想比大家啦。 呢到已經唔係第一次黎食啦。呢間餐廳既環境真係好舒服，應該係我食飯時間比較夜，所以次次都唔駛等位。你可以選擇係屋內 or 露台用膳，由於呢排天氣都比較熱， 所以都係揀返係室內。 呢次都係食2人套餐，因為餐牌上既野都好吸引 實在真係唔知揀咩好，但因為得2個人，驚自己點得太多食唔哂。 第一度上既係日式番茄沙律。佢用左個日式芝麻醬加上新鮮既蔬菜。好味。
個鮑魚要點佢果到既醬料先帶到個鮮味出黎，就甘食就一般，但就夠哂淋。
開始燒野食啦，呢個芝士雜菇夠哂掂，好香好好味 但就要一路燒一路攪，感覺唔攪佢，會好易燶底。
扇貝個殼有手掌甘大，燒果陣要加d 唔知咩湯汁落去個殼到浸住舊肉燒。老實講冇咩特別。 隻虎蝦中間劏左刀，加左d 混合左蒜既調味料入去一齊燒。完全冇雪味，都幾彈牙。
呢個牛肉夠牛味，但細左小小。
牛舌同其他燒肉店分別唔大，冇乜驚喜。
呢個豬腩肉卷入面有粒荔枝肉，燒完之後外脆得黎入面又有荔枝既香甜。幾唔錯既配合
食到一半果陣，個侍應走黎問我上埋個飯好唔好。 我掛住燒野食。都唔記得仲有個飯未上。 呢個鵝肝石鍋飯好好味，d 鵝肝既味入哂去d 飯到。 2個人一人分到一碗。食哂
正係個餐唔計野飲 $800 有找幾蚊 飲品就叫左幾杯唔同既清酒同果汁。