今日經過佐敦見到開咗間喺港島區好出名嘅北方餃子源，咁難得九龍區見到，我當然入去試吓啦！

首先嚟個鮮蝦豬肉韭黃餃子，鮮蝦非常新鮮又爽口，夾埋少少豬肉，好有口感唔會太dry，加埋韭黃嘅香味，簡直絕配醉雞翼當然就係有酒味啦，醃得非常入味，但又唔會搶晒雞翼原本嘅味，恰到好處而另外一樣拌青瓜都好好味，非一般平日家裡可以自制嘅味道，值得一試

屋企樓下新開咗間海鮮煮氣石鍋，早兩日見好多人食，鍾意食海鮮嘅我一於約埋朋友試吓啦！我哋一行10人去到，感覺間店舖好舒適，裝修好grand地方仲好闊落仲有幾間獨立房，每間房有電視預先book咗位，所以預留咗間房比我哋。間房都好大，10個人坐落之餘仲好鬆動，間房仲有露台，露台仲有枱櫈，幾個朋友喺度吹水真一流食物方面，先嚟個小食醬爆蜆肉，有蜆肉外仲有九菜同菜甫，非常野味，食完一碟再柯打多碟 另外點了一口牛，味道幾好，咬落去好鬆軟。 而另一款熟食士多啤梨生炒骨，呢個真係好好味，佢味道唔太酸又唔太甜，味道剛剛好，生炒骨好脆口，個個讚不絕口 之後就嚟個象拔蚌同鱆紅魚刺生，一食落口極之新鮮極之甜，值得一讚 鱆紅魚魚身就用椒鹽做法嚟煮，非常好味，又香口又鬆脆，簡直一流

石鍋粥底揀咗瑤柱、淮山粥底 海鮮就柯打了蟲草花紅棗雞，雞肉入晒味，加上蟲草花嘅香味 龍蝦好新鮮，肉質彈牙 珍珠蚌好大隻好多肉 帶子超大隻超甜，食落啖啖肉 龍躉超新鮮，味道醃得啱啱好 最後嚟個蝦，生猛又爽口 最後食碗集合所有新鮮食材精華而成嘅靚粥，甜到唔使調味都非常之鮮甜今餐總括嚟講，好味同新鮮，真係十個讚

咖哩魷魚魚蛋，得一兩片魷魚，魷魚無味，魚蛋粉粉的，醬汁太杰

粉果一夾即散，味道麻麻 豆苗餃幾有口感，咬落幾爽口

大點的瑤柱汁炆柚皮，難食到無法想像，柚皮完全無味，感覺似食海綿一樣

馬拉榚非常濃味，非常好食，想再點一個都沒有了，非試不可

牛肉腸都可以，腸粉滑溜，牛肉夠鮮

鳳爪炆到入曬味，夠身
蝦膠魚肚一般般，蝦膠太硬，魚肚ok，兩樣合併一起食，不配合

去之前好大期望，去到感覺有點失望，因拉麵款式少，但總算味道不過不失！拉麵款式千篇一律，只是有芝士，走芝士，有蛋和無蛋，多叉燒同少叉燒之餘…無其他選擇，湯底都只分為辣和走辣 我們點了一碗辛辣和一碗走辣，走辣的味道幾好，拉麵原來是非一般的， 扁扁身，食入口似上海麵多一些但叫做幾煙煙韌韌，味道幾好，豚肉較為淡了些，溫泉蛋都幾好味，另一碗辛辣，除有辛辣外，其他和走辣的一樣，辛辣味都幾濃，味道算可以啦！

行過見到買張hello kitty卡就可以有優惠買A款送B款，所以唔執輸$12都買返張，仲可以重複再用我揀了a款雙層雪糕新地，好好味，平日普通新地嘅兩倍，雪糕真係好滑而b款揀咗oreo麥旋風，但份量好似比平日少，但味道依然超好味，oreo又夠多，雪糕唔使講就一定係滑溜非常啦

朋友生日聚會，選擇了這間放題，但失望而回 啤酒汽水任飲、小丸子一般、桂花糕幾好味、炒蜆普通、泰式生蝦回本之作但唔夠酸辣、天婦羅新鮮即 製可以再 encall 、牛肉粒味道普通之外，其餘的刺生不夠凍和新鮮，三文魚普通，蝦細隻兼略有點梅，吞拿魚同鮑魚片不過不失，魷魚片有點腥冬陰公湯得酸味，燒雞翼可以成隻燶，蟹子沙律無味，西蘭花鮮魷咸得非常，食落還一口鹽 辣酒花螺完全無味， 鰻魚炒飯無鰻魚…味道好參次

很久沒有來過的一間火鍋飯店，裝修跟從前有很大的分別了，但味道依然！！ 響鈴夠鬆化，入口即溶的感覺！雞子和塘好都新鮮，雞子大大粒，過足口癮！鵝腸肥美好有口感，有鵝腸味！不得不提是手切肥牛，片片厚薄好均勻，肥瘦亦平均，肉質軟，簡直一流，無得彈！脆鯇魚腩就失色一些，因唔太脆口，普通鯇魚沒大分別！

其實同一般放題沒有分別，都是不停柯打，有叫無叫都不知 三文魚都算可以，都算新鮮，不會太多根。牛肉粒是我至愛，好好味，唔會太韌，好有口感，柯打完再柯打。其他刺生包括…北寄貝都幾好，蝦就麻麻，有啲梅梅的感覺，魷魚好爽口，好廉口，最後食多碗豬軟骨拉麵，味精湯底，但麵質ok，豬軟骨好林身，入口即溶，幾好味，可以再臨的！

很久沒有到來的大快活，今日舊地重遊，感覺沒變! 一個人的早餐 :
雞扒湯米+熱阿華田，雞扒夠味又夠滑，湯底可以，但不太熱身，米粉略為有點鞋口，熱阿華田是我每日一定要飲的環節，所以它怎樣都是最美味的。

我一向喜歡吃北方餃子、山東菜，常常聽同事們說附近這間北方餃子源很好味、很出色，前晚加班後終於忍不了要去試一試。 店門前很是裝潢，還有蔡瀾先生的推介海報，而店內裝修簡潔，員工服務幾好，一坐下就給遞上一杯茶，禮貌細心的替我點菜，餃子份量有五粒和十粒，我比較大胃口一點，一個人最後也吃下了二十五隻份量包括…西洋菜餃子、鮮蝦餃子、鮑魚餃子和韮菜餃子 先來一碟鮮蝦餃子，咬下一口很有意外驚喜，鮮甜味美，蝦肉又夠爽甜，很好吃！再來一碟西洋菜餃子，西洋菜和肉的份量恰到好處，味道剛剛的好，西洋菜味又不會搶去了所有味，頂呱呱！之後再來鮑魚餃子，這個也是很不錯，味道很特別，非常的多汁！最後來是後加單的煎韮菜餃子，我覺得這個非常一流，韮菜好香，加上煎到外皮脆脆的，很有口感！今天晚上非常滿足，真是很好吃！！最後還不得不外賣韮菜餃子和冬菇餃子給家人分享呢