11月天氣咁好又唔會好熱，想搵一間有outdoor嘅餐廳食午餐，見到依間係Stanley 11咁方便就試下 我哋3個女仔叫左3個Set Lunch (湯/沙律+主菜+飲品 ) 全日早餐 $148 同一般嘅all day breakfast，依個係用mini burger 代替左toast，幾特別，個漢堡扒好juicy，沙律菜都好新鮮，仲有2塊Parma Ham，配沙律剛剛好。唯一美中不足係隻糖心蛋，蛋黃部份好”水”，而且無咩味，唔似一般嘅日式糖心蛋，如果用返炒蛋或日式糖心蛋，效果會更好 柚子蜜烤無骨鴨 $168 上菜時一大舊鴨肉仲要皮有d燶燶哋，心諗今次中伏，點知係最有驚喜，以為咁大舊肉一定會好鞋口，點知肉質非常嫩滑，而且有香烤味道，我哋三個都讚不絕口 無花果釀烤雞卷 $188 每一口雞都有淡淡嘅無花果果香味，相信係用咗雞髀肉，唔會鞋口，而且沒有油膩嘅感覺，食完都唔會有罪惡感 Latte $40 (Set -$25) 唔係好識咖啡，但依杯好香，絕對唔係連鎖店嘅貨色 Honey Ginger Latte $55 (Set -$25) (Espresso + 薑 + 燕麥奶) 薑味香濃，但有少少蓋過咗咖啡味，如果唔鍾意太濃嘅咖啡味，依杯好適合 整體都係好，d staff 都好nice，而我哋最鐘意個outdoor位，可以飲番杯咖啡慢慢食個lunch，好relaxing。下次放工試埋佢個Bar，望落都幾OK

捉精靈大熱，為左試試電車孵蛋法，我同朋友由銅鑼灣搭到北角再過海，點知見到新光戲院間道館又停低左，就決定係北角食埋飯先番屋企。原本都無諗住食印度餐，因為本來唔太食辣，但見餐廳係道館同PokeStop旁邊，而且又係米芝蓮推介，就入去試試啦。

脆脆胡椒餅
好香脆，但都非常辣，我同朋友都食唔到辣，只好食2啖就放低。羊肉通心燒卷 $98
4條羊肉卷係用鐵板上，鐵板溫度好高，一直冒煙同發出「渣渣」聲，未食都覺得好似好正。熱辣辣既羊肉卷相當惹味，而且冇咩羶味，份量仲要好十足，2個女仔食完都飽左半。焗茄瓜 $72
原以為係一舊舊既焗茄瓜，點知係焗茄瓜茸，可能係太少食印度菜，有啲大鄉里，雖然賣相不似預期，但連埋咖哩一樣焗既茄瓜茸出奇的好食，有少少輕辣，就咁食或者連埋烤餅食都一樣唔錯。椰奶咖喱雞 $88
咖哩唔算辣，只係食到微辣既人都食到，椰奶並唔算重，雞塊都唔會「鞋」口，用烤餅點埋d汁一齊食，就最適合不過啦。蒜蓉烤餅 $26
好夠熱，油左少少，但食落去外面有少少脆，𥚃面就軟軟地煙煙韌韌，蒜味唔算太重。印度奶茶
老闆可能見到我地好努力捉精靈 ，就送左2杯奶茶俾我地試試。印度奶茶冇港式奶茶咁濃，有淡淡既香料，幾特別。水 $10整體黎講依餐飯係唔錯，價錢適中，店員都好有禮貌，最重要係唔食辣既人，都可以試到印度菜。

每日要諗lunch食咩，真係一個好苦惱既問題。今日人少少得2個，就上open rice新餐廳list睇睇，見到依間餐廳幾得意，又有gym，又寫哂卡路里好似好健康，就試試啦。

午餐有2個餐牌，Light Sets 和 Regular Sets我地叫一個Light和一個Regular, 同埋叫左杯Protein Smoothie一齊share試下

餐湯: 南瓜湯
跟平常西餐廳飲既南瓜湯有點不同，唔會好creamy，濃稠程度介乎中式和西式的南瓜湯中間，味道清甜，感覺比較清新。主菜1：雜菜番茄醬焗長通粉(跟芝士) $58 + 野菌 $5
可以選擇跟或者唔跟芝士，同時可以加＄選擇7種唔同配料。感覺唔跟芝士好dry，所以肥都要跟啦，同埋加左些野菌。芝士和蕃茄醬既份量十足，唔會食到一半冇哂醬汁。雜菜既比例都幾高，味道就比較適合鐘意清淡少少既朋友。主菜2：法式燒羊架配蜜糖薄荷醬 $88
羊架比我預期做得更加出色，火候控制唔錯，肉身帶有微微既粉紅色，肉質軟腍，又唔會帶有羶味，配上微微甜既蜜糖薄荷醬，感覺更加清新。飲品：波波球 (套餐+$38)
第一次飲加左蛋白粉既飲品，淡淡既士多啤梨味，唔會好甜，都幾好飲，但食飽飯飲真係好飽，應該係幾適合做運動飲。食完參觀左下啲gym既器材，都覺得自己食咁多要做多啲運動😂

原來想去新開的薯片品牌店試他們的雪糕，但排隊的人實在太多，中午飯的時候有限只好放棄，去了另一間新開的雪糕店試花花型雪糕。

店內等候的人不多， 可能是價錢偏貴， 1種口味$48，2種$66。我選擇了Chocolate和Wild Berry，感覺上2種顏色做出來的玫瑰花比較漂亮，也可以試多一款口味。

看著店員砌花，內心也越來越心急，可能是店員不是很熟手，一片花瓣重複砌了很多次，砌到外層時內層已經開始溶化，拿到手快速影了張照片就要趕快吃。

以這個價錢，雪糕的份量相當小，4-5口已經把整個玫瑰花花瓣消滅，雪糕也不是特別突出，只是普通的味道，但最令人無奈的是雪糕筒，一個走中高檔次的雪糕店，所用的雪糕筒是家用或是低檔雪糕所用的威化筒，完全跟店面、價錢或雪糕造成也格格不入(時間太趕，沒拍雪糕筒，可參考其他食家的相片)

整理感覺很不好，雖然店員的服務很好很有禮貌，但仍然好不滿足，希望日後有所改善。

自從沒在旺角區上班，已經很少到那裡吃飯，難得約了朋友在附近，當然不會放過旺角才有店的雪糕啦。

這次試了很多沒在香港出現的粒粒雪糕，飲貪吃的我當然一次過要試2款口味啦。原本是選黑白朱古力和冰極彩虹，但後者售馨，改選了香濃棉花糖，價錢為$45，用一個帽型的杯子盛載。

黑白朱古力是朱古力及呍呢嗱混合味。

香濃棉花糖是粉藍與粉紅色兩種棉花糖口味混合而成。

兩款口味雪糕的奶味都相當重，基本上吃到中間是分不出兩者的味道，加上有點偏甜，吃到最後會覺得膩。

雖然粒粒雪糕相對其他雪糕可是沒這麼出色，但從前的味道，是特別令人懷念。

在朗豪坊等朋友，無聊閒逛但有點餓，又可以給自己藉口吃雪糕甜品🙈今次選了Sweet Monster的Caramel Monster (蕉糖爆谷雪糕) $39

雪糕的高度是雪糕杯的1.5倍，份量相當大，雪糕上佈滿蕉糖爆谷，每一口的雪糕都有可幾粒爆谷在內，爆谷香脆，不會太硬，但可能是蕉糖口味，有點黏牙，雪糕尚算幼滑，但由於爆谷的比例太多，其甜味蓋過了雪糕，無法嚐到雪糕真正的味道。

吃到最後，雪糕已經吃完，還餘下很多爆谷，但已經覺得很甜很膩，只好放棄它😖

在銅鑼灣吃完晚飯，甜品肯定是指定動作，走到希雲街見到又可愛又是我最愛的口味甜品，一定要吃啦。

Sweet Potato Pancake with Sweet Potato Icecream (紫薯班㦸配紫薯雪糕)

手掌大小的班㦸雪糕，$35不設堂食。紫色的班戟口感鬆軟，有淡淡的蛋香，但紫薯味不見凸出，雪糕內有紫薯粒，紫薯味也較香濃，雪糕上加了些黑糖漿，令味道更加豐富，但也不會度致過甜。

雪糕本身比較黏硬，溶化速度不會太快，不怕整到手髒，外賣邊走邊吃十分方便。

每次在海港城Shopping，走過ChaCha都會心思思都想吃杯雪糕，今次就選了玉露焙茶抹茶軟雪糕$30

焙茶的茶味，微甜帶有少許甘香，不會有苦澀味，抹茶的茶味同樣香濃，而甜度和奶味都較焙茶重。兩者混合也不會蓋過對方，一樣的幼滑，一樣的濃郁，食多幾次也不會厭。

已一個雪糕控來說，可以吃到一杯好好味的雪糕，整天的心情都會因此好起來。

其中Elephant Grand的泰式奶茶味(Thai Iced Tea)的雪糕，也是一個出色之作。

雪糕質感黏厚，每一口也很實在，再加上濃濃的泰式奶茶味，感覺跟在喝一杯泰式奶茶一樣，很香很滑，雪糕也配了一些橙味果乾，煙煙韌韌，很有咬口，與雪糕出奇的相配。

整體感覺真的很好，下次可以試試他們的Icecream Sandwiches。

在觀塘開會，經過在IG熱買麥提莎糯米糍的實體店，之前未試過，所以買了細盒8粒裝的原味($20)回公司試一下，即棄膠盒內還附有一支膠牙簽方便食用。

糯米糍細細粒，每粒糯米皮外都以可可粉包裹着，口感柔軟煙韌，中間是一粒原整香脆的麥提莎，不會太甜。

整體感覺不錯，但又未至於非吃不可，吃不停嘴那種，如果剛好經過，一試無妨。