極尚大瀛喜日本料理 (銅鑼灣)

放題我一向都好鐘意食，今次我同朋友兩個人就黎到呢間係銅鑼灣既放題餐廳試下。間餐廳都幾就腳，就係銅鑼灣C出口既斜對面，行過去兩分鐘都唔洗入到去坐落都幾舒服，枱與枱之間都好濶落，私人空間感夠晒多。張枱都好乾淨，而且地下都唔滑，整體上有一種乾淨衛生既感覺。餐廳入面播住一啲韓國流行曲為背景音樂，俾到人輕鬆愉快既心情。服務方面舖面都有幾多待應行黎行去，所以落單果時好快就有人睇到

我幾鐘意佢地既自助沙律同小食吧，咁讓人地等緊啲主菜黎既時候都可以邊食邊等，個度有海蜇、墨魚仔等，都幾好味架其中我幾鐘意佢既炸芝士年糕，黃金色外皮既炸年糕旁邊配上菜絲同沙律醬, 整體賣相好靚，重點係食既時候仲係熱架, 我諗係岩岩炸起，所以有外脆內軟既效果，入面既芝士仲微微咁流出來，層次豐富另外既醬汁燒鰻魚都係我好鐘意，燒到金啡色既鰻魚再係上面淋上醬汁，旁邊配上檸檬同綠菜裝飾。醬汁既味道同鰻魚好夾，甜甜地但係同時又唔會蓋咗鰻魚本身既味道。份量適中，咁樣就可以試到多啲既款式呢間餐廳整體上，無論係環境、服務同食物質素都幾好，今次係我第一次黎，但之後一定會再黎幫襯!!!

Unique Café & Kitchen (觀塘)

首先, 經朋友介紹下,我和朋友二人放工時間到這餐廳食晚飯
在工業大廈中 店家亦認真裝飾門面 別有一番風味~格調高雅舒適 柔和燈光及大地色系佈置 令人舒服 餐桌擺設令我眼前一亮 加上開放式廚房 十分喜歡!! 整潔整齊 地面乾淨 即使開放式廚房也很整潔 餐桌上餐具擺放整齊 使整個進食過程都十分舒適, 讚!

服務生都是帥哥耐心介紹食物及回答顧客問題且面帶笑容, 整齊劃一 統一制服 外表整潔有禮, 抵讚~

白酒煮硯(10/10)
香氣逼人,濃郁芬香的白酒味, 作為二人份量的小食十分足夠, 而且硯肉很多 不會有空硯殼.配合白酒大蒜很美味, 又不會太鹹或不夠味道, 硯裏沒有沙石, 一流! 比預期中好 因硯很容易有怪味道或沙石 很這道菜完全沒有 十分驚喜 加上醬汁(白汁忌廉與白酒汁)調得很美味 與硯很配合!

牛肝菌意大利飯配溫泉蛋(8/10)
賣相很好!!非常吸引的一道菜 尤其是溫泉蛋使整道菜賣相不單調~先是品嚐到半熟溫泉蛋裹著每顆飯的蛋香, 接著是牛肝菌的香味道, 加上口感的意大利米, 味道層次豐富
值得一提的是煮温泉蛋的時間拿得很準確, 不會過生或熟, 蛋汁仍能流出來包著每顆飯粒
預期中這意大利飯會很普通, 但這食物使我十分驚喜, 半生熟溫泉蛋是其一特色而且我很喜歡這比較乾身的也吸收了醬汁的飯

吉野家 (西環)

今日因為要搞活動所以好夜先食得飯，因為吉野家11點先關，所以我去咗吉吉打邊爐， 我地叫咗芝士竹輪鍋， 雖然有濃湯同清湯，不過我個人都係鐘意濃湯烏冬，只要有三個人食火鍋就可以每個餐汽水加大，真係幾抵食， 食芝士竹輪要小心d ，因為d 芝士會爆出嚟， 吉野家邊爐嘅重點就係芝麻醬， 用芝麻醬撈烏冬食真係大出色。我地個個都食得好開心，所以一路傾一路食都搞到有d晏， 令到店員遲放工，雖然店員態度真係好好，但係都唔係幾好意思！！

大頭蝦越式料理 (西環)

今日約咗幾個朋友去港大附近食飯，去咗一間出名食海南雞飯嘅餐廳， 我叫咗個香茅豬扒米線同椰汁紅豆冰。豬扒其實幾鬆軟入味，香茅味幾重，米線好有咬口，份量啱啱好，唔會食唔哂或者食都好濟，不過湯好多味精，食完好口渴，而且椰汁紅豆冰椰子味好淡，紅豆唔係好甜，所以有d失色。不過環境幾舒服，一班人去都係唔錯嘅選擇！

譚仔三哥米線 (尖沙咀)

譚仔三哥嘅米線應該係公認嘅大件夾抵食，因為好肚餓嘅關係，我諗住譚仔一定係個最好嘅選擇，我叫咗個牛肉牛米線,碗麵嚟嗰時我真係嚇咗嚇，真係好大碗，不過味道同我第一次食嘅時候唔同，米線有d硬，好似係煮唔熟嘅感覺，湯嘅味精太多，我食到一半已經唔係好想食， 因為愈食愈口渴，不過咁嘅價錢同份量已經好抵食，而且味道還好，所以都值得推介！