Lunch break唔知食乜好，見呢間都多位，坐得舒服。
味道方面，煙鴨胸煎得幾香。野飲係送蜜桃茶，叫左少甜幾好飲。飯同南瓜湯就偏咸。味精較重手。
$48，價錢幾抵。勝在個位坐得舒服，蜜桃茶可以encore

星期六7點半去到，食兩個鐘。入座果陣冇乜人，諗住夜d會開始旺，點知一路到食完都得六成枱有人。因為人唔多，坐得唔逼，又唔太嘈，細細聲傾計都聽得好清楚。

menu每人加$30至可以叫泰式生蝦同帶子刺身。d刺身ok，算新鮮不過唔太鮮甜。三文魚同白拖羅好肥，食幾舊就好飽。頭一轉order用冰盤上，甜蝦得一人一隻，好鮮甜好正，之後再order變返普通放題貨色。

熟食試左幾隻，唔記得影相。天婦羅炸得火喉啱啱好! 其他正常水準。

食物普普通通，服務ok的。如果想食好野還是去出名果幾間吧！
如果搵fd吹水唔想同人逼黎呢度就啱, 不過唔洗加$30蚊食帶子生蝦啦

難得入元朗一次，揀左呢間openrice好多好評的麵店。

呢度的招牌菜係牛肉麵，話主廚係台灣五星級酒店做過，講到好勁咁。但係我係台灣食過最好味ge麵食係撈麵! 所以今次都係叫左撈麵(menu叫乾拌麵)豬扒乾拌麵+茉香奶茶

d撈麵係肉燥撈, 味道算ok ge，不過唔係台灣食到果種style
如果想搵台式味道就唔洗試啦
同埋幾乾，係台灣我食過係用少少豬油撈的，呢個得上面d肉燥有少少油，唔夠香

個豬扒… 冇乜味, 炸到好乾同好鞋, 食左兩舊已經放棄左… 男友叫左雞扒撈麵, 又係乾+冇味...
我唔信係五星級大廚主理lo

杯奶茶係古早味，好好飲!
係細個最早飲茉香奶茶果隻味，好懷念~ 差d想叫多杯拎走

見到好多人排隊, 野食又唔係特別正, d阿姐態度又非常麻麻 , 完全唔明有咩咁吸引!
可能佢個牛肉麵真係好食得好緊要, 個個黎排隊都要食吧!

以前都有耐唔耐去食下, 貪佢就腳又唔貴, 野食都幾多選擇, refill得快
d staff都幾nice
裝修之後換左爐, 仲加左個伸去爐頭ge抽風機. 新開之後唔俾你自己落油, 淨係換網時幫你掃浸油係上面

野食幾ok, 菜同肉都有好多款揀, 仲有甜品同熟食, 野飲比較hea, 建議自己帶野飲去

不過,
新鋪個設計好有問題! 天花個冷氣風口好大風, 吹散晒d煙, 爐頭上面個抽風機又唔夠勁, 整到成間鋪勁大煙, 好la眼
最慘撞正隔離果枱又唔識燒(佢地唔知做乜燒燒下著左火 ), 勁多煙俾d冷氣吹晒過黎, 我地一路食一路流眼水, 好黑仔lo!

雖然野食ok, 不過唔敢再去啦