甜芽芽 等級2 |  關注
 留言給此食家
|
|
排序方法：
日期 笑臉
 喊臉 
編輯推介 餐廳總分  文章形式 |  地圖形式
2014-09-26
覺得呢家甜品完全真係好好食啊！質數好過好多甜品店好似（充數）阿（門幾）個啲！同埋都唔算呃錢嘅甜品舖價錢好合理！選擇亦都十分之多！之前其實已經係九龍城食過一次今次係將軍澳食兩間其實無太大分別！！！不得不提嘅係佢嘅芒果嘅甜品真係好正，一定要試呀！至於雪糕個d同出面又冇乜大分別但都OK嘅！仲有其實佢隔離嗰間(充飢)難食過佢勁多！又多一個選擇其實都真係幾開心架！同埋就算啲服務員好忙都冇燥底黑面!good!!!!!!!!!!!!!!! 
評分: 味道 5 環境 5 服務 5 衛生 5 抵食 5
2014-10-06
之前已經見過d blogger 去食架喇 難得入去西貢就試下囉 雖然要等，但係真係好好食 佢既all day breakfast 好出名所以就試左 味道好好 其中佢個牛角包絕對係世界 佢用ga jam 係有果肉而且係老板自己整 好特別好好食 而佢既飲品都好好飲 因為飲品入面加左果肉 另外都試左個豬肋骨 上面加左層jam令到更加特別 出面係食唔到架 得閒入西貢真係要試試 
推介美食: 豬肋骨,all day breakfast
評分: 味道 5 環境 4 服務 4 衛生 4 抵食 4
2015-02-05
好似都好一段時間冇食過日本野啦，今次呢間都係朋友介紹，冇好靚既裝修，但係都叫做坐得舒舒服服既  款式唔會話好多，不過勝在刺身好新鮮，同埋有好多人都抗拒但係我又好鐘意食既希靈魚 好多時出面食希靈魚都真係幾腥架，但係呢度又真係唔會喎，希靈魚最吸引既地方就係唔好似三文魚咁只有一種質感，而係又食到果種似熟三文魚之餘，又食到爽口似魚子既質感 所以今次食呢個希靈魚真係食得好開心 當然我又唔會淨係食希靈魚咁蝕底啦，佢既帶子吸引不在話下，隻蝦既size仲好驚人添! 不過我反而覺得呢款蝦冇甜蝦果種甘甘地既味道，雖然口感好唔錯，但係如果佢有得揀甜蝦仔我都會揀番甜蝦仔~ 最後補番兩張好唔靚既希靈魚寫真先 
推介美食: 希靈魚
評分: 味道 5 環境 3 服務 4 衛生 3 抵食 4
2014-10-06
euro go go (旺角)
Euro gogo! 呢間已經食過好多次，係坑口食過，油塘食過，朗豪坊都食過。 感覺就係每間分店嘅食物質素都唔會相差太遠，佢哋啲意粉無論係紅汁定白汁都好好食。 服務都幾唔錯！嗌完野食之後好快就會到！同埋又唔會好似Pizza Hut咁要等好耐。 今次呢個白汁意粉好味，啱啱好唔會太咸或者太淡，女仔食完都夠飽唔會話份量太少，啲腸仔都唔會話淨係比幾舊你好似呃錢咁。 另外嗌咗杯熱朱古力感覺都OK既。又係聽得你又唔會太細杯啦，但係又唔係話好好飲好重朱古力味，始終期望唔高，ok就算。 總括嚟講又係平靚正嘅選擇，但呢間真心咁講唔會俾你同班fd可以坐係度慢慢傾幾個鐘嗰d,我都係食幾次都係急急腳食完就走，但唔錯既。
評分: 味道 4 環境 4 服務 5 衛生 4 抵食 5
2014-09-30
又泥食我最愛嘅酸辣粉！由中學食到而家，我都唔明點解可以食極都唔厭啊哈哈！真心又平又好食又飽！雖然我唔係話好食得辣個啲人，但係都忍唔住一食再食。食酸辣粉嘅環境你就咪旨意幾高級架啦，我覺得乾乾淨淨就已經好足夠。同埋老闆好有人情味，一去到佢已經記得我要嘅咩辣，又記得要走d咩！留德住老顧客嘅咪係呢啲囉！仲有佢間鋪頭既其他嘢其實都好好食架！尤其只是涼拌面夏天最愛啊！希望你加可以一直咁營業落去到都好大個都有得食啦！我男朋友都話呢間嘢真心唔錯架！
評分: 味道 5 環境 3 服務 3 衛生 3 抵食 5
|
0次成為首位寫食評會員
食評數目
編輯推介數目
0
會員推介次數
4
人氣指數
359
留言數目
上載相片
上載影片
我推介的食評
我的餐廳
關注
0
粉絲
6
