好似都好一段時間冇食過日本野啦，今次呢間都係朋友介紹，冇好靚既裝修，但係都叫做坐得舒舒服服既 款式唔會話好多，不過勝在刺身好新鮮，同埋有好多人都抗拒但係我又好鐘意食既希靈魚

好多時出面食希靈魚都真係幾腥架，但係呢度又真係唔會喎，希靈魚最吸引既地方就係唔好似三文魚咁只有一種質感，而係又食到果種似熟三文魚之餘，又食到爽口似魚子既質感 所以今次食呢個希靈魚真係食得好開心

當然我又唔會淨係食希靈魚咁蝕底啦，佢既帶子吸引不在話下，隻蝦既size仲好驚人添! 不過我反而覺得呢款蝦冇甜蝦果種甘甘地既味道，雖然口感好唔錯，但係如果佢有得揀甜蝦仔我都會揀番甜蝦仔~

最後補番兩張好唔靚既希靈魚寫真先

對上一次食ruby tuesday已經係好幾年前既事，難得有6折coupon，一於同朋友一齊去食下呢d平時唔會捨得食既貴價餐廳先我地2個人嗌左幾樣野食，有三文魚扒、牛仔骨、菜餅仲有杯薄荷朱古力share飲

個人推介個牛仔骨，新鮮juicy，雖然係骨但係食上口，都仲有幾啖肉咬下，肉汁非常香濃，而且有種好獨特既味道三文魚扒有少少"鞋"，肉質唔夠嫩滑，沒有鮮味，只是一般而己
呢到d野食份份都好大碟，而且有一定水準，但當然價錢唔太平民。不過mega box 呢間勝在裝修夠新而且景幾靚

呢間「名家」係同屋企人去食既，地方環境裝修等等都算唔錯，總之係睇落都唔方平個種啦。服務就固之然有返甘上下質素。但系野食既水平就真系一般啦，呢個價錢應該有好多好多間都好食過佢。佢係要自己燒既，唔同係韓國有好多waiter會行過泥幫下你手燒，所以燒lon左就真心GG啦。反而我覺得最好食嘅嘢係佢嘅前菜，真心正啊我食個好多間既前菜都冇嚟間咁好食。海鮮就唔係點洗食啦，價錢比較貴之餘，但又唔系太新鮮，冇乜海鮮味之如仲唔系太新鮮彈牙。羊架既色澤肥瘦望落都幾均勻，肉味都算香濃，但羊架仍欠缺了一點「膻」味，略為不足。其他肉果啲都系一般啦，色澤OK，但食落味道都系差唔多，冇咩特別。

但環境氣氛都不失為一個食飯嘅好去處嘅！有錢又唔想食埋啲太cheap嘅話都可以去試一試!

朋友介紹我去呢間鋪頭食野，話入面d野食好精緻仲好cute添我開頭都係諗住是是但但食一餐。但一入去就望到隔離枱叫左個咖哩熊貓飯即係下面個張圖啦 超得意啊 朋友即刻就話要食一黎到又真係幾得意啵，望落d熊貓都幾真，影完相之後都唔系幾捨得食食落其實就同普通飯冇咩分別，但口感一般，唔夠粒粒分明。咖哩汁都幾香，但系可以鹹少少甘多。整黎來說幾可愛，真係不妨一試呀

早排同班fd去完camp出黎，時間又未到食晚飯，結果就一行四人諗住搵間甜品鋪食下野傾下計。一直聽到人成日post去HeSheEat食甜品，好奇之下就去左試喇⋯
我地4個人每人嗌左一樣野食大家share ,芒果拿破侖的確唔錯，個餅好鬆脆，入面既吉士份量岩岩好，我地4個人一人一啖好快就清左個甜品喇😋
我呢個綠茶控緊係嗌左個綠茶紅豆窩夫啦！個窩夫應該係新鮮出爐熱辣辣，配埋紅豆加綠茶雪糕真係好正呀！而且份量都幾大，呢個價錢都算係幾抵食喇😁
最後嗌左2個雪芭，一個係橘子做配料，酸酸甜甜又涼浸浸，好開胃呀

不得不讚呢間店既服務員態度好好，不斷幫我地加水，而且仲好有笑容！下次同班朋友食完飯可以再黎過食糖水😆

去完長洲camp 見到呢一間rainbow cafe 環境幾靚 即刻入左去食野開頭見到成間餐廳得all day breakfast都有d唔開心但原來佢個breakfast好多野揀食左個牛奶炒蛋真係一流，嫩滑得黎，炒蛋仲夾帶住少少奶香雖然成個all day breakfast送上黎既時候已經唔夠熱，但水準都尚然ok。仲有個pancake 雖然淋左少少唔夠脆身，但自己搽上醬料後都幾好食茄汁豆同肉只是一般吧！！！叫左杯green tea latte，雖然都幾香濃，但確實少了一份綠茶香。呢度最特別係旁邊有紙比人寫野貼係個board度，真係幾有心思

Euro gogo!
呢間已經食過好多次，係坑口食過，油塘食過，朗豪坊都食過。
感覺就係每間分店嘅食物質素都唔會相差太遠，佢哋啲意粉無論係紅汁定白汁都好好食。
服務都幾唔錯！嗌完野食之後好快就會到！同埋又唔會好似Pizza Hut咁要等好耐。
今次呢個白汁意粉好味，啱啱好唔會太咸或者太淡，女仔食完都夠飽唔會話份量太少，啲腸仔都唔會話淨係比幾舊你好似呃錢咁。
另外嗌咗杯熱朱古力感覺都OK既。又係聽得你又唔會太細杯啦，但係又唔係話好好飲好重朱古力味，始終期望唔高，ok就算。
總括嚟講又係平靚正嘅選擇，但呢間真心咁講唔會俾你同班fd可以坐係度慢慢傾幾個鐘嗰d,我都係食幾次都係急急腳食完就走，但唔錯既。

同SIS 去食下午餐
呢間一值好想試
宜加終於帶機會LU
呢間其實食景多，佈置精美，好合適影相
至於食物 味道不錯既 而且十分精緻
賣相一流
食都食得開心過人
真係食得又睇得
但係份量比較少
如果去食一定要打左低先可以去食
令我最難忘係佢既cupcake
上面有一朵用cream做既rosy 而朵rosy都係rosy味
十分好食，食個陣仲唔捨得食tim

之前已經見過d blogger 去食架喇 難得入去西貢就試下囉 雖然要等，但係真係好好食
佢既all day breakfast 好出名所以就試左
味道好好 其中佢個牛角包絕對係世界 佢用ga jam 係有果肉而且係老板自己整 好特別好好食
而佢既飲品都好好飲
因為飲品入面加左果肉
另外都試左個豬肋骨
上面加左層jam令到更加特別
出面係食唔到架
得閒入西貢真係要試試

10點既時候，好想食壽司一定係去食一壽司
9點過後，佢既壽司係半價，所以好抵食
而且佢用料十分足，大大件既三文魚，帆貝
鮮味一流
食落去啖啖肉
佢既用料一定係即日既，所以十分新鮮
入夜後去食，用半價價錢食到甘高質既壽司，真係好抵
而佢既牛油果壽司十分好食
牛油果係keep fit 食物
女士們可以試下
牛油果加壽司又可以飽肚又可以keep fit 正！！