今日約左朋友去尖沙咀行街，
行行下覺肚餓所以就上左openrice睇附近有咩好野食，
之後見到「響葫蘆 燒物.居酒屋」嘅評價唔錯，
而且我倆都鐘意食日本野所以就去左依間位於亞士厘道嘅樓上日本餐廳。
可能因為係weekday加上時間算早所以入到去就有得坐。

有選擇困難症的我們為免左揀右揀最終叫左個價值$388嘅極上二人餐，個餐有7款菜式同飲品。

當中不得不提嘅一定係香橙焗銀鱈魚香橙片同銀鱈魚意外的非常夾
再蘸啲味道有啲似沙律醬嘅醬汁一齊食真係回味無窮！

蒜香牛柳粒都好好食！個人本身唔太鐘意食牛肉，但當佢一放上枱，
聞到香濃嘅蒜香味後就忍唔住夾左一舊放入口。
牛柳粒非常入味而且入口即溶。

其他菜式都好好食，份量都好足會再去過

放題--在香港裡已經是不以為然的事,水準好壞參半,壞的自然被淘汰.
放題--即解做「自由噉」，「任做」,正確的關於食的放題應該是食?放題(任食) 資料來源:維基百科
今次去了組長日式放題進行用餐. 組長--在旺角及尖沙咀亦有分店,價位在放題上來說是中低價, 幾年前已經知道旺角組長, 年多前銅鑼灣開業,相信因為生意上軌道而作出的決定吧, 令我更放心體驗一下真偽!
位於京都廣場, 樓下有很多婆婆派傳單, 競爭很激烈呢!升降機門打開便是餐廳門口,已經是9點半入座了,但等位的人都堆在門口,真的好爆及逼! 不過就對食物質素更放心了!雖然好多人在等候,但需要等侯的時間亦不是很久,不得不讚員工返枱效率很快啊!!等了大約10分鐘與女友開始用膳了。
效率: 7/10每位$158，就牌面上在銅鑼灣真的很便宜，就算是要中伏也不是那麼肉痛，哈哈！
抵食度: 7/10
另一半對生冷野比較敏感,所以叫了壽司及熟食.
三文魚壽司, 肉質分明及豐富 8/10
火灸三文魚加芝士, 暖暖的,再加上芝士食落真的很juicy 7/10
其他壽司都是另一半愛吃的,在此就不評價了.
特別要讚的是炸物,天婦羅真的很好吃,炸醬很好啊,不會太"益" 9/10

 

稻香的下午茶真係好平，8個8有一碗燒鵝米線，燒鵝香脆，鵝味溢滿口腔；油雞米線同樣出色，醬油與雞完美融合，雞不會太老，雞肉嫩滑，入口即化，配合滑滑的米線，下午茶只$20 就能嚐到這美食。不過是蝦餃有點失望，餃皮太厚，蝦味道一般，沒有想像中好吃。

聽講喎，咁我就約左班為食朋友去左呢度食啦‧
我地去果時人就唔算多，好快就有位‧
當然一場黎到就係咁叫野食啦，例牌羅白糕，腸粉，蝦交，馬拉糕一定無走雞啦。
我最鍾意就係個耿拉糕，因為佢好有味同埋好鬆軟!
我個朋友就鍾意個蝦交，但我就覺得一般。
但OVERALL 可以一戰!!

銅鑼灣這間北海道牧場餐廳是港式茶餐廳，他的北海道牛乳炒蛋非常嫩滑，一口都是濃濃的牛乳味，蛋生熟程度恰到好處，非常嫩滑，牛油多士好脆，牛油香溢滿口腔，而五香牛肉通粉味道不錯，味道不會太辣，反而有五香的味道，整個餐淡濃適中，十分不錯！

為了跟媽媽慶祝生日，我同佢去咗彩晶軒食飯，我點了個紫蕃薯浸豆苗，豆苗十分鮮嫩，跟紫薯的配搭出奇地好，鮮甜味互相輝映，牛仔骨煲十分入味，黑椒味濃郁，不會太辣，牛仔骨非常鬆化，不會太韌；不過略遜一籌的是太油膩，當牛仔骨煲與雜菇一起，菇吸取所有油分，難以入口。

萬聖節同一班朋友去完pmq玩
之後諗住去飲少少野
點知行過soho 見到呢間野
俾佢放係外面既cake 吸引左 就入左去啦
入到去 發現menu 有我想食好耐既pavlova 
一個澳洲既傳統甜品
咁就叫左黎食啦黎到啦 發覺賣相好得! 
之前我想像中既pavlova 個蛋白底應該係好難整
好容易整到爛哂 但佢整得好好 值得一讚

食左成個 唯一感覺就係太甜
可能兩個人share 成個食會好d
但呢個價錢 咁既質素 我覺得係值得既!

上次去食一風堂同幾個人一齊食，所以儲咗幾個印花可以換三十蚊現金券，所以今日一個人就走去食。星期六晏晝都幾多人，但一風堂啲位都幾有彈性，所以我一個人食就好快有位。自己食就唔係叫咗好多嘢，就係一個辣味味噌拉麵少辣普通麵。塊叉燒好肥好香，但個湯稍為淡咗啲。麵質就淋咗啲。之後唔夠飽，就加多咗個普通麵。相比之下加麵嘅麵質就彈牙啲。如果一個人食，又想坐得舒服啲嘅，一風堂係唔錯嘅選擇。

同朋友去旺角食元祖奶奶雞，呢次係我哋第一次食，因為咁啱想食雞，咁就走去試吓。餐廳裝修好有韓國特色，有啲似我真係去咗韓國。我哋叫咗個奶奶雞，一個韓式卷，同炸雞嚟食。個奶奶雞好好食，啲雞好嫩滑，個汁都調得好好。炸雞就同平時食嗰啲差唔多，但係炸個層就唔係好粉咁，所以都幾好。韓式卷就無咩特別，有啲似食壽司，係啲餡唔一樣，可以一試。整體嚟講都幾好，可以再嚟。

同屋企去咗大埔試呢間餐廳，係類似啲新式泰菜咁。餐廳嘅裝修勁似又一城嘅paper rice同pizza express mix 埋一齊，幾靚。我哋叫咗幾樣嘢包括一個冬蔭公大蝦意粉，豬手炒飯同埋海鮮咖喱配薄餅。啲嘢都真係唔錯，可能因為我哋都好鍾意東南亞風味。個豬手炒飯枱枱都叫，因為真係幾好食，個豬手皮脆肉嫩，啲飯都好香。個意粉隻蝦老咗啲，但意粉個味救返。個咖喱最好食係個薄餅。係值得一試嘅餐廳。