早前去到大坑搵食，食飽之後周圍行下，睇下有無咩新cafe，偶然下發現在呢間tea bar - jrink

老實說，我不是big fans of tea，雖然都幾中意飲茶，但飲黎飲去都係earl grey或者english breakfast tea，唔係好識點樣叫好飲。呢度既茶種真係多到令我有d花多眼亂，不過好在唔同顏色既label標誌住各種tea，例如black tea，red tea，fruit tea等，而且店員都好helpful，好熱心講解。而且旁邊都放在各種tea的sample比客人聞下。首先個presentation好pleasant好靚，可以過去慢慢聞下再揀，岩晒我呢d唔係好熟茶種但又想坐低飲杯靚茶既客人。最後我地揀左呢隻叫Tutti Multi既茶葉 (in pot, $52），係果味比較豐富的茶，我都幾中意。飲完之後，店員主動過黎幫我地加水。

除左in a teapot之外，仲可以點一杯或者iced tea，下次會再來explore下其他茶。 原來除左大坑除左咖啡，cafe之外，仲有可以坐低慢慢嘆杯茶既地方。店內環境舒適優閑，放假同朋友黎飲杯茶，傾下計，又或者自己黎睇下書，寫下野，都唔錯~

有說冰室是香港茶餐廳的前身，又是香港引入西方飲食文化之始。冰室這種食肆，在六七十年代大放異彩，起初只賣小食飲品，只是到後來面對來自的競爭，才開始推出炒粉麵飯等增強競爭力。又一個在時代巨輪中式微的行業，但其演變過程，亦可見香港人識變通的精神。

生於九十年代的我，對冰室著實沒有什麼認識，但位於旺角的某冰室卻是我常到訪的，感覺就是三個字：人情味。地方不是有華麗的裝潢，侍記忙到「踢晒腳」，當然也不會跟你好好禮貌地唔該前唔該後，但總是很有人情味，而且總是價廉物美的好地方。南龍冰室原來本是位於筲箕灣的一家老字號，最近才搬到來銅鑼灣。冰室位於的地段是人流比較少的一帶，若不是恰好路經或特意來潮聖，也不易發現。這天我就和友人約定，來看看這舊冰室如何新做。冰室內的裝潢當然是走懷舊路線，將一個個鳥籠掛在天花板的意念。不過，剛剛裝修好的新淨感當然亦十分鮮明，如此新舊交織，也是一種風味吧！另一邊則以百子櫃為主題。

先要說這裡的侍應十分有禮，笑容滿面，做事爽快，第一印象不錯。朋友未到，於是我先研究一下餐牌，都是一般冰室賣的炒粉麵飯類，但餐牌本身的設計卻可愛得很。主理人的心思，我看到了！人在江湖，哈哈。

最後，我們二人是晚點了「是日晚餐」（＄68，包一杯飲包，凍飲加＄3），有餐湯羅宋湯，鹽燒青口，主菜洋蔥帶子豬扒飯。凍奶茶

時常覺得一杯好飲的奶茶是十分重要的。看真的，我絕對我為一杯好奶茶而狂去某冰室／茶餐廳。這杯凍奶茶不錯，是奶味比較重的那種，但勝在不會過甜，不錯。頭盤：鹽燒青口

青口挺有鮮味，但煮的時間似乎太久了，使得質地有點太韌，而且，我也吃不出鹽燒的味道。主菜：洋蔥帶子豬扒飯

本身還在想著以這個價錢有這樣有東西吃，在這區內算是超值吧。但主菜來的時候我就知道自己expect太多了... 這個主菜給我的感覺頗為求其。兩夥小小的帶子，我也可以跟自己說是在價錢相稱，但這個洋蔥汁就實令人失望，和快餐店30多塊錢一個飯的洋蔥汁沒分別，這就有黠說不過去了。 最後，我們只好期待著這個金磚咖哩龍俐柳飯（＄79，包一杯飲包，凍飲加＄3）。據說這是遷店後的新菜，其實是挖空了麵包，放入咖哩飯再焗，賣相十分吸引。先說它的份量真是好大好大... 大家能想像吧，飯加上麵包這樣無盡的碳水化合物已足以令你飽到捧腹離開。兩個女孩子... 我們真是眼闊肚窄得很，其實兩個人share一個金磚焗飯，已十分足夠。侍應還俸上一小碗咖哩，說是可以點麵包來吃。

這是我十分期待的招牌菜，但和是日晚餐一樣，令我有點失望。這是因為咖哩的椰味、甜味真是太重太重了，在咖哩中完全吃不到咖哩味，沒有咖哩飯應有的惹味和滋味... 大失所望呢。

雖然在金磚內的飯是炒飯底，都算有誠意，但可能是因為釀在麵包內的關係，水份難以揮發，吃到口中甚為濕身，沒有炒飯應有的乾燥感。

小結：應該還會再來試試其他食品，例如菠蘿包一類的食品。其實從南龍冰室的環境，侍應有禮的態度，可愛的餐牌設計，都可以感覺到店方放在重開這家冰室的心機，這個「ok」的評分是給予這份心思的，但真的希望食物質素會有所改善，否則一切都只是徒具空殼而已。

蜂蜜雪糕的熱潮在香港吹了好一陣子，但絲毫沒有停下來的現象，反而愈開愈多，我也一口氣試了好幾間。 這天來到傳說中蜂蜜雪糕大佬中的大佬的，蜂蜜雪糕元祖Softree！

店內有位坐，不像其他蜂蜜雪糕店，大多數都要買走邊走邊吃。但今次自己一人按奈不住衝了去吃，而且店內也坐得滿滿的，我最後還是外帶了。很多款不同的雪糕... 看得我花多眼亂，幸好這裡的店頭很nice，主動過來跟我介紹。最後都是選了蜂巢雪糕，WOW! Honey Chip（＄46），見它比其他店的蜂巢雪糕最貴，我就想：有什麼不同呢？

幸好也沒有讓我失望，Softree果然是我嘗過三家蜂巢雪糕之中最好吃的！先談談雪糕，十分十分的軟滑不在話下，而家奶香十足，更重要的是蜂巢和蜂蜜的質素。蜂蜜十分清澈，自然的蜂蜜香味滿溢口中。驚喜的是蜂蜜咀嚼的時候是比較脆身的，而且沾滿了蜂蜜，不會趙在口中韌而無味，十分過癮。吃完之後，奶香和蜂蜜的餘味，還在口腔中逗留良久，還是首次體驗到。

大佬中的大佬，果然名不虛全！

週末下午，比較喜歡避開人潮，所以比較喜歡在上環，或者中環半山一段歇腳。也許是因為人流比較少的關係，大家的步伐也比較慢一點點，一個美好優閒的週末就應該這樣。上星期六朋友駕車來到上硍荷李活道的Corner Kitchen Cafe，靜靜的一角，開放式的設計，給人寫意的感覺。Cafe分上下兩層，我們選了下層的座位。Cafe以自助形式運作，坐下之後，我們看看menu，又看看旁邊凍櫃內一件件排列整齊的強糕，心大心細，都不知選哪件才好。

所以只好先點了咖啡和熱食吧！這裡的咖啡是奶味比較重的那種，質地十分香滑，奶打得比較厚身，是我喜歡的類型。Country Kitchen Breakfast ($65) 較為普通，不過不失的breakfast food，但放在一旁的veggie反而有點驚喜，veggie帶十分香濃的herbs味，而且炒得全熟，入口比較淋身，配上其實同一盤子上比較清淡的其他食物，十分不錯。 在這個salted caramel cake和賣相十分漂亮的red velvet cake之間掙扎了很久！但聽說這個salted caramel cake（＄55）算是這裡的名物，一場到來，就先試試這個吧！只看其外表，似乎是層次十分豐富的一件蛋糕。而果然，這件蛋糕可說是甜和鹹的完美混合，入口時先有甜甜的caramel味，而後來salted的鹹味就開始出來了。再說，蛋糕部分的質地十分不錯，是軟而不是鬆的那種，奶香比牛油味重一點，有一點點像莎莉蛋糕的感覺，哈哈。最重要的是，蛋糕放在凍櫃中，入口有涼涼的感覺，是我十分喜歡的凍餅！

另外，十分喜歡這隻碟子的花紋！

坐下喝杯咖啡，吃件蛋糕，一個懶懶的週末就這樣渡過了。

天朗氣清的初秋，美好的天氣，湊好來到ICC 102樓的The Lounge and Bar，打算一面hightea，一面欣賞維港美景。幸運的是，上週來電訂座時，接線生會說人多的關係，未必能安排靠窗的座位，但今天來到的時候，卻幸運地給安排到窗邊坐，真的十分高興！維港景色盡收眼底，教人心曠神怡。更有趣的事，還有望遠鏡提供，可以更清楚細看對岸風景呢！十分有趣，讓我們把玩了好一陣子。 漂亮的茶具。
環境也十分優雅！ 站起身到還可以見到西隧入口呢！ 從我花了這麼多篇幅和用了這麼多照片去介紹這裡的環境便可知這裡的環境是如何的特別和優勝，在這裡高貴一天，來一趟hightea，實在是令人大快朵頤的一件事。我只想到一字形容是日hightea：“extraordinary”！真是一趟十分十分特別的經驗！說真的，這樣的香港景致，還有那裡可以找到？

食物方面，點了tea set二人份配上earl grey茶（＄598＋10％ service charge），我就覺得質素是“fair”。老實說，食物的質素只是一般般。以同樣甚至更便宜的價錢，食物質素更好的下午茶去處實在多的是，但是這樣的景致，當然這裡才有啦！所以，引用朋友的一句，真是「食個view」，一點也不錯。

順帶一提，在openrice的食評中也見過有人說某件食物遺漏了，沒有出現在盤上，這次也差點出現這樣的情況，侍應生把三層的盤拿上來放下之後，再看看，突然說，「丫，漏左d野」，拿走之後才再放上來。以這裡的級數和價錢來說，這樣個人認為比較不能接受... 但其他方面對服務都十分滿意，而且食物來的時候，侍應生還細心地跟我們說哪幾樣東西在陽光照射下會較快溶掉所以建議先吃，感覺挺細心的。整體來說甜點比鹹點出色，賣相一件件小小的，挺精緻。沒有什麼特別的comment，因為大多數都是比較普通，能造出應有的質感和味道，但特別好吃卻又談不上來。比較特別的是鵝肝配馬卡龍，頗為創新的配搭，給人新鮮的感覺。

另外一點想說的是，scones就略略遜色了一點，clotted cream是不錯，十分香滑，但個人認為scones的牛油香味不夠。最喜歡的賣相是這個芒果泡芙，十分可愛，中間夾著的cream芒果味挺濃，而且打得滑身，不錯。

總括：「無得輸」的環境，食物質素不過不失，有進步空間，服務不錯，但上食物時漏掉一兩款食物的情況似乎不時發生...似乎要改善一下。但總的來說，是十分特別的hightea experience，推介！

晚上係銅鑼灣食完壽司，意猶未盡，朋友話：「不如食埋甜品。」講到食甜品，我當然永遠唔會拒絕。當講到咁去邊度好既時候，我地竟然同一時間講左句：「喂，不如去Via Tokyo咯！」竟然不約而同地一齊諗起Via Tokyo，咁就當然立即起行啦~ Via Tokyo自從開業以來，人氣一直高企。但上一次到訪，已經差唔多係一年前既事。人氣咁旺，去到都要等一陣間位，等左大約10分鐘到啦！當然唔好浪費排隊既時間刨下個menu先！似乎比以前仲多左好多選擇！同我一樣有選擇困難症既朋友一定會好痛苦 當然我地係衝住抹茶雪糕而黎既，但配料都有好多選擇，又爭紮要唔要埋牛奶雪糕好呢... 真係令人三心兩意，十五十六。

當我地心大心細既時間，我地拎轉頭望望貼係身後既海報，我地又不約而同咁指住左海報上既食品... 係佢喇......... !!Taaa-daaaaa！三色雪糕窩夫（牛奶、抹茶＆焙茶），由於係special既關係唔係menu上，好彩無走寶！三心兩意又貪心既我地當然想樣樣有d，又想要窩夫啦！呢個三色雪糕窩夫就可以滿足我所有願意喇！絕對保持水準，雪糕好滑，而且每個味道既雪糕都好濃味。呢度既綠茶呼雪糕絕對係我食過既綠茶味雪糕入面味道最香濃的，而且十分回甘。

而焙茶雪糕呢個新發現，對我黎講絕對係一大驚喜。茶味好香好香！而且相比之下，比另外既兩隻味既味道清少少，有一種refreshing既感覺。

而另外不得不提既係，白玉大粒得黎十分煙韌，好中意。成日覺得幾夥好好白玉係一個出色既日本甜品不可或缺既部分！至於窩夫方面，都幾鬆脆，不錯！

所以話，有時三心兩意貪心少少都好架，可以一次過食晒所有食既野。另，不少熱店開始紅之後食物既質素就會開始下降，難得 Via Tokyo一直人氣高企而又保持水平，實在難得！

今個weekend，因為有車坐的關係，來到了九龍城。

恕我對九龍城認識真係唔深，講到九龍城，淨係識諗起食泰國野，牛肉麵同甜品，飲咖啡既好地方，真係今日先發現。 Gladys Estate Coffee － 有好多款強糕揀。第一感覺係，店員好有善，有禮貌，服務好好，我地問既所有野都好細心解問~Aussie Breakfast － toast + mushroom and salmon。感覺無咩特別，一份比較平凡既toast。麵包脆一點的話會比較好！反而個甜品感覺不錯！Caramel waffle － 賣相幾靚，呢度既waffle可選caramel / original / greentea味。上桌既時候，店員同我地說明上面鋪住既係蘋果薄切片，煮熟成透明。幾中意呢個waffle既texture，外層都幾脆，而入面都幾鬆軟，而且caramel味都好夠，加埋蘋果同雪糕幾好味！Cappuccino － 這裡的咖啡不錯，質地打得十分細滑，附上一小塊用蛋白造的小餅。咖啡同奶味平衡唔錯，飲完十分醒神。

總括：喜歡呢間cafe既環境，幾優閒，而且裝潢幾靚。留意到一班員工大家幾friend，自己有講有笑，同客人都係，感覺輕鬆。不過食物質素真係可以再改善下，咁就就算係九龍城我都會特登再去。雖然係九龍城既好hea處，但如果只係為杯咖啡同環境，我就未必會再去。

要數近日最熱甜品，一定非這家位於灣位既Oddies Foodies莫屬。適逢假日，終於有幸黎潮聖。

先說說Oddies既舖位都幾細，加上最近人氣急升，黎潮聖既人多，叫完個野食我都要出去等，不過，我都覺得無咩所謂，只係溫馨提示，唔好expect有位係店入內食~

叫得oddies，食物當然有返咁上下“odd“ 亦正正是吸引我黎既地方，就例如吸引左我黎到既... 雞蛋仔加雪糕！night wolf （＄49）賣相靚不在話下，老實講，本身對個雞蛋仔唔係特別大期望，因為感覺雪糕先係主角，所以一直都係expect佢係普通雞蛋仔一個，但一咬落，我真係有驚為天人既感覺，個雞蛋仔好軟熟，好軟熟，好軟熟！而且個雞蛋仔係Brownie雞蛋仔，香噴噴既蛋香加埋brownie既甜味，真係無得頂！

night wolf配既雪糕係香蕉味雪糕，當日咁岩係店內聽到其他人問，唔中意食香蕉味雪糕既朋友可以轉做雲呢拿味架 不過我就照要左香蕉味。雪糕方面，十分香滑，而且奶味十足。而其實最令我驚喜既地方係，當我食到差唔多一半，開始覺得有d甜膩既時候，就食到去放左熱情果奶凍既層。首先，我係好中意食熱情果味既野的，另外，熱情果既酸味，剛好中和左岩岩開始冒起既甜膩感，十分欣賞呢個食物層次既心思！ 臨走我都特登返返轉頭拎張單張慢慢睇下佢地仲有咩其他oddie野食，一定好快又會再返黎試佢地其他野食！好想試OHH TEA!同埋泡菜雞蛋仔。

灣仔的la crêperie就去過幾次，上環呢間就真係第一次去，同時都係我第一次午餐時段去。其實作為學生的我，平時下午多數都係是但食d野填飽個肚就算，但可能由於星期五的關係，突然受到極強既sudden urge號召：我要食好野...我要食好野...我要食好野.... 於是就無啦啦拉埋兩個同學，一齊衝左落上環la crêperie食lunch。首先不得不說這裡service很不錯。我地岩岩去到既時間無位，外籍侍應好有禮貌叫我地等一陣，又係我地等既時間同我地介紹有咩set lunch好揀，仲有出黎update我地話等多兩分鐘咁話。

la crêperie的午市有三款set lunch可以選擇，每個set都有兩個crêpe（一鹹一甜）同一杯drink （coffee／tea），crêpe既「豪華」程度當然同價錢成正比，貴d既set ingredients多d，簡單d黎講，重點在於甜crêpe，最平既set只有sauce，中間價set有埋fruit，而最貴既一set有埋雪糕，任君選擇。個人認為set capitaine（＄108）最實惠！set capitaine：daily special crêpe ＋ a choice of sweet crêpe + drink。 呢個就係是日daily special － la bigoudène，有ham，emmental cheese，sunny egg，salad同choice of veggie（mushroom/tomato/onion/spinach），而我就揀左mushroom。Crêpe既皮整得好煙韌，而且岩岩整起暖暖地，令我十分滿足。十分十分喜歡emmental cheese ＋ crêpe呢個組合。emmental cheese係一種來自switzerland既hard cheese，十分喜歡佢係熱力下有少少熔既口感，而且點上sunny egg既蛋漿十分美味。而甜既crêpe方面，我揀左呢個stewed apple with caramel。我超愛超愛呢度所有有caramel既crêpe，因為佢地既caramel味道十分rich，加埋生果一齊食，真係無論我食完第一個crêpe之後有幾飽我都仍然可以將佢吃光光，一上枱已經可以聞到好香既焦糖味。另外，甜crêpe既皮烤得比較燶少少，咬落脆脆地咁，十分有口感！ 朋友點的caramalised banana with chocolate sauce。首先caramel同banana絕對係最好既朋友，而banana同chocolate sauce又係勁好既朋友，所以呢三樣野擺埋一齊，實在係夾到不能再夾。無揀呢個既原因，係因為我其實唔係好中意食朱古力。但係我都偷食左唔少.....

小結：環境舒適，服務好，雖然＄108對一個lunch黎講好似有少少貴，但以咁既食物質素同份量，絕對十分值得！絕對大力推介，尤其係有caramel既crêpe！完美的星期五午餐實現了，想食美食既sudden urge解決了，TGIF！ ：）

一張相，應該可以簡介到呢個聽落咁複雜既標題發生咩事 （笑）。

Churros D'amour，係正香港最旺既旺角，仲要係最旺既旺角好多小食店既一個corner，登打士街。平日星期六日有出開旺角既朋友應該會明白，家樂坊果條小食店林立既街有幾迫。唔驚... 最怕迫既我星期六下午迫迫迫迫迫... 終於迫到黎呢度。其實呢間賣西班牙小食既店已經有好多ig同blogger介紹過，一黎當然係食物好食，二黎，另外為人所大推既仲有呢度既靚仔法國老闆（笑）。今日見老闆唔到，不過唔緊要，其實我係為churros而黎的。Nutella churros w/ vanilla ice-cream （＄47）－ 淨係見到呢個漂亮的presentation，已經夠賞心悅目啦。Churros係來自西班牙既小食，即係西班牙油炸鬼咁解喎。油炸鬼就食得多，實不相瞞，西班牙油條真係初次體驗（有傳閒話其實西班牙既油炸鬼技術係係中國傳入，係真係假我就唔知了 ）。即叫即造既呈黃金色既churros入口十分十分香脆！加埋甜甜既nutella令我一路食一路讚不絕口 ，而熱辣辣整起既甜品加埋凍冷冷既雪糕真係可以話係岩岩好。一啖churros一啖雪糕，好滋味。另外仲點左一杯熱cappuccino（＄28）。有兩個驚喜 － 第一樣係無諗過呢度一杯咖啡的賣相亦一點不馬虎。第二樣係，呢杯咖啡飲落好有係歐洲飲到的咖啡既味道，唔知係咪因為奶比較淡既關係，除左味道比較淡之外，texture亦都比較稀身一點。首先要說我平時係唔中意飲呢一種咖啡的，但今次呢個感覺，呢個味道既咖啡，竟然同個churros夾得非常好，可以減輕食完churros輕微既甜膩感，感覺十分唔錯。係食肆林立，餐廳各出奇謀既旺角要站得住陣腳真係唔容易！難怪churros d'amour開業以黎一直得到唔少人既喜愛，相信除左老闆靚仔之外，食物質素係最大既原因呢！