上次食fiat caffe，已經係年幾兩年前既事。上個月係美麗華經過見到佢，仲以為佢係開左分店，但原來係餐廳由港島區搬左黎尖沙咀。佈置同舊店差唔多，都係有部好eye-catching既車係門口，但係舖位再大左，晚上7點去到，都唔駛等位就入得。今次黎fiat caffe食飯，其實係為左同朋友慶祝生日。事關佢下旨想食pasta類既野，所以我就決定揀呢度喇。 打開menu，見到選擇比上次食fiat多左好多，但亦無左我上次食覺得好好味既一個blue cheese pasta

最後我地揀左set dinner for two ($398 + 10%)，有兩個set appertizer，兩個soup，兩個有得揀既mains，同兩杯野飲（coffee／tea／juice）。其中一樣appertizer － Italian meat platter。雖然無expect過set dinner既appertizer會大份，但a set for two...呢個portion...好似真係比較細左d喎。反而個set既湯就有d驚喜！跟set既湯係一個雜菌湯，味道既濃度岩岩好，質地既濃稠亦恰到好處，仲可以食到一粒粒既雜菌老實講呢個risotto有少少失望，因為味道唔係好balance，淨係食到蘆笙味，但松露味欠奉，有點喧賓奪主既感覺。感覺對一個truffle risotto黎講，truffle既鮮味應該係呢道risotto既重點，但今次truffle味道真係太弱。但要讚既係，risotto sauce既texture做得唔錯，十分creamy，濕度適中。至於pizza，個底烤得好脆，而且呢度既肉腸好好味，令個pizza生色不少。

總括黎講，fiat搬左店之後，環境大左靚左，而且比以前更就腳。service亦好好，臨走時我地因為食唔晒個pizza叫待應幫我地打包，佢好好咁用食物盒幫我地入好，仲比左個紙袋我地拎走！侍應生們都好有禮貌，做野都好快手。不過，就食物質素黎講，就似乎比上次黎既時候差左，有改善既空間。

由4年前第一次食flying pan到而家，flying pan依然係我同同學每年開學食開sem飯既地方。第一次食English breakfast係呢度，而呢度亦都一直係我最中意既English breakfast place。

雖然感覺service無以前咁好，侍應生無以前咁有禮貌，但係野食依然好食，就算啦。加上當日有位朋友遲黎，我地坐左差唔多一個鐘都未嗌野食，侍應生都無催我地。一路等住朋友黎，一路聞到隔離台d野食好香好肚餓呀呀呀呀...以前黎親都中意點Eggs Benedict，但近日唔知點解住Eggs Benedict失去左興趣，同埋諗起呢度既pancake真係超級好味，所以我就嗌左2 scrambled eggs with grilled mushrooms, with tomato soup, garden salad, and...重點：pancake!一見到佢黎，叫我如何抗拒 質感依然係非常非常鬆軟，唔係淨係得麵粉/牛油味，而係好好既balance...加埋syrup...果然係我係flying pan既favourite item！

另外不得不提，呢度既tomato soup as a side都係我既最愛。連平時唔係好中意飲tomato soup，甚至對tomato呢樣野都十分麻麻既人，都唔知點解超愛呢度既tomato soup，黎親都點。又是一個十分十分滿足的英式早餐。食左好野，食飽飽，有energy同good mood開sem！祝各位莘莘學子（同我自己）今個學期都順順利利啦！

而家係香港地食甜品，其中一個難處就係等。
稍為好食d或者人氣d既甜品，無返半個鐘，都唔駛旨意食到。

薄扶林一區，環境靜d，人少d，食糖水都輕鬆dd
果日放學同frd 6點幾7點去到，唔駛等就入得。
（雖然聽聞平時其他時間要等下先入得）
起碼食完可以坐陣傾下計，唔會話即刻收野趕你走。環境唔錯~心太軟 ($40)芒痴痴 ($36)
入面有芒果雪糕，爆爆珠，芒果，黑珍珠。

叫左兩樣野，兩樣都唔錯~
唔會話太甜。

總括：地方好好坐，環境舒服，食物都唔錯！
會再黎！