婆婆住樂富，要飲茶就只可以落樓下，間間都超多人，等勁耐先有位，坐低又趕人走，服務態度超差。


鹹水角，熱同脆，係可以食得過


叉燒腸，皮都算簿，但叉燒比較少


叉燒包唔夠熱，鳯爪好甜


潮州粉果皮太厚，糯米包偏硬，唔好食

咁嘅質素要幾舊水，實在貴夾唔好食

係牛頭角返工咁耐，都係第一次食，皆因實在太多人等位，午餐長期門口逼滿人。

今日遲咗食，見無咩人終於可以試下，例牌墨丸腩肉酸辣。

由於唔記得呢間唔係三哥，所以就出事了，呢間啲酸辣係唔多酸，但就好夠辣，食到眼水都標埋，下次都係清湯好啲。

墨丸都算大粒，腩肉份量多，配菜又係好多，所以食一碗係好飽飽，幸好無叫小食，如果唔係就浪費了

是日友人結婚，上午行禮，下午食自助餐，地方好靚好有派頭，但食物質素一般

因應等行禮，搞到差唔多2點先開始食，幸好有席前小食，而且係所有食物中已經算好吃，不過係一早炸好，所以微凍，但唔影響味道，其中餃子係最好食


自助餐開始，要等頭幾圍拎食物先，係好正常做法，不過第一輪完咗，已經有部分食物清盤，所以只好食住甜品先

蟹子沙律幾好食，啲火腿都有3款左右，而紅色果塊偏咸，甜品就真係好甜。

之後仲食咗其他沙律前菜，串燒，咖哩，粉麵飯，不過都係麻麻地好食，全部都偏甜。

特別一提，啲餐具係勁污穢，隻碟底係有食物殘揸痴住

朋友非常崇日, 每之約會都必選日本餐廳, 今次呢間真係好多日本人去食, 仲要用日文落單, 不過其實都係看圖識字啦...指住個menu就ok了

餐具同碟都好有特色, 不過可惜我唔識日文, 純粹感受氣氛吧!入正題了, 先黎一個蝦沙律, 4隻炸到脆卜卜天婦羅蝦, 雖然好熱氣, 但新鮮炸出黎, 如鬆脆但又唔油膩, 不過小心辣親嘴仔, 千祈唔好成隻擺入口呀!!主菜係烏冬鍋, 坦白講其實係甜豉油湯底, 不過d麵索晒d汁, 好入味, 加上本身自己鐘意食甜鼓油, 所以最後我地連湯底都飲埋...... 結果....係勁口渴..... 應該落咗唔少味精招牌雞翼, 嗯....係幾特別ge....不過就乾咗d.....同埋d味粉食完又係好口渴...可能比較適合飲番兩杯果時叫黎食....

油豆腐酸辣麵

自從嫁咗之後都好耐無返黎食，記得以前只係2x蚊一碗，而家竟然要3x蚊，真係貴咗好多。

呢度啲酸辣湯底，講真係唔辣嘅，得好多辣椒皮係度睇，加上落咗麵同4舊油豆腐，更加沖淡咗陣酸辣，適合少辣嘅朋友。不過我最鐘意佢個湯底好足料，有豬皮、木耳、豬紅、筍、豆腐、竹苼等等，食完飲埋包你好飽。

成年無食，見人不太多，又去幫襯下。

同老公兩個人不太餓，又想食多啲餸，所以叫個套餐，可以一次過享受晒所有餸，正。


叫了最少的麻辣，嗯，都可以接受，入口麻一陣，之後好快就唔麻，適合唔太食得辣嘅人。

由於老公唔食芽菜，又唔記得叫佢走芽菜，所以唯有自己揀返出黎，

結果。。。

夾咗足足一大碗芽菜出黎，而碗米線，即刻無咗一半，真係食芽菜都食飽你！

其實一個套餐成4x蚊，但米線份量好似單叫一碗咁，不過有齊咁多樣餸，抵唔抵食就見仁見智啦

無去一排，見門口唔同咗，仲以為換咗老闆，入到去，仍然見到果幾個呀姐，原來係換menu, 多咗好多款式，又有啲輕食啲嘅粉麵餐，感覺新鮮咗。
不過呢日小妹比較餓，都係食石頭鍋飯飽肚啲。
意房菜的相片 - 旺角
牛肉石頭鍋飯，比想像中大碗，一擺低就聽到咋咋聲，好明顯即整夠晒熱，啲配料多到遮住咗隻蛋，所以係好難撈混，要邊食邊撈。
啲牛肉好淋，夠晒味，不過啲泡菜就唔夠辣，最驚喜係食到底竟然有好多脆脆飯焦，好香口，真係好正

無去一排，見門口唔同咗，仲以為換咗老闆，入到去，仍然見到果幾個呀姐，原來係換menu, 多咗好多款式，又有啲輕食啲嘅粉麵餐，感覺新鮮咗。

不過呢日小妹比較餓，都係食石頭鍋飯飽肚啲。


牛肉石頭鍋飯，比想像中大碗，一擺低就聽到咋咋聲，好明顯即整夠晒熱，啲配料多到遮住咗隻蛋，所以係好難撈混，要邊食邊撈。
啲牛肉好淋，夠晒味，不過啲泡菜就唔夠辣，最驚喜係食到底竟然有好多脆脆飯焦，好香口，真係好正

半年前黎食過，當時已經覺得間野點解可以咁底食同咁大碟，想飽死人咩

今日路過見有位，又去食下
雖然係小鋪叫個二百幾蚊嘅黑安格斯牛扒餐好似有啲危，但經過今次，我諗我已經唔可以再去其他地方食了，因為要食翻呢個質素，出面可能要六、七百蚊。


跟餐有湯有包，紅湯味道夠晒濃，杰身，足料
同行友人飲白湯，試咗一啖，都係鐘意紅湯多啲



主菜上場，第一個感覺係，使唔使咁大塊，點食呀
幸好是跟薯菜，如果跟飯同意粉一定飽死
牛扒叫了五成，所以有點生，不過太熟會硬，我諗最多七成熟就夠了
可能之前對塊牛扒都唔係太大期望，因為二百幾蚊，仲想點先，點知食入口，係超呼想像咁好食
首先好重要係無雪味，係無咩調味嘅情況下，塊扒唔單無雪味，係食到牛嘅鮮肉味，食嘅時候最好唔好點汁，落少少海鹽調下味就夠。

上次同老公食完覺得超正，今次帶朋友去食。
三個女仔三個餐，飽到不得了。


無諗過餐廳仔都有羊架食，呢個羊架意大利飯好好食，首先羊架可以自己揀幾多成熟，哈，其實佢唔問我都唔知應該幾多成，最後我地話是但。總之最後出到黎果時係剛剛熟，而中間又有少少生咁啦！朋友話呢個口感超嫩，食到好香羊肉味，而且一啲雪味都無，好欣賞喎。不過小妹唔係特別好羊，所以基本上成碟都係朋友食晒。

話說呢間店自稱係用美國薯仔黎做焗薯，今次終於試到。首先焗薯賣相好靚，開晒花咁，而且好夠熱。食落口有淡淡嘅薯仔香，由於個侍應話可以配海鹽食，所以我地張舊薯切開幾份，有啲配碎蛋沙律，有啲配海鹽。小妹就鐘意配海鹽，因為可以帶出舊薯仔嘅甜味。