情人節陪老公去旺角買野，行到邊就食到邊，
估唔到竟然有驚喜。

首先係紅湯加蒜蓉包
湯嘅酸度同辣度剛剛好，當中又帶點甜味，而且濃度適中
蒜蓉包夠脆，浸湯一流，不過略嫌唔夠蒜蓉


什菌牛柳配扁意粉
牛柳好淋同好入味，個汁就普普通通啦，
扁意粉軟硬度適中，而且本身已經有味，就算唔撈汁都可以


日式吉列豬扒肥牛大碗飯
呢個真係有驚喜，本來以為係普通嘅炸豬扒，
但食入口鬆化又有肉汁，係超超好食


另一個驚喜係呢杯玫瑰花蜜
擺低果時白雪雪，搞搞下就變成淡粉紅色，
飲落口有甜絲絲嘅玫瑰花味，感覺好潤喉呢

無黎二個月，今日去開銅鑼灣，見有時間就入去坐下啦，
點知又有新野喎。


收銀隔離多咗茶嘅樣本，可以睇住黎叫茶飲


最吸睛就係部棉花糖機，咁近距離睇住舊棉花糖捲出黎，加埋香噴噴嘅糖味，實在令人興奮
再配埋雪糕一齊食，正呀
不過就甜咗啲，所以同人分享就會好啲囉。



仲有呢杯70%比利時朱古力，甜中帶點甘苦，面頭啲脆脆同雪糕一齊食，好味！

唔知係咪因為轉咗班哥哥仔，呢期啲雪糕好似大杯咗，感覺抵食番啲

呢間野算選擇多，有中式、西式、日式、連越南野都有得食。
不過要快，當然係食套餐啦！

是日叫了拿破侖雞扒意份，雞扒大大塊，意份大堆頭，不過略嫌啲汁有點杰。
而且經驗話俾我知，原來燒汁同拿破侖汁個味道係一樣嘅！所以大家唔使諗可唔可以轉汁了！

雖然係冬天，凍冰冰，但藍色嘅裝潢好似去咗frozen一樣，如果有埋公主係度就好了

店內嘅聖誕佈置好有氣氛


薑餅人雪糕比朋友食咗，只係影到一塊薑餅，味道夠薑得黎又帶有小小甜，好想食多塊

今次主打糕點，揀咗香濃檸檬撻




睇落去好似蛋撻，以為無咩特別，但食落口⋯
哇！超有驚喜！
味道好清新，有濃厚嘅檸檬香味，略酸但又有少許甜味，令人好開胃，簡直係刺激味蕾。
連埋撻皮一齊食，中和口腔酸性，正

無論食幾多次，都係覺得唔夠，會仲想再食

是日叫咗茄蛋腿通同兩隻檸蜜米奇，再加鹹檸七


小妹喜歡食通粉，而且唔知點解通粉個蕃茄底係比麵底濃啲同杰啲，簡單黎講就好味啲，所以好茄嘅朋友記得食通粉喇
其實勝香園有好多款脆脆，不過小妹偏愛檸蜜米奇，食落甜度適中，帶有檸檬皮嘅小少苦味，食兩隻都唔會太漏，正。

小妹曾經試過趕時間打包一路行一路食，但係會變咗唔好食，所以一定要坐低就叫，等食完粉個包就整好，跟住即刻食就最好味喇

提示：有啲人會覺得班呀姐服務態度麻麻，其實只要禮貌啲，唔該前唔該後，班姐姐就會好好相處

未知是否太耐無飲，從前懷舊的紙杯豆腐，今日已變成膠杯，而且是是已密封的。

雖然無選豆漿的味道，豆味香濃，滑溜溜唔會飲到一舊舊豆渣

而且可以按個人口味選擇少甜，在一箱冰中取出，夠晒凍。

朋友聚會，聽講極尚好掂，好好食，所以大家決定試下。
因為是星期五，就大家放工，所以訂了第二場8:45。
從openrice得知好多人食，我們也不敢太遲，8點半到已經排了二、三十人，在我們等候期間，隊尾已轉彎，實在太恐怖了。
所以建議有心想食嘅人就派個人早啲去排隊喇。

等等等，終於等到9點左右，才能入坐

餓咗成晚，六個人坐低就打算分頭點野食，又得一支筆，於是我地好聰明咁拎出自己嘅私家筆畫野食，點知個服務員收紙果時同我地講：「你地唔可以用其他筆咖，因為可能會甩色，又或者會睇得唔清楚，我地唔負責咖」然後就俾返叠紙要我地再寫過！

雖然係咁，但啲野食的確唔錯

魚生好新鮮，每樣叫16件就真係黎到8成，而且冰底夠厚，食到尾都無水浸嘅情況

壽司有好多選擇，飯底唔算多，可以食多幾件都得

火炙壽司選擇多，不過略嫌燒得唔夠，另外穴子原來即係鰻魚，正

燒物一般，普通貨，無特別影

沙律有太多選擇，味道差不多

最後甜品每樣點了一份
上圖全為芝士蛋糕，不過唔同口味囉。
下圖分別係朱古力慕絲，太甜！白酒啫喱，怪味！芒果布丁，千祈唔好試！

當然有傳聞中嘅H字頭雪糕啦，不過每人限食一杯。

總結9點坐低，搞一輪再到有野食都9點半，10點半叫我地埋單，10點9就last order，加埋之前企街嘅時間，同埋呢個價錢，我俾多少少錢去食自助餐仲好啦，起碼可以食多幾杯H記雪糕嘛

放假搵奶奶食lunch
佢話想試下叉燒煲仔糯米飯
幸好只是叫了一個餐，因為食少少已經好飽
叉燒又瘦又乾，白雪雪，淡茂茂
反而個糯米飯幾好味，有少少花生撈下
雖然明知唔會係用煲仔燒出黎，
但食到底有少少飯焦，
似係有燒過下，都算有誠意啦
希望可以改善下啲叉燒

去沙田做野，朋友話試下，點知出事

明明叫咗紅酒汁雞扒飯，
點知雞扒嘅下面無啦啦變咗半塊豬扒
紅酒汁就似洋蔥汁、蒜蓉汁嘅混合體，
還有好明顯嘅一攤油出現！

最後只係食咗一半就放棄了

冰室呢個名不禁令人覺得好懷舊，
但食嘅野又好新潮。
坐低見到隔離兩位小姐食緊金磚咖哩飯，
見到就吸引，可惜一個人一定食唔晒。
唯有叫是日午餐啦

揀黎揀去，最後決定食最普通嘅B餐

估唔到汁同意份原來是分開上的，客人可以自己選擇落幾多汁，真係好貼心喔

一邊食一邊撈，汁裡面有好外火腿同雞絲，又有好多粟米粒，用料充足
個汁就係忌廉汁，甜甜地囉，由於份量算多，雖然已經好努力食，但都係食唔晒。