Sum-yee 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2015-04-15
上次同老公食完覺得超正,今次帶朋友去食。 三個女仔三個餐,飽到不得了。 無諗過餐廳仔都有羊架食,呢個羊架意大利飯好好食,首先羊架可以自己揀幾多成熟,哈,其實佢唔問我都唔知應該幾多成,最後我地話是但。總之最後出到黎果時係剛剛熟,而中間又有少少生咁啦!朋友話呢個口感超嫩,食到好香羊肉味,而且一啲雪味都無,好欣賞喎。不過小妹唔係特別好羊,所以基本上成碟都係朋友食晒。 話說呢間店自稱係用美國薯仔黎做焗薯,今次終於試到。首先焗薯賣相好靚,開晒花咁,而且好夠熱。食落口有淡淡嘅薯仔香,由於個侍應話可以配海鹽食,所以我地張舊薯切開幾份,有啲配碎蛋沙律,有啲配海鹽。小妹就鐘意配海鹽,因為可以帶出舊薯仔嘅甜味。
評分: 味道 5 環境 4 服務 5 衛生 4 抵食 4
2015-02-28
情人節陪老公去旺角買野,行到邊就食到邊, 估唔到竟然有驚喜。 首先係紅湯加蒜蓉包 湯嘅酸度同辣度剛剛好,當中又帶點甜味,而且濃度適中 蒜蓉包夠脆,浸湯一流,不過略嫌唔夠蒜蓉 什菌牛柳配扁意粉 牛柳好淋同好入味,個汁就普普通通啦, 扁意粉軟硬度適中,而且本身已經有味,就算唔撈汁都可以 日式吉列豬扒肥牛大碗飯 呢個真係有驚喜,本來以為係普通嘅炸豬扒, 但食入口鬆化又有肉汁,係超超好食 另一個驚喜係呢杯玫瑰花蜜 擺低果時白雪雪,搞搞下就變成淡粉紅色, 飲落口有甜絲絲嘅玫瑰花味,感覺好潤喉呢 推介美食: 玫瑰花蜜,吉列豬扒
評分: 味道 5 環境 4 服務 4 衛生 4 抵食 5
2015-01-18
雖然係冬天,凍冰冰,但藍色嘅裝潢好似去咗frozen一樣,如果有埋公主係度就好了 店內嘅聖誕佈置好有氣氛 薑餅人雪糕比朋友食咗,只係影到一塊薑餅,味道夠薑得黎又帶有小小甜,好想食多塊 今次主打糕點,揀咗香濃檸檬撻 睇落去好似蛋撻,以為無咩特別,但食落口⋯ 哇!超有驚喜! 味道好清新,有濃厚嘅檸檬香味,略酸但又有少許甜味,令人好開胃,簡直係刺激味蕾。 連埋撻皮一齊食,中和口腔酸性,正 推介美食: 檸檬撻
評分: 味道 5 環境 5 服務 4 衛生 4 抵食 3
|