以前晏晝行過見到依間餐廳都無咩人既，不過依加左個燒味部，係，你無睇錯，係燒味部，就正正因為個燒味部，我以為係第二間餐廳，繼而中哂伏......
當日同女友行到攰攰地，又落緊雨，咁就諗住食個下午茶啦，點知一入到去坐低，就心知不妙啦，望一望個餐牌，啲下午茶就得幾款，咁都算啦費事行，女友就叫左個蕃茄濃湯司華力腸，我就叫左個價值50蚊既切雞燒腩飯，其實價錢唔係最大問題，問題係唔值囉，首先個蕃茄濃湯唔好話濃，係一啲蕃茄味都無呀，有既就只有咸味，一碗咁既野加杯野飲下午茶價收我36，我真係無野講，而杯熱茶走就得好淡既茶味，咁到我個飯啦，收我50蚊我有返小小期望都唔過份啦，點知期望只會換黎失望，啲雞咩味都無，飯就得小小，真係完全唔掂當，唯一可以話有少少水準既就係燒腩仔，本人就覺得可以，女友就話個皮可以再脆啲，btw如果係食晏既就真係唔好去啦，以免食完喊三聲......至於夜晚間餐廳係買烤魚嗰啲，我未食過就唔評論啦