朋友生日，我提議去杭州酒家，只因之前我同同事去過一次，其酒家嘅東坡肉真係令我沒齒難忘!

我哋一行十人，叫咗以下:

炸臭豆腐 - 夠晒臭，不過我覺得旺角嗰啲再臭啲
東坡肉 - 比起上次入口即溶、肥而不膩，今次好似上次食好食啲
海浙頭 - 開胃小食，酸酸地，正
小籠包 - 上次已經覺得皮厚，所以十個人只不過叫咗4隻試下。保持水準都係咁厚!
炸響鈴 - 本人唔鍾意食炸物，不過同行朋友對呢個嚮鈴讚不絕口
三鮮魚丸 - 初試嗁朋友千其唔好用對普遍嘅魚蛋嚟對佢，因為佢完全唔彈牙
八寶飯 - 糯米有點蜜棗的味道,煎得香口
富貴童雞 - 焗得太耐雞肉變老，麻麻地
老鴨湯 - 老火湯，第一淡已經飲得出，清清地，正!!
杭州時菜 - ok，無乜特別
煎餃子 - 出奇地好食喎，皮脆肉嫩

生日點可以無啤酒，呢道嘅啤酒偏貴。下次生日飯可以選擇第2間。

同屋企人慶祝生日，揀咗屋企附近嘅呢間寶湖酒家。因為已經裝修咗一排，所以都有啲舊，沙發都有啲爛!

叫咗個4人餐再加多個炒介蘭:

翅: 咸到震
脆肉瓜炒珊瑚蚌 : 都係咸但還可接受
金黃蝦 : 幾好，蝦頭同蝦身分開炒。蝦頭仲剝埋殼，可以一啖就食到，蝦身都OK新鮮
南乳燒雞 : 無乜特別，可以啦
炒介蘭 : 勁油，仲炒燶咗啲，但食落又無乜事

總括嚟講都ok，但水準有仲有好大空間進步。

本身住喺西環嘅我，BBQ由開業到而家我都有幫襯。

近呢個禮拜我同男朋友再幫襯但感覺非常唔好，決定

而後都唔會幫襯。

反感原因:
1) 勁加價：由原本$12/ 3 塊多士變到今日$6 一塊(加咗

50%)。本人都做過飲食業，明白加價係無可避免，但

加價幅度太驚人!!
2)來餸太慢：唔知係策略定真係要咁耐，叫了20碟野

，半個鐘先嚟得２碟。問嗰個呀姐，佢就話check吓，

之後就無咗影。我哋就而為漏單，只好再落過單，十分鐘後啲餸打孖嚟。炒餸就話一切炒方便啲快啲，想問吓BBQ打孖一齊燒會用少啲時間嘅咩？
3)味道碟碟一樣：開業嘅時候一啲味精都無，過咗一排可能多咗人去，但求快食得出落咗好多味精。到了而家，味精少咗但加咗七味粉所以碟碟味道都一樣。

BBQ本是我其中一個最鍾意去嘅地方，留低唔少腳毛。質素淪落都而家咁，一定唔會再去！！

豬餿餐廳原因
1. 應凍唔凍 - 壽司完全唔凍但有陣雪味
2. 應熱唔熱
3. 服務態度差 - 埋單$144，我攞左一張100蚊，2張20蚊同一張$10，之後我唸住攞返10蚊俾$4佢就走啦。但當我搵緊$4時個店員無端端攞左我張$10話：「多謝！收你150蚊。」如果係咁不如俾個銀包你自己攞錢啦
4. 話最厚切三文魚壽司 - 欺騙!!

總之食完就唔知點，飽又唔飽，餓又唔餓，淨係知自己食左d好難食嘅野!! Crab

第一次食lee間bbq已經講緊成年前,佢地仲係得一間舗,嗰時真係幾好。但好似從佢地開咗第二間舗之後,好似無晒心機做咁,所有野都用晒味精。尋日食完今日仲口渴,如果無心做開十間都無用啦, 不如改名叫MSG (味精英文)唔好叫BBQ啦.......

我公司喺附近,所以有時都會去呢間日本餐廳食LUNCH,我去過兩次,兩次印象都好好。兩次我都係叫埋同樣既野, 因為真係好鬼扺。首先叫個SET, 包括有一個牛肉豆腐湯, 鰻魚飯(細)一碗, 青菜沙律一份, 吉列豬扒一份(大約$58)；兩個人去加多6件壽司就一定夠。
D壽司真係要一提, 新鮮不突止,D肉仲好厚, 飯同肉既比例係1:1,大約$12-$16一碟, 有咁既質數好過去元綠,元氣啦......

大約一個月前有個朋友睇openrice發現呢間泰國餐廳, 第一次去真係覺得佢吔好慢,不過之後去第二、第三次都OK,因為第二、三次我地10個人已經唔洗睇MENU都知叫乜,一O黎就狂叫。不過唔知係唔係物漲船高,第二去已經發覺佢加O左價(每碟大約加O左$5)。

必食之選:
海南雞飯(D飯好正, D雞又好鬼嫩)
生蝦(記住食理塊蒜頭)
鳳爪(本人至愛)
木瓜沙律(酸酸甜甜,好好味)
豬頸肉(肉質鮮嫩)

Sorry 本人真係唔記得幾多錢因為我地狂食狂飲, 每人只不過係2百幾蚊。記得係狂食狂飲.....