放工返到黎，梗係想醫飽肚
幾個月前新開張，幫襯過一次早餐麻麻地，諗住俾正價睇下會唔會有驚喜．．．

點了: 酸辣米線($20) 加一送(豬扒，$5)

1. 份量唔OK
一個女仔都唔夠飽，我已經連湯都飲左一半先抆水地飽。

2. 料都唔OK
唔足料，大家望下塊豬扒，好似缺水缺糧左成世先被人劏咁，少到喊
酸辣湯底甚麼腐竹肉碎大概得2,3條/粒
我一面撩一面覺得搵左笨

3. 味道極度一般
其實係同自己碌既米線冇分別，重點在於湯底，但佢都做得唔好
不過咁，如果做人冇乜要求，又懶行過始創個邊食米線既話，都可以一試既（但唔鼓勵）

早之過對面廣東燒味、大記食好過，
至少我付出＄２５蚊係會食得飽囉。

或者，早知番屋企煮麵食仲好。

外賣+1蚊

=$25

由十歲每星期陪祖母來吃香港其中一間僅存最傳統的雲吞麵店，到現在二十多歲人，屹立不倒，事實上，價錢亦沒有太大變化。

以前年紀小，經驗淺不懂欣賞，對跑到老遠來「吃碗雲吞麵之嘛！」不以為然，
現在卻嘆在市區很難找到像樣的細蓉。

現在人們都慣吃大大粒代兵乓球般的雲吞麵，不過甚麼都是演變出來，市場接受就是了。

這裡的雲吞很香的，女生也要吃起碼一碗麵加多碗淨雲吞才有野到肚。
但好味就是真的。

真係好好好味！

（有點誇張，自己都覺得好似賣近廣告咁。。。）

＊＊

辛勞一天，又係時候買番條骨獎勵自己。

七點幾行過，冇骨賣喎。又唔甘心吃差天共地的燒肉（但明明係同一隻豬，唔知點解差咁遠）

兜個圈十分鐘再返來，新鮮燒豬剛剛出爐！！！

前面兩位大兄都要一條骨。

搭lift時已偷食了一舊：又香又軟綿綿又多汁，皮又脆卜卜。

$90實在好貴，但冇法子，唯有佢既燒腩最得我心。。。

要好味，真係要捱鬼野。

P.S　記住要趁熱食!!!

P.P.S 睇返Open Rice 2006年食評，個陣一斤燒腩先$90，依家要$130，真係百物騰飛。

不過回頭說，以前OR食評話佢成日要排隊，

返來香港呢幾個月，都冇再見過條隊去到隔離鋪位，最多都係小貓三四隻。

可能真係海嘯，這種貴價燒味都少人幫襯。

（相反，放工時間，隔離廣東燒味長期維持四五個等）

其實尋日先買了一條骨吃（約半斤，$65），食過翻尋味，今年見前面個阿太買半斤燒肉才$55，又記得openrice到有人提過這鋪的燒腩和燒肉冇乜分別，就要半斤燒肉啦。

點知。。。

真係天淵之別！！

一條骨係好食好多好多好多好多！！！（雖然貴十蚊）

記住要買燒腩骨食呀：
味香，
皮超級的脆，
充滿咸香，
仲有豐富的肉汁，仲漏到成個膠袋都係。
（小妹寡聞，未試過買外賣燒肉係會有汁漏。）

燒肉呢：
皮都好脆，
咸咸地，因為冇乜汁，所以覺得都幾咸，
比較乾，感覺同普通燒肉冇乜分別。

報價：
燒肉$110 斤
燒腩$130斤
（真的好貴，唔捨得成日食，但眼見隔離的廣東燒味都要$96斤燒肉時，就都係乖乖去永合隆啦）

真的唔慳得。

特登上網睇過先黎．

一向都好支持小店，睇完食評覺得ok有誠意．

午飯時間，推開門，入面十幾張台先得一台客，唔通隱閉累事？

＊＊＊＊＊

【唔抵食】

打正旗號賣米線，差極有譜啦心諗．

點了雞肉，煙鴨胸，秀珍菇酸辣米線．

一般到極，份量好少（譚仔一半），湯稀稀的，一味酸，唔辣，冇乜配菜，係得酸菜．

煙鴨胸ok，但百佳熟食貨色個種囉只係，唔特別

雞肉明顯冇飛水，一陣雪味．

＊＊＊＊＊

【一肚氣】

埋單：$35

張紙寫住 $19單送，每加一個送$3蚊，旁邊寫住「凍飲加兩蚊」，
咁我叫三送，加熱飲，即係＝$25啦？

下？下？下？咁點解係：＄３５呢請問？
我諗我當時都下得幾誇張．

個阿姐話係餐黎架喎．我睇晒成台餐牌都冇話有餐，而個餐係$35喎！！！

唔係依據我剔個張紙架咩？

好唔順氣，但都冇法子，無奈地走人．

最諷刺係，甫出門口，頂，原來對面有譚仔囉，d人圍攻城牆咁等位．（心諗，又洗唔洗多人得咁緊要？）

＊＊＊＊＊＊

【建議】

我對呢間食店既建議係：

一，改善食物質素，一個女仔米線都冇八成飽，可想以知幾細份

二，Mark up唔好咁恐怖，咁既質素，點值＄３５呀?唔係點同對面平靚正兼大大碗既譚仔鬥？

三，最好大開道門啦，門面封閉式黑媽媽，唔係上網睇過都唔會入去

四，門口出面冇餐牌冇價錢，人地預算唔到都唔入黎食啦．

五，餐台唔該放清楚d價目表，唔好等客人食完找數先打個突，走出門口一肚氣，幾好味都死啦

雖然見咖喱唔錯，但都唔會返轉頭．
全香港咁多好味，First Impression好重要，冇晒好印象，所以唔會回頭．

元朗美食多，連燒味店也多過人。

每次買燒肉，回家途中都忍不住偷食，但一定要買燒腩或成條骨買才包好食，因為就咁燒肉，有時部份不對，便吃不到那種入口溶化的感覺。
所以，每次我都寧願俾多d錢，買舊好d

燒鵝味道濃口，連皮食更是香得不捨得食。

一到6時左右，便大排長龍，因為真的又平又好味。

再黎小肥羊，都係為佢湯底

一入去，已香氣撲鼻，食慾大增

旺角分店，鴛鴦湯底極多蒜頭，我是好蒜之人也覺太多；麻辣那邊極咸，愈滾愈咸，朋友直情噎不下嚥。

點了羊肉拼牛肉，牛肉沒有味道，切得像羊肉薄片，沒有咬口

不過，珊瑚蚌好味（橙色個隻），好爽口，但又是比銅鑼灣遜，切得很大塊，三個人每人一片起兩片至已玩完。

芝心丸，必嗌

下次再食都只會去銅鑼灣分店

名符其實的「坐地起價」店！

住係附近，成日幫襯，睇住由佢做埋下午茶，到依家剩係做夜晚同宵夜，睇住佢d價錢上升快過火箭

食物方面，就時好時壞，而且樣樣貨品唔同，水準好唔平均。
有d就真係幾好味，如豬扒麵，豬扒炸得好香，食完想再食；雞絲翅等。

亦有d真係好難食，如炒公仔麵，麵異常地乾，完全食唔落口，冇味冇道，絕對自己煮係好食過佢。


大概佢真係唔憂做，因為夜晚宵夜時份（12點打後），的確非常多人。

小肥羊，我一家人都認為，除了湯底，不太值得再去

鴛鴦底，清湯及麻辣，兩邊都一樣美味。

這地盤人人對其羊肉評價都不錯，但我們就覺得切得過份薄，每次都「羊沉大海」，一放下去，轉個頭便變身極極極細粒，放入口，就好像沒有放入口一樣，

不知道係咪因為我地點錯食物至此？
遲下再去，再驗證過

銅鑼灣這間，侍應們都是懵盛盛，不知是否老細不在場？問非所答，答又唔識答，又要問番人...
但都算有禮貌

可以再去，食物不特別，而且貴，食了5-6碟，埋單近$400，又不是特別鮮特別好味

再去，都只為鍾愛湯底

未試過，一試無妨

此店極為嘈吵，幾乎連自己講野都聽唔到。

試左一個芒果雞肉pizza，皮不脆也不酥化，一口麵粉，芒果雞肉混埋的確幾fresh，但整體水準已屬中下。

一客甚麼豆卷，粉太厚，都像是在吃麵粉，加埋卷裡的豆，更加變成「一pat pat」

茄汁雲吞，是全晚最好吃的送，可惜只有十數舊，吃得不夠，幸好有之前的「粉糰」打底。

已聽聞過此店不行，偏向虎山行
「不會再來」！